ⵜⵙⵏⵎⴰⵍⴰ ⵜⵡⵊⴰ ⵏ ⵉⴳⵍⵍⵉⵏ ⴰⵃⵎⴰⴷ ⵃⴰⵔⵣⵏⵏⵉ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵜ ⵜⴼⵓⴳⵍⴰ ⵏ ⵓⵙⵙⵉⴷⵔ ⵏ ⵓⴽⵜⵜⵓⵢ ⴰⵙⵙ ⵏ ⵓⵙⵉⵎⵡⴰⵙ 29 ⴷⵓⵊⴰⵏⴱⵉⵔ 2023 ⵙ ⵓⵣⵎⵣⵣⵓ ⵏ ⵓⵙⴽⵜⵉ ⵡⵉⵙⵙ ⴽⴽⵓⵎⵔⴰⵡ ⵏ ⵜⵎⵜⵜⴰⵏⵜ ⵏ ⵓⵏⵙⵙⵉⵅⴼ ⴰⵎⵣⵡⴰⵔ ⵏ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵜⵙⴷⵍⵉⵙⵜ ⵜⴰⵏⴰⵎⵓⵔⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵕⵕⴱⴰⵟ.

ⵜⴻⵜⵜⵡⴰⵙⵙⴰⵏ ⵜⴼⵓⴳⵍⴰ ⴰⴷ ⵙ ⵜⵖⵓⵔⵉ ⵏ ⵓⵍⵜⵎⴰⵙ ⵏ ⵉⴳⵍⵍⵉⵙ ⵜⴰⴱⵔⴰⵜ ⵏ ⵓⴼⵛⴰⴷ ⴷ ⵜⴱⴷⴰⴷⵜ ⵍⵍⵉ ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵉ ⵜⵡⵊⴰ ⵏ ⵉⴳⵍⵍⵉⵏ ⴰⵙⵍⵎⴰⴷ ⵎⴰⵙⵙ ⴰⵃⵎⴰⴷ ⵃⵔⵣⵏⵉ, ⵍⵍⵉⵖ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ " ⵉⵜⵜⵡⴰⵙⵙⴰⵏ ⵉⴳⵍⵍⵉⵏ ⵏ ⵜⵖⴰⵔⵉⵡⵉⵏ ⵣⴷⴷⵉⴳⵏⵉⵏ ⴷ ⵜⵎⵉⵜⴰⵔ ⵏ ⵉⵎⵖⵏⴰⵙⵏ ⵉⵣⵔⴼⴰⵏⵏ ⵉⵙⵓⴼⴰⵏ ⵉ ⵜⵎⵓⵔⵜ ⴷ ⵜⵔⵙⴰⵍ ⵏⵏⵙ ⵜⵉⴼⵓⵥⴰⵕⵉⵏ, ⴷ ⵓⵍⴰ ⵎⴰⵙ ⵉⵜⵜⵡⴰⵙⵙⴰⵏ ⵏ ⵜⵎⴰⴳⵍⴰⵢⵜ ⴳ ⵎⵏⵏⴰⵡⵜ ⵏ ⵜⵡⵓⵔⵉⵡⵉⵏ ⵜⵉⵎⴰⵜⵜⴰⵢⵉⵏ ⵍⵍⵉ ⵙ ⵉⵏⵏⵖⵍⴼ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⴳⴰ ⴰⵏⵙⵙⵉⵅⴼ ⵉⵣⵔⵉⵏ ⵏ ⵓⵙⵇⵇⵉⵎ ⴰⵎⵙⵎⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ... ".

ⴳ ⵜⴳⵓⵔⵉ ⵏⵏⵙ ⵙ ⵜⵎⵍⴷⴰ ⴰⴷ, ⵜⴱⵉⴷⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵅⴼ ⵉⵙⵔⴰⵙ ⵉⵎⵖⵏⴰⵙⵏ ⴷ ⵉⵣⵔⴼⴰⵏⵏ ⵏⵏⵉ ⵙ ⵉⵜⵜⵡⴰⵙⵙⴰⵏ ⵓⴱⵔⵉⴷ ⵏ  ⵉⴳⵍⵍⵉⵏ ⵃⵔⵣⵏⵏⵉ, " ⵏⵜⵜⴰ ⴷ ⵢⴰⵏ ⵙⴳ ⵜⵎⵉⵜⴰⵔ ⵏ ⵓⵎⵣⴰⵖ ⴷ ⵢⴰⵏ ⵙⴳ ⵉⴳⵊⴷⴰ ⵏ ⵜⵡⵓⵔⵉ ⵜⴰⵣⵔⴼⴰⵏⵜ ⴳ ⵍⵎⵖⵔⵉⴱ ⴷ ⵜⵣⵔⴼⵜ ⵜⴰⵏⵎⵓⵜⵜⵉⵜ, ⴷ ⵓⵕⵥⵥⵓⵎ ⵏ ⵢⴰⵏ ⵓⴱⵔⵉⴷ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏⵏⵙ, ⵢⴰⵏ ⵓⴼⴳⴰⵏ ⵉⵙⵓⵖⵏⵏ ⵙ ⵓⵙⵖⵓⵏ ⴰⵏⴼⴳⴰⵏ ⴰⵣⵔⴼⴰⵏ ⴷ ⵓⵏⵎⵓⴽⵏ", ⴰⴷ ⵜⵏⵏⴰ ⵎⴰⵙⵙⴰ ⴱⵓⵢⵢⴰⵛ, ⵍⵍⵉ ⵖ ⵜⵇⴰⵎⴰ ⵜⵎⵜⵜⴰⵏⵜ ⵏ ⵢⴰⵏ ⵓⴼⴳⴰⵏ "ⵉⴷⵔⵓⵏ ⴱⵍⴰ ⵜⴰⴼⴰⴷⴰ ⴳ ⵜⵎⵙⴰⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵣⵔⴼⵜ ⵜⴰⵏⵎⵓⵜⵜⵉⵜ ⴷ ⵜⵎⵙⴰⵔⵉⵏ ⵏ ⵡⴰⵎⵓⵏ ⴷ ⵜⵉⴳⴰⵡⵜ ⵜⴰⴷⵉⵎⵓⵇⵕⴰⵟⵉⵜ ⴷ ⵜⵏⴰⴼⵓⵜ ⵏ ⵓⵎⴰⴷⴰⵏ ⴷ ⵜⵎⵔⵙⴰⵍ ⴷ ⵡⴰⵎⵓⵏ".

ⵓⵔ ⵜⴻⵜⵜⵓ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⴷ ⵜⵙⵙⴽⵜⵉ ⵙ ⵜⵎⵏⴰⵡⴰⵢⵜ ⵏ ⵉⵙⵔⴰⵙ ⵏ ⵓⴱⵔⵉⴷ ⴰⵎⵖⵏⴰⵙ ⴷ ⵓⵙⵔⵜⴰⵏ ⴷ ⵓⵣⵔⴼⴰⵏ ⴷ ⵓⵡⵏⴳⵉⵎ ⵏ ⵉⴳⵍⵍⵉⵏ, ⴱⵍⴰ ⴰⴷ ⵢⴰⴷⵊ ⴰⵎⵣⴰⵖ ⵅⴼ ⵓⵣⵔⴼ ⴷ ⵜⴷⵔⴼⵉ ⴷ ⵜⵣⵔⴼⵜ ⴷ ⵉⵙⴽⵉⵍ ⴷ ⵡⴰⴷⴷⵓⵔ ⴷ ⵓⴼⴳⴰⵏ, ⴷ ⵓⵙⵎⴰⴷ ⵏ ⵜⵏⴼⴳⴰⵏⵜ ⵏ ⵓⴼⴳⴰⵏ ⴷ ⵓⵔⵣⴰⴽ ⵏ ⵜⵎⵔⵙⴰⵍ ⴷ ⵜⵏⴱⴰⴹⵜ ⵏ ⵓⵙⵍⴳⵏ.

ⴳ ⵢⴰⵜ ⵜⴳⵓⵔⵉ ⵙ ⵢⵉⵙⵎ ⵏ ⵜⵡⵊⴰ ⵏⵏⵙ, ⵜⵙⴰⵡⵍ ⵎⴰⵙⵙⴰ ⴽⴰⵔⵉⵎⴰ ⵣⵀⵔⵉ, ⵜⴰⵎⵖⴰⵔⵜ ⵏ ⵉⴳⵍⵍⵉⵏ, ⵅⴼ ⵉⵙⵔⴰⵙ ⵉⴽⵙⵡⴰⵜⵏ ⵏ ⵜⵖⵏⵙⴰ ⴷ ⵜⵙⵔⵜⵉⵜ ⴷ ⵉⵣⵔⴼⴰⵏ ⵍⵍⵉ ⵙ ⵉⵜⵜⵡⴰⵙⵙⴰⵏ ⵓⴱⵔⵉⴷ ⵏⵏⵙ, ⵜⵙⴰⵡⵍ ⵅⴼ ⵉⵙⵔⴰⵙ ⵏⵏⵙ ⵉⵣⵣⵓⵍⴰⵏⵏ ⵉⵕⵚⵍⵉⵢⵏ ⴷ ⵜⵣⴷⴳⵉ ⵏⵏⵙ ⵜⴰⵡⵏⴳⵉⵎⵜ ⴳ ⵢⵉⴳⵔ ⴰⵣⵔⴼⴰⵏ ⴷ ⵓⵎⵙⵎⵓⵏ ⵏ ⵜⵎⴰⵣⵉⵔⵜ, ⴷ ⵜⵖⴰⵔⵉⵡⵉⵏ ⵏⵏⵙ ⵜⵉⵏⴼⴳⴰⵏⵉⵏ ⵉⵖⵓⴷⴰⵏ, ⵣⵓⵏⴷ "ⴰⵎⵔⵙ ⵏ ⵓⵍⴷⵓⴷⵉ ⴷ ⵓⵎⵢⴰⵙ ⴳ ⵜⵖⴰⵔⴰⵙⵜ ⵏ ⵜⵓⴷⵔⵜ", ⴷ ⵓⵍⴰ ⴰⵙⴼⵔⵙ ⵙ ⵢⵉⵎⴰⵏ ⵏ ⵜⵎⵙⵜⵜⴳⴰⵔⵜ ⴷ ⵓⵎⵢⴰⵡⴰⵙ ⴳ ⵓⵎⵓⴳⴳⵓ ⴰⴽⴷ ⵡⵉⵢⵢⴰⴹ.

ⵎⵙⴰⵙⴰⵏⵜ ⵜⵓⴳⴳⴰ ⵏ ⵡⵓⴷⵎⴰⵡⵏ ⵉⵙⵔⵜⴰⵏⵏ ⴷ ⵉⴽⴰⴷⵉⵎⵉⵢⵏ ⴷ ⵉⵣⵔⴼⴰⵏⵏ ⴷ ⵉⵎⵙⵎⵓⵏⵏ ⵎⴰⵙ ⵉⴳⴰ ⵎⴰⵙⵙ ⴰⵃⵎⴰⴷ ⵃⵔⵣⵏⵏⵉ, ⵢⴰⵏ ⵡⵓⴷⵎ ⵉⵅⴰⵜⴰⵔⵏ ⴳ ⵢⵉⴳⵔ ⴰⵣⵔⴼⴰⵏ ⴷ ⵢⴰⵏ ⵓⵔⴳⴰⵣ ⴰⵏⴰⵎⵓⵔ ⵉⵙⵎⵓⵏⵏ ⵜⵓⴳⵜⵜ ⵏ ⵜⴼⵔⴰⵙ ⵜⵉⵏⴰⴼⴳⴰⵏⵉⵏ ⵉⵖⵓⴷⴰⵏ, ⴰⵎ ⵜⴰⵣⴷⴳⵉ, ⵜⴰⵎⴰⴳⵍⴰⵢⵜ, ⴰⵙⵓⵔⴼ ⴷ ⵜⴰⵢⵔⵉ ⵏ ⵜⵎⵓⵔⵜ, ⴷ ⵡⵉⵢⵢⴰⴹ.

ⵜⵣⵔⵉ ⵜⴼⵓⴳⵍⴰ ⵏ ⵓⵙⵙⵎⵖⵔ, ⵍⵍⵉ ⴳ ⴷⵔⵓⵏ ⵎⵏⵏⴰⵡ ⵏ ⵉⵎⵙⴽⴰⵔⵏ ⵉⵙⵔⵜⴰⵏⵏ ⴷ ⵉⴽⴰⴷⵉⵎⵉⵢⵏ ⴷ ⵉⵣⵔⴼⴰⵏⵏ ⴷ ⵉⵎⵙⵎⵓⵏⵏ ⴷ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⴷ ⵎⵏⵏⴰⵡ ⵏ ⵉⴳⵎⴰⵎⵏ ⵏ ⵜⵡⵊⴰ ⴷ ⵉⵎⴷⴷⵓⴽⴽⴰⵍ ⵏ ⵓⵎⵔⵣⵓ, ⵙ ⵓⵙⵙⵓⴼⵖ ⵏ ⵢⴰⵏ ⵓⴷⵍⵉⵙ ⵉⵙⵎ ⵏⵏⵙ “ⵜⵉⵎⴽⵜⵉⵢⵉⵏ ⵏ ⵓⵖⵣⵓ.. ⵜⴰⵎⴰⵔⴽⵙⵉⵜ, ⵉⵙⴳⴷⵏ ⴷ ⵜⵉⵍⴰⵡⵜ ⵜⴰⵜⵔⴰⵔⵜ" ⵏ ⵉⴳⵍⵍⵉⵏ ⴰⵃⵎⴰⴷ ⵃⵔⵣⵏⵏⵉ, ⵙ ⵡⴰⵏⵏⴰⵍ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵜⵜⵓⵖⵜⴰⵙ ⴰⴷ ⵜⵜⵡⴰⴼⴽⴰⵏ ⵉⵙⴰⴷⴰⴼⵏ ⵏⵏⵙ ⵉ ⵜⵎⵙⵎⵓⵏⵜ ⵏ ⵉⵎⵓⴹⴰⵏ ⵏ ⵍⴽⵓⵏⵚⵉⵕ, ⵙ ⵜⵉⵔⴰⵜ ⵏ ⵜⵡⵊⴰ ⵏ ⵉⴳⵍⵍⵉⵏ.

ⵜⴰⴳⵓⵔⵉ ⵏ ⵜⵏⵙⵙⵉⵅⴼⵜ (ⵙ ⵜⴰⵄⵕⴰⴱⵜ)