ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵎⴷⴷⵏ ⵎⵇⵇⵓⵔⵏⵉⵏ, ⴰⵔ ⵉⵙⵙⴽⵜⴰⵢ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵉⵙⵖⵍⴰⴼ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴳⴳⵉⴷⵏ ⵎⵇⵇⵓⵔⵏⵉⵏ ⴷ ⵉⴷⴷⴰⵏ ⴳ ⵜⴰⵏⴰⴹⵜ ⵏⵏⵙ ⵜⴰⵙⴳⵯⵙⴰⵏⵜ ⵅⴼ ⵡⴰⴷⴷⴰⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2023.

ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⵉⵎⵇⵇⵔⴰⵏⵏ, ⴰⵔ ⵉⵜⵜⴰⵍⵙ ⵓⵙⵇⵇⵉⵎ ⴰⵙⴷⴷⵉⴷ ⵅⴼ ⵎⴰⵢⴰ ⴷ :

• ⴰⵙⵙⵓⴼⵖ ⵏ ⵢⴰⵏ ⵓⵙⴰⵜⵉ ⵓⵍⴳⵉⵏ ⵉⵥⵍⵉⵏ ⵙ ⵓⴳⴳⵉⴷⵏ ⵉⵎⵇⵇⵔⴰⵏⵏ ⵙ ⵜⵡⵉⵍⴰ ⵉⵎⵙⴰⵙⴰⵏ ⴰⴽⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⴳ ⵢⵉⴳⵔ ⴰⴷ, ⵙⵍⴰⵡⴰⵏ ⴰⴽⴽⵯ ⵉⵎⵏⵣⴰⵢⵏ ⵏ ⵜⵎⵜⵜⴰ ⵉⵎⵓⵏⵏ ⵏ 1991 ⵉⵥⵍⵉⵏ ⵙ ⵉⵎⵇⵇⵓⵔⴰⵏⵏ ⴳ ⵓⵡⵜⴰⵢ ;
• ⴰⵏⵏⴰⵍ ⵏ ⵜⵙⵖⵣⵏⵜ ⵏ ⵢⴰⵏ ⵡⴰⵔⵔⴰ ⴰⴳⵔⴰⵖⵍⴰⵏ ⴰⵎⵙⵙⵓⵖⵏ ⵉ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵇⵇⵔⴰⵏⵏ ⴳ ⵓⵡⵜⴰⵢ ⴷ ⵜⵏⴽⵔⴰ ⵙⵔⵙⵏ ; 
• ⴰⵙⵓⵊⴷ ⵏ ⵜⵙⵉⵍⴰ ⵏ ⵓⵎⵍⴰⵏ ⵉⵜⵜⴰⵡⵙⵏ ⵉⵎⵙⵔⵓⵙⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⴰⴷ ⴹⴼⵕⵏ ⵜⴰⵣⵣⵉⴳⵣⵜ ⵏ ⵓⵙⵎⵉⵍ ⴰⴷ ⴷ ⵓⵙⵔⵓⵙ ⵏ ⵜⵙⵔⵜⴰⵢ ⴰⴷ ⵙ ⵎⴰⴷ ⴷ ⵢⵓⵙⴰⵏ ⴰⴽⴷ ⵜⵏⴼⵔⵓⵜ ⵏ ⵉⵣⵔⴼⴰⵏ ⵏⵏⵙ ⵉⴷⵙⵍⴰⵏⵏ  ;
• ⴰⵣⵣⴳⵉⵔ ⵏ ⵉⵙⵡⵓⴷⴷⵓⵜⵏ ⵏ ⵓⵖⴰⵡⴰⵙ ⵓⵏⴱⵉⴹ ⵉⵙⵡⴰⵜⵜⵙⵏ ⴰⵙⵔⵓⵙ ⵏ ⵜⴷⵔⵉⵎⵜ ⵏ "ⵡⴰⴷⴷⵓⵔ" ⵉ ⵉⵚⴰⵃⴰⵏ ⵉ ⵉⵎⵇⵇⵔⴰⵏⵏ ;
• ⴰⵙⵢⵉⵍⵉ ⵏ ⵉⵣⵔⴼⴰⵏ ⵏ ⵓⴳⴳⵉⴷⵏ ⵉⵎⵇⵇⵔⴰⵏⵏ ⴽⵓⴷⵏⵏⴰ ⵜⵜⵡⴰⵙⵔⴰⵙⵏⵜ ⵜⵙⵔⵜⴰⵢ ⵜⵉⵏⵎⵏⴰⴹⵉⵏ ⴷ ⵉⵖⴰⵡⴰⵙⵏ ⵏ ⵜⵡⵓⵔⵉ ⵏ ⵜⴳⵔⴰⵡⵉⵏ ⵜⵉⴽⴰⵍⴰⵏⵉⵏ ;
• ⴰⵙⵓⵊⴷ ⵏ ⵓⵥⵕⴼ ⵢⵓⴷⴰⵏ ⴷ ⵓⵙⵓⵍⴰⵏ ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⵉⵜⵜⵡⴰⵥⵍⴰⵢⵏ ⵉ ⵜⵎⵔⵙⴰⵍ ⵏ ⵜⴳⴳⴰⵥⵜ ⵜⴰⵏⴰⵎⵓⵏⵜ ⵃⵎⴰ ⴰⴷ ⵉⵜⵜⵓⵙⵙⵡⵀⵏ ⵉⴳⵉ ⵏⵏⵙ ⵜⵉⵍⴰⵍ ⵏⵏⵉ ⵙ ⵏⵏⵖⵍⴼⵏⵜ, ⵕⵡⵓⵏⵜ ⵜⵏⵓⴼⴰ ⵏⵏⵙⵏⵜ ;
• ⴰⵙⵎⵓⵜⵜⴳ ⵏ ⵡⴰⵏⵙⵉⵡⵏ ⵉⴳⴷⵓⴷⴰⵏⵏ ⵃⵎⴰ ⴰⴷ ⵎⵙⴰⵙⴰⵏ ⴷ ⵡⴰⵙⵙⴰⵔⵏ ⵏ ⵓⴳⴳⵉⴷⵏ ⵉⵎⵇⵇⵔⴰⵏⵏ.