ⵉⵜⵜⵡⴰⴼⵙⴰⵔ ⴳ
ⵔⴰⴷ ⵉⵙⵎⵏⵉⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵏⴰⴹⵜ ⵏⵏⵙ ⵜⴰⵙⴳⵓⵎⴰⵏⵜ ⵅⴼ "ⵜⴰⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ ⴳ ⵍⵎⵖⵔⵉⴱ.. ⵉⵏⴰⵥⴰⵕⵏ ⴷ ⵉⵎⵙⵓⵔⴰⵙ ⴷ ⵉⵙⴰⴷⴰⴼⵏ ⵏ ⵓⵙⴷⵓⵙ", ⴰⵙⵙ ⵏ ⴰⵙⵉⵎⵡⴰⵙ 22 ⵉⴱⵔⵉⵔ 2022 ⴳ ⵜⵙⵔⴰⴳⵜ ⵜⵉⵙ ⵢⴰⵜ ⴷ ⵎⵔⴰⵡⵜ ⵏ ⵜⵉⴼⴰⵡⵜ (11.00) ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵜⴻⵜⵜⵓⵙⵎⵓⵜⵜⴳ ⵜⴰⵏⴰⴹⵜ ⴰⴷ, ⵏⵏⵉ ⵉⵜⵜⵓⵙⵖⵣⵏⵏ ⵙ ⵜⵎⵍⴷⴰ ⵏ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ ⵙⴰⵜ ⵏ ⵓⵙⵇⵇⵉⵎ ⴳ ⴱⵕⴰⵢⵕ 2022, ⵙ ⵜⵙⵖⵣⵏⵜ ⵏ ⵜⵎⵢⴰⴷⴰⵙⵜ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵓⵜⴳ ⵏ ⵜⵙⵔⵜⴰⵢⵉⵏ ⵜⵉⴳⴷⵓⴷⴰⵏⵉⵏ, ⴷ ⵙ ⵜⴼⵍⵙⵜ ⵏ ⵓⵙⵇⵇⵉⵎ ⵙ ⵡⴰⴷⴷⵓⵔ ⴰⵎⵇⵇⵔⴰⵏ ⵏ ⵓⵣⵔⴼ ⴳ ⵜⴷⵓⵙⵉ ⵉⴷⴷⵖ ⵉⴳⴰ ⴰⵣⵔⴼ ⵉⵜⵜⴰⵡⴹⵏ ⵜⴰⵣⵎⵔⵜ ⵏ ⵉⵏⵎⵓⵔⴰⵏ ⵅⴼ ⵓⴼⵊⵊⵉⵊ ⵙ ⵉⵣⵔⴼⴰⵏ ⵏⵏⵙⵏ ⵢⴰⴹⵏⵉⵏ, ⴳ ⵓⵙⴰⵜⵉ ⵏ ⵓⵎⵏⵣⴰⵢ ⵏ ⵡⴰⵔ ⵜⵣⵎⵔⵜ ⵏ ⵓⴱⵟⵟⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵅⴼ ⵉⴳⴳⵉ ⵏ ⵓⴼⵔⴰⴽ ⵏⵓⵙⵇⵇⵉⵎ ⵙ ⵓⵙⵓⵖⵏ ⵏ ⵓⵙⵖⵍⵍⴰ ⵏ ⵉⵣⵎⴰⵣ ⵉⵎⵣⵔⴰⵢⵏ ⵏⵏⴰ ⴷ ⵉⴼⵍ ⵓⴱⴰⵢⵢⵓⵕ (ⴽⵓⴼⵉⴷ-19) ⴰⴼⴰⴷ ⴰⴷ ⵜⵜⵓⴳⴳⴰⵏ ⵉⵙⵏⴼⵍⵏ ⵉⵎⴰⵏⴰⵡⵏ ⴳ ⵜⵎⵢⴰⴷⴰⵙⵜ ⵏ ⵜⴷⵓⵙⵉ ⵉⴳⴰⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ ⵉⵍⵍⴰⵏ ⴳ ⵜⵓⵥⵥⵓⵎⵜ ⵏ ⵓⴼⵔⴰⴳ ⵏ ⵓⴼⵔⴰ ⴷ ⵜⵏⴱⴰⴹⵜ
ⵜⴰⵏⴰⵎⵓⵔⵜ.
ⵜⴰⵡⵉ ⴷ ⵜⴰⵏⴰⴹⵜ ⵅⴼ ⵜⴱⴱⴰⵢⴹⴰⵕⵉⵏ ⵏ ⵓⵙⵉⴷⴼ ⵏ ⵜⵏⵎⵓⵔⵉⵢⵉⵏ ⴷ ⵉⵏⵎⵓⵔⴰⵏ ⵙ ⵓⵣⵔⴼ ⵏⵏⵙⵏ ⴳ ⵜⴷⵓⵙⵉ ⴷ ⵜⵙⵓⵎⵔⵜ ⵏ ⵉⵙⴰⴷⴰⴼⵏ ⵏ ⵓⵙⵎⴽⵍ ⵏⵏⵙ, ⵓⵔ ⴷ ⵅⵙ ⵙ ⵓⵙⵙⵏⵜⵉ ⵙⴳ ⵉⴹⵕⵉⵚⵏ ⵓⵍⴳⵉⵏⵏ ⵏⵏⴰ ⵉⵜⵜⴹⵎⴰⵏⵏ ⴰⵣⵔⴼ ⴳ ⵜⴷⵓⵙⵉ, ⵎⴰⵛ ⵙ ⵓⵎⴰⵜⴰ ⴰⵡⴷ ⵙ ⵓⵔⵣⵣⵓ ⵅⴼ ⵉⵣⴰⴽⴰⵏ ⵣⴷⵉⵏⵉⵏ ⵙ ⵉⵡⵜⵜⴰ ⵏⵜⵍⵏⵉⵏ ⵏ ⵓⵣⵔⴼ ⴳ ⵜⴷⵓⵙⵉ, ⵍⵓⵎⵎⵏ ⵉⵣⴰⴽⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ.
ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵓⵙⵖⵏⵓ ⴰⴷ ⴳ 14 ⴽⵟⵓⴱⵕ 2020.
"ⵓⵔ ⵜⴻⵜⵜⵡⴰⵣⵎⴰⵔ ⵜⵏⴼⵔⵓⵜ ⵏ ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ, ⵙ ⵎⴰⵙ ⵉⵜⵜⵡⴰⵙⵙⵏ ⵏ ⵡⴰⴳⴰⵔⵏ ⴳ ⵎⴰⴷ ⵉⵥⵍⵉⵏ ⵙ ⵓⴼⵊⵊⵉⵊ ⴷ ⵓⵙⵉⴷⴼ ⵙⵔⵙ, ⴰⴱⵍⴰ ⴳ ⵓⵙⴰⵜⵉ ⵏ ⵓⵡⴰⵏⴽ ⵉⵜⵜⵎⵏⵣⴰⵖⵏ ⴷ ⵉⵜⵜⴹⵎⴰⵏⵏ ⴰⵣⵔⴼ ⴰⴷ".
ⵜⴰⵏⴰⴹⵜ ⴰⴷ ⴷ ⵜⴰⵢⴰⴼⵓⵜ ⵏ ⵉⵏⵎⵓⵇⵇⴰⵔⵏ ⵉⵏⴰⵎⵓⵔⵏ ⴷ ⵉⵏⵎⵏⴰⴹⵏ ⴷ ⵜⵎⵢⴰⴷⴰⵙⵜ ⵜⴰⵏⵊⵎⵓⵜ ⵉⵙⵙⵓⵔⴼⵏ ⵙ ⵓⵙⴷⵔⴰⵡⵏ ⵜⵓⴳⵜ ⵏ ⵉⵎⴳⴳⴰⵢⵏ ⵉⵎⵔⵙⴰⵍⵏ ⴷ ⵉⵣⵣⵓⵍⴰⵏⵏ ⴷ ⵉⵎⵓⵣⴰⵢⵏ ⴷ ⵉⵎⵔⵣⴰ ⵏⵜⴰⵢⵏⵉⵏ ⵙ ⵓⵣⵔⴼ ⴳ ⵜⴷⵓⵙⵉ, ⴷ ⵜⵙⵓⵎⵔⵜ ⵏ ⵉⴼⵙⵙⴰⵢⵏ ⵓⵎⵀⵉⵍⵏ ⵖⵉⵢⵏⵉⵏ ⴰⴷ ⵜⵜⵓⵙⵏⵉⵙⵏ, ⵜⵜⵓⵙⵎⵙⴰⵙⴰⵏ ⴰⴽⴷ ⵜⵥⵍⴰⵢⵉⵏ ⵜⵉⵏⵎⵏⴰⴹⵉⵏ ⴷ ⵜⴷⵖⵔⴰⵏⵉⵏ ⵣⴹⴰⵕⵏⵉⵏ ⴰⴷ ⴷⵔⵓⵏ ⴳ ⵓⵙⴷⵓⵙ ⵏ ⵓⵣⵔⴼ ⴳ ⵜⴷⵓⵙⵉ ⵉ ⵇⴰⵃ ⵜⵏⵎⵓⵔⵉⵢⵉⵏ ⴷ ⵉⵏⵎⵓⵔⴰⵏ.
ⵙ ⵓⵙⵙⵏⵜⵉ ⵙⴳ ⵜⵎⵢⴰⴷⴰⵙⵜ ⴰⴷ ⵜⴰⵏⵊⵎⵓⵜ, ⴰⵔ ⵜⵙⵎⵏⵉⴷ ⵜⴰⵏⴰⴹⵜ ⴰⴷ ⵉⵎⵏⵣⴰⵢⵏ ⵉⴷⵙⵍⴰⵏⵏ ⵉ ⵜⵓⵚⴽⴰ ⴷ ⵓⵜⵡⴰⵍ ⵏ ⵢⴰⵜ ⵜⵙⵜⵕⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵜⴷⵓⵙⵉ ⵉⵣⵎⵔⵏ ⴰⴷ ⵜⴹⵎⵏ ⴰⵣⵔⴼ ⴳ ⵜⴷⵓⵙⵉ ⵉ ⵇⴰⵃ, ⵜⵎⵏⴰⵍⴰ ⵉⵎⵣⴰⵔⴰⵢⵏ ⵉⵏⴰⵎⵓⵏⵏ ⴷ ⵉⴼⵔⴽⴰⵏⵏ ⵏⵏⴰ ⵉⵙⵏⴽⵓⵎⵎⵓⵏ ⴰⴼⵊⵊⵉⵊ ⵙ ⵓⵣⵔⴼ ⴰⴷ ⵙ ⵉⴳⵉ ⵏ ⵙⵙⵎⵓⵙ ⵏ ⵉⵙⴰⴷⴰⴼⵏ ⵉⴷⵙⵍⴰⵏⵏ ⵅⴼ ⵜⵏⴼⵔⵓⵜ ⵏ ⵓⵙⵉⴷⴼ ⴰⵎⵢⴰⴳⴰⵏ ⵙ ⵜⴷⵓⵙⵉ ⵉ ⵇⴰⵃ ⵜⵏⵎⵓⵔⵉⵢⵉⵏ ⴷ ⵉⵏⵎⵓⵔⴰⵏ.
ⵉ ⵓⵙⴽⵜⵉ, ⵉⴽⴽⴰ ⵓⵙⵇⵇⵉⵎ ⵉⵕⵥⵎ, ⴳ 14 ⴽⵟⵓⴱⵕ 2020, ⴰⵙⵖⵏⵓ ⵏ “ⵜⴰⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ ⴳ ⵍⵎⵖⵔⵉⴱ:
ⵖⵔ ⵢⴰⵏ ⵓⵏⴳⵔⴰⵡ ⴰⴷⵓⵙⴰⵏ ⵉⵙⵏⴰⵍⵏ ⵅⴼ ⵜⵎⵢⴰⴷⴰⵙⵜ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ”, ⵅⴼ ⵓⵏⵄⴰⵕ ⴰⴼⴰⴷ ⴰⴷ ⵜⴻⵜⵜⵡⴰⵙⵔⴰⵙ ⵢⴰⵜ ⵜⵙⵜⵕⴰⵜⵉⵊⵉⵜ ⵜⴰⴷⵓⵙⴰⵏⵜ ⵜⴰⵏⴰⵎⵓⵔⵜ ⵜⴰⵎⵙⵉⴷⴼⵜ.
