ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⵉⴼⴰⵡⵜ ⵏ ⵓⴽⵕⴰⵙ 21 ⴷⵓⵊⴰⵏⴱⵉⵔ 2022, ⵜⴰⴳⵔⵓⵎⵎⴰ ⵏ ⵓⵏⴳⵉⵙⵏ ⵏⵉⵖ ⵉⴷ ⴱⵓ ⵉⵣⵔⴼⴰⵏ, ⵏⵏⵉ ⵎⵉ ⴷ ⴼⴼⵓⵖⵏⵜ ⵜⵖⵜⴰⵙⵉⵏ ⵜⵉⵏⴱⴹⴰⵢⵉⵏ, ⴹⴰⵕⴰⵜ ⵎⴰⴷ ⵙⵎⵏⵉⴷⵏ ⴰⵔⵔⴰⵜⵏ ⵉⵜⵜⵓⵙⵙⵓⵖⵏⵏ ⴳ ⵓⵎⵏⵉⴷ ⴰⴷ. ⵥⵍⵉⵏ ⵉⴷⵔⵉⵎⵏ ⴰⴷ ⵏ ⵡⴰⵔⵔⴰⵣ ⴷ ⵓⵙⵉⴷⴼ ⴰⵏⴰⵎⵓⵏ ⵙ 246 ⵏ (ⵜ)ⵓⵎⵙⴱⵖⵔ(ⵜ), ⵙ ⵢⴰⵏ ⵡⴰⵜⵉⴳ ⴰⵎⵓⵜⵜⵔ ⵉⴳⵓⵍⴰⵏ 21.886.272,00 ⵏ ⵉⴷ ⴷⵔⵀⵎ.
ⴳ ⵓⵎⵢⴰⵖ ⴰⵡⵔⵎⴰⵏ ⴰⴽⴷ ⵉⵎⵏⵜⴰⵢⵏ, ⵜⵙⵉⵙⴼⵉⵡ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⵓⵔ ⴳⵉⵏ ⵉⴷⵔⵉⵎⵏ ⵏ ⵡⴰⵔⵔⴰⵣ ⴷ ⵓⵙⵉⴷⴼ ⵏⵏⵉ ⵉⵜⵜⵡⴰⴼⴽⴰⵏ ⵉ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ ⴰⵙⵙ ⴰⴷ ⵉⵙⵖⵍⴰⴼ ⵉⵎⴰⵢⵏⵓⵜⵏ (ⵓⵔ ⵉⴳⵉ ⵙⴳ ⵜⵥⵍⴰⵢⵉⵏ ⵏ ⵓⵏⴳⵎⴰⵎ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ ⴰⵙⵙⵓⴼⵖ ⵏ ⵉⵙⵖⵍⴰⴼ ⵉⵎⴰⵢⵏⵓⵜⵏ), ⵎⴰⵛ ⴳⴰⵏ ⵢⴰⵏ ⵓⵙⵔⵙ ⵙⴳ ⵉⵙⵔⴰⵙ ⵏ ⵓⵙⵎⴰⴷ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ. ⵉⵜⵜⵡⴰⵙⵙⴰⵏ ⵓⵙⵏⵓⴱⴳ ⴰⴷ ⴰⵡⴷ ⵙ ⵓⵎⵢⴰⵖ ⵏ ⵜⵓⵚⴽⵉⵡⵜ ⵜⴰⵎⵙⵙⵓⴳⵓⵔⵜ ⵉⵜⵜⵡⴰⵙⵔⴰⵙⵏ ⵖ ⴷⴰⵔ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵉⵜⵜⵓⵙⵎⴰⴳⵍⵏ ⵙ ⵓⴹⴼⴼⵓⵕ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴰⴽⴷ ⵓⵏⴳⵉⵙⵏ ⴷ ⵉⴷ ⴱⵓ ⵉⵣⵔⴼⴰⵏ, ⴷ ⵓⵎⵔⴰⵔⴰ ⴰⴽⴷ ⵉⵙⵇⵙⵉⵜⵏ ⵏⵏⵙⵏ(ⵜ) ⴷ ⵓⵙⵎⵏⵉⴷ ⵏ ⵉⵙⵉⵙⴼⵉⵡⵏ ⵉⵜⵉⵇⵏⵉⵢⵏ ⵉⵜⵜⵓⵙⵓⵖⵏⵏ ⵣⴷⵉⵏⵉⵏ ⵙ ⵉⵙⴷⴰⵡⵏ ⵏⵏⵙⵏ(ⵜ).
ⵜⴷⴷⴰ ⴷ ⵜⵓⴽⴽⵉ ⵏ ⵉⴷⵔⵉⵎⵏ ⵏ ⵡⴰⵔⵔⴰⵣ ⴷ ⵓⵙⵉⴷⴼ ⴰⵏⴰⵎⵓⵏ ⴰⵙⵙ ⴰⴷ ⴳ ⵜⴳⵉⵔⴰ ⵏ ⵓⵙⴳⴳⵯⴰⵙ ⵏ ⵜⵡⵓⵔⵉ, ⵉⵙⵙⴼⵍⴷ ⴳⵉⵙ ⵓⵙⵇⵇⵉⵎ ⵉ ⵉⵎⵏⵜⴰⵢⵏ ⵉⵎⵛⴰⵡⴰⵕ ⴷⵉⴷⵙⵏ ⵅⵉⴼⵙ. ⵎⴽⴷⴰ ⵉⴼⴽⴰ ⵓⵙⵇⵇⵉⵎ ⴰⵙⴳⴳⵯⴰⵙ ⴰⴷ (ⵎⴰⵢⵢⵓ 2022) ⵉⴷⵔⵉⵎⵏ ⵏ ⵓⵙⵉⴷⴼ ⴰⵏⴰⵎⵓⵏ ⵉ 98 ⵏ (ⵜ)ⵓⵎⵙⴱⵖⵔ(ⵜ), ⵙ ⵢⴰⵏ ⵡⴰⵜⵉⴳ ⴰⵎⵓⵜⵜⵔ ⵉⴳⵓⵍⴰⵏ 3.597.222,00 ⵏ ⵉⴷ ⴷⵔⵀⵎ. ⵉⴹⴼⵓⵕ ⵓⵙⵇⵇⵉⵎ ⵜⵓⴽⴽⵉ ⵏ ⵜⴽⴰⵕⴹⵉⵡⵉⵏ ⵏ ⵜⴷⵓⵍⵉ ⵜⴰⴷⵓⵙⴰⵏⵜ, ⵢⴰⵡⴹ ⵓⵟⵟⵓⵏ ⵏ ⵉⵎⵙⴱⵖⵔⵏ 19.929 ⵏ (ⵜ)ⵓⵎⵙⴱⵖⵔ(ⵜ), ⵙ ⵢⴰⵏ ⵡⴰⵜⵉⴳ ⵉⴳⵓⵍⴰⵏ 216.138.771,00 ⵏ ⵉⴷ ⴷⵔⵀⵎ ⵙⴳ ⵜⵎⵙⴰⵙⵜⵍⵜ ⵜⴰⵎⴰⵜⴰⵢⵜ ⵏ ⵓⵡⴰⵏⴽ. ⵎⴽⴷⴰ ⵢⵓⵙⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⴳⴳⵯⴰⵙ ⴰⴷ ⵜⴰⵎⴰⵙⴰⵢⵜ ⵏ ⵓⴼⵔⵔⵓ ⵏ ⵜⵎⵇⵕⴰⴹ ⵜⵉⵎⵙⵏⵉⵊⵊⵉⵜⵉⵏ ⵏⵏⵉ ⵓⵔ ⵢⴰⵎⵓⵏ ⴳ ⵜⴷⵓⵍⵉ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵎⴰⴷⴷⴰⵙⵉⵏ ⵏ ⵓⵖⴹⴰⴼ ⴰⵏⴰⵎⵓⵏ (CNOPS) ⵉ ⵚⴹⵉⵚⵜ ⴷ ⵎⵔⴰⵡⵜ ⵏ ⵜⴽⵛⵛⵓⵎⵉⵏ ⵜⵉⵎⵙⵏⵉⵊⵊⵉⵜⵉⵏ ⵉⵜⵜⵓⵖⴰⵡⵍⵏ, ⵢⵓⵡⴹ ⵡⴰⵜⵉⴳ ⵏⵏⵙ 68.639,88 ⵏ ⵉⴷ ⴷⵔⵀⵎ.
ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵜⵙⵙⵏⵜⵉ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⴰⵏⴰⴼⵜ ⴷ ⵓⵙⴼⵍⵙ ⴰⴼⵔⵔⵓ ⵏ ⵉⴷⵔⵉⵎⵏ ⵏ ⵜⴰⵏⴰⴼⵜ ⵜⴰⵏⵙⵎⴰⴷⵜ ⵉ ⵉⵎⵍⵜⴰⵖⵏ ⵏⵏⵉ ⵉⴳⵓⵍⴰⵏ ⵜⴰⵏⴰⴼⵜ, ⵙ ⵓⵎⵙⴰⵙⴰ ⴰⴽⴷ ⵜⵎⵢⴰⵇⵇⴰⵏⵜ ⵉⵜⵜⵓⵙⵙⴳⵎⴹⵏ ⴳ ⵎⴰⵢⵢⵓ 2021 ⵣⴷⵉⵏⵉⵏ ⵙ ⵓⵙⵎⵙⴰⵙⴰ ⵏ ⵜⴰⵏⴰⴼⵜ ⵜⴰⵏⵙⵎⴰⴷⵜ ⵉ 99 ⵏ ⵓⵎⵙⴱⵖⵔ ⵙⴳ ⵓⵏⴳⵉⵙⵏ ⵏⵏⵉ ⵉⵜⵜⵓⵙⵙⵉⴷⴼⵏ ⵢⴰⴷ ⴳ ⵜⵙⵖⵏⵜ ⵜⴰⴳⴷⵓⴷⴰⵏ. ⵜⵣⴷⵉ ⵜⵙⵇⵇⵉⵎⵜ ⵏ ⵓⴹⴼⴼⵓⵕ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ ⴰⵎⵢⴰⵡⴰⴹ ⵏⵏⵙ ⴰⴽⴷ ⵜⵡⵊⵉⵡⵉⵏ ⵏ ⵓⵏⴳⵉⵙⵏ ⵃⵎⴰ ⴰⴷ ⵙⵎⵏⵉⴷⵏ ⴰⵔⵔⴰⵜⵏ ⵉⵜⵜⵓⵙⵓⵖⵏⵏ ⵉ ⵓⵙⵙⵓⴼⵖ ⵏ ⵜⵖⵜⴰⵙⵉⵏ ⵜⵉⵏⴱⴹⴰⵢⵉⵏ ⵙ ⵓⵎⵙⴰⵙⴰ ⴰⴽⴷ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ.
