"ⵜⴰⴷⵓⵙⵉ ⴷ ⵢⴰⵏ ⵡⴰⴷⴷⴰⴷ ⵏ ⵓⵙⵎⴰⴷ ⵏ ⵜⴷⵓⵙⵉ ⵏ ⵜⴼⴳⴳⴰ, ⴷ ⵜⴷⵓⵙⵉ ⵜⴰⵎⵏⵍⵍⵉⵜ ⴷ ⵜⵏⴰⵎⵓⵏⵜ, ⵓⵔ ⴷ ⵅⵙ ⵉⵍⵉⵃ ⵏ ⵜⵎⴰⴹⵓⵏⵜ ⵏⵖ ⵡⴰⵔ ⵜⴰⵣⵎⵔⵜ".
ⵙⴳ ⵜⵣⵡⵓⵔⵜ ⵏ ⵓⵙⵍⴳⵏ ⵏ ⵜⵎⵏⴹⴰⵡⵜ ⵏ ⵜⵎⴰⴷⴷⴰⵙⵜ ⵜⴰⵎⴰⴹⵍⴰⵏⵜ ⵏ ⵜⴷⵓⵙⵉ
ⴷⴰ ⵉⵙⴼⵓⴳⵍⵓ ⵓⵎⴰⴹⴰⵍ ⴰⵙⵙ ⴰⵙⵙ ⵏ ⵓⵙⵉⴹⵢⴰⵙ 7 ⵉⴱⵔⵉⵔ 2024 ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⴷⵓⵙⵉ (ⵉⵎⵙⴰⴳⴰⵔⵏ ⴷ 7 ⵉⴱⵔⵉⵔ ⵏ ⴽⵓ ⴰⵙⴳⴳⵯⴰⵙ), ⵉⵜⵜⵓⵙⵏⵎⴰⵍⴰⵏ ⴰⵙⴳⴳⵯⴰⵙ ⴰⴷ ⴷⴷⴰⵡ ⵏ ⵜⵎⴰⵜⴰⵔⵜ "ⵜⴰⴷⵓⵙⵉ ⵉⵏⵓ, ⴰⵣⵔⴼ ⵉⵏⵓ", ⵙ ⵓⵡⵜⵜⴰⵙ ⵏ ⵓⵎⵣⴰⵖ ⵅⴼ ⵓⵣⵔⴼ ⵏ ⴽⵓ ⵢⴰⵏ ⴳ ⴽⵓ ⴰⵏⵙⴰ ⴳ ⵡⴰⴷⴰⴼ ⵙ ⵜⵏⵓⴼⴰ ⵏ ⵜⴷⵓⵙⵉ ⴷ ⵓⵙⵙⵍⵎⴷ ⴷ ⵉⵏⵖⵎⵉⵙⵏ, ⴷ ⵓⵍⴰ ⴰⵎⴰⵏ ⵏ ⵉⵙⵡⵉ ⵉⵜⵜⵓⵏⴼⵔⵓⵏ ⴷ ⵓⵣⵡⵓ ⵉⵚⴼⴰⵏ ⴷ ⵡⵓⵜⵛⵉ ⵉⵖⵓⴷⴰⵏ ⴷ ⵜⵣⴷⵓⵖⵜ ⵉⵖⵓⴷⴰⵏ ⴷ ⵜⵡⵓⵔⵉ ⴷ ⵢⵓⵙⴰⵏ ⴷ ⵜⵎⵙⵓⵜⴰⵍ ⵏ ⵜⵡⵏⵏⴰⴹⵜ ⴷ ⵢⵜⵓⵙⴰⵏ, ⴷ ⵓⵙⴷⵔⴼⵉ ⵙⴳ ⵓⵙⵏⵓⵃⵢⵓ, ⴷ ⵓⴳⴳⴰⵔ.
"ⵓⵔ ⵜⵏⵏⵉ ⴰⴷ ⵜⵉⵍⵉ ⵜⵏⴼⵔⵓⵜ ⵏ ⵓⵣⵔⴼ ⴳ ⵜⴷⵓⵙⵉ, ⵙ ⵙ ⵎⴰⴷ ⴳⵉⵙ ⵉⵍⵍⴰⵏ ⵏ ⵉⵎⴰⵍⴰⴷⵏ ⵉⵣⴷⵉⵏ ⵙ ⵓⴼⵊⵊⵉⵊ ⴷ ⵡⴰⴷⴰⴼ ⵙⵔⵙ, ⵖⴰⵙ ⴳ ⵓⵙⴰⵜⵉ ⵏ ⵓⵡⴰⵏⴽ ⵏⵏⴰ ⵉⵜⵜⵎⵣⴰⵖⵏ ⴷ ⵉⵜⵜⵏⴼⵔⵓⵏ ⴰⵣⵔⴼ ⴰⴷ"
ⴰⵎⵉⵏⴰ ⴱⵓⵄⵢⵢⴰⵛ - ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ
ⵙ ⵜⵓⵍⵍⵣⴰ ⵏⵏⵙⵏ ⵙ ⵡⴰⴷⴷⵓⵔ ⴰⵅⴰⵜⴰⵔ ⵏ ⵓⵣⵔⴼ ⴳ ⵜⴷⵓⵙⵉ ⵏⵏⵉ ⵉⴳⴰⵏ ⵢⴰⵏ ⵓⵣⵔⴼ ⵉⵜⵜⴹⵉⵚⵏ ⵅⴼ ⵜⵣⵎⵔⵜ ⵏ ⵉⵏⵎⵓⵔⴰⵏ ⵅⴼ ⵓⴼⵊⵊⵉⵊ ⵙ ⵉⵣⵔⴼⴰⵏ ⵢⴰⴹⵏⵉⵏ, ⴳ ⵓⵙⴰⵜⵉ ⵏ ⵓⵎⵏⵣⴰⵢ ⵏ ⵡⴰⵔ ⴰⴱⵟⵟⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵉⴷⴷⵖ ⵓⵔ ⵉⵥⴹⴰⵕ ⵓⴼⴳⴰⵏ ⴰⴷ ⵉⴼⵊⵊⵉⵊ ⵙ ⵉⵣⵔⴼⴰⵏ ⵏⵏⵙ ⵉⵏⴰⵎⵓⵔⵏ ⴷ ⵉⵙⵔⵜⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⴷ ⵉⴷⵍⵙⴰⵏⵏ ⴰⵔ ⴽⵉⵖ ⵉⴳ ⵉⵍⵍⴰ ⴳ ⵡⴰⴷⴷⴰⴷ ⵏ ⵓⵙⵎⴰⴷ ⵏ ⵜⴷⵓⵙⵉ ⵏ ⵜⴼⴳⴳⴰ ⵏⵏⵙ ⴷ ⵜⴷⵓⵙⵉ ⵏⵏⵙ ⵜⴰⵎⵏⵍⵍⵉⵜ ⴷ ⵜⵏⴰⵎⵓⵏⵜ.
ⵉⵕⵥⵎ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⴽⵟⵓⴱⵕ 2019 ⵢⴰⵏ ⵓⵙⴷⴷⵉ ⵏ ⵉⵏⵎⵓⵇⵇⴰⵔⵏ ⴷ ⵉⵎⵛⴰⵡⴰⵕⵏ ⵅⴼ ⵅⴼ ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ, ⵙ ⵓⵣⵣⴳⵉⵔ ⵏ ⵜⵙⵜⵔⴰⵜⵉⵊⵉⵜ ⵏⵏⵙ ⵍⵍⵉ ⵉⵙⵖⵣⵏ ⵓⴳⵔⴰⵡ ⵏⵏⵙ ⴰⵎⴰⵜⴰⵢ ⵏⵏⵙ ⴳ ⵛⵓⵜⴰⵏⴱⵉⵔ 2019 ⵏⵏⴰ ⵉⴱⴷⴷⵏ ⵅⴼ ⵓⵎⵏⵣⴰⵢ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ, ⵉⵙⵢⴰⴼⴰ ⵙ ⵓⵙⵙⵓⴼⵖ ⵏ ⵜⴰⵏⴰⴹⵜ ⵜⴰⵙⴳⵓⵎⴰⵏⵜ ⴷⴷⵓ ⵏ ⵓⵣⵡⵍ "ⵜⴰⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ.. ⵜⵉⵏⵥⴰⵕ, ⵉⵎⵙⴰⵔⴰⵙⵏ ⴷ ⵉⵙⴰⴷⴰⴼⵏ ⵏ ⵓⵙⴷⵓⵙ" ⴳ ⴱⵕⴰⵢⵕ 2022, ⴳ ⵍⵍⴰⵏ ⵓⴳⴳⴰⵔ ⵏ 100 ⵏ ⵉⵙⵖⵍⴰⴼ ⵉ ⵓⵙⴷⵓⵙ ⵏ ⵡⴰⴷⴰⴼ ⵙ ⵓⵣⵔⴼ ⴳ ⵜⴷⵓⵙⵉ, ⵉⵙⵙⴽⵕⵥ ⴳⵉⵙ ⵅⴼ ⵓⵙⵖⵓⵏ ⵏ ⵓⵙⴱⴷⴷⵉ ⵏ ⵉⵎⵏⴰⴷⵏ ⵏⵏⴰ ⵉⵜⵜⵎⵢⴰⴳⴳⴰⵏ ⴷ ⵜⴷⵓⵙⵉ ⴰⵎⵎ ⵢⴰⵏ ⵢⵉⴳⵔ ⴰⵏⴰⵎⵓⵏ ⵓⵔ ⵉⴳⵉⵏ ⴰⵎⵙⵢⴰⴼⵓ ⴳ ⵓⵙⵡⵉⵔ ⴰⴷⵎⵙⴰⵏ.
