8 ⵏ ⵉⵙⵖⵍⴰⴼ ⵉⵅⴰⵜⴰⵔⵏ ⴷ 8 ⵏ ⵉⵎⵙⴳⵔⴰ ⵉⴷⵙⵍⴰⵏⵏ

ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ، ⵜⵉⴼⴰⵡⵜ ⵏ ⵡⴰⵙⵙ ⵏ ⵓⴽⵡⴰⵙ 24 ⵛⵓⵜⴰⵏⴱⵉⵔ 2026، ⵢⴰⵏ ⵓⵏⵎⵓⵇⵇⴰⵔ ⴰⴽⴷ ⵉⵎⴰⵙⵙⵏ ⵏ ⵓⵙⵏⵖⵎⵙ، ⵜⵙⵎⵏⵉⴷ ⴷⵉⴳⵙ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ، ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ، ⵉⵎⵙⴳⵔⴰ ⵏ ⵜⴰⵏⴰⴹⵜ ⵏⵏⵙ ⵜⴰⵎⵏⵣⵓⵜ ⵉ ⵜⵏⵥⵉ ⵏ ⵉⵙⵜⴰⵢⵏ ⵓⵣⵔⵉⴼⵏ ⵏⵏⴰ ⵉⵜⵜⵓⴳⴰⵏ ⴰⵙⵙ ⵏ 23 ⵛⵓⵜⴰⵏⴱⵉⵔ ⴰⴷ، ⴰⵢⴰ ⴳ ⵓⵙⴰⵜⵉ ⵏ ⵓⵙⵎⵔⵙ ⵏ ⵜⵙⵎⵉⴳⴰⵍ ⵏⵏⵙ ⴳ ⵢⵉⴳⵔ ⵏ ⵜⵏⵥⵉ ⵜⴰⵔⴰⵡⵙⴰⵏⵜ ⴷ ⵜⵙⵉⵎⴰⵏⵜ ⵏ ⵉⵙⵜⴰⵢⵏ ⴷ ⵓⴹⴼⴼⵓⵕ ⵏ ⵜⴼⵔⴽⵉⵡⵉⵏ ⵏ ⵜⵎⵀⵍⵜ ⵏ ⵉⵙⵜⴰⵢⵏ ⴷ ⵜⵉⴹⴰⴼ ⵏ ⴰⵔ ⵎⵉ ⴰⵢⴷ ⵜⵜⵓⵡⵇⵇⵔⵏ ⵉⵍⵓⴳⵏⵏ  ⵉⴷⵓⵙⵜⵓⵔⵉⵏ ⴷ ⵓⵣⵔⵉⴼⵏ ⴷ ⵉⵎⴰⴷⴷⴰⵙⵏ  ⵉⵣⴷⵉⵏ ⴰⴽⴷⵜⵎⵙⵜⴰⵍ ⵜⵉⴳⵔⴰⵖⵍⴰⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⴰⵔ ⴽⵛⵛⵎⵏ ⵉⵎⵙⴳⵔⴰ ⴰⴷ ⵉⵎⵏⵣⴰ، ⵏⵏⴰ ⵉⵜⵜⵓⴼⵙⴰⵔⵏ ⴷⴷⴰⵡ ⵓⵣⵡⵍ« ⵉⵙⵜⴰⵢⵏ ⵉⵣⵎⵣⴰⵏⵏ ⴷ ⵉⵎⵙⵓⵔⴰⵙ ⵏ ⵜⵎⵢⵉⵎⴰⵏⵜ ⴷ ⵜⴷⵔⴰⵡⵜ »، ⴳ ⵓⵣⴰⵣⵓ ⵏ ⵜⵏⵥⵉ ⵏⵏⴰ ⵉⵙⵙⵉⴷⴼⵏ ⵜⵉⴼⵔⴽⵉⵡⵉⵏ ⴰⴽⴽⵯ ⴷ ⵉⵙⵔⴰⵙ ⵏ ⵉⵙⵜⴰⵢⵏ ، ⵙ ⵓⵄⵔⴰⵎ ⵅⴼ ⵜⴱⵔⵉⴷⵜ ⵏ ⵜⵏⵥⵉ ⵜⴰⵔⴰⵡⵙⴰⵏⵜ ⴷ ⵜⵙⵉⵎⴰⵏⵜ ⵏⵏⴰ ⵉⴱⴷⴷⴰⵏ ⵅⴼ ⵓⴹⴼⴼⵓⵕ ⴳ ⵓⴱⴰⵔⴰⵣ ⴷ ⵓⵙⵎⵓⵜⵜⵔ ⵏ ⵉⵙⴼⴽⴰ ⴷ ⵓⵙⴰⵙⴼⵔ ⵏⵏⵙⵏ ⵙ ⵜⴰⵣⴷⴳⵉ ⴷ ⵜⵔⴰⵡⵙⴰⵏⵜ. ⴰⵎ ⵓⵢⵏⵏⴰ ⵜⴼⴽⴰ ⵜⵎⵀⵍⵜ ⴰⴷ ⵉ ⵓⵙⵇⵇⵉⵎ ⵜⴰⵎⵍⴷⴰ ⵏ ⵓⵙⵎⵓⵜⵜⵔ ⵏ ⵢⴰⵜ ⵜⴳⵔⵓⵎⵎⴰ ⵏ ⵜⵏⵥⵉⵡⵉⵏ ⴷ ⵉⵙⴼⴽⴰ ⵉⵣⴷⵉⵏ ⵙ ⵓⵎⵓⵙⵙⵓ ⵏ ⵜⵎⵀⵍⵜ ⵏ ⵉⵙⵜⴰⵢⵏ، ⵏⵏⴰ ⵉⵜⵜⴳⴳⴰⵏ ⵢⴰⵜ ⵜⴷⴰⴱⵓⵜ ⵜⴰⵎⵏⵣⵓⵜ ⵉ ⵓⵙⴼⵙⵉ ⵏ ⵎⴰⵕⵕⴰ ⵉⵎⵏⵉⴷⵏ ⵏ ⵓⵙⵜⴰⵢ ⴰⴷ ⵣⴳ ⵓⵔⴰⵄⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⴰⵔ ⵜⵜⵉⵏⵉ ⵎⴰⵙⵙⴰ ⴱⵓⵄⵢⵢⴰⵛ ⴳ ⵜⴳⵓⵔⵉ ⵏⵏⵙ، ⴷⴰ ⵜⵜⵙⵎⵓⵏ ⵉⵎⵙⴳⵔⴰ  ⴰⴷ ⵜⴰⵎ (8) ⵏ ⵉⵙⵖⵍⴰⴼ ⵉⵅⴰⵜⴰⵔⵏ ⴷ ⵜⴰⵎ ⵏ ⵉⵎⵙⴳⵔⴰ ⵉⴷⵙⵍⴰⵏⵏ، ⵏⵏⴰ ⵉⵜⵜⵓⴳⴰⵏ ⵙ ⵓⵙⵏⵏⴷ ⵅⴼ ⵉⵙⴼⴽⴰ ⴷ ⵡⵓⵎⵍⴰⵏ ⵏ ⵜⵏⵥⵉ ⴳ ⵓⴱⴰⵔⴰⵣ ⵏ ⵢⴰⵜ ⵜⵔⴰⴱⴱⵓⵜ ⵏⵏⴰ ⴳ ⵍⵍⴰⵏ 783 ⵏ ⵜⵎⵏⵥⵉⵜ ⴷ ⵉⵎⵏⵥⵉ ⵉⴱⴹⴰⵏ ⵅⴼ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵅⴼ ⵜⵏⵥⵉ ⵏ ⵓⵙⴰⵢⵔⴰⵔ ⴰⵎⵓⵟⵟⵓⵏ ⵣⴳ ⴷⴰⵔ ⵢⴰⵜ ⵜⵔⴰⴱⴱⵓⵜⵏ ⵓⵙⵇⵇⵉⵎ ⵏⵏⴰ ⵉⵙⴽⵔⵏ ⵢⴰⵏ ⵓⵏⴳⵔⴰⵡ ⴰⵏⵎⴷⵓ ⵉ ⵜⵉⴹⴰⴼ ⴷ ⵓⵣⵎⵎⴻⵎ ⵏ ⵉⵙⴼⴽⴰ ⴷ ⵜⵎⵏⵥⵉⵜ ⵣⴳ ⵉⵙⵓⴳⴰⵎ ⵏ ⵡⵓⵎⵍⴰⵏ ⴷ ⵡⴰⵍⵍⴰⵙ ⵏ ⵓⵏⵎⴰⵍⴰ ⵏⵏⵙⵏ.

ⵉⵎⵙⴳⵔⴰ ⵉⵎⵏⵣⴰ ⵏ ⵓⵙⵇⵇⵉⵎ ⵅⴼ ⵜⵏⵥⵉ ⵏ ⵉⵙⵜⴰⵢⵏ ⵓⵣⵔⵉⴼⵏ ⵏ 23 ⵛⵓⵜⴰⵏⴱⵉⵔ.