ⵉⵙⵡⵓⵜⵜⵓ ⵓⵏⴳⵔⴰⵡ ⴰⴷ ⴰⴳⵯⵏⵙⴰⵏ, ⵙ ⵜⴼⵔⵉⵙⵜ ⵉⵥⵍⵉⵏ, ⵜⵉⵎⴳⴳⵉⵜⵉⵏ ⵏⵏⴰ ⵉⵜⵜⴳⴳⴰ ⵓⵙⵇⵇⵉⵎ ⴳ ⵢⵉⵎⵉⵥ ⵏ ⵉⵎⵚⵉⵕⵉⴹⵏ ⴷ ⵡⴰⵎⵎⴰⴽ ⵏ ⵜⵢⵢⵉⵀⵜ ⵏⵏⵙⵏ ⴷ ⵜⵖⵔⵉ ⵏⵏⵙⵏ ⴷ ⵓⵙⵎⴽⵍ ⵏⵏⵙⵏ , ⴷ ⵓⵟⵟⵓⵏ ⵏ ⵉⴳⵎⴰⵎⵏ ⵏ ⴽⵓ ⵉⵎⵉⵙ ⵙⴳ ⵉⵎⵉⵙⵏ ⵉⵏⴰⵎⵓⵔⵏ ⴷ ⵜⵎⴰⵎⴽⵉⵏ ⵏ ⵓⵙⵜⴰⵢ ⵏⵏⵙⵏ ⴷ ⵓⵙⵖⵣⵏ ⴼⵍⵍⴰⵙⵏ.
ⵅⴼ ⵉⴳⴳⵉ ⵏ ⵎⴰⵢⴰ, ⴷⴰ ⵉⵙⵡⵓⵜⵜⵓ ⵉⵍⴳⴰⵎⵏ ⵏ ⵓⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⴽⵓ ⵉⵎⵉⵙ ⴷ ⵜⵎⴰⵎⴽⵜ ⵏ ⵓⵙⵜⴰⵢ ⵏ ⵓⵎⵣⴷⴰⵢ ⵏⵏⵙ ⵏⵉⵖ ⵜⴰⵎⵣⴷⴰⵢⵜ ⵏⵏⵙ, ⴷ ⵜⵎⴰⵎⴽⵜ ⵍⵍⵉ ⵙ ⵉⵜⵜⴰⵎⵥ ⴽⵓ ⵉⵎⵉⵙ ⵉⵎⵚⵉⵕⵉⴹⵏ, ⵉⵖⵔⵜⵏ, ⵉⵙⵎⴽⵍⵜⵏ, ⵉⵙⵖⵜⵙ ⴳⵉⵙⵏ. ⵎⴽⵍⵍⵉ ⵉⵙⵔⵙ ⵓⵏⵎⴰⵍⴰ ⴰⴷ ⵉⵍⴳⴰⵎⵏ ⵏ ⵓⵙⵡⵓⴷⴷⵓ ⵏ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ, ⴷ ⵜⵎⴰⵎⴽⵉⵏ ⵏ ⵓⵙⵏⴰⵢ ⵏ ⵜⵙⵇⵇⵉⵎⵉⵏ ⴷ ⵓⵟⵟⵓⵏ ⵏ ⵉⴳⵎⴰⵎⵏ ⵏⵏⵙⵏⵜ ⴷ ⵓⵏⵎⴰⵍⴰ ⵏ ⵜⵡⵓⵔⵉ ⵏⵏⵙⵏⵜ, ⴷ ⵓⵍⴰ ⵉⵍⴳⴰⵎⵏ ⵏ ⵓⵏⵎⴰⵍⴰ ⵏ ⵓⵙⵇⵇⵉⵎ ⴷ ⵜⵎⴰⵎⴽⵉⵏ ⵏ ⵓⵙⵡⵓⴷⴷⵓ ⵏⵏⵙ, ⴷ ⵓⵏⵎⴰⵍⴰ ⵏ ⵜⵥⵍⴰⵢⵉⵏ ⵏⵏⵙ ⴷ ⵜⵓⵙⴽⵉⵜ ⵏⵏⵙ ⵜⴰⵎⵙⵙⵓⴳⵓⵔⵜ ⵜⴰⵙⵖⵏⴰⵏⵜ.
ⴰⴳⴰⵎ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⴳⴰⵎ ⵏ ⵓⵙⴷⴰⵡ