ⵙ ⵜⵖⵓⵔⵉ ⵏ ⵜⵏⵙⵙⵉⵅⴼⵜ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵔⴰⴷ ⵉⵙⴽⵔ ⵎⴰⵙⵙ ⴷⴰⵎⵉⵍⵓⵍⴰ ⵓⵍⴰⵡⵉ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵅⴼ ⵜⵡⵓⵔⵉⵡⵉⵏ ⵜⵉⵏⵙⴱⴰⴱⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵢⴰⵏ ⵓⵔⵣⴰⴼ ⴰⴽⴰⴷⵉⵎⵉ ⵙ ⵍⵎⵖⵔⵉⴱ, ⵉⵏⴳⵔ 29 ⵉⵏⵏⴰⵢⵔ ⴷ 01 ⴱⵕⴰⵢⵕ 2024, ⴳ ⵓⵙⴰⵜⵉ ⵏ ⵜⵏⴽⵔⴰ ⵙ ⵉⵎⵏⵣⴰⵢⵏ ⵉⵏⵉⵍⴰⵏⵏ ⵏ ⵉⴷⵙⵍⴰⵏⵏ ⵏ ⵜⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⵎⵙⵙⵓⵔⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⴽⵛⵎ ⵓⵔⵣⴰⴼ ⴰⴷ ⵏ ⴽⴽⵓⵥ ⵏ ⵡⵓⵙⵙⴰⵏ ⴳ ⵓⵙⴰⵜⵉ ⵏ ⵉⵎⵢⴰⵙⵙⴰⵜⵏ ⵏ ⵓⵎⵢⴰⵡⴰⵙ ⴰⵜⵉⵇⵏⵉ ⴷ ⵜⵎⴰⵍⴰⵍⵜ ⵏ ⵜⵎⵜⵜⴰ ⵉⵎⵓⵏⵏ ⵜⴰⵎⴰⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⴳ ⵓⵙⴰⵜⵉ ⵏ ⵡⵉⴷ ⵉⵜⵜⵓⵙⵎⴰⴳⵍⵏ ⵙ ⵜⵥⵍⴰⵢⵉⵏ ⴳ ⵓⵙⴰⵜⵉ ⵏ ⵜⵎⴳⴳⵉⵜⵉⵏ ⵜⵉⵎⵥⵍⴰⵢⵉⵏ, ⵉⴳⴰⵏ ⵉⵎⴰⵙⵙⵏ ⵉⵙⵉⵎⴰⵏⵏ ⵏⵏⴰ ⵉⵙⵔⵙ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵉ ⵜⵎⵜⵜⴰ ⵉⵎⵓⵏⵏ ⵏⵏⴰ ⵉⴳⴰⵏ ⵢⴰⵏ ⵓⴳⴳⵉⴷ (ⵢⵓⵙⵉⵏ ⵙ ⵡⴰⵙⵙⴰⵖ ⴰⵎⵖⵜⴰⵙ ⴰⵎⵥⵍⴰⵢ SR) ⵏⵉⵖ ⵢⴰⵏ ⵓⵎⵓⵣⴰⵢ ⴰⵙⵉⵎⴰⵏ (IE) ⵏⵉⵖ ⵢⴰⵜ ⵜⵔⴰⴱⴱⵓⵜ ⵏ ⵜⵡⵓⵔⵉ (GT) ⵏ ⵙⵎⵎⵓⵙ ⵏ ⵉⴳⵎⴰⵎⵏ.ⵉⵙⵡⵓⵜⵜⵙ ⵓⵔⵣⴰⴼ ⴰⴷ ⵙ ⵓⵥⵍⴰⵢ ⴰⵙⴱⵓⵖⵍⵓ ⵏ ⵉⵎⵏⵉⴷⵏ ⵏ ⵜⵎⵜⵜⴰ ⵉⵎⵓⵏⵏ ⵉⴷⵙⵍⴰⵏⵏ ⵉⵥⵍⵉⵏ ⵙ ⵜⵎⵙⵙⵓⵔⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⴰⵎⵓⵏ ⴳ ⵓⵖⴰⵡⴰⵙ ⵏ ⵓⵔⵣⴰⴼ ⴰⴷ ⵉⵎⴹⴰⴽⴰⵕⵏ ⵏ ⵜⵡⵓⵔⵉ ⴰⴽⴷ ⵉⵎⵙⴽⴰⵔⵏ ⵉⵎⵔⵙⴰⵍⵏ ⴷ ⵜⵉⵏⴰⵡⵉⵏ ⵉ ⵉⵎⵣⵔⴰⵡⵏ ⵏ ⵜⵙⴷⴰⵡⵉⵜ ⵜⴰⴳⵜⵥⵍⵉⵜ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵕⵕⴱⴰⵟ ⴷ ⵜⵙⴷⴰⵡⵉⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵕⵕⴱⴰⵟ. ⴷ ⵓⵍⴰ ⴰⵙⵏⵎⴰⵍⴰ ⵏ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵅⴼ ⵜⵎⵙⵙⵓⵔⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵉⵚⴰⵃⴰⵏ ⵉ ⵉⵙⵓⵜⴰⵢ ⵓⵙⵇⵇⵉⵎ ⴷ ⵜⵙⵇⵇⵉⵎⵉⵏ ⵏⵏⵙ ⵏ ⵜⵎⵏⴰⴹⵉⵏ (12) ⴰⴽⴽⵯ ⴷ ⵜⵏⵇⵇⵉⴹⵜ ⵜⴰⵏⴰⵎⵓⵔⵜ ⵏ ⵓⵎⵢⴰⵡⴰⴹ ⵅⴼ ⵜⵉⴽⵍⵉ ⵜⴰⵎⵙⵙⵓⴳⵓⵔⵜ ⵏ ⵜⵎⵙⵙⵓⵔⵉⵏ ⴳ ⵍⵎⵖⵔⵉⴱ ⴷ ⴽⵔⴰ ⵏ ⵉⵎⵓⵙⵙⵓⵜⵏ ⵏ ⵡⴰⵎⵓⵏ ⵓⵖⵔⵉⵎ ⵉⵙⵡⵓⵔⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵓⵔⵉⵡⵉⵏ ⵏ ⵜⵙⴱⴱⴰⴱⵜ, ⴰⵙⵙ ⵏ 30 ⵉⵏⵏⴰⵢⵔ 2024 ⴳ ⵓⵙⵉⵏⴰⴳ ⵕⵕⴱⴰⵟ - ⵉⴷⵔⵉⵙ ⴱⵏ ⵣⴰⴽⵔⵉ- ⵉ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⵇⵇⴰⵏⴷ ⴰⴷ ⵏⵙⵙⵎⵜⵔ ⵎⴰⵙ ⵉⵟⵟⴰⴼ ⵓⵔⵣⴰⴼ ⴰⴷ ⴰⵜⵉⴳ ⴰⵅⴰⵜⴰⵔ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⴽⵛⵎ ⴳ ⵓⵙⴰⵜⵉ ⵏ ⵓⵙⵏⵎⴰⵍⴰ ⵏ ⵍⵎⵖⵔⵉⴱ ⵉ ⵓⵎⵃⵉⵣⵡⴰⵔ ⵏ ⵜⴽⵓⵙⵜ ⵏ ⵉⴼⵔⵉⵇⵢⴰ ⵏ ⵜⵎⵜⵜⴰ 2025 ⴷ ⵓⵍⴰ ⵜⴰⴷⵔⴰⵡⵜ ⵏⵏⵙ ⴳ ⵓⵙⵏⵎⴰⵍⴰ ⵏ ⵜⴽⵓⵙⵜ ⵏ ⵓⵎⴰⴹⴰⵍ ⵏ ⵜⵡⵊⵊⴰ ⵏ ⵓⴹⴰⵕ 2030. ⵔⴰⴷ ⵉⴳ ⵓⵔⵣⴰⴼ ⴰⴷ ⴰⵣⵎⵣⵣⵓ ⵏ ⵓⵙⵎⵏⵉⴷ ⵏ ⵜⵎⵙⴰⵔⵜ ⵏ ⵓⵙⵉⵡⵍ ⵅⴼ ⵉⵎⵏⵣⴰⵢⵏ ⵉⵏⵉⵍⴰⵏⵏ ⵏ ⵜⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⵎⵙⵙⵓⵔⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵙⴳ ⵖⵓⵔ ⵉⵎⵙⴽⴰⵔⵏ ⵉⵏⴰⵎⵓⵔⵏⵏ ⴷ ⵉⴳⵔⴰⵖⵍⴰⵏⵏ.
ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⴰⵎⵓⵏⵜ ⴳ ⵜⵙⵎⵉⴳⴰⵍ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵉⵏⵜⴰⵢⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⵙⵓⵔⵉⵏ ⵏ ⵏⴳⵔ ⵜⵎⵓⵔⵉⵏ ⴷ ⵜⵎⵔⵙⴰⵍ ⵢⴰⴹⵏⵉⵏ ⵏ ⵜⵡⵓⵔⵉⵡⵉⵏ: ⴰⵙⴱⵓⵖⵍⵓ ⴷ ⵓⵙⵙⵓⴼⵖ ⴷ ⵓⵙⵎⵔⵙ ⵏ ⵉⵎⵏⵣⴰⵢⵏ ⵉⵏⵉⵍⴰⵏⵏ ⵉⴷⵙⵍⴰⵏⵏ ⵏ ⵜⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵜⵎⵙⵙⵓⵔⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ; ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵓⵙⴱⵓⵖⵍⵓ ⵙ ⵓⵙⴷⵓⵙ ⵏ ⵜⵣⵎⵎⴰⵔ ⴷ ⵓⵙⵎⵔⵙ ⵏ ⵉⵎⵏⵣⴰⵢⵏ ⵉⵏⵉⵍⴰⵏⵏ, ⴷ ⵓⵙⵎⵓⵜⵜⴳ ⵏ ⵜⴰⵏⵏⴰⵢⵉⵏ ⴷ ⵉⵙⵖⵍⴰⴼ ⵉⵥⵍⵉⵏ ⵙ ⵓⵙⴱⵓⵖⵍⵓ ⵏ ⵉⵣⵔⴼⴰⵏ ⵏ ⵜⵎⵙⵙⵓⵔⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
