ⵉⵜⵜⵡⴰⴼⵙⴰⵔ ⴳ
ⵎⵕⵕⴰⴽⵛ - ⴰⵙⴼⵉ : ⴰⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵜⴰⵢⵢⴰⵡⵜ ⵉⵏⴳⵔ ⵜⵙⵇⵇⵉⵎⵜ
ⵜⴰⵏⵎⵏⴰⴹⵜ ⴷ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵉⵙⵍⵎⴰⴷⵏ ⴳ ⵎⵕⵕⴰⴽⵛ
ⵔⴰⴷ ⵜⵙⵙⴳⵎⴹ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵎⵕⵕⴰⴽⵛ-ⴰⵙⴼⵉ, ⴰⵙⵙ ⵏ ⵓⴽⵡⴰⵙ 7
ⵉⴱⵔⵉⵔ 2022, ⵜⴰⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵜⴰⵢⵢⴰⵡⵜ ⴰⴽⴷ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵉⵙⵍⵎⴰⴷⵏ ⴳ ⵎⵕⵕⴰⴽⵛ, ⴳ
ⵓⵙⵖⵉⵎ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵉⵙⵍⵎⴰⴷⵏ ⵙⴳ ⵜⵙⵔⴰⴳⵜ ⵜⵉⵙ ⴽⵕⴰⴹⵜ (15.00).
ⵢⴰⵎⵓ ⵓⵙⵙⴳⵎⴹ ⵏ ⵜⵎⵢⴰⵇⵇⴰⵏⵜ ⴰⴷ ⵜⴰⵢⵢⴰⵡⵜ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵉⵙⵓⵖⴰⴷ ⵏ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⵏⵏⴰ
ⵉⵜⵜⵓⵙⴷⵖⵉⵏ ⴰⴽⴷ ⵜⵙⴷⴰⵡⵉⵜ ⵍⵇⴰⴹⵉ ⵄⵢⵢⴰⴹ ⴳ ⴽⵟⵓⴱⵕ 2020 ⴷ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⵉⵜⵜⵓⵙⴳⵎⴹⵏ
ⵉⵏⴳⵔ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵍⵎⴷ
ⴰⵏⴰⴼⵍⵍⴰ ⴳ ⴷⵓⵊⴰⵏⴱⵉⵔ 2020.
ⵜⵙⵡⵓⵜⵜⴰ ⵜⵎⵢⴰⵇⵇⴰⵏⵜ ⴰⴷ ⵜⴰⵢⵢⴰⵡⵜ ⴰⵙⴰⵜⵉ ⴰⵎⴰⵜⴰⵢ ⵏ ⵜⴷⵔⴰⵡⵜ ⵉⵏⴳⵔ ⵜⵎⵔⵙⴰⵍ ⵙ ⵙⵏⴰⵜ, ⵏⵏⴰ ⵔⴰⴷ ⵉⵙⵔⵙ
ⵜⵉⵔⵙⴰⵍ ⵏ ⵓⵎⵢⴰⵡⴰⵙ ⵉⵛⵛⴰⵕⵏ ⴰⴼⴰⴷ ⴰⴷ ⵢⵉⵍⵉ ⵓⵙⵕⵚⵚⴰ ⵏ ⵢⴰⵏ ⵉⵎⵉⵙ ⴰⵎⵖⵍⴰⵍ ⵏ ⵓⵎⵛⴰⵡⴰⵕ ⴷ ⵓⵣⴷⴰⵢ ⴰⴼⴰⴷ
ⴰⴷ ⵜⵉⵍⵉ ⵜⵙⵉⵍⴰⵡⵜ ⴷ ⵓⵣⵣⴳⵉⵔ ⵏ ⵉⵖⴰⵡⴰⵙⵏ ⴷ ⵉⵙⵖⵏⵓⵜⵏ ⵛⵛⴰⵕⵏⵉⵏ ⴳ ⵢⵉⴳⵔ ⵏ ⵜⵎⵓⵔⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ .
ⵜⵙⵡⵓⵜⵜⵙ ⵜⵎⵢⴰⵇⵇⴰⵏⵜ ⴰⴷ ⵜⴰⵢⵢⴰⵡⵜ ⴰⵎⵔⴰⵔⴰ ⵏ ⵜⵉⵔⵎⵉⵜⵉⵏ ⵉⵏⴳⵔ ⵜⴼⵓⵍⵉⵏ ⵙ ⵙⵏⴰⵜ ⴰⴼⴰⴷ ⴰⴷ ⵜⵜⵓⵙⴷⵓⵙⵏⵜ
ⵜⵉⵏⴷⵉⵜⵉⵏ ⵏ ⵜⵎⵓⵔⵉ, ⵉⴱⵓⵖⵍⵓ ⵓⵙⵡⵉⵏⴳⵎ ⴳ ⵢⵉⴳⵔ ⵏ ⵜⵎⵓⵔⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ; ⴰⵙⵔⵇⴱ ⵏ ⵇⴰⵃ ⵜⵙⵏⵜⴰⵢ
ⵙⵡⵓⵜⵜⵙⵏⵉⵏ ⵜⴰⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵓⵔⵉ ⵏ ⵓⴱⴰⵔⴰⵣ ⵙⵔⵙ ⵉⵥⵍⵉⵏ ⴳ ⵓⴳⵏⵙ ⵏ ⵓⵙⴰⵢⵔⴰⵔ
ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵉⵙⵍⵎⴰⴷⵏ ⴳ ⵎⵕⵕⴰⴽⵛ; ⴷ ⵓⵍⴰ ⵜⴰⴷⵔⴰⵡⵜ ⴳ ⵓⵙⵔⵓⵙ ⵏ ⵉⵙⴰⴽⴰⵜⵏ ⵏ ⵓⵙⵎⵓⵜⵜⴳ ⵙⵎⵓⵏⵏⵉⵏ
ⵉⵏⴳⵔ ⵎⴰⴷ ⵉⴳⴰⵏ ⵉⵎⵉⵥⵉⵕ ⴷ ⵓⵙⵏⵉⵙ ⴳ ⵢⵉⴳⵔ ⵏ ⵜⵎⵓⵔⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴳⴳⴰⵔ.
ⵉ ⵉⵎⵢⴰⵡⴰⴹ : 0707199007 - 0524420585
