ⵉⵜⵜⵡⴰⴼⵙⴰⵔ ⴳ
ⵙ ⴽⵉⴳⴰⵏ ⵏ ⵓⵖⵉⵍⵓⴼ ⴷ ⵜⵉⵇⵇⴷⵜ ⴷ ⵙ ⵡⵓⵍⴰⵡⵏ ⴼⵍⵙⵏⵉⵏ ⵙ ⵜⵏⴱⴹⴰⵢⵜ ⵏ ⵕⴱⴱⵉ ⴷ ⵓⵎⵓⵔ ⵏⵏⵙ, ⴰⵙ ⵉⵙⵏⵖⵎⴰⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵎⵜⵜⴰⵏⵜ ⵏ ⵓⵎⵖⵏⴰⵙ ⴰⵣⵔⴼⴰⵏ ⴷ ⵓⵏⴼⵍⵙⴰⴼ ⴷ ⵓⵎⵔⵣⵓ ⴳ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵎⴰⵙⵙ ⴱⵍⵄⵉⴷ ⴱⵓⴷⵔⵉⵙ ⵏⵏⴰ ⵉⴽⴽⴰⵏ ⵉⴳⴰ ⴰⵏⵙⵎⴰⴳⴰⵍ ⵙ ⵜⵖⵍⴼⵜ ⵖ ⴷⴰⵔ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ. ⵢⴰⵜ ⵜⵎⴰⵜⴰⵔⵜ ⵙⴳ ⵜⵎⵉⵜⴰⵔ ⵏ ⵜⵖⵏⵙⴰ ⵜⴰⵣⵔⴼⴰⵏⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵉⵡⵛⴰ ⵉⴳⵍⵍⵉⵏ ⵜⵓⴷⵔⵜ ⵏⵏⵙ ⵉ ⵜⵏⴰⴼⵓⵜ ⵏ ⵜⵎⵙⴰⵔⵉⵏ ⴷ ⵜⵉⵏⴷⵉⵜⵉⵏ ⵜⵉⵏⴼⴳⴰⵏⵉⵏ ⴷ ⵓⵎⵢⴰⵏⴰⵡ ⴰⴷⵍⵙⴰⵏ, ⵉⴷⴷⵖ ⵉⴳⴰ ⴰⴳⵎⴰⵎ ⴰⵎⵙⵔⵓⵙ ⵏ ⴽⵉⴳⴰⵏ ⵏ ⵜⵎⵙⵎⵓⵏⵉⵏ ⵜⵉⵣⵔⴼⴰⵏⵉⵏ ⴷ ⵜⵎⴰⵣⵉⵖⵉⵏ. ⵙ ⵜⴰⴳⴰⵜ ⴰⴷ ⵜⴰⴽⵙⵡⴰⵜ, ⴰⵔ ⵜⵙⵎⵏⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⵓⵔⴰⵢⵜ ⵅⴼ ⵓⵙⵇⵇⵉⵎ ⴷ ⵓⵏⴼⵍⵓⵙ ⵏⵏⵙ ⴰⵎⴰⵜⴰⵢ ⴷ ⵇⴰⵃ ⵉⴳⵎⴰⵎⵏ ⵏⵏⵙ ⴷ ⵉⵙⵓⵜⴰⵢ ⵏⵏⵙ, ⵙ ⵉⵡⵏⵏⵉⵜⵏ ⵏ ⵓⴼⵛⴰⴷ ⵉⵣⴷⴷⵉⴳⵏ ⴷ ⵜⴱⴷⴰⴷⵜ ⵉ ⵜⵎⵖⴰⵔⵜ ⵏⵏⵙ ⴷ ⵜⴰⵔⵡⴰ ⵏⵏⵙ ⴷ ⵜⵡⵊⴰ ⵏⵏⵙ ⴷ ⵉⵙⵎⵓⵏⵏ ⵏⵏⵙ ⴳ ⵜⵖⵏⵙⴰ. ⵡⵉⵏ ⵕⴱⴱⵉ ⴰⴷ ⵏⴳⴰ ⵏⵉⵔⵉ ⴰⴷ ⵖⵓⵔⵙ ⵏⵡⵔⵔⵉ.
