ⵜⴰⴱⵔⴰⵜ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵏⴱⴰⴹⵉⵏ ⵥⵍⵉⵏⵉⵏ ⵏ ⴼⵕⴰⵏⵚⴰ ⵅⴼ ⵓⵙⵡⵔⵔⵉ ⵏ ⵍⴰⵕⵛⵉⴼ ⵏ ⵉⴳⵍⵍⵉⵏ ⵄⴱⴷ ⵍⴽⵔⵉⵎ ⵍⵅⵟⵟⴰⴱⵉ ⵜⵙⵡⴰⵍⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴰⵏ ⵏ ⵓⴼⴳⴰⵏ, ⵜⵉⴳⵉⵔⴰ ⵏ ⵉⵎⴰⵍⴰⵙⵙ ⵣⵔⵉⵏⵉⵏ ⵙ ⵜⴱⵔⵉⴷⵜ ⵏ ⵓⵙⴰⴽⴰ ⴰⴷⵉⴱⵍⵓⵎⴰⵙⵉ, ⵢⴰⵜ ⵜⵎⵙⵙⴽⵜⵉⵜ ⵜⴰⵎⵉⵔⴰⵢⵜ ⵉ ⵍⴰⵕⵛⵉⴼ ⴰⴷⵉⴱⵍⵓⵎⴰⵙⵉ ⵏ ⴼⵕⴰⵏⵚⴰ, ⵉⴹⴼⵕⵏ ⵉ ⵜⵎⴰⵡⴰⵙⵜ ⵏ ⵓⵕⵓⴱⴱⴰ ⴷ ⵜⵖⴰⵡⵙⵉⵡⵉⵏ ⵏ ⴱⵕⵕⴰ, ⵏⵏⴰ ⴳ ⵜⵙⴷⴷⵉⴷ ⵅⴼ ⵡⴰⵜⵉⴳ ⵏ ⵓⵙⵡⵔⵔⵉ ⵏ ⵍⴰⵕⵛⵉⴼ ⵏ ⵉⴳⵍⵍⵉⵏ ⵄⴱⴷ ⵍⴽⵔⵉⵎ ⵍⵅⵟⵟⴰⴱⵉ ⵉ ⵍⵎⵖⵔⵉⴱ, ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵏ ⵓⵃⵟⵟⵓ ⵏ ⵍⴰⵕⵛⵉⴼ ⴰⵏⴰⵎⵓⵔ ⴷ ⵜⵎⴽⵜⵉⵜ ⵜⴰⵎⵖⵔⵉⴱⵉⵜ ⵜⴰⴳⵔⴰⵡⴰⵏⵜ.
ⵜⴷⴷⵓ ⴷ ⵜⵎⵢⴰⵣⴰⵏⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵡⴰⵏⵏⴰⵍ ⵏ ⵜⵓⵜⵜⵔⴰ ⵏⵏⴰ ⵢⴰⴷ ⵜⵙⵡⴰⵍⴰ ⵜⵎⵔⵙⵍⵜ "ⴰⵕⵛⵉⴼ ⵏ ⵍⵎⵖⵔⵉⴱ" ⵅⴼ ⵓⵙⵏⵜⵍ ⴰⴷ ⵉ ⵍⴰⵕⵛⵉⴼ ⴰⴷⵉⴱⵍⵓⵎⴰⵙⵉ ⴰⴼⴰⴷ ⴰⴷ ⵡⵔⵔⵉⵏ ⵡⴰⵔⵔⴰⵜⵏ ⵉⵣⵖⵓⵕⴰⵏⵏ ⵏⵏⴰ ⴷⴰⵔⵙ ⵉⵍⵍⴰⵏ ⵅⴼ ⵉⴳⵍⵍⵉⵏ ⵄⴱⴷ ⵍⴽⵔⵉⵎ ⵍⵅⵟⵟⴰⴱⵉ, ⴹⴰⵕⴰⵜ ⵎⴰⴷ ⵜⵏ ⵓⵡⵉⵏ ⵉⴷⴼⵔⵉⵔⵏ ⵏ ⴼⵕⴰⵏⵚⴰ ⴰⵙⴳⴳⵯⴰⵙ ⵏ 1926. ⵜⴷⴷⵓ ⴷ ⴰⵡⴷ ⵜⵎⵢⴰⵣⴰⵏⵜ ⴰⴷ ⴳ ⵓⵎⵏⴰⴹ ⵏ ⵜⵙⵏⵜⴰⵢⵉⵏ ⵛⵛⴰⵕⵏⵉⵏ ⵏ ⵜⵎⵔⵙⴰⵍ ⵙ ⵙⵏⴰⵜ ⵉⵙⵡⵓⵜⵜⵙⵏ ⵜⴰⵏⴽⵔⴰ ⵙ ⵍⴰⵕⵛⵉⴼ ⴰⵎⵖⵔⵉⴱⵉ, ⵍⵓⵎⴰⵕ ⴳ ⵓⵙⴰⵜⵉ ⵏ ⵓⴼⵔⴷⵉⵙ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ ⴰⵎⵖⵔⵉⴱⵉ ⴷ ⵉⵎⵓⵖⵍⵏ ⵏⵏⵙ ⵏⵏⴰ ⵉⵜⵜⵓⵙⵔⵙⴰⵏ ⵖ ⴷⴰⵔ ⵓⵙⵇⵇⵉⵎ.
"ⴰⵃⵟⵟⵓ ⵏ ⵜⵎⴽⵜⵉⵜ ⵜⴰⴳⵔⴰⵡⴰⵏⵜ ⴰⵙⴳⵓⵎ ⴰⴷⵙⵍⴰⵏ ⴳ ⵜⵡⵓⵔⵉ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴳⴰⵏ", ⴰⴷ ⵜⵏⵏⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴳ ⵜⵉⵏⴰⵡⵜ ⵏⵏⵙ ⵅⴼ ⵜⵓⵜⵜⵔⴰ ⵏ ⵓⵙⵡⵔⵔⵉ ⵏ ⵍⴰⵕⵛⵉⴼ ⵏ ⵉⴳⵍⵍⵉⵏ ⵄⴱⴷ ⵍⴽⵔⵉⵎ ⵍⵅⵟⵟⴰⴱⵉ, "ⵉⴷⴷⵖ ⵉⵟⵟⴰⴼ ⵍⴰⵕⵛⵉⴼ ⴰⵏⴰⵎⵓⵔ, ⵅⴼ ⵉⴳⴳⵉ ⵏ ⵡⴰⵜⵉⴳ ⵏⵏⵙ ⴰⵡⵏⴳⵉⵎ, ⴰⵜⵉⴳ ⵎⵇⵇⵓⵔⵏ ⴳ ⵓⵙⴷⵓⵙ ⵏ ⵓⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ ⴷ ⴳ ⵜⵖⵔⵉ ⵏ ⵜⵎⵙⴰⵔⵉⵏ ⵜⵉⵎⵣⵔⴰⵢⵉⵏ, ⵍⵓⵎⵎⵏ ⵎⴰⴷ ⵉⵥⵍⵉⵏ ⵙ ⵓⵎⵣⵔⵓⵢ ⵏⵏⵖ ⴰⵜⵔⴰⵔ".
ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵕⵥⵎ ⴳ ⵎⴰⵢⵢⵓ 2021 ⵢⴰⵏ ⵓⴼⵔⴷⵉⵙ, ⵉⵜⵜⵡⴰⵙⵔⴰⵙⵏ ⴷⴰⵔ ⵜⵏⵙⵙⵉⵅⴼⵜ, ⵉⵙⵡⵓⵔⵉⵏ ⵅⴼ ⵜⵎⵙⵍⴰⵢⵉⵏ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⵜⴰⵏⴰⵎⵓⵔⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ ⴰⵎⵖⵔⵉⴱⵉ ⴷ ⵇⴰⵃ ⵉⵎⵓⵖⵍⵏ ⵏⵏⵙ. ⴰⵔ ⵢⴰⴽⴽⴰ ⵓⵙⵇⵇⵉⵎ ⴷ ⵜⵎⵔⵙⵍⵜ ⵏ "ⴰⵕⵛⵉⴼ ⵍⵎⵖⵔⵉⴱ" ⴷ ⵓⴼⵔⴷⵉⵙ ⴰⴷ ⴰⵜⵉⴳ ⵎⵇⵇⵓⵔⵏ ⵉ ⵜⵎⵙⵍⴰⵢⵜ ⵏ ⵓⵙⵡⵔⵔⵉ ⵏ ⵍⴰⵕⵛⵉⴼ ⴰⵎⵖⵔⵉⴱⵉ ⴰⴼⴰⴷ ⴰⴷ ⵜⴻⵜⵜⵓⵙⵎⴰⴷ ⵜⵙⴰⵡⵔⵜ ⵏ ⵓⵏⵀⵍⵍⴰ ⵏ ⵜⵎⴽⵜⵉⵜ ⵜⴰⴳⵔⴰⵡⴰⵏⵜ ⴷ ⵍⴰⵕⵛⵉⴼ ⴰⵏⴰⵎⵓⵔ ⴷ ⵓⵃⵟⵟⵓ ⵏⵏⵙⵏ.
