ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ
ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ
ⴰⵙⵙ ⵏ ⵓⵙⵉⵎⵡⴰⵙ 28 ⵎⴰⵕⵚ 2025, ⵉⵙⵙⵓⵍⵖ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵙ ⵓⵙⵎⴰⵢⵏⵓ ⵏ ⵓⵙⵏⵎⵍ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴷ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵜⴳⴰ ⵎⴰⵙⵙⴰ ⴰⵎⵉⵏⴰ ⵜⴰⵖⵓⵢⵢⵉⵜ ⵜⴰⵎⵣⵡⴰⵔⵓⵜ ⴳ ⵢⴰⵏ ⵡⴰⵙⵙ ⴰⵣⵔⴼⴰⵏ ⵉⴳⴰⵏ ⴰⵎⵥⵍⴰⵢ; ⵜⴰⴷⴳⴳⵯⴰⵜ ⵏ ⵓⵙⴼⵓⴳⵍⵓ ⵏ ⵓⵎⴰⴹⴰⵍ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (10 ⴷⵓⵊⴰⵏⴱⵉⵔ), ⵃⵎⴰ ⴰⴷ ⴷⵉⴷⵙ ⵜⴰⵡⵉ ⵜⴰⵎⴰⵜⴰⵔⵜ ⵏ ⵓⵙⴰⴽⵓⴷ ⴰⴷ ⴷ ⵓⵏⴰⵎⴽ ⵏⵏⵙ ⴳ ⵓⵙⴰⴽⴰ ⵏ ⵜⵓⴷⵔⵜ ⵏⵏⴰ ⵜⵥⵍⵉ, ⵙⴳ ⵍⵍⵉⵖ ⵜⵎⵥⵥⵉ, ⵉ ⵓⵎⵣⴰⵖ ⵅⴼ ⵓⵏⴳⵉⵙⵏ ⴷ ⵉⵙⵎⵉⵍⵏ ⴽⵓⴽⴹⵏⵉⵏ ⴷ ⵜⵣⵔⴼⵜ ⴷ ⵡⴰⴷⴷⵓⵔ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⵙⵏⵎⵍ ⵜⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵅⴼ ⵢⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵡⴰⵍⴰ ⵜⴰⵎⵣⵡⴰⵔⵓⵜ ⴳ ⴷⵓⵊⴰⵏⴱⵉⵔ 2018.
ⵍⵍⵉⵖ ⵜⵍⵍⴰ ⴳ ⵢⵉⵅⴼ ⵏ ⵜⵎⵔⵙⵍⵜ, ⵉⵙⴱⵓⵖⵍⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵎⴰⵙⵙⵏ ⵏ ⵓⵙⵡⵓⵔⵉ ⵏⵏⵙ, ⵉⵙⵔⵙ ⵢⴰⵜ ⵜⵙⵜⵔⴰⵜⵉⵊⵉⵜ ⵏ ⵜⵡⵓⵔⵉ ⵜⴰⵎⴰⵢⵏⵓⵜ ⴰⵣⵡⵍ ⵏⵏⵙ ⵉⴼⴰⵡⵏ ⵜⴰⵎⵢⴰⴳⴰⵏⵜ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ, ⵜⵜⵏⵏⴰⵍ ⵜⵜ ⵢⴰⵜ ⵜⵎⵢⴰⴷⴰⵙⵜ ⵉⴱⴷⴷⵏ ⵅⴼ ⴽⵕⴰⴹⵜ ⵜⵔⵙⴰⵍ ⵜⵉⴷⵙⵍⴰⵏⵉⵏ: ⴰⵔⴰⵢ ⵙⴳ ⵜⵕⵥⵉⵢⵉⵏ, ⴰⴼⵔⴰⴳ ⵏ ⵓⵏⴳⵉⵙⵏ, ⴷ ⵜⵏⴽⵔⴰ ⵙ ⵉⵣⵔⴼⴰⵏ ⴷ ⵜⴷⵔⴼⵉⵏ, ⵜⵓⵙⵙⵏⴰ ⴷ ⵜⵎⵙⴽⵔⵜ (ⴰⵔⴰⵢ. ⴰⴼⵔⴰⴳ. ⵜⴰⵏⴽⵔⴰ.)… ⵉⵙⴷⵓⵙ ⴰⵙⴽⴰⵔ ⵏⵏⵙ, ⴰⵎ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵙⴰⵙⴰ ⴷ ⵉⵎⵏⵣⴰⵢⵏ ⵏ ⴱⴰⵔⵉⵣ ⵉⵙⵏⵎⴰⵍⴰⵏ ⵜⴰⵡⵓⵔⵉ ⵏ ⵜⵎⵔⵙⴰⵍ ⴰⴷ, (ⵉⵙⴷⵓⵙ ⴰⵙⴽⴰⵔ ⵏⵏⵙ) ⵙ ⵜⵉⵍⴰⵍ ⵏⵏⵙ ⴰⵎ ⵜⴰⵍⴳⴳⵯⵉⵜ ⵏⴳⵔ ⵓⵡⴰⵏⴽ ⴷ ⵡⴰⵎⵓⵏ.
ⴳ ⵜⵡⴰⵍⴰ ⵏⵏⵙ ⵜⴰⵎⵣⵡⴰⵔⵓⵜ, ⵉⵙⵙⵓⴼⵖ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵜⴰⵎⵣⵡⴰⵔⵓⵜ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ, ⵉⴷⵡⵍ ⴷⴼⴼⵉⵔ ⵏ ⵎⴰⵢⴰ ⵓⵙⵙⵓⴼⵖ ⵏ ⵜⴰⵏⴰⴹⵜ ⴰⴷ ⴰⴷ ⵜⴳ ⵜⴰⵎⵢⵓⵔⵜ ⵜⴰⵙⴳⵯⵙⴰⵏⵜ, ⵉⵙⴷⵓⵙⵏ ⴰⵎⵙⴰⵙⴰ ⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵉⵙⵙⵓⵜⵉⵢⵏ ⵉ ⵜⵡⵓⵔⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
• ⵙⵎⵎⵓⵙⵜ ⵏ ⵜⴰⵏⴰⴹⵉⵏ ⵜⵉⵙⴳⵯⵙⴰⵏⵉⵏ
• 58 ⵏ ⵜⴰⵏⴰⴹⵜ ⴷ ⵜⵎⵙⵙⴽⵜⵉⵜ ⴷ ⵉⵎⵏⴰⴷⵏ ⴷ ⵜⵥⵕⵉⴳⵉⵏ, ⴷ ⵡⴰⵏⵏⴰⵍ ⵏ ⵎⵏⵏⴰⵡⵜ ⵜⵥⵕⵉⴳⵉⵏ ⵜⵉⵣⵔⴼⴰⵏⵉⵏ
• 191 ⵏ ⵓⵔⵣⴰⴼ ⵏ ⵡⴰⵔⴰⵢ
• ⵓⴳⴳⴰⵔ ⵏ 800 ⵏ ⵓⵔⵣⴰⴼ ⵏ ⵓⴼⵔⴰⴳ ⵙ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ
• 962 ⵏ ⵓⴽⵛⵛⵓⵎ ⵏⵖ ⵜⴰⵙⵏⵜⴰⵢⵜ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⴳⴰⵡⴰⵏ.
• ⴰⵙⵎⴽⵍ ⵏ ⵜⵏⵓⵔⵣⵉⵏ: ⵓⴳⴳⴰⵔ ⵏ 18 ⵏ ⵉⴼⴹ ⵏ ⵜⵏⵓⵔⵣⵉⵜ
• (…)
ⵎⴰⵢⴰ ⴷ ⴰⴳⵣⵣⵓⵎ ⵙⴳ ⵎⴰⵕⵕⴰ ⵏ ⵎⴰ ⵙ ⵜⴻⵜⵜⵡⴰⵙⵙⵏⵏ ⵜⵡⴰⵍⴰ ⵜⴰⵎⵣⵡⴰⵔⵓⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴳ ⵢⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵡⴰⵍⴰ ⵜⴰⵣⵔⴼⴰⵏⵜ ⵜⴰⵖⵣⵓⵔⴰⵏⵜ ⵉⵜⵜⵓⵙⴷⵓⵙⵏ ⵙ ⴽⵕⴰⴹ ⵉⵎⴰⵙⵙⵏ ⵏⵏⵙ ⵉⴷⵙⵍⴰⵏⵏ ⵉⴳⴰⵏ ⴰⵏⴰⴳⵔⴰⵡ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ: ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ, ⵉⵎⵉⵙ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏ ⴷ ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ. ⴽⵕⴰⴹ ⵉⵎⴰⵙⵙⵏ ⵏⵏⴰ ⵉⵜⵜⵓⵙⵔⵙⵏ ⴳ ⵜⵡⴰⵍⴰ ⵜⴰⵎⵣⵡⴰⵔⵓⵜ, ⵜⴻⵜⵜⵓⵙⵏⵎⴰⵍⴰ ⵜⵡⵓⵔⵉ ⵏⵏⵙⵏ ⴷ ⵉⵔⵣⴰⴼⵏ ⵏⵏⵙⵏ ⴷ ⵉⵙⵖⵍⴰⴼ ⵏⵏⵙⵏ ⴷ ⵜⴽⵛⵛⵓⵎⵉⵏ ⵏⵏⵙⵏ ⴷ ⵜⵙⵏⵜⴰⵢ ⵏⵏⴰ ⵉⵜⵜⵓⵙⵎⵏⵉⴷⵏ ⴳ ⵜⴰⵏⴰⴹⵉⵏ ⵜⵉⵙⴳⵯⵙⴰⵏⵉⵏ, ⵏⵏⵉ ⵉⴳⴰⵏ ⴰⴳⵣⵣⵓⵎ ⵙⴳ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵜⴰⵖⵣⵓⵔⴰⵏⵜ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ.
ⵙ ⵜⵎⵔⵉⵡⵜ ⵏ ⵜⴷⵔⴰⵡⵜ ⴷ ⵓⵎⵢⴰⵡⴰⵙ ⴰⴽⴷ:
ⵓⴱⵕⵍⴰⵎⴰⵏ ⵉ ⵓⵙⴷⵖⵔ ⵏ ⵉⵙⵖⵍⴰⴼ ⵉⵣⵔⴼⴰⵏⵏ ⵉⵏⵎⵜⵜⴰⵏ ⴷ ⵓⵎⵙⴰⵙⴰ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ, ⴷ ⵡⴰⵏⵏⴰⵍ ⵏ ⵜⵙⵔⵜⴰⵢ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ
ⵜⵉⵙⴷⴰⵡⵉⵢⵉⵏ ⴷ ⵡⴰⵏⵏⴰⵍ ⴰⵥⵕⴼⴰⵏ ⵉ ⵜⵎⴰⴷⴷⴰⵙⵉⵏ ⵜⴰⵔⵓⵏⴱⵉⴹⵉⵏ
ⵜⵉⵎⵔⵙⵍⵜ ⵏ ⵜⵊⵉⴹⵕⵎⵜ ⵜⴰⴳⵍⴷⴰⵏⵜ ⴷ ⵜⵎⵀⵍⴰ ⵏ ⵉⵖⵣⵓⵜⵏ ⴷ ⵜⵎⵔⵙⴰⵍ ⵢⴰⴹⵏⵉⵏ ⵃⵎⴰ ⴰⴷ ⵜⵜⵓⴼⵔⴰⴳⵏ ⵓⵏⴳⵉⵙⵏ ⴷ ⵉⵙⵎⵉⵍⵏ ⴽⵓⴽⴹⵏⵉⵏ, ⴷ ⵓⵙⴷⵓⵙ ⵏ ⵜⵏⴱⴰⴹⵜ ⵏ ⵓⵙⵍⴳⵏ ⴷ ⵓⵣⵓⵣⵣⵔ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ,
ⵉⵙⵔⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵜⵡⴰⵍⴰ ⵜⴰⵎⵣⵡⴰⵔⵓⵜ ⵏ ⵎⴰⵙⵙⴰ ⴱⵓⵄⵢⵢⴰⵛ, ⵜⴰⴷⵔⴰⵡⵜ ⵊⵊⵓ ⵜⵜ ⵉⵏⵏ ⵉⴽⴽⴰⵏ ⵏⴳⵔ ⵉⵣⵔⴼⴰⵏ ⴷ ⵜⵏⴼⵔⵓⵜ (ⵏⴳⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ) ⵃⵎⴰ ⴰⴷ ⵉⵜⵜⵓⵙⴷⵓⵙ ⵓⵙⴽⴰⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵎⵎⴰⵙ ⵏ ⵜⵙⵖⴰⵏ ⵏ ⵜⵏⴼⵔⵓⵜ ⴳ ⵍⵎⵖⵔⵉⴱ. ⴳ ⵜⴼⵔⴽⵜ ⵏⵏⵙ ⵜⴰⵎⵣⵡⴰⵔⵓⵜ, ⵜⵏⵏⵓⵎⵙ ⵜⴷⵔⴰⵡⵜ ⴰⴷ, ⵏⵏⴰ ⵏⵏⴰⵏⵜ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⵎⴷⵔⴰⵡⵉⵏ ⵎⴰⵙ ⵜⴳⴰ ⵢⴰⵜ ⵙⴳ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⴳ ⵜⵡⵓⵔⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵅⴼ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴷ ⵓⵙⵎⵀⵍ ⵏ ⵉⵙⵖⵍⴰⴼ ⵏ ⵉⵎⵉⵙ ⴰⵏⴰⵎⵓⵔ ⴰⵡⴰⵔⴰⵢ, ⴷⴼⴼⵉⵔ ⴰⴷ ⵜⵎⵉⵔⵉⵡ, ⵜⵏⵏⵓⵕⵥⵎ ⵅⴼ ⵓⵙⵡⵓⴷⴷⵓ ⴰⵏⴼⴳⴰⵏ ⵏ ⵉⵡⵜⵜⴰ ⴷ ⵓⵙⴷⵓⵙ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵜⵎⵣⵡⴰⴳⵜ ⴷ ⵉⵎⵣⵡⴰⴳⵏ/ⵜⵉⵎⵣⵡⴰⴳⵉⵏ ⴳ ⵍⵎⵖⵔⵉⴱ.
ⵜⵏⴰⵔⴰ ⵎⴰⵙⵙⴰ ⴱⵓⵄⵢⵢⴰⵛ ⵜⵉⵙⵏⵜⴰⵢⵉⵏ ⵏ ⵜⵏⴽⵔⴰ ⵙ ⵓⵙⵉⴷⴼ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⵖⴰⵡⴰⵙⵏ ⵉⵏⵎⵍⴰⵏⵏ ⴷ ⵉⵎⵙⴷⴰⵡⵏ, ⵜⵓⵔⴰⵔ ⵜⵉⵍⴰⵍ ⵜⵉⴷⵙⵍⴰⵏⵉⵏ ⴳ ⵉⵙⵏⴰⵎⵏ ⵉⵅⴰⵜⴰⵔⵏ ⵣⵓⵏⴷ ⴰⵣⵣⵔⴰⵢ ⴰⴷⵙⵜⴰⵔ, ⴷ ⵜⵣⵔⴼⵜ ⵜⴰⵏⵎⵓⵜⵜⵉⵜ, ⴷ ⵜⴱⵔⵉⴷⵜ ⵏ ⵢⵉⵙⴽⵉⵍ, ⴷ ⵓⵙⵏⴰⵎ ⵏ ⵓⵙⵍⴳⵏ ⵏ ⵜⵡⵊⴰ ⴷ ⵓⵙⵎⵀⵍ ⵏ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ ⴳ ⵍⵎⵖⵔⵉⴱ.
ⵜⵓⵡⵉ ⴷ ⵎⴰⵙⵙⴰ ⴱⵓⵄⵢⵢⴰⵛ ⵉ ⵡⴰⵏⵙⴰ ⴰⴷ ⵜⵉⵎⵔⴰⵡⴰⵏⵉⵏ ⵏ ⵜⵉⵔⵎⵉⵜ ⴷ ⵜⵎⵓⵣⴰⵢⵜ. ⵜⴳⴰ ⴷⴰⵜ ⵜⵏⵙⵙⵉⵅⴼⵜ ⵏⵏⵙ ⵉ ⵜⵎⵔⵙⵍⵜ ⵜⴰⵎⵙⵇⴰⴷⵜ ⵏ ⵍⵎⵖⵔⵉⴱ ⵖⵔ ⵙⵡⵉⴷ ⴷ ⵍⴰⵜⴼⵢⴰ (2016-2018). ⵜⵙⵡⵓⵔⵉ ⴳ ⵜⵙⴳⴳⵯⵉⵏ ⴷ ⵜⵎⵏⵥⴰⵡⵉⵏ, ⴷ ⵅⴼ ⵓⵎⵢⴰⵏⴰⵡ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ, ⵙⴳ ⵓⵙⴳⵔⴰⵡ ⵏ ⵓⵜⵓⵢ ⵓⵖⵔⵉⵎ ⵅⴼ ⵍⴱⵓⵍⵉⵙ ⴳ ⵉⴼⵔⵉⵇⵢⴰ ⵖⵔ ⵜⵎⴰⴷⴷⴰⵙⵜ ⵜⴰⵄⵕⴰⴱⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵙⴳ ⵜⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ (ⴳ ⵓⵙⵔⵙ ⴷ ⵜⵏⵙⵙⵉⵅⴼⵜ) ⵖⵔ ⵜⵙⵇⵇⵉⵎⵜ ⵏ ⵜⵎⴰⴷⴷⴰⵙⵉⵏ ⵜⴰⵔⵓⵏⴱⵉⴹⵉⵏ ⵉ ⵓⵙⵏⴰⵎ ⵏ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵉⵄⵕⴰⴱⵏ, ⵙⴳ ⵜⴳⵔⵓⵎⵎⴰ ⵏ ⵜⵡⵓⵔⵉ ⵏ ⵜⴷⵔⴼⵉ ⵏ ⵓⵙⵏⵎⴰⵍⴰ ⴳ ⵓⵥⵟⵟⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵓⵕⵓ-ⴰⴽⵔⴰⴽⴰⵍ ⵖⵔ ⵜⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵣⵍⵖⵉⵡⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (FIDH) ⴷ ⴷⴼⴼⵉⵔ ⵏⵏⵙ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⴼⵉⴷⵉⵕⴰⵍⵉⵜ ⴰⴷ ⵏⵉⵜ, (…).
ⴳ ⵎⴰⵕⵚ 2025, ⵙⵜⵉⵏ ⵜⵜ ⵉⵏⴳⴳⵯⴰ ⵏⵏⵙ ⵙ ⵡⴰⵡⴰⵍⵎⵓⵏ ⴷ ⵜⴰⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷⴼⴼⵉⵔ ⵏ ⵜⵡⴰⵍⴰ ⵉⵣⴷⵉⵏ ⴽⵕⴰⴹ ⵏ ⵉⵙⴳⴳⵯⴰⵙⵏ ⴳ ⵢⵉⵅⴼ ⵏ ⵜⵏⴼⵍⵓⵙⵜ ⵏ ⵜⴰⴹⴰ. ⵜⵙⵙⵉⵛⴼ ⵜⴰⴳⵔⵓⵎⵎⴰ ⵜⴰⴼⵔⵉⵇⵉⵜ ⵏ ⵜⵎⵣⵡⴰⴳⵜ (ⵉⴹⴼⵕⵏ ⵉ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴼⵔⵉⵇⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ), ⴷ ⵓⵙⴽⴰⵔ ⵏ ⵓⵙⵇⵇⵉⵎ ⴷⴷⴰⵡ ⵏ ⵜⵡⴰⵍⴰ ⵏⵏⵙ ⵉ ⵜⵉⵍⴰⵍ ⵜⵉⵏⴰⵔⴰⵏⵉⵏ ⴳ ⵓⵥⵟⵟⴰ ⴰⴼⵔⵉⵇⵉ ⴷ ⵜⴰⴹⴰ ⵜⴰⵎⴰⴹⵍⴰⵏⵜ ⴷ ⵓⵥⵟⵟⴰ ⴰⵄⵕⴰⴱ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ… (ⴳ ⵓⵙⵡⵉⵔ ⵏ ⵜⵙⵇⵇⵉⵎⵉⵏ ⵏ ⵓⵜⵓⵢ ⴷ ⵜⴳⵔⵓⵎⵎⴰ ⵏ ⵜⵡⵓⵔⵉ ⵜⵉⵣⵔⴼⴰⵏⵉⵏ).
ⵅⴼ ⵉⴳⴳⵉ ⵏ ⵓⵙⴷⵓⵙ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴳ ⵍⵎⵖⵔⵉⴱ, ⵜⵓⵙⵉ ⵎⴰⵙⵙⴰ ⴱⵓⵄⵢⵢⴰⵛ ⴰⵙⴰⴼⵓ ⵏ ⵓⵎⵢⴰ ⵏ ⵓⵙⵔⴼⵓⴼⵏ ⴳ ⵉⴼⵔⵉⵇⵢⴰ. ⵜⵕⵥⵎ ⵏⵜⵜⴰⵜ ⴷ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⵉⴼⴼⵓⵙ ⵏ ⵉⴼⵔⵉⵇⵢⴰ, ⴳ ⵜⵎⴷⵉⵏⵜ ⵜⴰⵣⴳⴳⵯⴰⵖⵜ-ⵎⵕⵕⴰⴽⵛ, ⴰⵥⵟⵟⴰ ⴰⴼⵔⵉⵇⵉ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ… ⵏⵜⵜⴰⵜ ⴷ ⵜⴰⵏⵙⵙⵉⵅⴼⵜ ⵏ ⵜⴷⴰⴱⵓⵜ ⴰⴷ ⵜⴰⴼⵔⵉⵇⵉⵜ ⵜⴰⵣⵔⴼⴰⵏⵜ ⵏ ⵡⴰⵔⴰⵢ, ⵏⵏⵉ ⵎⵉ ⵉⵙⴷⵍ ⵍⵎⵖⵔⵉⴱ ⴰⵙⵖⵉⵎ ⵏ ⵜⵏⴼⵍⵓⵙⵜ ⵏⵏⵙ ⵜⴰⵎⴰⵜⴰⵢⵜ ⴳ ⵜⵎⴰⵥⵓⵏⵜ ⵏ ⵜⵉⴼⴰⵡⵉⵏ -ⵕⵕⴱⴰⵟ.
ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴷ ⵜⴰⵏⴰⴼⵓⵖⵜ ⵏ ⵜⴷⴰⵎⵙⴰ, ⴰⵔ ⵜⵙⴰⵡⴰⵍ ⵙⵎⵎⵓⵙⵜ ⵏ ⵜⵓⵜⵍⴰⵢⵉⵏ - ⵜⴰⵄⵕⴰⴱⵜ, ⵜⴰⵎⴰⵣⵉⵖⵜ, ⵜⴰⴼⵕⴰⵏⵚⵉⵚⵜ, ⵜⴰⵏⴳⵍⵉⵣⵜ ⴷ ⵜⵙⴱⵏⵢⵓⵍⵉⵜ.
• ⵜⴰⵎⵖⴰⵔⵜ ⵜⴰⵎⵣⵡⴰⵔⵓⵜ ⵉⵜⵜⵡⴰⵙⵜⴰⵢⵏ ⵉ ⵜⵏⵙⵙⵉⵅⴼⵜ ⵏ ⵜⵎⴰⴷⴷⴰⵙⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ
• ⵜⴰⵎⵖⴰⵔⵜ ⵜⴰⵎⵖⵔⵉⴱⵉⵜ ⵜⴰⵎⵣⵡⴰⵔⵓⵜ ⵉⴳⴰⵏ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ
• ⵜⴰⵎⵖⴰⵔⵜ ⵜⴰⵎⵣⵡⴰⵔⵓⵜ ⵉⵙⵙⵉⵅⴼⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ
• ⵜⴰⵎⵖⴰⵔⵜ ⵜⴰⴼⵔⵉⵇⵉⵜ ⵜⴰⵎⵣⵡⴰⵔⵓⵜ ⵉⵙⵙⵉⵅⴼⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ
ⵜⵉⵙⵎⵖⵓⵔⵉⵏ ⴷ ⵉⵙⴰⵍⵉⵢⵏ
- ⴰⵙⴰⵍⵉⵢ ⵏ ⵓⴷⴰⴱⵓ ⵏ ⵜⵙⴽⵯⴼⵍⵜ ⵜⵉⵙ ⴽⵕⴰⴹⵜ (ⴰⵎⴰⵍⴰⵍ)
- ⴰⵙⴰⵍⵉⵢ ⵏ ⵓⴷⴰⴱⵓ ⵏ ⵜⵙⴽⵯⴼⵍⵜ ⵏ ⵓⵎⵏⴰⵢ
- ⵜⴰⵙⵎⵖⵓⵔⵜ ⵏ ⵉⵥⵥⵍⵎⴹ-ⵉⴼⴼⵓⵙ ⵙⴳ ⵓⵙⵇⵇⵉⵎ ⵏ ⵓⵕⵓⴱⴱⴰ
- ⵜⴰⵙⵎⵖⵓⵔⵜ ⵏ "ⵜⵡⵜⵎⵉⵏ ⵏ ⵢⵉⵎⴰⵍ" (ⵙⴳ ⵜⵎⵙⵎⵓⵏⵜ ⵏ ⵜⵉⴷⴷⵓⴽⵍⴰ ⵜⴰⵙⴱⵏⵢⵓⵍⵉⵜ-ⵜⴰⴼⵕⴰⵏⵚⵉⵚⵜ)
- ⵜⴰⵙⵎⵖⵓⵔⵜ ⵏ ⵜⵎⵔⵙⵍⵜ ⵏ ⵢⵉⵍⵍ ⴰⴳⵔⴰⴽⴰⵍ ( ⵙⴳ Stati Uniti del Mondo)
- ⵜⴰⵎⵙⵇⴰⴷⵜ ⵏ ⵜⵏⴼⵔⵓⵜ ⵜⴰⵎⴰⴹⵍⴰⵏⵜ (ⵙⴳ ⵜⵎⵔⵙⵍⵜ ⵜⴰⵙⴱⵏⵢⵓⵍⵉⵜ ⵏ ⵓⵏⴳⵔⴰⵡ ⵏ ⵜⵏⴼⵔⵓⵜ)
- ⵉⵙⵜⵉ ⵜⵜ ⵓⵙⵉⵔⴰ ⵏ ⵓⵎⴰⵍⴰⵍ ⴰⵏⵎⵜⵜⴰ ⴰⵎⴰⵜⵜⴰⵢ ⵏ ⵉⵣⵔⴼⴰⵏ (ⴳ 2021) ⴷ ⵢⴰⵜ ⵙⴳ ⵙⵎⵎⵓⵙⵜ ⵏ ⵜⵡⵜⵎⵉⵏ ⵜⵉⵏⵎⵣⴰⵖⵉⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⴰⴹⴰⵍ ⵉⵡⴰⵜⵜⵙⵏ ⴰⴷ ⵚⴽⵓⵏⵜ ⵢⴰⵏ ⵓⵎⴰⴹⴰⵍ ⵉⴳⴰⵏ ⵓⵖⴷⵉⵎ ⴰⵟⵟⴰⵚ, ⴷⴼⴼⵉⵔ ⵏ ⴽⵓⴼⵉⴷ-19
- ⴰⵙⴰⵍⵉⵢ ⵏ ⵜⵥⵓⴳⴰⵢⵜ ⵏ ⵡⴰⴷⴷⵓⵔ ⴰⵏⴰⵎⵓⵔ ⵙ ⵜⵙⴽⴼⵍⵜ ⵏ ⵓⵎⵏⴰⵢ, ⵜⴰⴳⴷⵓⴷⴰ ⵜⴰⴼⵕⴰⵏⵚⵉⵚⵜ
- ⵉⵙⵎⵖⵓⵔⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⵢⴰⴹⵏⵉⵏ
ⵜⴰⴳⵎⴰⵎⵜ ⴳ ⵜⵙⵇⵇⵉⵎⵉⵏ ⴷ ⵜⵎⴰⴷⴷⴰⵙⵉⵏ, ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ
• ⴰⵏⴳⵎⴰⵎ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵉ ⵓⵙⵍⴳⵏ ⵏ ⵜⵡⵊⴰ
• ⵜⴰⵙⵇⵇⵉⵎⵜ ⵜⴰⵎⵙⵎⵍⴰⵏⵜ ⵉ ⵓⵣⵣⵔⴰⵢ ⵉ ⵓⴷⵓⵙⵜⵓⵔ ⴰⵎⵖⵔⵉⴱⵉ ⵏ ⵓⵙⴳⴳⵯⴰⵙ ⵏ 2011
• ⴰⵙⵇⵇⵉⵎ ⵏ ⵜⵎⵔⵙⵍⵜ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⵉ ⵡⴰⵍⴰⵙ ⵏ ⵓⵙⵉⴷⴼ ⵏ ⵉⵎⵖⵣⵓⵜⵏ.
• ⵜⴰⵙⵇⵇⵉⵎⵜ ⵜⴰⴽⴰⴷⵉⵎⵉⵢⵜ ⵏ ⵓⴱⵔⴳⵔⴰⵡ ⴰⵎⴰⴹⵍⴰⵏ ⵉ ⵓⵙⴱⴷⴷⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ
• ⵜⴰⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵙⵍⴳⵏ ⴰⴳⵔⴰⵖⵍⴰⵏ
• ⴰⵙⴳⵔⴰⵡ ⵏ ⵓⴳⵎⵎⵓⴹ ⴰⵏⴰⵎⵎⴰⵙ ⴷ ⵉⴼⵔⵉⵇⵢⴰ ⵏ ⵉⵥⵥⵍⵎⴹ ⵉ ⵓⵙⵖⵣⵏ ⵅⴼ ⵓⴱⵔⵓⵟⵓⴽⵓⵍ ⴰⵔⵓⵛⵛⵉⵍ ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵓⵙⴱⴷⴷⵉ ⵏ ⵓⵙⵔⴼⵓⴼⵏ ⴷ ⵡⴰⵏⴰⵡⵏ ⵢⴰⴹⵏⵉⵏ ⵏ ⵓⴷⵔⵡⵙ ⴷ ⵜⵎⵔⵔⵓⵜ ⵉⵀⵔⵛⵏ ⵏⵖ ⵜⴰⵔⵜⵏⴼⴳⴰⵏⵜ ⵏⵖ ⴰⵎⵔⵎⴷ
• ⴰⵙⴳⵔⴰⵡ ⴰⴼⵔⵉⵇⵉ ⵏ ⵓⵎⴰⵜⵔ ⵓⵖⵔⵉⵎ ⵏ ⵍⴱⵓⵍⵉⵙ ⴷ ⵓⵙⴱⴷⴷⵉ ⵏ ⵜⴽⵕⴹⵉ
• ⵜⴰⵙⵇⵇⵉⵎⵜ ⵏ ⵜⵎⴰⴷⴷⴰⵙⵉⵏ ⵜⴰⵔⵓⵏⴱⵉⴹⵉⵏ ⵉ ⵓⵙⵏⴰⵎ ⵏ ⵜⵙⴷⴰⵡⵉⵜ ⵏ ⵉⵡⴰⵏⴽⵏ ⵉⵄⵕⴰⴱⵏ
• ⵜⴳⵔⵓⵎⵎⴰ ⵏ ⵜⵡⵓⵔⵉ ⵉⴹⴼⵕⵏ ⵉ ⵓⵥⵟⵟⴰ ⵓⵕⵓ-ⴰⴳⵔⴰⴽⴰⵍ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ "ⵜⴷⵔⴼⵉ ⵏ ⵓⵙⵔⵓⵙ ⵏ ⵜⵎⵙⵎⵓⵏⵉⵏ"
• ⵜⴰⵎⴰⴷⴷⴰⵙⵜ ⵜⴰⵎⵖⵔⵉⴱⵉⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ
• ⵜⴰⵎⵙⵎⵓⵏⵜ ⵊⵓⵙⵓⵔ -ⴰⵏⵎⵓⴳⴳⴰⵔ ⵏ ⵜⵡⵜⵎⵉⵏ ⵜⵉⵎⵖⵔⵉⴱⵉⵢⵉⵏ
• ⴰⵎⵎⴰⵙ "ⵍⴽⵡⴰⴽⵉⴱⵉ ⵉ ⵓⵎⵓⵜⵜⵉ ⴰⴷⵉⵎⵓⵇⵕⴰⵟⵉ" (ⵜⵓⵏⵙ)
• ⵜⴰⵙⵇⵇⵉⵎⵜ ⵏ ⵓⵜⵓⵢ ⵉⵜⵜⵓⵙⵎⴰⴳⵍⵏ ⵙ ⵓⵙⵎⵓⵜⵜⴳ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⴰⵏⴰⵎⵓⵔ ⴳ ⵢⵉⴳⵔ ⵏ ⵜⴷⵉⵎⵓⵇⵕⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ (ⵜⴰⵎⴰⵔⵉⵜ ⵏ ⵓⵏⴼⵍⵓⵙ ⴰⵎⴰⵜⴰⵢ)
