ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ (CNDH), ⵙ ⵜⵎⴷⵔⴰⵡⵜ ⴷ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵎⵣⵡⴰⴳⵜ ⴳ ⵍⵎⵖⵔⵉⴱ (OIM ⵍⵎⵖⵔⵉⴱ), ⵢⴰⵜ ⵜⵙⴰⵡⵔⵜ ⵏ ⵓⵙⵡⵉⵏⴳⵎ ⵅⴼ ⵓⵙⴳⵓⵎ: "ⴰⵔⴰⵢ ⵙⴳ ⵉⵏⵖⵓⴱⵓⵜⵏ ⴳ ⵓⵎⵏⴰⴹ ⵏ ⵜⵎⵣⵡⴰⴳⵉⵏ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵜⵡⵊⵉⵡⵉⵏ ⴷ ⵓⵙⵡⵓⴷⴷⵓ ⴰⵏⴼⴳⴰⵏ ⵏ ⵉⵡⵜⵜⴰ", ⴰⵙⵙ ⵏ 11 ⴷⵓⵊⴰⵏⴱⵉⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ.
ⵜⴰⵎⵓ ⵜⵙⴰⵡⵔⵜ ⴰⴷ ⴳ ⵓⵙⴰⵜⵉ ⵏ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵓⵎⵉⵔⵓ ⴰⵎⴰⴹⵍⴰⵏ ⵅⴼ ⵜⵎⵣⵡⴰⴳⵜ
ⵜⴰⵏⴼⵍⵙⵜ ⴷ ⵜⵙⵏⵎⴰⵍⴰⵢⵜ ⴷ ⵜⵍⵓⴳⴰⵏⵜ ⵉⵜⵜⵓⵙⵖⵣⵏⵏ ⴳ ⵎⵕⵕⴰⴽⵡⵛ ⴳ ⵓⵙⴳⴳⵯⴰⵙ ⵏ 2018, ⵎⵉ ⵉⴳⴰ ⵓⵡⵜⵜⴰⵙ ⵡⵉⵙ 8 "ⴰⵊⵊⵏⵊⵎ ⵏ ⵜⵓⴷⵔⵜ ⴷ ⵓⵙⵔⵓⵙ ⵏ ⵜⵉⴳⴰⵡⵜ ⵜⴰⴳⵔⴰⵖⵍⴰⵏⵜ ⵉⵜⵜⵓⵙⵎⵙⴰⵙⴰⵏ ⵃⵎⴰ ⴰⴷ ⵜⵜⵡⴰⵙⵙⴰⵏⵜ ⵜⵎⵣⵡⴰⴳⵉⵏ ⵜⵉⵏⵖⵓⴱⵓⵜⵉⵏ".
ⵉⵙⵡⴰⵜⵜⵙ ⵓⵍⴰ ⴰⴷ ⵢⴰⵡⵙ ⴳ ⵓⵙⵎⵀⵍ ⵏ ⵉⵙⵖⵍⴰⴼ ⵍⵍⵉ ⴷ ⵉⴼⴼⵖⵏ ⵅⴼ ⵓⵏⵎⵓⵇⵇⴰⵔ ⵅⴼ ⵓⴱⵟⵟⵓ ⵉⵏⴳⵔ ⵜⵡⵊⵉⵡⵉⵏ ⴷ ⵓⴳⴳⵉⴷⵏ ⵉⵏⵖⵓⴱⵓⵜⵏ ⴳ ⵓⵎⵏⴰⴹ ⵏ ⵜⵎⵣⵡⴰⴳⵉⵏ, ⵉⵜⵜⵓⵙⴽⴰⵔⵏ ⴳ ⵛⵓⵜⴰⵏⴱⵉⵔ 2023 ⴳ ⵓⵙⴰⵜⵉ ⵏ ⵜⵣⵣⵉⴳⵣⵜ ⵏ ⵕⵕⴱⴰⵟ.
ⵙ ⵓⵙⵎⵓⵏ ⵏ ⵜⵣⵓⵏⵉⵡⵉⵏ ⵜⵉⵡⴰⵙⴰⵙⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵉⵎⵙⴽⴰⵔⵏ ⵏ ⵡⴰⵎⵓⵏ ⵓⵖⵔⵉⵎ, ⵔⴰⴷ ⵉⴳ ⵓⵏⵎⵓⵇⵇⴰⵔ ⴰⴷ ⴰⵣⵎⵣⵣⵓ ⵏ ⵓⴱⵟⵟⵓ ⵏ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⴳ ⵓⵙⵡⵓⴷⴷⵓ ⵏ ⵡⴰⴷⴷⴰⴷⵏ ⵏ ⵓⵏⵖⵓⴱⵓⵏ, ⴷ ⵓⵙⴷⵓⵙ ⵏ ⵜⵎⵙⴽⵔⵜ ⵜⴰⵏⵊⵎⵓⵜ ⵙ ⵓⵙⵙⴼⵔⵓ ⵏ ⵜⵉⵍⴰⵍⵜ ⵏ ⵡⴰⵎⵓⵏ ⵓⵖⵔⵉⵎ, ⴷ ⵓⵙⴷⵓⵙ ⵏ ⵓⵙⵡⵉⵏⴳⵎ ⵅⴼ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵓⵙⵏⵎⵍ ⵏ ⵓⴳⴳⵉⴷⵏ ⵎⵎⵓⵜⵏⵉⵏ.
ⵉⵣⴷⵉ ⵎⴰⵢⴰ ⴷ ⵙ ⵓⵙⴽⵜⵉ ⵏ ⵓⵙⴰⵜⵉ ⴰⵣⵔⴼⴰⵏ ⵏ ⵓⴼⵔⴰⴳ ⴷ ⵉⵏⴰⵡⴰⵢⵏ ⵏⵏⴰ ⵙⵔⵙ ⵉⵣⴷⵉⵏ ⴷ ⵓⵙⵎⵏⵉⴷ ⵏ ⵜⵉⵔⵉⵎⵉⵜⵉⵏ ⵏ ⵡⴰⵎⵓⵏ ⵓⵖⵔⵉⵎ ⵏⵏⴰ ⵉⵜⵜⴰⵡⵙⵏ ⴳ ⵡⴰⵏⵏⴰⵍ ⵏ ⵜⵡⵊⵉⵡⵉⵏ, ⴷ ⵓⵙⴱⵟⵟⵓ ⵏ ⵜⵉⵔⵉⵎⵉⵜⵉⵏ ⵏ ⵓⵎⵢⴰⵡⴰⵙ ⵅⴼ ⵓⴼⵔⴰⴳ ⵏ ⵉⵏⵖⵓⴱⵓⵜⵏ.
ⵔⴰⴷ ⵜⴻⵜⵜⵡⴰⵙⵙⴰⵏ ⵜⵖⵉⵎⵉⵜ ⵏ ⵓⵕⵥⵥⵓⵎ ⴳ ⵓⵏⵎⵓⵇⵇⴰⵔ ⴰⴷ ⵙ ⵜⵉⵍⵉⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ CNDH, ⴷ ⵎⴰⵙⵙⴰ ⵍⵓⵔⴰ ⴱⴰⵍⴰⵜⵉⵏⵉ, ⵜⴰⵏⵙⵙⵉⵅⴼⵜ ⵏ ⵜⵙⵎⵉⴳⵍⵜ ⵏ ⵜⵎⴰⴷⴷⴰⵙⵔ ⵜⴰⴳⵔⴰⵖⵍⴰⵏⵜ ⵏ ⵜⵎⵣⵡⴰⴳⵜ ⴳ ⵍⵎⵖⵔⵉⴱ.
