ⴰⴳⵔⴰⵡ ⴰⵎⴰⵜⴰⵢ
ⵉⵜⵜⵡⴰⵙⵏⴰⵢ ⵓⵙⵇⵇⵉⵎ ⵅⴼ ⵉⴳⴳⵉ ⵏ ⵜⵏⵙⵙⵉⵅⴼⵜ ⵏⵏⵙ ⴷ ⵓⵏⴼⵍⵓⵙ ⵏⵏⵙ ⴰⵎⴰⵜⴰⵢ ⵙⴳ ⵉⵏⴳⵎⴰⵎⵏ ⵉⵏⴹⴼⴰⵕⵏ: ⴰⴳⵔⴰⵡ ⴰⵎⴰⵜⴰⵢ; ⴰⵙⵉⵔⴰ ⵏ ⵓⵙⵇⵇⵉⵎ ⴷ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ.
ⵉⵜⵜⵓⵙⵎⴰⴳⵍ ⵓⴳⵔⴰⵡ ⴰⵎⴰⵜⴰⵢ, ⵏⵏⵉ ⵉⵜⵜⵡⴰⵙⵏⴰⵢⵏ ⵙⴳ ⵇⴰⵃ ⵉⴳⵎⴰⵎⵏ ⵏ ⵓⵙⵇⵇⵉⵎ, ⵙ ⵜⵎⵙⴽⵔⵜ ⵏ ⵜⵥⵍⴰⵢⵉⵏ ⵜⵉⵏⴹⴼⴰⵕⵉⵏ:
-ⵜⴰⵖⵓⵔⵉ ⵏ ⵉⵙⵖⵏⵓⵜⵏ ⵏ ⵓⵎⵏⴰⴷ ⴷ ⵜⵙⵓⵎⴰⵔ ⴷ ⵉⵙⵖⵍⴰⴼ ⴷ ⵜⴰⵏⴰⴹⵉⵏ ⴷ ⵉⵖⴰⵡⴰⵙⵏ ⴷ ⵜⵣⵔⴰⵡⵉⵏ ⴷ ⵉⵔⵣⵣⵓⵜⵏ ⵏⵏⵉ ⵜⵜⴳⴳⴰⵏ ⵉⵏⴳⵎⴰⵎⵏ ⵏ ⵓⵙⵇⵇⵉⵎ, ⵉⵙⵖⵣⵏ ⵜⵏ;
-ⵜⴰⵖⵓⵔⵉ ⵏ ⵓⵙⵖⵏⵓ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵜⴰⵙⴳⵯⵙⴰⵏⵜ ⵏ ⵉⵎⵓⵙⵙⵓⵜⵏ ⵏ ⵓⵙⵇⵇⵉⵎ ⴷ ⵉⵎⵓⵙⵙⵓⵜⵏ ⵏ ⵉⵎⴰⵙⵙⵏ, ⵉⵙⵖⵣⵏ ⵜⵏ;
-ⵜⴰⵙⵖⵣⵏⵜ ⵏ ⵓⵙⵖⵏⵓ ⵏ ⵜⵎⵙⴰⵙⵜⵍⵜ ⵏ ⵓⵙⵇⵇⵉⵎ ⴷ ⵓⵙⵡⵓⵜⵜⵓ ⵏ ⵉⵙⵉⴹⵏⵏ ⵏ ⵓⵙⴳⴳⵯⴰⵙ ⴰⵥⵕⴼⴰⵏ ⴰⵎⴳⴳⴰⵔⵓ;
-ⵜⴰⵙⵖⵣⵏⵜ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ, ⵏⵏⵉ ⴰⵙ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ;
-ⵜⴰⵙⵖⵣⵏⵜ ⵏ ⵓⵏⴳⵔⴰⵡ ⴰⴷⵙⵍⴰⵏ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⵏ ⵓⵙⵇⵇⵉⵎ ⵙ ⵓⵙⵎⵙⴰⵙⴰ ⴰⴽⴷ ⵜⵏⴱⴰⴹⵜ ⵜⵓⵏⴱⵉⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵥⵕⴼ;
-ⵜⴰⵙⵖⵣⵏⵜ ⵏ ⵉⵙⵖⵏⵓⵜⵏ ⵏ ⵜⴰⵏⴰⴹⵉⵏ ⵜⵉⵙⴳⵯⵙⴰⵏⵉⵏ ⵏ ⵉⵎⵓⵙⵙⵓⵜⵏ ⵏ ⵓⵙⵇⵇⵉⵎ ⴷ ⵜⴰⵏⴰⴹⵉⵏ ⵜⵉⵙⴳⵓⵎⴰⵏⵉⵏ.
ⵎⴽⴷⴰ ⵉⵜⵜⵓⵙⵎⴰⴳⵍ ⵓⴳⵔⴰⵡ ⴰⵎⴰⵜⴰⵢ ⵙ ⵜⵖⵓⵔⵉ ⵏ ⵉⵙⵖⵍⴰⴼ ⴷ ⵜⵙⵓⵎⴰⵔ ⴷ ⵜⵢⴰⴼⵓⵜⵉⵏ ⵏ ⵜⵡⵓⵔⵉⵡⵉⵏ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⴷ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵓⵙⵇⵇⵉⵎ ⴷ ⵜⵙⵖⵣⵏⵜ ⵏⵏⵙⵏⵜ.