ⵉⵙⵙⴰⵖ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵉⴳⴳⵉ ⵏ ⵜⵙⵓⵜⵍⵜ ⵜⵉⵙ ⵜⴰⵎⵜ ⵏ ⵓⴳⵔⴰⵡ ⵏⵏⵙ ⴰⵎⴰⵜⴰⵢ, ⴷ ⵙ ⵜⵙⵏⵜⴰⵢⵜ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴷ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏⵏⵙⵏ, (ⵉⵙⵙⴰⵖ) ⵉⵙⵎ ⵏ "ⵕⴰⵢⴰⵏ" ⵉ ⵢⴰⵏ ⵓⵙⴰⵢⵔⴰⵔ ⵉⵥⵍⵉⵏ ⵙ ⵓⵙⵙⴼⵍⴷ ⵉ ⵡⴰⵣⵣⴰⵏⵏ ⴳ ⵓⵙⵖⵉⵎ ⵏ ⵜⵎⵔⵙⵍⵜ ⴳ ⵕⵕⴱⴰⵟ. ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴷⴰ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵜⵓⵙⵉ ⵜⵙⵏⵜⴰⵢⵜ ⴰⴷ "ⵜⴰⵎⴰⵜⴰⵔⵜ ⵜⴰⵡⵏⴳⵉⵎⵜ ⴷ ⵜⵉⵏ ⵜⵖⴰⵔⴰ ⵉⴷⴷⵖ ⴷⴰ ⵢⴰⵖ ⵜⵙⵙⴽⵜⴰⵢ ⵙ ⵢⴰⵏ ⵉⵎⵊⵕⵉ ⴰⴽⵏⵙⴰⵏ ⴷⴷⵔⵏⵜ ⵉⵎⵖⵔⵉⴱⵉⵏ ⴷ ⵓⴼⴳⴰⵏ ⵇⴰⵃ". ⵜⵔⵏⵓ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ : "ⵏⵣⵎⵔ ⴰⴷ ⵏⴰⵙⵉ ⵙⴳ ⵜⴽⵏⵙⴰ ⴰⴷ ⵜⵉⵎⵙⵙⵉⵔⴷⵉⵏ ⵜⵉⵎⵢⴰⵏⴰⵡⵉⵏ, ⵏⵏⴰ ⵏⵔⴰ ⴰⴷ ⵢⴰⵎⵥ ⵉⵎⵉⵙ ⴰⵏⴰⵎⵓⵔ, ⵙⴳ ⵢⴰⵜ ⵜⵙⴳⴰ, ⵏⴱⴹⵓⵜⵏ ⴰⴽⴷ ⵡⴰⵣⵣⴰⵏⵏ ⴳ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴰⴼⴰⴷ ⴰⴷ ⵜⵜⵡⴰⴼⵔⴰⴽⵏ ⵙⵉⵔⵙⵏⵜ, ⵙⴳ ⵜⵙⴳⴰ ⵢⴰⴹⵏⵉⵏ".