ⵉⵣⴷⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴰⵣⵣⴳⵉⵔ ⵏ ⵉⵙⴱⴷⴰⴷⵏ ⵏ ⵜⵎⴷⵔⴰⵡⵜ ⵏⵏⵉ ⵉⵙⵡⵓⵜⵜⵙⵏ ⴰⵙⴷⵓⵙ ⴷ ⵓⵙⴱⵓⵖⵍⵓ ⵏ ⵜⵙⵓⴳⴰⵔ ⵏ ⵜⴱⵓⵍⵉⵙⵉⵏ ⴷ ⵉⴱⵓⵍⵉⵙⵏ ⵉⵜⵜⵓⵙⵎⴰⴳⵍⵏ ⵙ ⵜⵏⵎⴰⵜⴰⵔⵜ ⵏ ⵓⴳⴳⵉⴷⵏ ⵉⵜⵜⵡⴰⵙⵔⴰⵙⵏ ⴷⴷⴰⵡ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⴳ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ ⵉⴹⴼⵕⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵙ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⵙⴳ ⵜⵉⵣⵉ ⵜⴰⵣⴳⵔⴰⵔⵜ ⵏ ⵉⵏⴳⵔ 4 ⴷ 8 ⵛⵓⵜⴰⵏⴱⵉⵔ 2023 ⵙⴳ ⵜⵙⵔⴰⴳⵜ ⵜⵉⵙ ⴽⵕⴰⴹⵜ ⴷ ⵓⵣⴳⵏ ⵏ ⵜⴷⴳⴳⵯⴰⵜ (15.30) ⴳ ⵓⵙⵉⵏⴰⴳ ⵕⵕⴱⴰⵟ-ⵉⴷⵔⵉⵙ ⴱⵏⵣⴽⵔⵉ- ⵉ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵕⵕⴱⴰⵟ.
ⵜⵙⵡⵓⵜⵜⵙ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵏⵏⵉ ⵜⵙⵙⴳⵎⴹ ⴳ 14 ⵛⵓⵜⴰⵏⴱⵉⵔ 2022, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵎⴰⵙⵙ ⵄⴱⴷ ⵍⵍⴰⵟⵉⴼ ⵃⵎⵎⵓⵛⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵓⵎⴰⵜⵔ ⵏ ⵡⴰⵎⵓⵔ ⴰⵏⴰⵎⵓⵔ, ⵜⴰⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⴱⵔⵉⴷⵉⵏ ⵏ ⵓⵙⴰⵏⵓⵏ ⴷ ⵓⵙⵎⵓⵜⵜⴳ ⵏ ⵍⴱⵓⵍⵉⵙ ⵃⵎⴰ ⴰⴷ ⵜⴳ ⵜⴰⵙⴰⵖⵓⵍⵜ ⴷ ⵓⵙⵎⵎⴰⵍ ⵉⵙⵙⵓⵜⵉⵢⵏ ⵉ ⵜⵙⵎⵉⴳⴰⵍ ⵏ ⵉⵎⵙⵖⴰⵏⵏ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵉⵜⵜⵓⵎⴰⴳⵍⵏ ⵙ ⵓⵙⵎⵀⵍ ⵏ ⵉⵙⵍⴳⵏⵏ.
ⵔⴰⴷ ⵜⵕⵥⵎ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵎⴰⵙⵙ ⵎⵓⵃⴰⵎⵎⴰⴷ ⴷⴷⵅⵉⵙⵉ, ⴰⵏⵎⵀⴰⵍ ⴰⵏⴰⵎⵎⴰⵙ ⵏ ⵍⴱⵓⵍⵉⵙ ⴰⵏⴱⴽⴰⴹ ⴳ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵜⵉⵡⵓⵔⵉⵡⵉⵏ ⵏ ⵜⵙⵓⵜⵍⵜ ⴰⴷ ⵏ ⵓⵙⵎⵓⵜⵜⴳ, ⵔⴰⴷ ⵜⵜ ⵙⵙⵓⵜⵉⵢⵏ ⵉⵙⵓⵜⴰⵢ ⵙⴳ ⵓⵙⵇⵇⵉⵎ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵅⴼ ⵜⵓⴳⵜ ⵏ ⵉⵙⵓⴳⴰⵎ ⵉⵣⴷⵉⵏ ⵙ ⵓⵥⵍⴰⵢ ⵙ: “ⵉⵣⵔⴼⴰⵏ ⵏ ⵓⴼⴳⴰⵏ : ⵉⵎⵏⵣⴰⵢⵏ ⴷ ⵜⵎⵙⴽⵔⵉⵏ”; ⵜⵉⵎⵙⴽⵔⵜ ⵜⴰⵎⵢⴰⵇⵇⴰⵏⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⵔⵉⵙⵉⵏ ⵏⵏⵙ ⵜⵉⴳⵔⴰⵖⵍⴰⵏⵉⵏ”; “ ⵉⵙⴱⴷⴰⴷⵏ ⵉⴷⵙⵜⴰⵔⵏ ⴷ ⵓⵍⴳⵉⵏⵏ: ⴰⵎⵏⵣⴰⵢ ⵏ ⵜⴰⵜⵜⵓⵢⵜ ⵏ ⵜⵎⵢⴰⵇⵇⴰⵏⵉⵏ ⴷ ⵜⵓⵎⵙⵉⵙⵜ ⵏ ⵉⵣⵣⵔⴰⴼⵏ”; “ⵉⵣⵔⴼⴰⵏ ⵏ ⵓⴳⴳⵉⴷⵏ ⵉⵜⵜⵡⴰⵙⵔⴰⵙⵏ ⴷⴷⴰⵡ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⴷ ⵜⵎⵙⵓⵜⵍⵉⵏ ⵜⵉⴽⵎⴰⵎⵉⵏ”; “ⵉⵏⴳⵎⴰⵎⵏ ⵏ ⵓⵎⴷⴰⵢ ⴷ ⵡⴰⵔⴰⵢ ⴷ ⵓⵙⵙⵓⵎⵓ”; ⴷ “ⵉⵏⴳⵎⴰⵎⵏ ⵉⴳⵔⴰⵖⵍⴰⵏⵏ”.
ⵉⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵉⵕⵥⵎⵏ ⵉ ⵜⵎⴷⵔⴰⵡⵜ ⵉⵏⴳⵔ ⵜⵎⵔⵙⴰⵍ ⵙ ⵙⵏⴰⵜ ⵙ ⵓⵙⵏⵎⴰⵍⴰ ⵏ ⵢⴰⵜ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵅⴼ ⵉⵎⵔⵙⵉ “ⵉⵏⴰⵡⴰⵢⵏ ⴷ ⵜⵎⵙⴽⵔⵉⵏ ⵣⴷⵉⵏⵉⵏ ⵙ ⵡⴰⵔⴰⵢ ⵙⴳ ⵓⵙⵔⴼⵓⴼⵏ ⴷ ⵡⴰⵏⴰⵡⵏ ⵢⴰⴹⵏⵉⵏ ⵏ ⵜⵎⵔⵔⵓⵜ ⴷ ⵓⴷⵔⵡⵙ ⴷ ⵜⴰⵔⵜⵏⴼⴳⴰⵏⵜ ⴷ ⵓⵎⵔⵎⴷ ⴳ ⵓⵣⵎⵣ ⵏ ⵓⵙⴱⴷⴷⵉ ⴷ ⵓⵙⴼⴼⵍⴷ ⴷ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ” ⴰⵙⵙ ⵏ ⵓⵙⵉⵏⴰⵙ 20 ⵛⵓⵜⴰⵏⴱⵉⵔ 2022 ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵍⴱⵓⵍⵉⵙ.
ⵎⴽⴷⴰ ⵙⵏⵎⴰⵍⴰⵏ ⵜⴰⵙⵓⵜⵍⵜ ⵏ ⵓⵙⵎⵓⵜⵜⴳ ⵜⴰⵎⵣⵡⴰⵔⵓⵜ ⵉⵚⴰⵃⴰⵏ ⵉ ⵜⴱⵓⵍⵉⵙⵉⵏ ⴷ ⵉⴱⵓⵍⵉⵙⵏ ⵉⵜⵜⵓⵙⵎⴰⴳⵍⵏ ⵙ ⵜⵏⵎⴰⵜⴰⵔⵜ ⵏ ⵓⴳⴳⵉⴷⵏ ⵉⵜⵜⵡⴰⵙⵔⴰⵙⵏ ⴳ ⴷⴷⴰⵡ ⵜⵏⵎⴰⵜⴰⵔⵜ ⵜⵉⵎⵉⵥⵉⵕⵜ ⴳ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙ ⵜⴷⵔⴼⵉ ⵉⴹⴼⵕⵏ ⵉ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⵉⵏⴳⵔ 26 ⴷ 30 ⵛⵓⵜⴰⵏⴱⵉⵔ 2022 ⴳ ⵓⵙⵉⵏⴰⴳ ⵕⵕⴱⴰⵟ ⴷⵔⵉⵙ ⴱⵏⵣⴽⵔⵉ - ⵉⵣⵔⴼⴰⵏ ⵏ ⵓⴼⴳⴰⵏ, ⴷⵔⵓⵏ ⴳⵉⵙ 20 ⵏ ⵜⵎⴰⵍⴰⵍⵜ ⴷ ⵓⵎⴰⵍⴰⵍ ⵏ ⵍⴱⵓⵍⵉⵙ ⵉⴳⵏⵙⴻⵙⵏ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵍⵎⵖⵔⵉⴱ.
