ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵏ ⵓⵏⵎⵓⵇⵇⴰⵔ ⴰⵎⵢⴰⵖ ⵅⴼ "ⵜⴽⵕⴹⵉ ⵜⴰⵡⵙⵢⴰⵏⵜ ⵎⴳⴰⵍ ⴰⵣⵣⴰⵏⵏ", ⴰⵙⵙ ⵏ ⵓⵙⵉⵏⴰⵙ 11 ⵉⴱⵔⵉⵔ 2023 ⵙⴳ ⵜⵙⵔⴰⴳⵜ ⵜⵉⵙ ⵎⵔⴰⵡⵜ ⴷ ⵓⵣⴳⵏ ⵏ ⵜⵉⴼⴰⵡⵜ (10.30) ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ.
ⵉⵙⵡⵓⵜⵜⵙ ⵓⵏⵎⵓⵇⵇⴰⵔ ⴰⴷ ⴰⵙⴼⵙⵉ ⵏ ⵜⵓⵎⴰⵏⵜ ⵏ ⵜⴽⵕⴹⵉ ⵜⴰⵡⵙⵢⴰⵏⵜ ⵎⴳⴰⵍ ⴰⵣⵣⴰⵏⵏ ⴷ ⵜⵖⴱⵉ ⵏ ⵓⵎⴹⴰⴽⴰⵕ ⵅⵉⴼⵙ ⴷ ⵜⵙⵉⵍⴰⵡⵜ ⵏ ⵜⵙⵓⵎⵔⵉⵏ ⵜⵓⵎⵀⵉⵍⵉⵏ ⵉⵙⵡⵓⵜⵜⵙⵏ ⴰⵙⴷⵓⵙ ⵏ ⵜⵓⵎⵙⵉⵙⵜ ⵏ ⵓⵏⴰⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵔ ⴰⴽⴷ ⵓⵙⴰⵜⵉ ⴰⵏⴰⵡⴰⵢ ⴰⴳⵔⴰⵖⵍⴰⵏ ⴷ ⵉⵎⴰⵙⵙⵏ ⵏ ⵓⴼⵔⴰⴳ ⵏⵏⵉ ⴷ ⴷⴰⵔ ⴰⵣⴷⴰⵢ.
ⵔⴰⴷ ⵎⴹⴰⴽⴰⵕⵏ ⵉⵎⴷⵔⴰⵡⵏ ⵅⴼ ⵓⵙⵏⵜⵍ ⴰⴷ ⵙ ⵓⵙⵔⵙ ⵏ ⵉⵥⵕⵉ ⵅⴼ ⵜⵓⴳⵜ ⵏ ⵉⵙⴳⵓⵎⵏ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ : "ⵜⴰⵡⴰⵍⵉⵜ ⵏ ⵡⴰⵎⵓⵏ ⵓⵖⵔⵉⵎ ⴰⵎⵖⵔⵉⴱⵉ ⵅⴼ ⵜⴽⵕⴹⵉ ⵜⴰⵡⵙⵢⴰⵏⵜ ⵎⴳⴰⵍ ⵡⴰⵣⵣⴰⵏⵏ" ; "ⴰⴷⵔⵉⵣ ⴰⵏⵉⵎⴰⵏ ⵏ ⵜⴽⵕⴹⵉ ⵜⴰⵡⵙⵢⴰⵏⵜ ⵅⴼ ⵡⴰⵣⵣⴰⵏⵏ" ; "ⴰⴼⵔⴰⴳ ⵓⵍⴳⵉⵏ ⴷ ⵜⵡⵓⵔⵉ ⵜⴰⵏⵣⵔⴰⴼⵜ" ; "ⴰⵎⵓⵏ ⵓⵖⵔⵉⵎ ⴷ ⵓⴼⵔⴰⴳ ⵏ ⵡⴰⵣⵣⴰⵏⵏ ⵙⴳ ⵜⴽⵕⴹⵉ ⵜⴰⵡⵙⵢⴰⵏⵜ" ; "ⵎⴰⵏ ⵜⵉⵍⴰⵍⵜ ⵉⵍⵍⴰⵏ ⴷⴰⵔ ⵡⴰⵣⵣⴰⵏ ⴳ ⵓⴳⵏⵙ ⵏ ⵓⵏⴰⴳⵔⴰⵡ ⵏ ⵓⴼⵔⴰⴳ ⴰⵏⴰⵎⵓⵔ?". ⵔⴰⴷ ⵉⵜⵜⵡⴰⵙⵙⴰⵏ ⵓⵏⵎⵓⵇⵇⴰⵔ ⴰⴷ, ⵏⵏⵉ ⵔⴰⴷ ⵜⵙⵙⵉⵅⴼ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⴷⵔⴰⵡⵜ ⵏ ⵉⵎⵔⵣⴰ ⴷ ⵉⴽⴰⴷⵉⵎⵉⵢⵏ ⴷ ⵉⴳⵏⵙⴰⵙ ⵏ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ.
