“ⴰⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵣⵎⵣ ⵏ ⵓⴱⵟⵟⵓ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⴷ ⵓⵏⵄⴰⵕ ⵅⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ ⴷ ⵜⴷⵔⴰⵡⵜ ⵜⴰⵎⵢⴰⴳⴰⵏⵜ ⴳ ⵓⵙⵔⵓⵙ ⵏ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⴷ ⵓⵙⴱⵓⵖⵍⵓ ⵏⵏⵙⵏ”. ⵖⵎⴽⴰⴷ ⴰⵙ ⵜⵙⵔⵙ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⴰⵜⵉ ⵏ ⵓⵏⵄⴰⵕ ⴰⵙⵙ ⴰⴷ ⵅⴼ ⵓⵙⵎⵔⵙⵍ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵓⵍⴰⵏⵜ ⵏⵏⵙ ⴷ ⵜⵎⵢⴰⴳⴰⵏⵜ ⵏ ⵜⴷⵔⴰⵡⵜ ⵏⵏⵙ ⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ. ⵉⴷⴷⴰ ⴷ ⵎⴰⵢⴰ ⵏⵏ ⴳ ⵢⴰⵜ ⵙⴳ ⵜⵖⵉⵎⵉⵜⵉⵏ ⵜⵉⵎⵣⵡⵓⵔⴰ ⵏ ⵓⵙⵏⵜⵉ ⵏ ⵜⵡⵓⵔⵉⵡⵉⵏ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵙ ⵏ ⵓⵙⵉⵏⴰⵙ 21 ⵎⴰⵕⵚ ⴳ ⴱⵢⵓⵏⵉⵙ ⴰⵢⵔⵉⵙ, ⴳ ⵢⴰⵏ ⵓⵏⵎⵓⵇⵇⴰⵔ ⴷ ⵢⵓⵡⵉⵏ ⵅⴼ “ⵓⴱⵔⵉⴷ ⴷ ⵓⵎⵣⵔⵓⵢ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ”. 

ⵜⵙⵙⴽⵕⵥ ⵎⴰⵙⵙⴰ ⴱⵓⵄⵢⵢⴰⵛ ⵅⴼ ⵓⵙⵓⵖⵏ ⵏ ⵙ ⵓⵙⵔⵓⵙ ⵏ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵓⵥⵥⵓⵎⵜ ⵏ ⵜⴷⵉⵏⴰⵎⵉⵜ ⵉⴱⴷⴷⵏ ⵅⴼ ⵓⵙⵎⴰⴷ ⵏ ⵜⵎⵉⵣⴰⵔ ⵏ ⵉⴼⴼⵓⵙ, ⴷ ⴰⴷ ⵉⴳ ⵜⴰⵎⵙⵓⵍⵜ ⵏ ⵓⵎⵔⴰⵔⴰ ⴷ ⵓⴱⵟⵟⵓ ⵏ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⵣⵎⵔⵏⵉⵏ ⴰⴷ ⵙⴱⵓⵖⵍⵓⵏⵜ ⵜⵉⵙⵜⵔⴰⵜⵉⵊⵉⵢⵉⵏ ⵜⴰⴳⵜⵉⵔⴰⵏⵉⵏ ⴷ ⵜⵎⴳⴳⵉⵜⵉⵏ ⵛⵛⴰⵕⵏⵉⵏ ⵣⵎⵔⵏⵉⵏ ⴰⴷ ⵙⵙⵉⵡⴹⵏ ⴰⴳⵕⴹ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵙⴱⵓⵖⵍⵓⵏ ⵜⵉⵎⵙⴽⵔⵉⵏ ⵏⵏⵙⵏ. ⴳ ⵓⵎⵏⴰⴹ ⴰⴷ, ⵜⵔⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵏⵏⵉ ⵉⵏⴱⴹⵏ ⵢⴰⵏ ⵓⴽⴰⴱⴰⵔ ⴰⵣⵔⴼⴰⵏ ⴰⴽⵙⵡⴰⵜ ⴳ ⵍⵍⴰⵏ ⵉⵎⴳⴳⴰⵢⵏ ⴷ ⵉⵎⵓⵣⴰⵢⵏ ⵉⵎⵖⵔⵉⴱⵉⵢⵏ ⴷ ⵉⴼⵔⵉⵇⵉⵢⵏ ⴷ ⵉⴳⵔⴰⵖⵍⴰⵏⵏ, ⵎⴰⵙ ⵎⵓⵔⵙⵏ ⵉⵎⴷⵔⴰⵡⵏ ⵏ ⵓⵙⴳⵔⴰⵡ ⴰⵎⵣⵡⴰⵔⵓ ⵏ ⵕⵕⴱⴰⵟ ⵉ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵎⵣⴰⵔⴰⵢ ⵏ ⵉⵎⵓⵖⵍⵏ ⵏⵏⵙⵏ ⴷ ⵜⵡⵎⴰⵏⵉⵜ ⵏⵏⵙⵏ, ⴳ ⵓⵏⵄⴰⵕ ⵅⴼ ⵓⵙⵉⵙⴼⵉⵡ ⵏ ⵜⵉⵍⴰⵍⵉⵏ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴳ ⵓⵙⴱⵓⵖⵍⵓ ⵏ ⵉⵔⵎⵎⵓⵙⵏ ⵉⵣⵔⴼⴰⵏⵏ ⴷ ⵜⵣⵎⵔⵜ ⵏⵏⵙⵏ ⵅⴼ ⵜⴷⵔⴰⵡⵜ ⴳ ⵜⵙⵉⵍⴰⵡⵜ ⵏⵏⵙⵏ ⴳ ⵉⵎⵓⵙⵙⵓⵜⵏ ⵉⴳⵔⴰⵖⵍⴰⵏⵏ, ⵎⴰⵢⴰ ⵏⵏ ⴰⴷ ⵉⴳⴰⵏ ⵜⴰⴷⴰⵙⵉⵍⵜ ⵏ ⵓⵣⵣⵉⴳⵣ ⵏ ⵓⵏⵄⴰⵕ ⴰⴳⵔⴰⵖⵍⴰⵏ ⴳ ⵓⵙⴳⵔⴰⵡ ⵏ ⵍⴰⵕⵊⵓⵏⵜⵉⵏ ⵏⵏⵉ ⵉⵙⵡⵓⵜⵜⵙⵏ ⵜⵉⵖⴱⵉ ⵏ ⵓⵎⴹⴰⴽⴰⵕ ⵅⴼ ⵜⵣⵣⵉⴳⵣⵉⵏ ⵜⵉⵎⵇⵇⵔⴰⵏⵉⵏ ⴷ ⵉⵏⴰⵥⴰⵕⵏ ⵉⴽⵙⵡⴰⵜⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ. 

“ⴳ ⵜⵎⴰⵖⵉⵜ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ, ⴽⴽⴰⵏ ⴱⴷⴷⴰ ⵉⵎⵙⵍⵉⵜⵏ ⵏ ⵉⴼⵔⵉⵇⵢⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⴰⵙⵉⵢⴰ ⵜⵜⵓⵙⵙⴼⵍⴷⵏ, ⴼⴰⵡⵏ ⴽⵉⴳⴰⵏ, ⵃⴹⵓⵢⴰⵜ ⴰⵖ ⴰⴷⴷⵓⵔ ⵏ ⵉⵎⵙⵍⵉ ⴰⴷ ⴰⵎⵙⵎⵓⵏ ⴳ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⴹⴰⵕⴰⵜ ⵏⵏⵙ... ⵉⵎⵙⵍⵉ ⵏ ⵓⴱⵓⵔⵣ, ⵉⵎⵙⵍⵉ ⵏ ⵜⵣⵔⴼⵜ ⴷ ⵉⵎⵙⵍⵉ ⵏ ⵉⵙⴽⵉⵍ...”, ⴰⴷ ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵏⵎⵓⵇⵇⴰⵔ ⴰⵎⵣⵡⴰⵔⵓ ⵏ ⵓⵏⵄⴰⵕ ⴰⴳⵔⴰⵖⵍⴰⵏ ⵏ ⵓⵙⵇⵇⵉⵎ ⴳ ⵓⵙⴳⵔⴰⵡ ⵏ ⴱⵢⵓⵏⵉⵙ ⴰⵢⵔⵉⵙ. ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⴱⴷⴷⴰ ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵓⵥⵥⵓⵎⵜ ⵏ ⵓⵏⵄⴰⵕ ⴰⴳⵔⴰⵖⵍⴰⵏ ⵅⴼ ⵉⵣⵔⴼⴰⵏ ⴷ ⵜⴷⵔⴼⵉⵏ ⴳ ⵓⵙⴳⵔⴰⵡ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⵉ ⵉⵙⵙⵏⵜⵉ ⴳ ⵍⴱⵕⴰⵥⵉⵍ ⴳ ⵜⵙⵓⵜⵍⵜ ⵏ ⴱⵕⴰⵥⵉⵍⵉⵢⴰ 2013, ⴷⴰⵜ ⴰⴷ ⵉⵎⵎⴰⵜⵉ ⵓⵙⴳⵔⴰⵡ ⵙ ⵎⵕⵕⴰⴽⵛ 2014, ⵉⵍⵎⵎⴰ ⴰⵙⴳⵔⴰⵡ ⵏ ⵕⵕⴱⴰⵟ 2023, ⴷⴰⵜ ⵜⴰⵙⵓⵜⵍⵜ ⵏ ⴱⵢⵓⵏⵉⵙ ⴰⵢⵕⵉⵚ (ⵎⴰⵕⵚ 2023). 

ⵉ ⵓⵙⴽⵜⵉ, ⵉⵙⵏⴱⴳⵉ ⵓⵏⵙⵙⵉⵅⴼ ⵏ ⵍⴰⵕⵊⵓⵏⵜⵉⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴳ ⵢⴰⵜ ⵜⴼⵓⴳⵍⴰ ⵉⵥⵍⵉⵏ ⵙ ⵡⵓⴷⵎⴰⵡⵏ ⵉⵎⵇⵇⵔⴰⵏⵏ ⴷⵔⵓⵏⵉⵏ ⴳ ⵓⵙⴳⵔⴰⵡ ⴳ ⵓⵙⴰⵔⴰⴳ ⴰⵏⴰⵎⵓⵔ ⴷ ⵓⵍⴰⵜⵉⵏⵉ-ⴰⵎⴰⵔⵉⴽⴰⵏ. ⵙⴳⵉⵙⵏ ⴰⵏⵙⵙⵉⵅⴼ ⵏ ⵖⵉⵍⴰⴷ ⵏ ⵓⵡⴰⵏⴽ ⵏ ⵍⴱⴰⵕⴰⴳⵡⴰⵢ ⴷ ⵉⵏⵙⵙⵉⵅⴼⵏ ⵉⵎⵣⵡⴰⵔⵏ ⵏ ⵉⵡⴰⵏⴽⵏ ⴰⴷⵊⴰⵕⵏ (ⴽⵓⵍⵓⵎⴱⵢⴰ, ⴱⵓⵍⵉⴼⵢⴰ,...) ⴷ ⵓⵏⵙⵙⵉⵅⴼ ⴰⵎⵣⵡⴰⵔ ⵏ ⵜⵏⴱⴰⴹⵜ ⵜⴰⵚⴱⵍⵢⵓⵏⵉⵜ ⵅⵓⵚⵉ ⵍⵡⵉⵙ ⵜⴰⴱⴰⵟⵉⵕⵓ ⴷ ⵜⴰⴹⴰ ⵜⴰⵎⵏⵥⴰⵡⵜ ⵏ ⵉⵎⵙⵜⴰⵏⵏ... ⵙⵍⴰⵡⴰⵏ ⴰⴽⴽⵯ ⴹⴰⵕⴰⵜ ⵜⴰⵖⵍⴰⵖⴰⵍⵜ ⵏⵏⵉ ⴷ ⵉⴼⵍ ⵓⵙⴳⵔⴰⵡ ⵏ ⵕⵕⴱⴰⵟ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⴱⵕⴰⵢⵕ 2023) ⴳ ⵍⴰⵕⵊⵓⵏⵜⵉⵏ ⴷ ⵜⵎⵏⴰⴹⵜ ⵜⴰⵍⴰⵜⵉⵏⵓ-ⵜⴰⵎⴰⵔⵉⴽⴰⵏⵜ ⵙ ⵓⵥⵍⴰⵢ, ⴷ ⵓⵎⵓⵔⵙ ⵏⵏⵙ, ⵉⵎⴽⵏⵏⴰ ⴷ ⵉⴷⴷⴰⵏ ⴳ ⵜⵓⴳⵜ ⵏ ⵉⵙⵓⴳⴰⵎ ⴳ ⵍⴰⵕⵊⵓⵏⵜⵉⵏ, ⴳ ⵓⵏⵄⴰⵕ ⵅⴼ ⵓⵙⵉⵙⴼⵉⵡ ⵏ ⵜⵉⵍⴰⵍⵉⵏ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⴳ ⵓⵙⴱⵓⵖⵍⵓ ⵏ ⵉⵔⵎⵎⵓⵙⵏ ⵉⵣⵔⴼⴰⵏⵏ ⴷ ⵜⴷⵔⴰⵡⵜ ⴳ ⵜⵙⵉⵍⴰⵡⵜ ⵏⵏⵙⵏ ⴳ ⵉⵎⵓⵙⵙⵓⵜⵏ ⵉⴳⵔⴰⵖⵍⴰⵏⵏ.