ⴰⵙⵎⵏⵉⴷ
ⵜⴰⵥⵍⴰⵢⵜ ⵜⴰⴽⴰⵍⴰⵏⵜ
ⴰⵎⵓⵏⵜ ⴳ ⵜⵥⵍⴰⵢⵜ ⵜⴰⴽⴰⵍⴰⵏⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ ⵜⵉⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ ⵜⵉⵏⴹⴼⴰⵕⵉⵏ: ⵕⵕⴱⴰⵟ, ⵙⵍⴰ, ⵙⵅⵉⵕⴰⵜ-ⵜⵎⴰⵔⴰ, ⵍⵇⵏⵉⵟⵕⴰ, ⵍⵅⵎⵉⵙⴰⵜ, ⵙⵉⴷⵉ ⵇⴰⵙⵎ, ⵙⵉⴷⵉ ⵙⵍⵉⵎⴰⵏ.
ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ
ⵎⴰⵙⵙⴰ ⵃⵓⵔⵉⵢⴰ ⵜⵜⴰⵣⵣⵉ ⵚⴰⴷⵉⵇ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵕⴰ, ⵜⴰⵎⵙⵜⴰⵏⵜ ⴷ ⵜⴰⵙⵍⵎⴰⴷⵜ ⵜⴰⵎⵙⴷⴰⵡⵜ ⴷ ⵜⵎⵓⵣⴰⵢⵜ ⴳ ⵜⵎⵙⴰⵔⵉⵏ ⵏ ⵡⴰⵎⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⴷⴰ ⵙⴽⴰⵔⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵓⵏⴱⴹ ⴰⴽⴰⵍⴰⵏ ⵏ ⴽⵓ ⵜⴰⵎⵏⴰⴹⵜ, ⴷⴷⴰⵡ ⵓⵏⴱⴰⴹ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵉⵍⵉⵏⵜ ⴳⵉⵙⵏⵜ ⴽⵕⴰⴹⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵉⴹⴰⴼ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏⵜ ⵙ ⵜⵉⴹⴰⴼ ⴷ ⵓⴹⴼⴼⵓⵕ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵓⴳⴳⴰⵥⵜ ⵏ ⵜⵡⵓⵔⵉⵡⵉⵏ ⵉⵜⵜⵓⵙⵏⴰⵍⵏ ⵉ ⵉⵏⴳⵎⴰⵎⵏ ⵢⴰⴹⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ ⵏⵏⵙⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴷⵓⵙ ⵏ ⵜⵓⵚⴽⴰ ⵜⴰⴷⵉⵎⵓⵇⵕⴰⵟⵉⵜ, ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵙⵓⵎⵔⵜ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵣⴷⵉⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵓⵔⵉ ⴷ ⵜⵎⵙⴽⵔⵜ ⵜⵓⵖⵔⵉⵎⵜ ⴷ ⵡⴰⵔ ⴰⵙⵏⵓⵃⵢⵓ, ⴷ ⵡⴰⵏⵏⴰⵍ ⵏ ⵜⵣⵎⵎⴰⵔ, ⴷ ⵓⵙⴱⵖⵔ ⵏ ⵓⵙⵡⵉⵏⴳⵎ ⴷ ⵓⵎⵙⴰⵡⴰⵍ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴽⴷⴰ ⵜⵏⵏⵖⵍⴼ ⵙ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵜⵜⵡⴰⴱⴷⴰⵔⵏ ⴷ ⵓⴹⴼⴼⵓⵕ ⵏ ⵜⵎⵀⴰⵍ ⵏ ⵉⵏⵥⵉ ⴰⵔⴰⵡⵙⴰⵏ ⴷ ⵓⵙⵉⵎⴰⵏ ⵏ ⵡⴰⵙⵜⴰⵢⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⴰⴷ ⵜⴰⵎⵖⵍⴰⵍⵜ ⵙ ⵓⴹⴼⴼⵓⵕ ⵏ ⵓⵙⵎⵀⵍ ⴰⵎⵢⴰⴳⴰⵏ ⵏ ⵉⵎⵏⵣⴰⵢⵏ ⵏ ⵓⴷⵓⵙⵜⵓⵔ ⴷ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵜⵎⵔⵉⵙⵉⵏ ⵜⵉⵎⵢⴰⵇⵇⴰⵏⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵉⵙⵓⵖⵏⵏ ⵏⵏ ⴳ ⵓⵙⵡⵉⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵖⴰⵡⴰⵙⵏ ⵉⵏⵎⵏⴰⴹⵏ, ⴷ ⵓⵏⴱⴰⴹ ⴰⴷⵖⵔⴰⵏ ⴷ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ ⴷ ⵉⵙⵖⵍⴰⴼ ⵏⵏⵉ ⴷ ⵙⵙⴰⴼⵖⵏ ⵉⵏⴳⵎⴰⵎⵏ ⴷ ⵉⵎⴰⵙⵙⵏ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵏⵉⴷ ⴰⴷ.
ⴰⵎⵢⴰⵡⴰⴹ
ⴰⵏⵙⴰ : ⵜⴰⴼⵏⵉⵇⵜ ⵜⴰⵙⴰⵡⴰⵢⵜ 758, 10 ⵜⴰⵙⵓⴽⵜ ⵏ ⵛⴰⵍⵍⴰ ⵓⵥⵓⴹ, ⴰⴳⴷⴰⵍ, ⵕⵕⴱⴰⵟ-ⵍⵎⵖⵔⵉⴱ
ⵜⵜⵉⵍⵉⴼⵓⵏ : 00212537 77 74 11
ⴰⴼⴰⴽⵙ : 00212537 77 74 17
ⵜⴰⵙⴰⵡⴰⵢⵜ ⵜⴰⵍⵉⴽⵟⵕⵓⵏⵉⵜ : crdh.rabat-sale-kenitra@cndh.org.ma
