ⵜⵖⵔⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵙ ⵙ ⵓⵙⵕⵚⵚⴰ ⵏ ⵜⵙⵜⵔⴰⵜⵉⵊⵉⵢⵉⵏ ⵜⵉⵎⴰⴷⵓⵙⵉⵏ ⴷ ⵜⵎⴰⴳⴳⵓⵎⵉⵏ ⴰⴼⴰⴷ ⴰⴷ ⵜⴻⵜⵜⵓⵏⴼⵔⵓ ⵜⴷⵔⴰⵡⵜ ⵉⵕⵡⴰⵏ ⵏ ⵉⵎⵥⵥⵢⴰⵏⵏ ⴷ ⵉⵄⵔⵔⵉⵎⵏ, ⵜⵙⵉⵙⴼⵉⵡ ⵎⴰⵙ "ⵉⵍⵍⴰ ⵢⴰⵏ ⵓⵎⵣⴰⵔⴰⵢ ⴳⵔ ⵜⵡⵓⵔⵉ ⵅⴼ ⵜⵎⵙⴰⵔⵉⵏ ⵏ ⵡⴰⵣⵣⴰⵏⵏ ⴷ ⵉⵄⵔⵔⵉⵎⵏ, ⴷ ⵜⵓⴳⴳⵓⵥⵜ ⵅⴼ ⵓⵙⴷⵔⴰⵡ ⵏⵏⵙⵏ ⴰⵎⵢⴰⴳⴰⵏ ⵉⵕⵡⴰⵏ ⴳ ⵓⵙⵎⴽⵍ ⵏ ⵇⴰⵃ ⵉⵣⵔⴼⴰⵏ ⵏⵏⵙⵏ".

ⵢⵓⵛⴽⴰⴷ ⵎⴰⵢⴰ ⴷ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵏⵏⵙ ⴳ ⵓⵙⴳⵔⴰⵡ ⴰⴼⵔⵉⵇⵉ ⵡⵉⵙⵙ ⵜⴰⵎ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⵉⵜⵜⵓⵙⵏⵎⴰⵍⴰⵏ ⵅⴼ "ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵓⵙⵍⵎⴷ ⴳ ⵉⴼⵔⵉⵇⵢⴰ : ⵜⵉⵣⵎⵎⴰⵔ ⴷ ⵜⵏⵥⴰⵕ ⵏ ⵓⴼⵔⴰ ⴷ ⵜⴳⵎⵉ ⵜⴰⵙⵓⵍⴰⵏⵜ" ⵉⵜⵜⵓⵙⵏⵎⴰⵍⴰⵏ ⴳ 11 ⴷ 12 ⵛⵓⵜⴰⵏⴱⵉⵔ 2024, ⴳ ⴱⵓⵔⵜ ⵍⵡⵉⵙ, ⴳ ⵎⵓⵔⵉⵛⵢⵓⵙ.

ⴳ ⵓⵙⴰⵜⵉ ⵏ ⵡⴰⵡⴰⵍ ⵏⵏⵙ ⵅⴼ ⵜⵉⵍⴰⵍⵜ ⵜⴰⴷⵙⵍⴰⵏⵜ ⵏ ⵓⵙⵍⵎⴷ, ⵜⵙⴰⵡⵍ ⵎⴰⵙⵙⴰ ⴱⵓⵄⵢⵢⴰⵛ ⵅⴼ ⵜⴳⵓⵔⵉ ⵏ ⵏⵉⵍⵙⵓⵏ ⵎⴰⵏⴷⵉⵍⵍⴰ ⵏⵏⴰ ⵉⵙⵙⵎⵜⵔⵏ ⵎⴰⵙ "ⵉⴳⴰ ⵓⵙⵍⵎⴷ ⴰⵍⴰⴼ ⴰⵎⴷⵡⵓⵙ ⵏⵏⴰ ⵜⵣⵎⵔⴷ ⴰⴷ ⵜⵙⵎⵔⵙⵜ ⴰⴼⴰⴷ ⴰⴷ ⵜⵙⵏⴼⵍⵜ ⴰⵎⴰⴹⴰⵍ", ⵜⵙⴷⴷⵉⴷ ⵎⴰⵙ ⵓⵔ ⵜⵣⴷⵉ ⵜⵡⵏⴳⵉⵎⵜ ⴰⴷ ⵖⴰⵙ ⵙ ⵜⵉⵍⵉⵜ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵙⴱⴷⴷⵉ ⵏ ⵓⵙⵏⴼⵍ ⵏ ⵓⵏⴳⵉⴳⵜ, ⴷ ⵓⵙⴷⵓⵙ ⵏ ⵉⵙⴽⵉⵍ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵓⵚⴽⴰ ⵏ ⵢⵉⵎⴰⵍ ⵉⵖⵓⴷⴰⵏ, ⵎⴰⵛ ⵜⵣⴷⵉ ⴰⵡⴷ ⵙ ⵜⵓⴳⴳⵓⵥⵜ ⵏ ⵓⴼⵔⴰ ⴷ ⵓⵙⴳⴷⵍ ⵏ ⵜⵕⵥⵉⵢⵉⵏ ⴷ ⵓⵃⵟⵟⵓ ⵏ ⵜⵎⴽⵜⵉⵜ ⵜⴰⵎⴳⵔⵓⵜ.

ⵜⴼⵙⵔ ⵎⴰⵙⵙⴰ ⴱⵓⵄⵢⵢⴰⵛ, ⴳ ⵓⵙⴰⵜⵉ ⵏ ⵜⵓⴳⴳⵓⵥⵜ ⵏ ⵓⵙⵇⵇⵉⵎ ⵅⴼ ⵓⵙⵙⵍⴽⵎ ⵏ ⵜⵉⵔⵎⵉⵜ ⵏ ⵜⵣⵔⴼⵜ ⵜⴰⵏⵎⵓⵜⵜⵉⵜ ⵉ ⵜⵙⵓⵜⵉⵏ ⵜⵜⵎⵖⵓⵔⵏⵉⵏ, ⵜⵉⵡⵍⴰⴼⵉⵏ ⵏ ⵡⴰⵣⵣⴰⵏⵏ ⴷ ⵉⵄⵔⵔⵉⵎⵏ ⵍⵍⵉ ⵉⵔⵣⴼⵏ ⵙ ⵓⵙⴼⵙⵔ ⵏ ⵓⵙⴽⵜⵉ ⵡⵉⵙⵙ 20 ⵏ ⵜⵉⴷⵜ ⴷ ⵓⵙⵓⵎⵓ ⴷ ⵓⵎⵙⴼⵔⵓ ⴳ ⵍⵎⵖⵔⵉⴱ ⴷ ⵉⵏⵎⵓⵇⵇⴰⵔⵏ ⵉⵎⵢⴰⵖⵏ ⵉⵜⵜⵓⵙⵏⵎⴰⵍⴰⵏ ⴳ ⵓⵙⴰⵜⵉ ⴰⴷ, ⴷ ⵓⵙⴷⴷⵉⴷ  ⵅⴼ ⵡⴰⴷⴷⵓⵔ ⵍⵍⵉ ⵢⴰⴽⴽⴰ ⵓⵙⵇⵇⵉⵎ ⵉ ⵜⵎⴷⵔⴰⵡⵜ ⴰⴽⴷ ⵜⵎⵔⵙⴰⵍⵉⵏ ⵜⵉⵏⵎⵍⴰⵏⵉⵏ ⴷ ⵜⵙⴷⴰⵡⵉⵜⵉⵏ ⴰⴼⴰⴷ ⴰⴷ ⵜⴻⵜⵜⵓⵙⴷⵓⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖ ⴷⴰⵔ ⵉⵎⵥⵥⵢⴰⵏⵏ ⴷ ⵉⵄⵔⵔⵉⵎⵏ.