ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⴰⵙⴳⵯⵙⴰⵏ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⴽⵕⴰⵙ 12 ⵎⴰⵕⵚ ⵉⵣⵔⵉⵏ, ⵍⴽⵎⵏⵜ ⵜⵙⵎⵉⴳⴰⵍ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴳ ⵢⵉⵅⴼ ⵏ ⵜⵏⴼⵍⵓⵙⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⴰⵙⵙ ⴰ ⵖⵔ ⵜⴳⵉⵔⴰ ⵏⵏⵙⵏⵜ… ⴷⴼⴼⵉⵔ ⵏ ⴽⵕⴰⴹ ⵏ ⵉⵙⴳⴳⵯⴰⵙⵏ ⵅⴼ ⵓⵙⵜⴰⵢ ⵏⵏⵙ, ⵜⵎⵍⴰ ⴳⵉⵙ, "ⵜⴰⵏⴰⵔⴰ ⵜⵓⵙⵍⵉⴷⵜ", ⵍⵍⵉⵖ ⵜⴷⵔⵓ "ⴳ ⵜⵏⴰⵔⴰ ⵏ ⵜⴰⴹⴰ ⵜⴰⵎⴰⴹⵍⴰⵏⵜ", ⵎⴽⴷⴰ ⴷ ⵢⵓⵛⴽⴰⵏ ⴳ ⵜⴱⵔⴰⵜ ⵏ ⵓⵙⵜⴰⵢ ⵏ ⵜⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏⵏⵖ ⵙ ⵢⵉⵙⵎ ⵏ ⵉⴼⵔⵉⵇⵢⴰ.
ⵜⵙⴷⴷⵉⴷ ⵜⴱⵔⴰⵜ ⵏ ⵓⵥⵟⵟⴰ ⴰⴼⵔⵉⵇⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ "ⵜⵉⵔⵎⵉⵜ ⵏⵏⵙ ⵜⴰⵎⵉⵔⵉⵡⵜ ⴳ ⵓⵙⵎⴷⵢⴰ ⵏ ⵜⴰⴹⴰ ⴳ ⵉⵙⴳⵔⴰⵡⵏ ⵉⴳⵔⴰⵖⵍⴰⵏⵏ, ⴷ ⵜⵏⴰⵔⴰ ⵏⵏⵙ ⵜⴰⵙⵜⵔⴰⵜⵉⵊⵉⵜ ⴳ ⵓⵜⵓⵢ ⵅⴼ ⵜⵎⵀⴰⵍ ⵜⵉⴷⵙⵍⴰⵏⵉⵏ, ⴷ ⵓⵙⵓⵖⵏ ⵏⵏⵙ ⵉⴷⵓⵙⵏ ⵙ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ", ⵜⵙⴷⴷⵉⴷ ⵎⴰⵙ ⵔⴰⴷ ⵜⵡⵛ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴱⵓⵄⵢⵢⴰⵛ ⵉ ⵜⴰⴹⴰ ⵜⴰⵙⵓⵍⵜ ⴳ ⵜⵏⴰⵔⴰ, ⵜⵏⴼⵔⵓ ⴰⴼⵔⴰⴳ ⵏ ⵜⵉⵏⴷⵉⵜⵉⵏ ⵏⵏⵙ ⴷ ⵉⵎⵏⵣⴰⵢⵏ ⵏⵏⵙ, ⵜⴷⵔⵓ ⴳ ⵓⵙⴷⵓⵙ ⵏ ⵜⵉⵍⴰⵍⵜ ⵏⵏⵙ ⴳ ⵓⵙⴰⵢⵔⴰⵔ ⴰⴳⵔⴰⵖⵍⴰⵏ.
ⵜⵡⵛ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵙⵙⴰ ⵜⵉⵙⵎⵉⴳⴰⵍ ⵏ ⵜⵏⴼⵍⵓⵙⵜ ⴷ ⵜⵎⵙⵜⴳⴳⴰⵔⵉⵏ ⵏⵏⵙ ⵉ ⵎⴰⵙⵙⴰ ⴰⵍⵉⵙⵓⵏ ⴽⵉⵍⴱⴰⵜⵔⵉⴽ, ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵉⵔⵍⴰⵏⴷⴰ ⵏ ⵉⵥⵥⵍⵎⴹ.
