ⴹⴰⵕⵜ ⵏ ⵜⴹⴼⵕⵉ ⵏ ⵡⴰⴷⴷⴰⴷⵏ ⵏ ⵓⵏⴳⴰⵙ ⵙ ⵡⴰⵟⵟⴰⵏ ⵏ ⴱⵓⵃⵎⵕⵓⵏ ⴳ ⵜⵎⵔⵙⴰⵍ ⵜⵉⵎⵖⵣⵓⵜⵉⵏ, ⴷ ⵓⵙⵎⵓⵏ ⵏ ⵉⵙⴼⴽⴰ ⵉⵎⵣⵡⵓⵔⴰ ⵏⵏⴰ ⵜⵍⴰⵖⴰ ⵜⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵜⵎⵀⵍⴰ ⵏ ⵉⵖⵣⵓⵜⵏ ⴷ ⵡⴰⵍⴰⵙ ⵏ ⵓⵙⵉⴷⴼ, ⵉⵖⵜⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵉⵎⵉⵙ ⵏⵏⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ, ⴰⴷ ⵉⵙⴷⵓⵙ ⵜⴰⴹⴼⵕⵉ ⵏ ⵡⴰⴷⴷⴰⴷⵏ ⵉⴷⵓⵙⴰⵏⵏ ⴳ ⵜⵎⵔⵙⴰⵍ ⴰⴷ ⴷ ⵓⵙⴷⵓⵙ ⵏ ⵉⵎⴰⵙⵙⵏ ⵏ ⵡⴰⵔⴰⵢ ⵙⴳ ⵓⵏⴳⴰⵙ ⵙ ⵡⴰⵟⵟⴰⵏ.
ⴳ ⵓⵙⴰⵜⵉ ⴰⴷ, ⵜⵙⴽⵔ ⵜⵔⴰⴱⴱⵓⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ/ⵉⵎⵉⵙ ⴰⵏⴰⵎⵓⵔ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴰⵔⵣⴰⴼ ⴰⵎⵣⵡⴰⵔⵓ ⵙ ⵓⴱⴰⵔⴰⵣ ⵖⵔ ⵓⵖⵣⵓ ⴰⴷⵖⴰⵔⴰⵏ ⵟⴰⵏⵊⴰ 2 ⴰⵙⵙ ⵏ ⴰⵙⵉⵏⴰⵙ 28 ⵉⵏⵏⴰⵢⵔ 2025, ⵉⴹⴼⵕ ⵜ ⵓⵔⵣⴰⴼ ⵡⵉⵙⵙ ⵙⵉⵏ ⵖⵔ ⵓⵖⵣⵓ ⴰⵏⴰⵎⵎⴰⵙ ⴳ ⵇⵏⵉⵟⵕⴰ ⴰⵙⵙ ⵏ ⵓⵢⵏⴰⵙ 3 ⴱⵕⴰⵢⵕ ⵉⵣⵔⵉⵏ.
ⵢⴰⵎⵓ ⵓⵡⵜⵜⴰⵙ ⵏ ⵉⵔⵣⴰⴼⵏ ⵏ ⵓⵙⵇⵇⵉⵎ ⴳ ⵓⵙⴰⵜⵉ ⵏ ⵓⵙⵜⴰⵍ ⵏ ⵉⵙⵡⵓⴷⴷⵓⵜⵏ ⵉⵜⵜⵓⵙⴽⴰⵔⵏ ⵉ ⵓⵙⵙⵉⴷⵔⵓⵙ ⵏ ⵓⵏⵖⴰⵍ ⵏ ⵡⴰⵟⵟⴰⵏ ⴷ ⵜⵏⴼⵔⵓⵜ ⵏ ⵜⴷⵓⵙⵉ ⵏ ⵓⴳⴳⵉⴷⵏ ⵉⵜⵜⵓⴼⴰⵜⵉⵢⵏ ⵙⴳ ⵜⴷⵔⴼⵉ ⵏⵏⵙⵏ, ⵙⵍⴰⵡⴰⵏ ⴰⴽⴽⵯ ⵖ ⵓⴳⵏⵙ ⵏ ⵜⵎⵔⵙⴰⵍ ⵏⵏⴰ ⵉⵣⵎⵔⵏ ⴰⴷ ⴳⵉⵙⵏⵜ ⵉⵜⵜⵓⵣⵎⵎⴻⵎ ⵉⵎⵉⵣⵉ ⵏ ⵓⵎⵎⵓⵜⵜⵉ ⵏ ⵡⴰⵟⵟⴰⵏ.
ⵉⵙⵎⵖⵔ ⵓⴳⵔⴰⵡ ⵏ ⵓⵙⵇⵇⵉⵎ/ⵉⵎⵉⵙ ⵙ ⵜⴰⵣⵣⵍⴰ ⴷ ⵜⵕⵡⵉ ⵏ ⵓⴽⵛⴰⵎ ⵏ ⵜⵎⵀⵍⴰ ⵏ ⵉⵖⵣⵓⵜⵏ ⴳ ⵓⵙⵎⵀⵍ ⴰⴽⴷ ⵡⴰⴷⴷⴰⴷⵏ ⵉⵜⵜⵓⵣⵎⵎⴻⵎⵏ, ⵙⵍⴰⵡⴰⵏ ⴰⴽⴽⵯ ⵙ ⵓⵙⵏⵎⴰⵍⴰ ⵏ ⵓⵎⵣⵉⵣⵣⵍ ⵏ ⵓⵙⵙⵏⵊⵉ ⵙ ⵓⵎⵅⴰⵙ ⵏⵏⴰ ⵉⵙⵓⵍⵏ ⴰⵔ ⵖⵉⵍⴰⴷ, ⴷ ⵓⵍⴰ ⵙ ⵉⴳⵉ ⵏ ⵜⵎⴳⴳⵉⵜⵉⵏ ⵏ ⵓⵥⵍⴰⵢ ⵏ ⵡⴰⵔⴰⵢ ⵉ ⵡⵉⵏⵏⴰ ⵢⴰⵖ ⵡⴰⵟⵟⴰⵏ ⴳⵔ ⵉⵎⵖⵣⵓⵜⵏ ⴷ ⵉⵎⵙⵖⴰⵏⵏ ⵏ ⵜⵎⵙⵙⵓⴳⵓⵔⵜ.
ⵉⴼⵓⴽ ⴰⴷ ⵏⵙⵙⵎⵜⵔ ⵎⴰⵙ ⵔⴰⴷ ⵜⵜⵓⵙⴽⴰⵔⵏ ⵉⵔⵣⴰⴼⵏ ⵉⵎⵙⴰⵙⴰⵏ ⵉ ⵜⴹⴼⵕⵉ ⵏ ⵓⵎⵎⵓⵜⵜⵉ ⵏ ⵡⴰⵟⵟⴰⵏ ⵖ ⵓⴳⵏⵙⵓ ⵏ ⵡⴰⵎⵎⴰⵙⵏ ⵏ ⵓⴼⵔⴰⴳ ⵏ ⵜⵎⵥⵉ ⴷ ⵡⴰⵎⵎⴰⵙⵏ ⵏ ⵓⵙⵏⵓⴱⴳ ⵏ ⵎⵉⴷⴷⵏ ⵉⵎⵇⵇⵔⴰⵏⵏ.
