ⵜⵙⵙⵏⵜⵉ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵎ ⵉⵎⴽⴰ  "ⵜⵉⵎⴽⵜⵉⵜ ⵓⵔ ⵜⴳⵉ ⵖⴰⵙ ⴰⵙⵎⴽⵜⵉ ⵏ ⵉⵣⵔⵉ, ⵎⴰⵛⴰ ⵜⴳⴰ ⵢⴰⵏ ⴰⵙⵖⵓⵏ ⴷ ⵜⵎⵙⵜⴳⴳⴰⵔⵜ ⵜⴰⵎⴳⵔⵓⵜⴱⴰⵛ ⴰⴷ ⵓⵔ ⵜⵜⴰⵍⵙ". ⵜⴼⴽⴰ ⵜⵉⴼⴰⵡⵜ ⵏ ⵡⴰⵙⵙ ⴰⴷ ⴳ ⵙⵍⴰ, ⵜⴰⴳⵓⵔⵉ ⵏⵏⵙ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵓⴽⵜⵜⵓⵢ ⵡⵉⵙ ⵙⵉⵏ ⴷ ⴽⵕⴰⴹ ⵉⴷⵎⵔⴰⵡ (32) ⵏ ⵜⴳⵙⵔⵉ ⵏ ⵜⵜⵓⵜⵙⵉ, ⵙ ⵜⵖⵓⵔⵉ ⵣⴳ ⵜⵎⵙⵇⴰⴷⵜ ⵏ ⵕⵓⵡⴰⵏⴷⴰ ⴳ ⵕⵕⴱⴰⵟ.

ⵜⵙⵎⴰⵜⵔ ⵜⵎⵙⵜⴰⴳⴳⴰⵔⵜ ⵏ ⵉⵣⵔⴼⴰⵏ  ⵜⴰⵎⵖⵔⵉⴱⵉⵜ ⵎⴰⵙ ⵜⴳⴰ ⵜⵎⴽⵜⵉⵜ, ⵜⴰⵙⵉⵣⵡⵔⵜ ⵜⴰⴷⵙⵍⴰⵏⵜ ⴳ ⵡⴰⵔⴰⵢ ⵣⴳ ⵜⵕⵥⵉⵡⵉⵏ, ⴰⵔ ⵜⵙⵙⴱⵖⴰⵙ ⵅⴼ ⵜⵖⴹⴼⵜ ⵜⴰⵎⴳⵔⴰⵡⵜ ⴷ ⵡⴰⵔⴰⵢ ⴷ ⵜⵓⵙⵎⵉⵔⵜ, ⵍⵓⵎⵎⵏ ⴳ ⵢⴰⵏ ⵓⵎⵏⴰⴹ ⴰⴳⵔⴰⵖⵍⴰⵏ ⵏⵏⴰ ⵉⵙⵓⵍⵏ ⴰⵔ ⵉⵜⵜⴰⵍⵙ, ⴳ ⵡⴰⵟⵟⴰⵚ ⵏ ⵉⵎⵏⴰⴹⵏ ⵉⵙⴳⴰⵡⴰⵏ, ⴰⴼⴰⵔⵙ ⵏ ⵉⵎⴰⵙⵙⵏ ⵏⵉⵜ ⵏⵏⴰ ⵢⵉⵡⵉⵏ ⵖⵔ ⵜⵡⴰⵖⵉⵜⵉⵏ ⵜⵉⵏⴼⴳⴰⵏⵉⵏ ⵜⵉⵅⴰⵜⴰⵔⵉⵏ. ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⴳ ⵓⵙⴰⵜⵉ ⴰⴷ, ⵅⴼ ⵓⵙⵉⴳⴳⵯⵊ ⴷ ⵓⴽⵙⴰⵍ ⴷ ⵜⵉⵍⴽⵉ ⴷ  ⵜⴰⵍⴰⴽⴰⵢⵜ ⵏ ⵡⴰⴷⴷⵓⵔ ⴰⵏⴼⴳⴰⵏ, ⵓⴳⴰⵔⵏ ⵓⵢⴰ ⴰⵡⴷ  ⵏ ⵜⵉⵕⵥⵉⵡⵉⵏ  ⵜⵉⵏⵎⵉⵣⵉⵜⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⴰⵔ ⵜⵔⵏⵏⵓ ⵎⴰⵙ ⵓⵔ ⵏⵖⵓⴱⴰⵏ ⵉⵏⵎⵎⴰⵍⵏ ⴰⴷ, ⵎⴰⵛⴰ ⵙⵓⵍ ⴰⵔ ⵜⵍⵓⵎⵎⴰⵏ  ⵜⵓⵎⴰⵏⵜ ⴷ ⵜⵉⵍⵉⵜ ⵏⵏⵙⵏ ⴳ ⵎⵏⵏⴰⵡ ⵏ ⵉⵎⵏⴰⴹⵏ, ⴰⵢⵏⵏⴰ ⵉⵜⵜⴰⵊⵊⴰⵏ ⵉⵎⵉⵣⵉ ⵏ ⵡⴰⵍⴰⵙ ⴰⴷ ⵢⵉⵍⵉ!

ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵅⴼ ⵡⴰⵛⵛⵉⵍ ⵏ ⵓⵙⵏⴼⵍ ⵏ ⵜⵎⴽⵜⵉⵜ ⵖⵔ ⵢⴰⵏ ⵡⴰⴳⴳⴰⴹ ⵏ ⵜⵙⵓⵎⴰⵔ ⴷ ⵉⵙⵏⵉⵎⴰⵍⵏ, ⵏⵏⴰ ⵉⵥⴹⴰⵕⵏ ⴰⴷ ⵜⵜⵉⵙⵉⵏ ⵉⵎⵉⵣⵉⵜⵏ ⴷ ⵢⵓⵛⴽⴰⵏ ⴷ ⵓⵥⵍⴰⵢ ⵏⵏⵙⵏ ⴷ ⵜⵡⵓⵔⵉ ⵅⴼ ⵓⵙⵎⴽⵍ ⵏⵏⵙⵏ ⵓⵔⵜⴰ ⵉⵣⵔⵉ ⵡⴰⴽⵓⴷ, ⴰⵔ ⵜⵜⵉⵏⵉ ⵎⴰⵙ ⵓⵔ ⵜⴳⵉ ⵜⴳⵙⵔⵉ ⵜⴰⵎⴳⵔⵓⵜ ⵏ ⵕⵓⵡⴰⵏⴷⴰ  ⵖⴰⵙ ⵢⴰⵏ ⵜⵎⵙⴰⵔⵜ ⵏ ⵜⵡⴰⵖⵉⵜ, ⵎⴰⵛⴰ ⵜⴳⴰ ⵢⴰⵏ ⵓⵙⵎⵉⴳⵍ  ⴷ ⵢⴰⵜ ⵜⵖⵓⵢⵢⵉⵜ ⴰⵙⵓⵍⴰⵏⵏ ⵎⵏⵉⴷ ⵏ ⵜⴽⵕⴹⵉⵡⵉⵏ ⵏⵏⴰ ⵉⵜⵜⵕⵚⵚⵓⵏ ⵏⵏⴰ ⴰⵔ ⵉⵜⵜⵎⵓⵏⵏ ⵙ ⵓⵎⵙⵙⴽⴼⵍ.
ⵜⵣⵎⵎⴻⵎ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⴷⴰ ⵉⵣⵔⵔⵉ ⴷ ⵡⴰⵔⴰⵢ ⵣⴳ ⵉⴱⴽⴽⵉⴹⵏ ⵉⵎⴳⵔⴰⵡⵏ ⵅⴼ ⵓⵙⵓⴽⴼ ⵏ ⵉⵥⵓⵕⴰⵏ ⵏⵏⵙⵏ, ⵙ ⵓⴹⴼⴼⵓⵕ  ⵣⵉⴽ ⵏ ⵉⵏⵎⵎⴰⵍⵏ ⵏⵏⵙⵏ, ⴳ ⵜⵣⵡⵉⵔⵉ  ⵏⵏⵙⵏ ⴰⵎⵙⵓⵔⵓⴼ ⴰⴽⴷ ⵉⵏⴰⵡⵏ ⵏ ⵓⴽⵙⴰⵏ, ⴰⵔ ⵜⵙⵕⵚⵚⵓ ⴰⵡⴷ ⴰⵙⵏⵓⵃⵢⵓ ⴷ ⵓⵅⵔⵔⵎ ⵏ ⵉⵣⵔⴼⴰⵏ. ⵜⵙⴷⴷⵉⴷ ⴰⵡⴷ  ⵎⴰⵙ ⴰⵔ ⵉⵜⵜⴰⵏⴼ ⴽⵓ ⴰⵏⵅⵅⵍ ⵉ ⵜⵏⵓⵔⴰⴼ ⵢⴰⵏ ⵓⵎⵏⵉⴷ  ⵓⵙⵙⵅⵙⵔ ⵓⴳⴰⵔ, ⴷ ⵎⴰⵙ ⵉⴳⴰ ⵓⵏⵅⵅⵍ ⵏ ⵉⵏⵎⵎⴰⵍⵏ ⵏ ⵜⵓⵙⵎⵉⵔⵉⵏ ⵢⴰⵏ ⵓⴽⵛⵛⵓⵎ ⵖⵔ ⵡⴰⴷⴷⴰⴷⵏ ⵉⵎⵔⴰⵢⵏ ⵏⵖ ⵓⵔ ⵉⵥⴹⴰⵕⵏ ⵉ ⵓⵙⵏⵎ ⵏⵏⵙⵏ.

ⵜⵖⵔⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖⵔ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵜⵖⴹⴼⵜ, ⵉⴱⴷⴷⴰⵏ ⵅⴼ ⵓⵔⵎⴰⵙ ⵏ ⵉⵎⵙⴽⴰⵔⵏ ⵏⵏⴰ ⵉⵜⵜⵔⴰⵣⵏ ⴰⵎⵓⵏⵏ, ⴷ ⵅⴼ ⵓⴹⴼⴼⵓⵕ ⵏ ⵜⵉⵕⵥⵉⵡⵉⵏ ⴷ ⵜⵉⴳⵉⵜ ⵏ ⵇⴰⵃ ⵜⴰⵍⵖⵉⵡⵉⵏ ⵏ ⵓⵎⵙⵓⵔⵓⴼ ⵉⴷⵙⵏ ,ⴰⵔ ⵜⵙⵎⴰⵜⴰⵔ ⵎⴰⵙ ⵓⵔ ⴷⴰ ⵜⵜⵏⵖⵓⴱⵓⵏⵜⵜⵉⵕⵥⵉⵡⵉⵏ ⴰⴷ, ⵎⴰⵛⴰ ⴰⵔ ⵜⵣⵣⵓⴳⴰⵣ ⴷ ⴰⵔ ⵜⵙⵅⴰⵜⴰⵔ ⴰⵔ ⴷ ⴷⴷⵓⵇⵇⵣ.
ⵉⵎⴽⴰ ⴰⵙ ⵜⵙⵙⵎⴷ ⵎⴰⵙⵙⴰ ⴱⵓⵄⵢⵢⴰⵛ, ⵜⴳⴰ ⵜⵉⵎⴽⵜⵉⵜ ⵢⴰⵏ ⵉⵎⵉⵙ ⵉ ⵡⴰⵔⴰⵢ ⵏ ⵉⵎⴰⵍ ⵣⴳ ⵇⴰⵃ ⵓⵛⵓⴹⵏ ⵏ ⵓⵙⵅⵍⵚ ⴷ ⵡⴰⵔⴰⵢ ⵣⴳ ⵡⴰⵍⴰⵙ.