ⵜⴰⵥⵍⴰⵢⵜ ⵜⴰⴽⴰⵍⴰⵏⵜ
ⴰⵎⵓⵏⵜ ⴳ ⵜⵥⵍⴰⵢⵜ ⵜⴰⴽⴰⵍⴰⵏⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵙⵓⵙ-ⵎⴰⵙⵙⴰ ⵜⵉⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ ⵜⵉⵏⴹⴼⴰⵕⵉⵏ : ⴰⴳⴰⴷⵉⵔ ⵉⴷⴰⵡⵜⴰⵏⴰⵏ, ⵉⵏⵣⴳⴳⴰⵏ, ⴰⵢⵜ ⵎⵍⵍⵓⵍ, ⵛⵜⵓⴽⴰ ⴰⵢⵜ ⴱⴰⵀⴰ, ⵜⴰⵔⵓⴷⴰⵏⵜ, ⵜⵉⵣⵏⵉⵜ, ⵟⴰⵟⴰ.
ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ
ⵎⴰⵙⵙ ⵎⵓⵃⵎⵎⴷ ⵛⵛⴰⵔⴼ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵙⵓⵙ-ⵎⴰⵙⵙⴰ, ⴰⵎⵥⵍⴰⵢ ⴳ ⵢⵉⴳⵔ ⵏ ⵜⵊⵖⵔⴰⴼⵜ ⴷ ⵓⵥⴽⴰⵡ, ⴰⵎⵓⵣⴰⵢ ⴳ ⵢⵉⴳⵔ ⵏ ⵜⵎⵣⵡⴰⴳⵜ ⴷ ⵓⵎⵓⵜⵜⵉ ⵏ ⵉⵎⵣⴷⴰⵖⵏ ⴷ ⵓⵙⵎⵙⴰⵙⴰ ⴰⵖⵔⵎⴰⵏ. ⴰⵏⴰⴼⵓⵖ ⵏ ⵓⵙⵉⵏⴰⴳ ⵏ ⵓⵙⵖⵉⵡⵙ ⴰⵏⵎⵏⴰⴹ ⴳ ⵉⴽⵙ ⵓⵏⴱⵕⵓⴼⵓⵏⵙ, ⵢⵓⵎⵥ ⴷⴷⵓⴽⵜⵓⵔⴰ ⴳ ⵜⵊⵖⵔⴰⴼⵜ ⵏ ⵓⵙⵎⵙⴰⵙⴰ ⵙⴳ ⵜⵙⴷⴰⵡⵉⵜ ⵏ ⴱⵡⴰⵜⵢⵉ (1986), ⴷ ⴷⴷⵓⴽⵜⵓⵔⴰ ⴳ ⵜⵎⴰⵙⵙⴰⵏⵉⵏ ⵙⴳ ⵜⵙⴷⴰⵡⵉⵜ ⵏ ⴱⵔⵓⴽⵙⵉⵍ ⵜⵓⴷⵔⵉⴼⵜ (2000). ⴰⵙⵍⵎⴰⴷ ⵏ ⵜⵊⵖⵔⴰⴼⵜ ⴳ ⵜⵙⴷⴰⵡⵉⵜ ⵏ ⵉⴱⵏ ⵣⵓⵀⵔ ⴳ ⵓⴳⴰⴷⵉⵔ, ⴰⵏⵎⵀⴰⵍ ⵏ ⵓⵙⴰⴹⴰⴼ ⴰⵏⵎⵏⴰⴹ ⵏ ⵜⵎⵣⵡⴰⴳⵜ : ⵉⵙⴰⵢⵔⴰⵔⵏ ⴷ ⵡⴰⵎⵓⵏⵏ. ⴰⴳⵎⴰⵎ ⵉⴷⵔⵓⵏ ⴳ ⵜⵔⴰⴱⴱⵓⵜ ⵏ (CNRS – MIGRINTER) ⴱⵡⴰⵜⵢⵉ ⴳ ⴼⵕⴰⵏⵙⴰ, ⴷ ⵓⴳⵎⴰⵎ ⵏ ⴽⵉⴳⴰⵏ ⵏ ⵉⵥⵟⵟⴰⵜⵏ ⴷ ⵜⵎⵙⵎⵓⵏⵉⵏ ⴷ ⵉⵙⵇⵇⵉⵎⵏ ⴷ ⵉⵏⴳⵎⴰⵎⵏ ⴳ ⵢⵉⴳⵔ ⵏ ⵜⵊⵖⵔⴰⴼⵜ. ⴷⴰⵔⵙ ⴽⵉⴳⴰⵏ ⵏ ⵉⴷⵍⵉⵙⵏ ⴳ ⵢⵉⴳⵔ ⵏ ⵜⵎⵣⵡⴰⴳⵜ ⴷ ⵜⵖⵊⵔⴰⴼⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ. ⵉⴳⴰ ⴰⵙⵍⵎⴰⴷ ⴰⵏⵔⵣⴰⴼ ⵖ ⵜⵓⴳⵜ ⵏ ⵜⵙⴷⴰⵡⵉⵢⵉⵏ ⵏ ⴱⵕⵕⴰ, ⵉⴳ ⴰⵎⵛⵛⵉⵡⵕ ⴷ ⵓⵎⵓⵣⴰⵢ ⵖ ⵜⵎⵙⴰⵔⵉⵏ ⵏ ⵜⵎⵣⵡⴰⴳⵜ ⵖ ⴷⴰⵔ ⵜⴼⵏⵉⵇⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵉⵎⵣⴷⴰⵖⵏ ⴷ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⵣⵓⵏⵉ ⵏ ⵉⵎⵣⴷⴰⵖⵏ ⵏ ⵜⵎⵜⵜⴰ ⵉⵎⵓⵏⵏ ⴷ ⵓⵙⵇⵇⵉⵎ ⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ, ⴷ ⵓⴳⴳⴰⵔ.
ⴷⴰ ⵙⴽⴰⵔⵏⵜ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⵏ ⵓⵏⴱⴹ ⴰⴽⴰⵍⴰⵏ ⵏ ⴽⵓ ⵜⴰⵎⵏⴰⴹⵜ, ⴷⴷⴰⵡ ⵓⵏⴱⴰⴹ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵉⵍⵉⵏⵜ ⴳⵉⵙⵏⵜ ⴽⵕⴰⴹⵜ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵉⴹⴰⴼ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏⵜ ⵙ ⵜⵉⴹⴰⴼ ⴷ ⵓⴹⴼⴼⵓⵕ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵓⴳⴳⴰⵥⵜ ⵏ ⵜⵡⵓⵔⵉⵡⵉⵏ ⵉⵜⵜⵓⵙⵏⴰⵍⵏ ⵉ ⵉⵏⴳⵎⴰⵎⵏ ⵢⴰⴹⵏ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ ⵏⵏⵙⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴷⵓⵙ ⵏ ⵜⵓⵚⴽⴰ ⵜⴰⴷⵉⵎⵓⵇⵕⴰⵟⵉⵜ, ⴳ ⵓⵙⵡⵉⵔ ⴰⵏⵎⵏⴰⴹ, ⵙ ⵜⵙⵓⵎⵔⵜ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵣⴷⵉⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵓⵔⵉ ⴷ ⵜⵎⵙⴽⵔⵜ ⵜⵓⵖⵔⵉⵎⵜ ⴷ ⵡⴰⵔ ⴰⵙⵏⵓⵃⵢⵓ, ⴷ ⵡⴰⵏⵏⴰⵍ ⵏ ⵜⵣⵎⵎⴰⵔ, ⴷ ⵓⵙⴱⵖⵔ ⵏ ⵓⵙⵡⵉⵏⴳⵎ ⴷ ⵓⵎⵙⴰⵡⴰⵍ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴽⴷⴰ ⵜⵏⵏⵖⵍⴼ ⵙ ⵓⴹⴼⴼⵓⵕ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢ ⵉⵜⵜⵡⴰⴱⴷⴰⵔⵏ ⴷ ⵓⴹⴼⴼⵓⵕ ⵏ ⵜⵎⵀⴰⵍ ⵏ ⵉⵏⵥⵉ ⴰⵔⴰⵡⵙⴰⵏ ⴷ ⵓⵙⵉⵎⴰⵏ ⵏ ⵡⴰⵙⵜⴰⵢⵏ.
ⵜⴻⵜⵜⵡⴰⵥⵍⴰⵢ ⵜⵙⵇⵇⵉⵎⵜ ⴰⴷ ⵜⴰⵎⵖⵍⴰⵍⵜ ⵙ ⵓⴹⴼⴼⵓⵕ ⵏ ⵓⵙⵎⵀⵍ ⴰⵎⵢⴰⴳⴰⵏ ⵏ ⵉⵎⵏⵣⴰⵢⵏ ⵏ ⵓⴷⵓⵙⵜⵓⵔ ⴷ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵜⵎⵔⵉⵙⵉⵏ ⵜⵉⵎⵢⴰⵇⵇⴰⵏⵉⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵉⵙⵓⵖⵏⵏ ⵏⵏ ⴳ ⵓⵙⵡⵉⵔ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵖⴰⵡⴰⵙⵏ ⵉⵏⵎⵏⴰⴹⵏ, ⴷ ⵓⵏⴱⴰⴹ ⴰⴷⵖⵔⴰⵏ ⴷ ⵓⴹⴼⴼⵓⵕ ⵏ ⵓⵙⵎⵀⵍ ⵏ ⵜⴰⵏⵏⴰⵢⵉⵏ ⵜⵉⵎⴳⴳⵓⵔⴰ ⴷ ⵉⵙⵖⵍⴰⴼ ⵏⵏⵉ ⴷ ⵙⵙⴰⴼⵖⵏ ⵉⵏⴳⵎⴰⵎⵏ ⴷ ⵉⵎⴰⵙⵙⵏ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵏⵉⴷ ⴰⴷ.
ⴰⵎⵢⴰⵡⴰⴹ
ⵜⴰⴼ. ⵜⴰⵙ. 20588, ⵜⴰⵙⵓⴽⵜ ⵏ ⵓⵙⴼⵙⵔ, ⵜⵉⵏⵎⵍ ⵏ ⵉⴱⵏ ⵅⴰⵍⴷⵓⵏ ⵖ ⵜⵉⵣⵡⵉⵔⵉ, ⴰⴳⴰⴷⵉⵔ-ⵍⵎⵖⵔⵉⴱ ⵜⵜⵉⵍ : +212 (0) 528 82 51 78
ⴰⴼⴰⴽⵙ : +212 (0) 528 82 52 61
ⵜⴰⵙⴰⵡⴰⵢⵜ ⵜⴰⵍⵉⴽⵟⵕⵓⵏⵉⵜ: crdh.agadir@cndh.org.ma
