ⴷⵔⴰ-ⵜⴰⴼⵉⵍⴰⵍⵜ: ⵜⵙⵙⵏⴽⴷ ⵎⴰⵙⵙⴰ ⴱⵓⵄⵢⵢⴰⵛ ⵢⴰⵜ ⵜⵉⵏⴰⵡⵜ ⵅⴼ ⵜⵎⴽⵜⵉⵜ ⴷ ⵓⵎⵣⵔⵓⵢ ⴳ ⵕⵕⴰⵛⵉⴷⵢⴰ, ⵜⵎⵢⴰⵖ ⴰⴽⴷ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵏ ⵢⴰⵏ ⵓⵙⵉⵏⴰⵏ ⴳ ⵜⵓⵏⴼⵉⵜ ⵅⴼ ⵓⵙⵜⵉⵀⵍ ⵏ ⵓⵎⵥⵉⵢ ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵏ ⵜⴼⵙⵓⵜ ⵏ ⵓⵙⴳⴳⵯⴰⵙ ⴰⵎⵙⴷⴰⵡ 2021-2022, ⵔⴰⴷ ⵜⵙⵙⵏⴽⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵢⴰⵜ ⵜⵉⵏⴰⵡⵜ ⵅⴼ ⵉⵎⵔⵙⵉ "ⵜⴰⵎⴽⵜⵉⵢⵜ ⴷ ⵓⵎⵣⵔⵓⵢ: ⵉⴱⵔⴷⴰⵏ ⵏ ⵜⴳⵎⵉ ⵏ ⵓⴼⴳⴰⵏ ⴷ ⵜⵏⴽⵔⴰ ⵙ ⵓⵙⴰⵢⵔⴰⵔ", ⴳ ⵜⵖⵉⵡⴰⵏⵜ ⵜⴰⵎⵏⵏⴰⵡⵥⵍⵉⵜ ⴳ ⵜⵖⵔⵎⵜ ⵏ ⵕⵕⴰⵛⵉⴷⵢⴰ, ⴰⵙⵙ ⵏ ⵓⴽⵡⴰⵙ 31 ⵎⴰⵕⵚ 2022 ⵙⴳ ⵜⵙⵔⴰⴳⵜ ⵜⵉⵙ ⵎⵔⴰⵡⵜ ⵏ ⵜⵉⴼⴰⵡⵜ (10.00). ⴳ ⵜⴰⵎⴰ ⵏ ⵜⵎⵙⵉⵔⵜ ⴰⴷ ⵏ ⵓⵏⵏⵓⵕⵥⵎ, ⵔⴰⴷ ⵜⵙⵙⵓⵜⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵅⴼ ⵓⵙⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵉⵏⴳⵔ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴷⵔⴰ-ⵜⴰⴼⵉⵍⴰⵍⵜ ⴷ ⵜⵙⴷⴰⵡⵉⵜ ⵎⵓⵍⴰⵢ ⵙⵎⴰⵄⵉⵍ, ⵏⵏⵉ ⵉⵙⵡⵓⵜⵜⵙⵏ ⴰⵙⵕⵚⵚⴰ ⵏ ⵉⵎⴰⵙⵙⵏ ⵏ ⵜⵡⵓⵔⵉ ⵉⵙⵙⴰⵔⵏ ⵉⵏⴳⵔ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⴷ ⵜⵙⴷⴰⵡⵉⵜ ⴷ ⵓⵙⵔⵇⴱ ⵏ ⵇⴰⵃ ⵜⵙⵏⵜⴰⵢⵉⵏ ⵙⵡⵓⵜⵜⵙⵏⵉⵏ ⵜⴰⵏⴽⵔⴰ ⵙ ⵜⵉⵏⴷⵉⵜⵉⵏ ⴷ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵕⵚⵚⴰ ⵏⵏⵙ ⴳ ⵓⴳⵏⵙ ⵏ ⵜⵙⴷⴰⵡⵉⵜ. ⵜⵉⵔⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎⵜ ⴰⴷ ⵜⴳ ⵢⴰⵏ ⵓⵔⵣⴰⴼ, ⴰⵙⵙ ⵏ ⵓⴽⵕⴰⵙ 30 ⵎⴰⵕⵚ, ⵉ ⵓⵙⵉⵏⴰⵏ ⵏ ⵓⵙⵎⴷⵉ ⵄⴱⴷ ⵍⵎⵓⵎⵏ ⴳ ⵜⵓⵏⴼⵉⵜ, ⵜⴰⵙⴳⴰ ⵏ ⵎⵉⴷⵍⵜ, ⴰⴼⴰⴷ ⴰⴷ ⵜⵎⵢⴰⵖ ⴰⴽⴷ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵏ ⵓⵙⵉⵏⴰⵏ, ⴳ ⵉⴳⴳⵉ ⵏ ⵓⵏⵎⵓⵇⵇⴰⵔ ⵏ ⵓⵙⴼⵔⴽ ⵏⵏⴰ ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵙ ⵓⵣⴷⴰⵢ ⴰⴽⴷ ⵉⵎⴷⵔⴰⵡⵏ ⵏⵏⵙ ⵅⴼ ⵜⵓⵎⴰⵏⵜ "ⴰⵙⵜⵉⵀⵍ ⵏⵓⵎⵥⵉⵢ ⴷ ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ ⴷ ⵓⵙⴳⵎⵉ ⴷ ⵓⵙⵎⵓⵜⵜⴳ". ⵉⵙⵡⵓⵜⵜⵙ ⵓⵙⵇⵇⵉⵎ ⵙⴳ ⵓⵏⵎⵓⵇⵇⴰⵔ ⴰⴷ ⴰⵙⴼⵔⴽ ⵏ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵙ ⵉⴷⵔⵉⵣⵏ ⵓⵣⴷⵉⵔⵏ ⵏ ⵓⵙⵜⵉⵀⵍ ⵏ ⵓⵎⵥⵉⵢⵏ ⴷ ⵓⵎⵢⴰⵙⵙⴰ ⵏⵏⵙ ⴰⴽⴷ ⵓⵣⵔⴼ ⴳ ⵜⴷⵓⵙⵉ ⴷ ⵓⵣⵔⴼ ⴳ ⵓⵙⵍⵎⴷ, ⴷ ⵓⵍⴰ ⴰⵙⵎⵍ ⵏ ⵜⵎⵢⴰⵇⵇⴰⵏⵜ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ ⴷ ⵉⵎⵉⵙ ⴰⵏⴰⵎⵓⵔ ⵏ ⵓⵙⵎⴰⵎⵎⵉ ⵉⵥⵍⵉⵏ ⵙ ⵡⴰⵣⵣⴰⵏⵏ ⵓⵏⴳⵉⵙⵏ ⵏ ⵜⵕⵥⵉⵢⵉⵏ ⵏ ⵉⵣⵔⴼⴰⵏ ⵏ ⵡⴰⵣⵣⴰⵏ.