ⴰ. ⴱⵓⵄⵢⵢⴰⵛ : "ⴰⵙⵉⵡⴹ ⴷ ⵉⵎⵉⵙ ⴰⵖⵔⵎⴰⵏ ⵉⵕⵡⴰⵏ ⵉ ⵓⵙⵎⵓⵙⵙⵓ ⵏ ⵡⴰⵎⵓⵏ ⵅⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ” ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙ ⵉⴳⴰ ⵓⵙⵉⵡⴹ ⵢⴰⵏ ⵉⵎⵉⵙ ⴰⵖⵔⵎⴰⵏ ⵉⵕⵡⴰⵏ ⵉ ⵓⵙⵎⵓⵙⵙⵓ ⵏ ⵡⴰⵎⵓⵏ ⵅⴼ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ ⴷ ⵓⵙⵓⵖⵏ ⵏ ⵓⵎⵢⴰⵙ ⴳ ⵓⴳⵏⵙ ⵏ ⵡⴰⵎⵓⵏ ⵉⴼⵔⴰⴳⵏ ⵜⵉⵡⵜⵎⵉⵏ ⵏⵏⵙ ⴷ ⵜⵔⴱⴰⵜⵉⵏ ⵏⵏⵙ ⵙⴳ ⵜⵕⵥⵉ ⵉⵀⵔⵛⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴱⴷⴷⵏ ⵅⴼ ⵡⴰⵏⴰⵡ ⴰⵏⴰⵎⵓⵏ, ⴷ ⵎⴰⵙ ⵓⵔ ⴷ ⵅⵙ ⵜⴰⵎⵖⴰⵔⵜ ⵏⵉⵖ ⵜⴰⵔⴱⴰⵜ ⴰⴷ ⵉⴳⴰⵏ ⵜⵓⵏⴳⵉⵙⵜ, ⵎⴰⵛ ⴰⵎⵓⵏ ⵇⴰⵃ.

ⵜⵙⵙⴽⵕⵥ ⵎⴰⵙⵙⴰ ⴱⵓⵄⵢⵢⴰⵛ, ⴳ ⵜⴳⵓⵔⵉ ⵏⵏⵙ ⵏ ⵓⵕⵥⵥⵓⵎ ⴳ ⵓⵏⵎⵓⵇⵇⴰⵔ ⵏⵏⵉ ⵉⵙⵏⵎⴰⵍⴰ ⵓⵙⵇⵇⵉⵎ ⴳ ⵓⵙⵖⵉⵎ ⵏⵏⵙ ⴳ ⵕⵕⴱⴰⵟ ⵜⵉⴼⴰⵡⵜ ⵏ ⵡⴰⵙⵙ ⴰⴷ ⴰⵙⵉⵎⵡⴰⵙ 10 ⵎⴰⵕⵚ 2023, ⵃⵎⴰ ⴰⴷ ⵉⵙⵎⵏⵉⴷ ⵜⴰⵢⴰⴼⵓⵜ ⵏ ⵜⴰⵏⴰⴹⵜ ⵏⵏⵉ ⵉⵙⵎⵓⵜⵜⴳ ⵅⴼ ⵓⵎⵣⵉⵣⵣⵍ ⵏⵏⵉ ⵉⵕⵥⵎ ⴳ 25 ⵏⵓⵡⴰⵏⴱⵉⵔ 2021 ⴷⴷⴰⵡ ⵜⵎⴰⵜⴰⵔⵜ “ⴰⴷ ⵓⵔ ⵏⴼⵉⵙⵙ ⵅⴼ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ”, ⴷⴷⴰⵡ ⵓⵣⵡⵍ “ⵜⵉⴽⵕⴹⵉ ⴷ ⵡⴰⵔ ⴰⵙⵓⵎⵓ ⴰⴷ ⵉⵏⵇⵇⴰⵏ ⵜⵉⵔⴰⵜ ⵜⴰⵏⴼⴳⴰⵏⵜ ⵏ ⵜⵎⵖⴰⵔⵜ”, ⵅⴼ ⵡⴰⴷⴷⵓⵔ ⵏ ⵓⵙⵔⵇⴱ ⵏ ⵜⵓⵏⴳⵉⵙⵉⵏ ⵜⵓⵏⵊⵉⵎⵉⵏ ⵅⴼ ⵓⵙⵔⵇⴱ ⵅⴼ ⵓⵙⵉⵡⴹ ⵏ ⵇⴰⵃ ⵡⴰⵏⴰⵡⵏ ⵏ ⵜⴽⵕⴹⵉ”, ⵜⵔⵏⵓ ⵎⴰⵙ ⵉⵃⵇⵇⴰ ⴳ ⴽⵉⴳⴰⵏ ⵏ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⵎⴰⵙ ⵉⴳⴰ ⵓⵙⵉⵡⴹ ⵢⴰⵏ ⵉⵎⵉⵙ ⵉⵕⵡⴰⵏ ⵉ ⵓⵙⵎⵓⵙⵙⵓ ⵏ ⵡⴰⵎⵓⵏ ⵉ ⵓⵙⴱⴷⴷⵉ ⵏ ⵜⴽⵕⴹⵉ ⴷ ⵓⵥⵍⵍⴻⵍ ⴷ ⵜⴷⴰⴱⴰⵔⵜ”.

ⵜⵣⵎⵎⴻⵎ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⴷⴰ ⵜⵙⴰⵇⵙⴰ ⵜⴰⵏⴰⴹⵜ ⵏ ⵓⵎⵣⵉⵣⵣⵍ ⴰⴷ, ⵏⵏⵉ ⵉⴽⴽⴰⵏ ⴰⵙⴳⴳⵯⴰⵙ ⵉⵙⵎⴷⵏ, ⴰⵙⵇⵇⵉⵎ ⵅⴼ ⵜⵎⵀⴰⵍ ⴳⴳⵓⵜⵏⵉⵏ ⵏⵏⵉ ⵉⴳⴰ, ⴳ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⵏⵉⵖ ⴳ ⵉⵏⵎⵓⵇⵇⴰⵔⵏ ⵓⵙⵔⵉⴷⵏ ⵏⵉⵖ ⵜⵉⵏⴰⵡⵉⵏ, ⵅⴼ “ⴰⵙⵡⵉⵔ ⵏ ⵓⵙⵔⵇⴱ ⵏ ⵉⴹⵕⵉⵚⵏ ⵓⵍⴳⵉⵏⵏ ⵉⵎⵙⵖⴰⵔⵓⵜⵏ ⴷ ⵓⵎⵀⵉⵍⵏ ⴷ ⵜⵎⵙⴽⵉⵔⵉⵏ ⵉ ⵜⵏⴼⵔⵓⵜ ⵏ ⵓⵣⵔⴼ ⵏ ⵜⵓⵏⵊⵉⵎⵉⵏ ⵙⴳ ⵜⴽⵕⴹⵉ ⵃⵎⴰ ⴰⴷ ⴰⵡⴹⵏⵜ ⴰⵙⵉⵡⴹ ⵙ ⵎⴰⴷ ⵉⵜⵜⵏⴼⵔⵓⵏ ⵜⴰⵎⵢⴰⴳⴰⵏⵜ ⵏ ⵓⵣⵔⴼ ⴳ ⵓⵙⵉⴷⴼ ⵏⵏⵙⵏⵜ ⵙ ⵜⵏⴱⴹⴰⵢⵜ ⴷ ⵓⵙⵎⴰⵎⵎⵉ, ⵃⵎⴰ ⴰⴷ ⵉⵜⵜⵓⵙⴱⴷⴷⵉ ⵓⴼⴼⵔⵜⵍ ⵙⴳ ⵜⵎⵔⵔⵓⵜ ⴷ ⵉⴱⴷⴷⵉ ⵅⴼ ⵉⵎⵓⴽⵔⵉⵙⵏ ⵓⵎⵀⵉⵍⵏ