ⵉⵙⵙⴰⴼⵖ ⴷ ⵓⵥⵟⵟⴰ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵜⵉⴼⵔⵉⵇⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵉⴳⵉⵔⴰ ⴰⴷ ⵢⴰⵜ ⵜⵖⵓⵔⵉ ⵅⴼ ⵉⵎⵔⵙⵉ "ⵜⵉⵎⵙⵙⵏⵜⴰⵢ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⴳⴰⵔⵓⵜⵏ ⵉⵙⵓⵍⴰⵏⵏ". ⵜⵙⵡⵓⵜⵜⵙ ⵜⵖⵓⵔⵉ ⴰⴷ ⵜⵉⵡⵉⵙⵉ ⵉ ⵓⵥⵟⵟⴰ ⴰⴼⵔⵉⵇⵉ ⴷ ⵉⴳⵎⴰⵎⵏ ⵏⵏⵙ ⴳ ⵓⵙⴷⵓⵙ ⵏ ⵜⵣⵎⵎⴰⵔ ⴳ ⵢⵉⴳⵔ ⴷ ⵓⵙⴱⵓⵖⵍⵓ ⵏ ⵓⵔⵣⵣⵓ ⴷ ⵓⵙⵎⵀⵍ ⵏ ⵜⵙⵏⵜⴰⵢⵉⵏ ⴷ ⵜⵉⵍⴰⵍ ⵏⵏⴰ ⴷ ⴷⴰⵔ ⴰⵣⴷⴰⵢ ⵙ ⵉⵎⵏⵣⴰⵢⵏ ⵉⵏⵉⵍⴰⵏⵏ ⴷ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ ⴳ ⵓⵎⵏⵉⴷ ⵏ ⵓⵙⴳⴳⵯⴰⵙ 2030 (ⵍⵓⵎⴰⵕ ⴰⵡⵜⵜⴰⵙ 14) ⴷ ⵜⵎⵙⵙⴽⵜⵉⵜ 2063.

ⵔⴰⴷ ⵉⴹⴼⵓⵕ ⵓⵥⵟⵟⴰ ⵉⵙⵖⵍⴰⴼ ⵏⵏⴰ ⴷ ⵜⵓⵡⵉ ⵜⵖⵓⵔⵉ ⴰⴷ, ⵉⵙⵎⵙⴰⵙⴰⵜⵏ ⴰⴽⴷ ⵉⵎⵏⴰⴹⵏ ⵉⵙⴳⴰⵡⴰⵏⵏ ⴷ ⵉⴳⵔⴰⵖⵍⴰⵏⵏ ⵍⵍⴰⵏⵉⵏ, ⴰⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵣⵎⵔⵜ ⵜⴰⵖⵣⵓⵔⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵃⵎⴰ ⴰⴷ ⵜⵜⵓⵙⴷⵓⵙⵏ, ⵜⵜⵡⴰⴼⵔⴰⴳⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵢⵉⴳⵔ ⵏ ⵜⵎⵙⵙⵏⵜⴰⵢ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⴳⴰⵔⵓⵜⵏ ⵉⵙⵓⵍⴰⵏⵏ ⵙ ⵢⴰⵜ ⵜⵡⵉⵍⴰ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵉⴹⵉⵚ ⵏⵏⵙ ⴳ ⵜⵉⵍⴰⵡⵜ.

ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵉⴳⴰⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵏⴳⵎⴰⵎ ⴰⵎⵙⵎⵓⵙⵙⵓ ⴳ ⵓⵥⵟⵟⴰ ⴰⴼⵔⵉⵇⵉ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵙⵙⵉⵅⴼ ⵜⴰⵔⴰⴱⴱⵓⵜ ⵏ ⵜⵡⵓⵔⵉ ⵏⵏⵙ ⵉⵜⵜⵓⵙⵎⴰⴳⵍⵏ ⵙ ⵓⵣⵡⴰⴳ. ⴰⵔ ⵉⵙⵎⴷⵢⴰ ⵓⵙⵇⵇⵉⵎ ⴰⵥⵟⵟⴰ ⴷⴰⵔ ⵜⵙⵇⵇⵉⵎⵜ ⵜⴰⵢⵢⴰⵡⵜ ⵏ ⵜⵙⵖⵣⵏⵜ ⵉⴹⴼⴰⵕⵏ ⵉ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵔⴰⴱⴱⵓⵜ ⵏ ⵜⵡⵓⵔⵉ ⵏⵏⵙ ⵉⵜⵜⵓⵙⵎⴰⴳⵍⵏ ⵙ ⵉⵎⵔⵙⵉ ⵏ "ⵜⵎⵙⵙⵏⵜⴰⵢ ⴷ ⵉⵣⵔⴼⴰⵏ ⵏ ⵓⴼⴳⴰⵏ".