ⵜⴰⵙⵙⴰⵙⵉⵏ ⵜⵉⵡⵏⴹⴰⵏⵉⵏ ⵍⴰ ⵜⵜⴹⵉⵚⵏⵜ ⵙ ⵜⵡⵉⵍⴰ ⵓⵔ ⵉⵎⵙⴰⵙⴰⵏ ⵅⴼ ⵜⵎⵓⵔⴰ ⵏ ⵉⴼⴼⵓⵙ, ⵎⴽⴰ ⴰⴷ ⵜⵏⵏⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴳ ⵓⵕⵥⵥⵓⵎ ⵏ ⵜⵉⵣⵉ ⵜⴰⴳⵔⴰⵖⵍⴰⵏⵜ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⵉⵜⵜⵓⵙⵏⵎⴰⵍⴰⵏ ⴳ ⵜⵎⴰⵥⵓⵏⵜ ⵏ ⵙⴰⵍⴼⴰⴷⵓⵔ, ⵙⴳ 2 ⵖⵔ 4 ⵛⵓⵜⴰⵏⴱⵉⵔ 2025.

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⵍⴰ ⵜⵜⴰⵙⵉⵏ ⵉⵡⴰⵏⴽⵏ ⵜⵉⵢⴰⴼⵓⵜⵉⵏ ⵏ ⵉⵙⵓⴼⵖⵏ ⴷ ⵓⵙⵏⴼⵍ ⵏ ⵓⵏⴳⵉⴳⵜ, ⵎⵇⵇⴰⵔ ⵓⵔ ⴳⵉⵙ ⴳⵉⵏ ⵜⴰⵎⵏⵜⵉⵍⵜ ⵜⵓⵙⵔⵉⴷⵜ, ⵜⵔⵏⴰ ⵎⴰⵙ ⵍⴰ ⵜⵜⴰⵡⵉ ⵜⴰⵙⵙⴰⵙⵜ ⵏ ⵓⵏⴳⵉⴳⵜ ⵖⵔ ⵉⵎⵢⴰⴷⴰⵙⵏ ⵅⴼ ⵉⵣⵔⴼⴰⵏ. ⵙⴳ ⵜⵏⵥⴰⵕ ⵏ ⵖⴰⵢⴰⴷ ⴰⵣⵡⴰⴳ ⵓⵛⵛⵉⵍ ⵏ ⵉⵎⵣⴷⴰⵖⵏ ⴷ ⵓⵙⴱⵣⵣⵉⵣ ⴼⵍⵍⴰⵙⵏ ⴰⴷ ⵎⵏⴰⵍⴰⵏ ⵜⵉⵏⵥⴰⵕ ⵜⵉⵏⴰⵎⵓⵏⵉⵏ ⴷ ⵜⴷⴰⵎⵙⴰⵏⵉⵏ ⵉⵛⵇⵇⴰⵏ, ⵎⴰⵢⴰ ⴰⴷ ⵉⵙⴷⵓⵙⵏ ⵜⴰⵖⵓⵔⵉ ⵙ ⵓⵙⴽⴰⵔ ⵙⴳ ⵜⵣⵔⴼⵜ ⵜⴰⵏⴰⵎⵓⵏⵜ ⴰⵙⴰⵡⵔ ⴰⴷⵙⵍⴰⵏ ⴳ ⵉⵎⴹⴰⴽⴰⵕⵏ ⵉⵣⵔⴼⴰⵏⵏ ⵉⴳⵔⴰⵖⵍⴰⵏⵏ ⵉⵣⴷⵉⵏ ⵙ ⵉⵙⵏⴼⵍⵏ ⵏ ⵓⵏⴳⵉⴳⵜ ⴷ ⵉⵎⵢⴰⴷⴰⵙⵏ ⵏⵏⵙⵏ.

ⵙⴳ ⵓⵎⵏⵉⴷ ⴰⴷ, ⵜⵔⵏⴰ ⵜⵣⵔⴼⴰⵏⵜ ⵜⴰⵎⵖⵔⵉⴱⵉⵜ, ⵓⵔ ⵉⵜⵜⵓⵣⵎⴰⵔ ⴰⴷ ⵜⴻⵜⵜⵡⴰⴱⴹⴰ ⵜⵣⵔⴼⵜ ⵜⴰⵏⴰⵎⵓⵏⵜ ⵅⴼ ⵓⴼⵔⴰⴳ ⵏ ⵜⵡⵏⵏⴰⴹⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵙⴷⴷⵉⴷ ⵎⴰⵙ ⵉⵅⵚⵚⴰ ⴰⴷ ⵉⵙⴽⵔ ⵓⵎⵙⴰⵡⴰⵍ ⴰⴳⵔⴰⵖⵍⴰⵏ ⵅⴼ ⵉⵙⵏⴼⵍⵏ ⵏ ⵓⵏⴳⵉⴳⵜ ⵙ ⵜⴼⵉⴽⴰⵛ ⵜⵉⵎⴰⴹⵍⴰⵏⵉⵏ ⴷ ⵉⴹⵉⵚⵏ ⵓⵔ ⵉⵎⵙⴰⵙⴰⵏ ⵅⴼ ⵡⴰⵎⵓⵏⵏ ⵉⴷⵖⵔⴰⵏⵏ ⴳ ⵉⵡⴰⵏⴽⵏ ⵏ ⵉⴼⴼⵓⵙ.

ⵉ ⵓⵙⵙⴽⵜⵉ, ⵜⵕⵥⵎ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴰⴽⴷ ⵉⵎⵙⵜⴳⴳⴰⵔⵏ ⵙⴳ ⵙⴰⵍⴼⴰⴷⵓⵔ ⴷ ⴰⵎⵔⵉⴽⴰ ⵜⴰⵍⴰⵜⵉⵏⵉⵜ ⴷ ⵉⵡⴰⵏⴽⵏ ⵢⴰⴹⵏⵉⵏ, ⵜⵉⵣⵉ ⵜⴰⵎⴰⴹⵍⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵙⴰⵏ ⵙⴰⵍⴼⴰⴷⵓⵔ, ⴷⴼⴼⵉⵔ ⵜⵣⴷⵡⵉⵜ ⵏ ⵡⴰⵙⵙ ⵏ ⵓⵙⵉⵏⴰⵙ 2 ⵛⵓⵜⴰⵏⴱⵉⵔ ⴷ ⵉⴷⴷⴰⵏ.

ⴳ ⵜⴳⵉⵔⴰ ⵏ ⵜⴳⵓⵔⵉ ⵏⵏⵙ, ⴳ ⵓⴳⵣⵣⵓⵎ ⵏⵏⵙ ⵉⵣⴷⵉⵏ ⵙ ⵜⵏⵥⴰⵕ ⵜⵓⵏⴳⵉⴳⵜⵉⵏ, ⵜⵙⵎⴰⵢⵏⵓ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵖⵓⵔⵉ ⵙ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏⴳⵔ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⴷ ⵜⴳⵔⴰⵖⵍⴰⵏⵉⵏ ⵉ ⵓⵎⵏⴰⵍⴰ ⵏ ⵉⴹⵉⵚⵏ ⵏ ⵜⴳⵓⴹⵉⵡⵉⵏ ⵜⵓⵏⴳⵉⴳⵜⵉⵏ ⵅⴼ ⵉⵙⵎⵉⵍⵏ ⴱⴰⵀⵔⴰ ⴽⵓⴽⴹⵏⵉⵏ.

ⵜⴰⵙⵙⴰⵙⵜ ⵏ ⵓⵏⴳⵉⴳⵜ ⴳ ⵓⵎⴰⵏⴰⵔ ⵏⵏⵙ, ⵜⵏⵏⴰ ⴰⵎⵉⵏⴰ ⴱⵓⵄⵢⵢⴰⵛ, ⴷ ⵜⴰⵙⵙⴰⵙⵜ ⵏ ⵉⵣⵔⴼⴰⵏ, ⵙ ⵓⵙⴽⴰⵔ ⵙ ⵓⵙⴷⵉⴷⴷⵉ ⵏ ⵉⵙⵏⴼⵍⵏ ⵏ ⵓⵏⴳⵉⴳⵜ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⵉⴷⵙⵍⴰⵏⵏ, ⵙⵍⴰⵡⴰⵏ ⴰⴽⴽⵯ ⵎⴰⵙ ⴷ ⵡⵉⴷⴰ ⴱⴰⵀⵔⴰ ⴽⵓⴽⴹⵏⵉⵏ ⵏⵜⵜⵏⵉ ⴷ ⵏⵜⵜⵏⵜⵉ ⴰⴷ ⴱⴰⵀⵔⴰ ⵉⵜⵜⵓⴹⵉⵚⵏ ⴷ ⴱⴰⵀⵔⴰ ⵉⵜⵜⵓⵙⴷⵉⴷⴷⵉⵏ ⵉ ⵜⵉⵢⵜⵉⵡⵉⵏ ⵏⵏⵙⵏ ⵉⵀⵔⵛⵏ.