ⵜⴱⵔⵔⵃ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵕⵥⵥⵓⵎ ⵏ ⵉⵎⵛⴰⵡⴰⵕⵏ ⴰⴽⴷ ⵉⵎⴳⴳⴰⵢⵏ ⵉⵎⵔⵙⴰⵍⵏ ⴷ ⵡⴰⵔ ⵉⵎⵔⵙⴰⵍⵏ ⵃⵎⴰ ⴰⴷ ⵔⵣⵓⵏ ⵅⴼ ⵓⵙⵔⵓⵙ ⵏ ⵓⵙⴰⵍⴰⵢ ⵉⵜⵜⵡⴰⵥⵍⴰⵢⵏ ⵙ ⵜⵎⴽⵜⵉⵜⵉⵏ ⴷ ⵓⵎⵣⵔⵓⵢ ⵏ ⵜⵎⵣⵡⴰⴳⵜ ⴳ ⵍⵎⵖⵔⵉⴱ. "ⵉⵇⵇⴰⵏ ⴰⵖ ⴷ ⴰⵙⵙ ⴰⴷ, ⵏⴽⴽⵯⵏⵉ ⵏⵏⵉ ⵉⴳⴰⵏ ⵜⵉⵎⵔⵙⵍⵜ ⵜⴰⵏⴰⵎⵓⵔⵜ, ⵎⴰⵛⵉ ⵅⵙ ⴰⴷ ⵏⴼⵔⴳ ⵉⵣⵔⴼⴰⵏ ⵏ ⵉⵎⵣⵡⴰⴳⵏ, ⵎⴰⵛ ⴰⵡⴷ ⴰⴷ ⵏⵙⵡⵓⵔⵉ ⵅⴼ ⵓⴼⵔⴰⴳ ⵏ ⵜⵉⵎⴽⵜⵉⵜⵉⵏ ⵏⵏⵙⵏ ⴷ ⵜⵏⴽⵔⴰ ⵙ ⵜⵙⴳⴰ ⵜⴰⵎⴰⵙⵙⴰⵏⵜ ⴷ ⵜⵉⵏ ⵜⴰⵢⵙⵉ ⵏ ⵜⵎⴽⵜⵉⵜ ⴰⴷ". ⵉⴷⴷⴰ ⴷ ⵎⴰⵢⴰ ⵏⵏ ⵖ ⵜⴳⵓⵔⵉ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴳ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵜⵉⵙ ⵚⴹⵉⵚⵜ ⵏ ⵓⵏⵎⵓⴳⴳⴰⵔ ⵏ ⵓⵎⵣⵡⴰⴳ, ⵏⵏⵉ ⵉⵜⵜⵓⵙⵏⵎⴰⵍⴰⵏ ⴷⴷⴰⵡ ⵜⵎⴰⵜⴰⵔⵜ "ⴰⵙⵉⵜⴳ ⵏ ⵜⴰⵢⵙⵉ ⵏ ⵜⵎⵣⵡⴰⴳⵉⵏ ⵜⵉⴳⵔⴰⵖⵍⴰⵏⵉⵏ", ⵏⵏⵉ ⵉⵙⵏⵎⴰⵍⴰ ⵓⵙⵇⵇⵉⵎ ⵙ ⵓⵎⵢⴰⵡⴰⵙ ⴰⴽⴷ ⵜⵙⴷⴰⵡⵉⵜ ⵏ ⵉⴱⵏ ⵣⵓⵀⵕ ⵖ ⵓⴳⴰⴷⵉⵔ, ⵜⴰⵎⵙⵎⵓⵏⵜ ⵏ ⵉⵎⵔⵣⵓⵜⵏ ⴳ ⵜⵎⵣⵡⴰⴳⵜ ⴷ ⵜⴳⵎⵉ, ⴷ ⵓⵙⴰⴹⴰⴼ ⴰⵏⵎⵏⴰⴹ ⵏ ⵜⵎⵣⵡⴰⴳⵉⵏ ⴷ ⵉⵙⴰⵢⵔⴰⵔⵏ ⴷ ⵡⴰⵎⵓⵏⵏ, ⵓⵙⵙⴰⵏ ⵏ 27 ⴷ 28 ⴽⵟⵓⴱⵕ 2023, ⵖ ⵓⴳⴰⴷⵉⵔ. ⴰⵔ ⵜⵜⴰⵏⵏⴰⵢ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵓⵔ ⵜⴳⵉ ⵜⴰⵡⵉⵜ ⴳ ⵜⵎⵣⵡⴰⴳⵉⵏ ⵜⵉⵅⵉⵜⵔⵜ ⵜⴰⵡⵏⴳⵉⵎⵜ, ⵎⴰⵛ ⵢⴰⵏ ⵙⴳ ⵉⴼⵔⴷⵉⵙⵏ ⵉⵙⵜⵔⴰⵜⵉⵊⵉⵢⵏ ⵉⵣⴷⵉⵏ ⵙ ⵓⵣⵣⴳⵉⵔ ⵏ ⵉⵙⵖⵍⴰⴼ ⵏ ⵓⵏⴳⵎⴰⵎ ⵏ ⵓⵙⵙⵓⵎⵓ ⴷ ⵓⵎⵙⴼⵔⵓ ⵉⵣⴷⵉⵏ ⵙ ⵓⵃⵟⵟⵓ ⵏ ⵜⵎⴽⵜⵉⵜ. ⵓⵔ ⵜⴻⵜⵜⵓ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⴷ ⵜⵙⵡⴰⴷⴷⵓⵔ ⵏ ⵓⴼⵔⴷⵉⵙ ⵏ ⵓⵃⵟⵟⵓ ⵏ ⵜⵎⴽⵜⵉⵜ ⴷ ⵜⵏⴽⵔⴰ ⵙ ⵓⵎⵣⵔⵓⵢ, ⵏⵏⵉ ⵉⵙⵔⵙ ⵓⵙⵇⵇⵉⵎ, ⴳ ⵓⵙⴷⵓⵙ ⵏ ⵓⵔⵣⵣⵓ ⴷ ⵓⵙⵡⵉⵏⴳⵎ ⵅⴼ ⵉⵙⵇⵙⵉⵜⵏ ⵏ ⵓⵣⵎⵣ ⵏ ⵖⵉⵍⴰⴷ ⴷ ⵡⴰⵔⵣⴰⵢⵏ ⵏⵏⵙ, ⵏⵏⵉ ⵉⴳⴰⵏ ⵉⵎⵉⵙ ⵏ ⵜⵖⵓⵔⵉ ⵏ ⵢⵉⴳⵔⴰⵏ ⴷ ⵜⵡⵉⵍⴰⵜⵉⵏ ⵏ ⵓⵃⵟⵟⵓ ⵏ ⵜⵎⴽⵜⵉⵜ, ⵙ ⵢⴰⵜ ⵜⵡⵉⵍⴰ ⵉⵎⵎⴰⵍⵏ ⴰⴱⵔⵉⴷ ⵏ ⵜⴳⵎⵉ ⴷ ⵜⵣⵉⴳⵣⵜ ⵏⵏⵉ ⵉⵜⵜⴷⴷⵔ ⵡⴰⵎⵓⵏ ⴳ ⵜⵓⴳⵜ ⵏ ⵜⵙⴳⴳⵯⵉⵏ ⵏⵏⵙ.