ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ (CNDH) ⴷ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴼⵔⵉⵇⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (RINADH) ⵢⴰⵏ ⵓⵏⵎⵓⵇⵇⴰⵔ ⴰⵎⵙⴷⴰⵖ ⴳ ⵜⴰⵎⴰ ⵏ ⵜⵙⵓⵜⵍⵜ ⵜⵉⵙ 29 ⵏ ⵜⵉⵏⴰⵡⵜ ⵏ ⵜⴼⵓⵍⵉⵏ ⵅⴼ ⵓⵏⴳⵉⴳⵜ (COP 29), ⴰⵙⵙ 14 ⵏⵓⵡⴰⵏⴱⵉⵔ 2024 ⴳ ⴱⴰⴽⵓ, ⴰⵣⵉⵔⴱⵉⴷⵊⴰⵏ. ⵔⴰⴷ ⵉⵜⵜⵓⵙⵏⵎⴰⵍⴰ ⵓⵏⵎⵓⵇⵇⴰⵔ ⴰⴷ, ⵢⵓⵙⵉⵏ ⵙ ⵓⵣⵡⵍ "ⵜⴰⵎⵣⵡⴰⴳⵜ ⴷ ⵜⵏⴰⵎⵉⵜ ⴳ ⵓⵎⵏⴰⴹ ⵏ ⵓⵙⵏⴼⵍ ⵏ ⵓⵏⴳⵉⴳⵜ", ⴳ ⵓⵙⴰⵔⴰⴳ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⵙⴳⴰ ⵜⴰⵥⵕⵡⴰⵍⵜ.
ⵉⵙⵡⴰⵜⵜⵙ ⵓⵏⵎⵓⵇⵇⴰⵔ ⴰⴷ ⵉⴳ ⵢⴰⵜ ⵜⴷⴰⵙⵉⵍⵜ ⵏ ⵓⵎⴹⴰⴽⴰⵕ, ⵏ ⵓⵙⵖⵓⵏ ⴷ ⵓⵙⵡⵉⵏⴳⵎ ⵅⴼ ⵜⵎⵓⴽⵔⵉⵙⵜ ⴰⴷ ⵜⴰⴳⵜ ⵉⵎⵏⵉⴷⵏ, ⴷ ⵓⵙⵙⵓⴼⵖ ⵏ ⵉⵙⵖⵍⴰⴼ ⴷ ⵜⵙⵓⵎⴰⵔ ⵏ ⵜⵉⴳⴰⵡⵜ ⵜⴰⵎⴰⵡⴰⵙⵜ ⴰⴼⴰⴷ ⴰⴷ ⵜⵜⵓⵙⴱⴱⵉⴷⵏⵜ ⵜⴰⵙⵙⴰⵙⵉⵏ ⵏ ⵓⵏⴳⵉⴳⵜ, ⴰⴷ ⵜⴻⵜⵜⵓⵙⴷⵓⵙ ⵜⵏⴰⵎⵉⵜ ⵏ ⵜⵔⵓⴱⴱⴰ ⴽⵓⴽⴹⵏⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵉⵎⴳⴳⴰⵢⵏ ⵉⵎⵢⴰⵏⴰⵡⵏ ⵉⵏⴰⵎⵓⵔⵏ, ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏ ⵅⴼ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳⵏ.
ⵔⴰⴷ ⵉⵎⴹⴰⴽⴰⵕ ⵓⵏⵎⵓⵇⵇⴰⵔ ⴰⴷ ⵅⴼ ⵉⵎⴰⵙⵙⵏ ⵏ ⵓⵙⴷⵓⵙ ⵏ ⵓⵣⴷⴷⵓⵢ ⵏ ⵜⵓⴳⴳⴰⵣ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵣⵡⴰⴳⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵉⵙⵙⵥⵕⴼⵏ ⵉⵙⵓⵍⴰⵏⵏ ⴰⴼⴰⴷ ⴰⴷ ⵜⵜⵡⴰⵏⵏⴰⵍⵏⵜ ⵜⵙⵜⵔⴰⵜⵉⵊⵉⵢⵉⵏ ⵏ ⵜⵏⴰⵎⵉⵜ ⵉⴼⵙⵙⵓⵙⵏ, ⴷ ⵜⵡⵓⵔⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵏⵄⴰⵕ ⴷ ⵓⵎⵣⴰⵖ ⵅⴼ ⵉⵣⵔⴼⴰⵏ ⴳ ⵓⵎⵏⴰⴹ ⵏ ⵜⵎⵣⵡⴰⴳⵉⵏ ⵏ ⵓⵏⴳⵉⴳⵜ.
ⵔⴰⴷ ⵉⵜⵜⵡⴰⵙⵙⴰⵏ ⵓⵏⵎⵓⵇⵇⴰⵔ ⵙ ⵜⴷⵔⴰⵡⵜ ⵏ ⵎⴰⵙⵙⴰ ⵎⴰⵢⵎⵓⵏⴰ ⵙⵙⴰⵢⵉⴷ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⴷⴰⵅⵍⴰ-ⵡⴰⴷ ⴷⴷⴰⵀⴰⴱ, ⵎⴰⵙⵙ ⵅⴰⵍⵉⴷ ⵕⵕⴰⵎⵍⵉ, ⴰⵏⵎⵀⴰⵍ ⵏ ⵓⵎⵢⴰⵡⴰⵙ ⴷ ⵉⵎⵢⴰⵙⵙⴰⵜⵏ ⵉⴳⵔⴰⵖⵍⴰⵏⵏ ⴳ ⵓⵙⵇⵇⵉⵎ, ⵎⴰⵙⵙ ⵎⵓⵃⵎⵎⴷ ⴱⴰⵔⴰⵡⵉ, ⴰⵏⵎⵀⴰⵍ ⵏ ⵓⵏⴳⵉⴳⵜ ⴷ ⵓⵎⵢⴰⵏⴰⵡ ⵏ ⵉⵎⴰⴷⴷⴰⵔⵏ ⴳ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵍⵎⵖⵔⵉⴱ, ⴷⵔ. ⴱⵉⵔⵏⴰⵔⴷ ⵎⵓⴳⵉⵙⴰ, ⵙⴳ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⴽⵉⵏⵢⴰ, ⵎⴰⵙⵙ ⵢⵓⵏⴰⵙ ⴳⴰⴱⵔⵓ, ⴰⵎⵣⴷⴰⵢ ⵏ ⵜⵣⵍⵖⴰ ⵜⴰⴽⵯⴼⵔⵉⵇⵉⵜ ⵏ ⵜⵣⵔⴼⵜ ⵏ ⵓⵏⴳⵉⴳⵜ (PACJA) ⴷ ⵎⴰⵙⵙ ⴷⴰⴼⵉⴷ ⴱⴰⵔⵉⵙⵙⴰ, ⴰⵎⵙⵜⴳⴳⴰⵔ ⴰⴷⵙⵍⴰⵏ ⵏ ⵉⵖⴰⵡⴰⵙⵏ ⴳ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴼⵔⵉⵇⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ (RINADH).
