ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⴽⵕⴰⵙ 13 ⵢⵓⵍⵢⵓⵣ 2022 ⴳ ⵓⵙⵖⵉⵎ ⵏⵏⵙ ⴳ ⵕⵕⴱⴰⵟ, ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⴳ ⵉⵙⵙⵏⴽⴷ ⵉ ⵓⵎⵏⴰⴷ ⴰⵎⴰⵜⴰⵢ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⵉⵎⵙⴳⵔⴰⵜⵏ ⵉⵎⵣⵡⵓⵔⴰ ⵏ ⵜⵙⵇⵇⵉⵎⵜ ⵏ ⵓⵙⴰⴳⴳⵯ ⵉ ⵓⵙⴽⵓ ⵏ ⵉⵎⵊⵕⵉⵜⵏ ⵏⵏⴰ ⵙⵙⵏⵏ ⵉⵎⵏⴰⵍⴰⵜⵏ ⵓⵔ ⵉⵍⵉⵏ ⴰⵏⴰⵡ ⵏ ⵜⴽⵏⵙⴰ ⵏⵏⴰ ⵉⵊⵕⴰⵏ ⴳ ⵓⵙⴰⴽⴰ ⵏ ⵏⵏⴰⴹⵓⵕ-ⵎⵍⵉⵍⵢⴰ ⵜⵉⴼⴰⵡⵜ ⵏ 24 ⵢⵓⵏⵢⵓ 2022, ⵏⵏⴰ ⴷ ⵢⵓⴷⵊⴰⵏ 23 ⵏ ⵓⵎⵜⵜⵉⵏ ⵙⴳ ⵉⵎⵣⵡⴰⴳⵏ ⴷ 217 ⵏ ⵓⵏⴳⵉⵙⵏ ⵙ ⵉⵜⵔⵙⴰⵏ ⵎⵣⴰⵔⴰⵢⵏⵉⵏ ⴳ ⵉⵎⵉⵣⵉ ⵉⵏⴳⵔ ⵉⵎⵣⵡⴰⴳⵏ ⴷ ⵉⴼⵔⴷⵉⵙⵏ ⵏ ⵜⴳⴳⴰⵍⵉⵏ ⵜⵉⴳⴷⵓⴷⴰⵏⵉⵏ.ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵙⵙⵏⵜⵉ ⴳ 27 ⵢⵓⵏⵢⵓ 2022, ⵙ ⵓⵙⵎⴰⴳⵍ ⵏ ⵜⵏⵙⵙⵉⵅⴼⵜ ⵏⵏⵙ, ⴰⵙⵏⴰⵢ ⵏ "ⵜⵙⵇⵇⵉⵎⵜ ⵏ ⵓⵙⴰⴳⴳⵯ ⵉ ⵓⵙⴽⵓ ⵏ ⵉⵎⵊⵕⵉⵜⵏ" ⴷ ⵉⵔⵉⵎ ⵏ ⵓⵔⵎⴰⵙ ⵏ ⵜⵡⵉⵍⴰ ⵓⵔ ⵉⵍⵉⵏ ⴰⵏⴰⵡ ⵏ ⵓⵣⵔⴰⵢ ⵏ ⵉⵎⵣⵡⴰⴳⵏ ⵉ ⵓⴳⵍⵍⴰⵢ ⴷ ⵎⴰⴷ ⴷ ⴼⵍⵍⴰⵙ ⵉⴳⴳⵯⵔⴰⵏ ⵏ ⵉⵎⵏⴰⵍⴰⵜⵏ ⵏ ⵜⴽⵕⴹⵉ.ⵜⵜⵓⵡⵇⵇⵔⵏ ⴳ ⵓⵙⵎⵓⵜⵜⴳ ⵏ "ⵜⵙⵇⵇⵉⵎ ⵏ ⵓⵙⴰⴳⴳⵯ ⵉ ⵓⵙⴽⵓ ⵏ ⵉⵎⵊⵕⵉⵜⵏ" ⵉⵏⴰⵡⴰⵢⵏ ⵏ ⵜⵥⵍⴰⵢⵜ ⴷ ⵜⵎⵓⵣⴰⵢⵜ ⴳ ⵓⵙⴷⴰⵡ ⵏ ⵜⵎⵣⵡⴰⴳⵜ. 

ⵙⴷⵓⵙⵏ ⵉⵎⴰⵡⴰⵢⵏ ⴰⴷ ⴽⵉⴳⴰⵏ ⵉⴳⵉ ⵏ ⵓⵎⴷⴰⵢ ⴰⵎⵙⵖⴰⵔⵓ ⴷ ⵓⵣⵣⵓⵍⴰⵏ ⵉ ⵎⴰⴷ ⵉⵊⵕⴰⵏ ⴷ ⵓⵙⴷⴷⵉⴷ ⵏ ⵜⵎⵓⵛⴰ ⵏⵏⴰ ⴼⵍⵍⴰⵙ ⵉⵜⵜⵓⵣⵓⵣⵣⵔⵏ.16 ⵏ ⵉⵎⵙⴳⵔⴰⵜⵏ ⵉⵎⵣⵡⵓⵔⴰ:ⵙⵢⴰⴼⴰⵏⵜ ⵜⵙⵎⵉⴳⴰⵍ ⵏ ⵜⵙⵇⵇⵉⵎⵜ ⵏ ⵓⵙⴰⴳⴳⵯ ⴷ ⵉⵔⵣⵣⵓⵜⵏ ⵏⵏⵙ ⵙ ⵓⵙⵎⵓⵜⵜⴳ ⵏ "ⵉⵎⵙⴳⵔⴰⵜⵏ ⵉⵎⵣⵡⵓⵔⴰ" ⵏⵏⴰ ⵎⵉ ⵜⴳⴰ ⵙ ⵓⵣⵡⵍ "ⵉⵎⵏⴰⵍⴰⵜⵏ ⵓⵔ ⵉⵍⵉⵏ ⴰⵏⴰⵡ ⴳ ⵓⵙⴰⴽⴰ ⵏ ⵎⵍⵉⵍⵢⴰ" ⵙⴳ ⵜⵎⵓⵛⴰ ⵉⵜⵜⵓⵙⵎⵓⵏⵏⵉⵏ ⴷ ⵉⵏⴰⴳⴰⵏ ⵏⵏⴰ ⵙ ⵉⵜⵜⵓⵙⴼⵍⴷ ⵅⴼ ⵜⴱⵔⵉⴷⵜ ⵏ ⵓⵖⵍⵓⵢ ⵏ ⵉⵎⵣⵡⴰⴳⵏ ⵉ ⵓⴳⵍⵍⴰⵢ ⵏ ⵡⵓⵣⵣⴰⵍ ⵉⵏⴳⵔ ⵏⵏⴰⴹⵓⵕ ⴷ ⵎⵍⵉⵍⵢⴰ. 

ⴰⵎⵓⵏ ⴳ ⵜⵏⵜⴰⵎⵜ ⴰⴷ, ⵏⵏⴰ ⵉⵙⵡⵓⵜⵜⵙⵏ ⴰⵙⵙⵓⴼⵖ ⵏ ⵜⵖⴰⵔⵉⵡⵉⵏ ⵙⴳ ⵜⵎⵙⴰⵔⵉⵏ ⴷ ⵉⵙⵏⴼⵍⵏ ⵜⵜⵓⵣⵎⵔⵏⵉⵏ ⴳ ⵜⴱⵔⵉⴷⵉⵏ ⴷ ⵉⵎⴰⵙⵙⵏ ⵏ ⵓⵣⵔⴰⵢ ⵏ ⵉⵎⵣⵡⴰⴳⵏ ⵉ ⵓⴳⵍⵍⴰⵢ ⵏ ⵡⵓⵣⵣⴰⵍ, 16 ⵏ ⵉⵎⵙⴳⵔⴰⵜⵏ ⵉⵎⵣⵡⵓⵔⴰ, ⴰⴷ ⵙⴳⵉⵙⵏ ⵏⵙⵙⴽⵜⵉ ⵙ ⵓⵎⴷⵢⴰ:•ⴷⴷⴰⵏ ⴷ ⵡⴰⴷⴷⴰⴷⵏ ⵏ ⵜⵎⵜⵜⴰⵏⵜ ⵜⵜⵓⵣⵎⵎⴻⵎⵏⵉⵏ, ⵙ ⵓⵎⵙⴰⵙⴰ ⴰⴽⴷ ⵓⵣⵣⵔⴰⵢ ⴰⵎⵙⵏⵉⵊⵊⵉ ⵉ ⵜⴼⴽⴽⵉⵡⵉⵏ ⵏ ⵓⵏⴳⵉⵙⵏ, ⵙⴳ ⵓⵖⵓⴼⵓ ⴰⵎⵉⴽⴰⵏⵉⴽⵉ (Asphyxie Mécanique) ⴷ ⵓⴷⵃⵃⵓⵢ ⴷ ⵓⴽⵯⵎⴰⵔ ⴷ ⵜⴹⵓⵕⵉ ⵙⴳ ⵉⴳⴳⵉ ⵏ ⵓⵖⵔⴰⴱ ⵏ ⵓⴳⵍⵍⴰⵢ ⴷ ⵓⵏⵢⴰⵎⴰ ⵏ ⵓⵙⴰⵢⵔⴰⵔ ⴷ ⵓⴳⵓⴷⵉⵢ ⵏ ⵓⵟⵟⵓⵏ ⵉⴳⴳⵓⵜⵏ ⵏ ⵉⵎⵣⵡⴰⴳⵏ ⴳ ⵓⵙⴰⵔⴰⴳ ⵉⵏⵢⴰⵎⴰⵏ ⵏ ⵓⵙⴰⴽⴰ ⵏⵏⴰ ⵎⵉ ⵔⴳⵍⵏⵜ ⵜⴳⴳⵓⵔⵉⵏ ⵏⵏⵙ ⵎⵍⵉⵃ. ⵉⴳ ⵓⵙⵎⵎⵉⵍⵉ ⴰⵎⵙⵏⵉⵊⵊⵉ ⴰⴱⵔⵉⴷ ⴰⵎⵢⵉⵡⵏ ⵉ ⵓⵙⵡⵓⵜⵜⵓ ⵏ ⵜⵎⵏⵜⵉⵍⵉⵏ ⵏ ⵜⵎⵜⵜⴰⵏⵜ ⵏ ⴽⵓ ⴰⴷⴷⴰⴷ ⵡⴰⵃⴷⴰⵜ (catastrophe de masse);

•ⴰⵙⴷⴷⵉⴷ ⵏ ⵜⵙⵇⵇⵉⵎⵜ ⵏ ⵓⵙⴰⴳⴳⵯ ⵡⴰⵔ ⴰⵎⴹⴰⵍ ⵏ ⴰⵡⴷ ⵢⴰⵏ ⵓⵎⵣⵡⴰⴳ ⵉⵎⵎⵓⵜⵏ ⴳ ⵓⵙⵙⴽⵍⴻⵍ ⵏ ⵓⴳⵍⵍⴰⵢ, ⵜⵙⴷⴷⵉⴷ ⵙⴳ ⵓⵟⵟⵓⵏ ⵏ ⵜⴼⴽⴽⵉⵡⵉⵏ ⴳ ⵓⵔⵣⴰⴼ ⵏⵏⵙ ⵉ ⵓⵃⴰⵏⵓ ⵏ ⵉⵎⵜⵜⵉⵏⵏ ⴷ ⵎⴰⵙ ⵜⴹⴼⵓⵕ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵓⵙⵇⵇⵉⵎ ⵉⵎⴰⵢⵏⵓⵜⵏ ⵏ ⵓⵙⵎⵎⵉⵍⵉ ⴰⵎⵙⵏⵉⵊⵊⵉ ⴷ ⵉⵙⴼⵙⵉⵜⵏ ⵏ ⵓⵙⵎⵎⵉⵎ ⴰⵎⵖⵢⴰⵢ (ADN);

•ⴰⵎⵙⴰⵙⴰ ⵏ ⵜⵏⴱⴰⴹⵉⵏ ⴷ ⵜⵎⵙⵎⵓⵏⵉⵏ ⵜⴰⵔⵓⵏⴱⵉⴹⵉⵏ ⴷ ⵉⵎⵣⵡⴰⴳⵏ ⵜⵜⵡⴰⵖⵏⵉⵏ, ⵏⵏⴰ ⴷ ⵜⵎⵎⴰⵇⴰⵔ ⵜⵙⵇⵇⵉⵎⵜ ⴳ ⵓⵙⴳⵏⴰⴼ, ⵡⴰⵔ ⴰⵙⵎⵔⵙ ⵏ ⵜⴳⴳⴰⵍⵉⵏ ⵜⵉⴳⴷⵓⴷⴰⵏⵉⵏ ⵉ ⵓⵇⵕⴹⴰⵚ;

•ⴰⵙⵎⵏⵉⴷ ⵏ ⵉⵊⵉⵊⵊⵉⵜⵏ ⵉⵎⵙⵏⵉⵊⵊⵉⵜⵏ ⵉⵜⵜⵓⵙⵓⵖⵏⵏ ⵉ ⵓⵏⴳⵉⵙⵏ ⴷ ⵉⵎⵜⵡⴰⵖⵏ ⴷ ⵓⵊⵉⵊⵊⵉ ⴷ ⵜⴽⵛⵛⵓⵎⵉⵏ ⵏ ⵓⴼⵍⴰⵢ ⵉⵜⵜⵓⵙⵓⵖⵏⵏ ⴳ ⵓⵙⴳⵏⴰⴼ ⴰⵙⴳⴰⵡⴰⵏ ⴳ ⵏⵏⴰⴹⵓⵕ ⴷ ⵓⵙⴳⵏⴰⴼ ⴰⵎⵙⴷⴰⵡⵎⵓⵃⵎⵎⴰⴷ ⵡⵉⵙ ⵙⴹⵉⵚ ⴳ ⵡⵊⴷⴰ;

•ⴰⵙⴱⵔⵔⴽ ⵏ ⵓⵙⵇⵇⵉⵎ ⵙ ⵡⴰⵏⴰⴹ ⵏⵏⴰ ⴷ ⵉⵙⵙⵓⴼⵖ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⵖ ⴷⴰⵔ ⵜⵙⵏⴱⴹⴰⵢⵜ ⵏ ⵡⴰⵍⴰⵙ ⴳ ⵏⵏⴰⴹⵓⵕ ⵙ ⵉⴳⵉ ⵏ ⵓⵙⵎⵎⵉⵍⵉ ⴰⵎⵙⵏⵉⵊⵊⵉ ⵏⵏⴰ ⵜⴳⴰ ⵢⴰⵜ ⵜⵙⵇⵇⵉⵎⵜ ⵜⴰⵎⵙⵏⵉⵊⵊⵉⵜ, ⵙ ⵜⵉⵍⵉⵜ ⵏ ⵓⵎⵙⴳⵏⴰⴼ ⴰⵎⵥⵍⴰⵢ ⴳ ⵜⵙⵏⵉⵊⵊⵉⵜ ⵜⵓⵍⴳⵉⵏⵜ, ⴰⴼⴰⴷ ⴰⴷ ⴼⴰⵡⵏⵜ ⵜⵎⵏⵜⵉⵍⵉⵏ ⵏ ⵜⵎⵜⵜⴰⵏⵜ ⴷ ⵡⴰⵏⴰⵡ ⵏ ⵉⵜⵔⵙⵏ ⴷ ⵉⵜⵡⴰⵖⵏ ⴷ ⵓⵎⵢⴰⵙⵙⴰ ⵏⵏⵙⵏ ⵙ ⵜⵎⵜⵜⴰⵏⵜ, ⴷ ⵓⵙⵙⴼⴰⵡ ⵏ ⵉⵎⴰⵙⵙⵏ ⵏⵏⴰ ⴳⵉⵙ ⵉⵜⵜⵓⵙⵎⵔⵙⵏ;

•ⴰⵙⴱⵔⵔⴽ ⵏ ⵓⵙⵇⵇⵉⵎ ⵙ ⵜⵉⴽⵙⵉ ⵏ ⵜⵓⵙⵙⵉⴼⵉⵏ ⵏ ⵓⵙⵎⵎⵉⵎ ⴰⵎⵖⵢⴰⵢ (ADN);•ⵜⵙⵢⵉⵍⵉ ⵜⵙⵇⵇⵉⵎⵜ, ⵙ ⵓⵙⵖⵣⵏ ⵏ ⵜⵓⴽⴽⵉ ⵏ ⴽⵉⴳⴰⵏ ⵏ ⵉⵏⴰⴳⴰⵏ, ⵍⵓⵎⴰⵕ ⵜⵉⵏ ⵜⵎⵙⵎⵓⵏⵉⵏ, ⵜⵓⵔⴷⴰ ⵏ ⵜⴽⵕⴹⵉ ⴳ ⴹⴰⵕⴰⵜ ⵏ ⵓⴳⵍⵍⴰⵢ ⵙ ⵜⵎⵏⵜⵉⵍⵜ ⵏ ⵓⴽⵓⴽⵔ ⵏⵉⵖ ⴰⵙⵏⴰⴳⴰⵔ ⵏ ⵜⵏⴱⴰⴹⵉⵏ ⵜⵉⵙⴱⵏⵢⵓⵍⵉⵏ ⵅⴼ ⵓⵙⵎⵏⵉⴷ ⵏ ⵜⵡⵉⵙⵉ ⴷ ⵓⵊⵉⵊⵊⵉ ⵎⵇⵇⴰⵔ ⵉⵍⵍⴰ ⵓⵜⴽⴰⵢ ⴷ ⵓⴽⵯⵎⴰⵔ ⵉⴳⴳⵓⵜⵏ ⵏ ⵉⵎⵣⵡⴰⴳⵏ ⴳ ⵜⴳⴳⵓⵔⵉⵏ ⵏ ⵡⵓⵣⵣⴰⵍ ⵙⵙⵓⵜⵍⵏⵉⵏ ⵉ ⵓⵙⴰⴽⴰ, ⵏⵏⴰ ⵉⵜⵜⵡⴰⵔⴳⴰⵍⵏ ⵎⵍⵉⵃ, ⴰⵢⵏⵏⴰ ⴷ ⵢⵓⴷⵊⴰⵏ ⵜⵓⴳⵜ ⵏ ⵉⵜⵡⴰⵖⵏ ⴷ ⵉⵍⵉⵢ ⵏ ⵓⵟⵟⵓⵏ ⵏ ⵉⵎⵜⵜⵉⵏⵏ;

•ⴰⵣⵎⵎⴻⵎ ⵏ ⵓⵙⵇⵇⵉⵎ ⵉ ⵜⵉⵍⵉⵜ ⵏ ⵓⵙⵏⴼⵍ ⴰⵜⵔⴰⵔ ⴷ ⵓⵥⵖⵓⵕⴰⵏ ⵉ ⵡⴰⵏⴰⵡ ⵉ ⵡⴰⵏⴰⵡ ⵏ ⵓⵣⵔⴰⵢ ⵏ ⵉⵎⵣⵡⴰⴳⵏ ⵙⴳ ⵏⵏⴰⴹⵓⵕ ⵙ ⵎⵍⵉⵍⵢⴰ, ⵏⵏⴰ ⵉⵜⵜⵡⴰⵙⵙⴰⵏⵏ ⵙ ⵓⵙⵓⴳⵉ ⵉⵜⵜⵡⴰⵛⵕⴰⴹⵏ ⴷ ⵉⵜⵜⵓⵙⵏⵎⴰⵍⴰⵏ ⵎⵍⵉⵃ ⴷ ⵓⵔ ⵉⵜⵜⵓⵏⵜⴰⵎⵏ ⴳ ⵜⵉⵣⵉ (ⴰⵣⴰⵍ) ⴷ ⵓⴷⵖⴰⵔ (ⴰⵙⴰⴽⴰ ⵓⵔ ⴷ ⴰⴳⵍⵍⵓⵢ) ⴷ ⵜⴱⵔⵉⴷⵜ (ⴰⵙⵙⴽⵍⴻⵍ ⵓⵔ ⴷ ⴰⵖⵍⵓⵢ) ⴷ ⵉⵙⴳⵔ (ⵢⴰⵜ ⵜⵡⵎⴰⵏⵉⵜ ⴰⴷ ⴱⴰⵀⵔⴰ ⵟⵟⴰⴼⵏ ⵉⵎⵣⵡⴰⴳⵏ), ⴷ ⵓⴳⴳⴰⵔ;

ⵜⴽⴽⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵜⵏⵏⴰ ⴳ ⵓⵏⵎⵓⵇⵇⴰⵔ ⴰⵏⵖⵎⴰⵙ ⵎⴰⵙ ⵜⵏⵏⵉⵡⵍ ⵅⴼ ⵓⵙⵙⴰⵎⵓ ⵏ ⵜⵡⵍⴰⴼⵉⵏ ⴷ ⵜⵥⵕⵉⴳⵉⵏ ⵏ ⵓⵙⵃⵉⵍⵍⴻⵍ ⴳ ⵡⴰⵙⵉⵜⵏ ⵏ ⵓⵎⵢⴰⵡⴰⴹ ⴰⵏⴰⵎⵓⵏ ⵏⵏⴰ ⵓⵔ ⴷⴰⵔ ⴰⵎⵢⴰⵙⵙⴰ ⵙ ⵉⵎⵏⴰⵍⴰⵜⵏ, ⴰⵢⵏⵏⴰ ⴷ ⵢⵓⴷⵊⴰⵏ ⴰⵔⴰⵜⴰⵢ ⴰⵏⵖⴱⵓ ⵖ ⴷⴰⵔ ⵓⵎⵏⴰⴷ ⴰⵎⴰⵜⴰⵢ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⵅⴼ ⵉⴱⵔⵔⵉⵡⵏ ⵏ ⵓⵙⵎⵔⵙ ⵏ ⵓⵇⵕⵟⴰⵚ ⴷ ⵓⵍⵎⴰⴹ ⵏ ⵓⵏⵀⵍⵍⴰ ⴰⵎⵙⵏⵉⵊⵊⵉ.