ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵎⴰⵙ ⵜⴳⴰ ⵜⵉⵔⵎⵉⵜ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴳ ⵍⵎⵖⵔⵉⴱ ⵢⴰⵜ ⵜⵔⵙⴰⵍⵜ ⵜⴰⴷⵙⵍⴰⵏⵜ ⵏ ⵉⵎⵓⴽⵏⵏ ⵉⵖⵣⵓⵔⴰⵏⵏ, ⵜⵙⴷⴷⵉⴷ ⵎⴰⵙ ⴷ ⵍⵍⵉⵖ "ⵉⴱⵔⵔⵃ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴳⵉ ⵏ ⵓⵎⵓⴽⵏ ⴰⴷⵙⵜⴰⵔ ⴰⵖⵣⵓⵔⴰⵏ ⴳ ⵓⵙⴳⴳⵯⴰⵙ ⵏ 2011, ⵉⵙⴽⵔ ⵙⴳ ⵉⵙⵖⵍⴰⴼ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⵢⴰⵜ ⵙⴳ ⵜⵔⵙⴰⵍ ⵜⵉⴷⵙⵍⴰⵏⵉⵏ ⵏ ⵓⵎⵓⴽⵏ ⴰⴷ, ⴷ ⵓⵍⴰ ⵜⵉⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ".

ⵜⵔⵏⵓ ⵎⴰⵙⵙⴰ ⴱⵓⵄⵢⵢⴰⵛ, ⴳ ⵜⴳⵓⵔⵉ ⵏⵏⵙ ⵏ ⵓⵕⵥⵥⵓⵎ ⵏ ⵜⵙⵎⵓⵏⵉ ⵅⴼ "ⵜⵣⵔⴼⵜ ⴷ ⵓⵎⵓⴽⵏ ⴷ ⵜⵎⴽⵜⵉⵜ ⴳ ⵓⴱⵔⵉⴷ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ", ⵏⵏⴰ ⵉⵙⵏⵎⴰⵍⴰ ⵓⵙⵇⵇⵉⵎ ⵙ ⵜⵎⴷⵔⴰⵡⵜ ⴷ ⵡⴰⵎⵎⴰⵙ ⴰⴼⵔⵉⵇⵉ ⵏ ⵜⵖⵓⵔⵉⵡⵉⵏ ⵉⵣⴷⵉⵏ ⴷ ⵜⴷⵉⵎⵓⵇⵕⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵙ ⵡⴰⵏⵏⴰⵍ ⵏ ⵓⴽⴰⴱⴰⵕ ⴰⵎⵖⵍⴰⵍ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴰⵔ ⵜⵎⵜⵜⴰ ⵉⵎⵓⵏⵏ ⴳ ⵊⵓⵏⵉⴼ, ⴳ ⵜⵉⴼⴰⵡⵜ ⵏ ⵡⴰⵙⵙ ⵏ ⵓⴽⵕⴰⵙ 25 ⵛⵓⵜⴰⵏⴱⵉⵔ 2024 ⴳ ⵜⴳⴰⴷⵉⵔⵜ ⵏ ⵜⵎⵜⵜⴰ ⴳ ⵊⵓⵏⵉⴼ, ⵎⴰⵙ ⴰⵖⵓⵍⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴷⴷⵖ ⵍⵍⴰⵏ ⵉⵎⵓⴽⵏⵏ ⴰⴷ ⴳ ⵜⵓⵥⵥⵓⵎⵜ ⵏ ⵓⵏⴱⴰⴹ ⴰⵎⵖⵔⵉⴱⵉ, ⵢⴰⵖⵓⵍ ⵓⵎⵉⵔⵓ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⵓⵎⴰⵏ ⴳ ⵜⵏⵜⴰⵎⵜ ⵜⴰⴷⵙⵜⴰⵔⵜ, ⵉⴳⴰ ⴰⵏⵎⵎⴰⵍ ⵙ ⵉⵅⵚⵚⴰ ⴰⴷ ⵉⵙⵡⴰⵍⴰ ⵜⵓⴳⵜ ⵏ ⵉⵎⵙⴽⴰⵔⵏⵏ, ⵓⵏⴱⵉⴹⵏ ⴷ ⵡⴰⵔ ⵓⵏⴱⵉⴹⵏ, ⴳ ⵢⴰⵏ ⵓⵙⴰⵜⵉ ⴰⵏⴰⵎⵓⵔ ⵉⵣⴷⵉⵏ ⵉⵏⴳⵔ ⵜⵎⵙⵜⴳⴳⴰⵔⵜ ⴷ ⵓⵙⵇⵙⵉ ⴷ ⵓⵙⵖⵓⵏ ⵙ ⵓⴹⵕⵉⵚ ⴰⵎⴰⵜⵜⴰⵢ.

ⴰⴳⴰⵎ ⵏ ⵜⴳⵓⵔⵉ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ