ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⴱⴷⴷⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⵉⵎⵙⴰⴳⴰⵔⵏ ⴷ ⵡⴰⵙⵙ ⵏ 10 ⴽⵟⵓⴱⵕ ⵏ ⴽⵓ ⴰⵙⴳⴳⵯⴰⵙ, ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⴹⴰ ⵜⴰⵎⵖⵔⵉⴱⵉⵜ ⵅⴼ ⵜⵓⵙⵙⵔⴰ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴷ ⵓⵙⴰⴹⴰⴼ ⴰⵎⵖⵔⵉⴱⵉ ⵏ ⵉⵖⵣⵓⵜⵏ, ⵙ ⵓⵎⵢⴰⵡⴰⵙ ⴷ ⵉⵥⵟⵟⴰⵜⵏ ⵉⵏⴰⵎⵓⵔⵏⵏ ⵅⴼ ⵜⵓⵙⵙⵔⴰ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴳ ⵢⵉⴳⵔⴰⵏ ⵏ ⵜⵎⴰⵙⵜⴰⵏⵜ ⴷ ⵓⵙⵍⵎⴷ ⴷ ⵜⵎⵙⵙⵏⵜⵉⵜ ⴷ ⵜⵏⵖⵎⴰⵙⵜ ⴷ ⴳ ⵓⴱⵕⵍⴰⵎⴰⵏ, ⴷ ⵙ ⵜⵎⴷⵔⴰⵡⵜ ⴰⴽⴷ ⵜⵎⵙⵎⵓⵏⵜ ⵏ "ⵇⴰⵃ ⵎⴳⴰⵍ ⵜⴰⵎⵔⵔⵓⵜ ⵏ ⵜⵎⵏⵖⵉⵡⵜ", ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⴰⵙⵙ ⵏ ⵓⴽⵡⴰⵙ 10 ⴽⵟⵓⴱⵕ 2024 ⴳ ⵜⵙⵔⴰⴳⵜ ⵜⵉⵙ ⵎⵔⴰⵡⵜ (10) ⵏ ⵜⵉⴼⴰⵡⵜ, ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ - ⴳ ⵜⵓⴷⴷⵓⵔⵜ ⵏ ⵕⵕⵉⵢⴰⴹ, ⵕⵕⴱⴰⵟ.
ⵉⵙⵡⴰⵜⵜⵙ ⵓⵏⵎⵓⵇⵇⴰⵔ ⴷ ⵉⵎⴰⵙⵙⵏ ⵏ ⵜⵏⵖⵎⴰⵙⵜ ⴰⴷ ⵉⵙⵏⵎⵍ ⵉⵎⵙⵓⵔⴰⵙ ⵉⵎⴰⵢⵏⵓⵜⵏ ⵉⵣⴷⵉⵏ ⴷ ⵜⵎⵙⴰⵔⵜ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴳ ⵍⵎⵖⵔⵉⴱ, ⵙⵎⴰⵢⵏⵓⵏ ⵉⵎⵙⵙⵓⴷⵙⵏ ⴰⵙⵙⵓⵜⵔ ⵏ ⵓⵙⴱⵉⴷⴷ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴳ ⵜⵉⵣⵉ ⵍⵍⵉ ⵖ ⵉⵏⵎⴰⵍⴰ ⵓⵙⵜⴰⵢ ⵅⴼ ⵜⵖⵜⴰⵙⵜ ⵏ ⵜⵎⵜⵜⴰ ⵉⵎⴰⵏⵏ ⵉⵇⵇⴰⵔⵏ ⵙ ⵓⵙⴱⵉⴷⴷ ⵏ ⵓⵙⵡⵓⵔⵉ ⵙ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⵍⵍⵉ ⵔⴰⴷ ⵢⵉⵍⵉ ⴳ ⴷⵊⴰⵏⴱⵉⵔ ⴰⴷ ⴷ ⵢⵓⵛⴽⴰⵏ, ⴷ ⴷⴰⵜ ⵏ ⵜⵙⵖⵣⵏⵜ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵅⴼ ⵓⵙⵏⵜⵉ ⵏ ⵓⵙⵍⴳⴰⵏ ⴰⵏⴱⴽⴰⴹ, ⴷⴼⴼⵉⵔ ⵍⵍⵉⵖ ⵣⵔⵉⵏ ⵙⵉⵎⵔⴰⵡ ⵏ ⵉⵙⴳⴳⵯⴰⵙⵏ ⵅⴼ ⵓⵙⵙⵓⴼⵖ ⵏ ⵜⴰⵏⴰⴹⵜ ⵜⴰⵎⴳⴳⴰⵔⵓⵜ ⵏ ⵓⵏⴳⵎⴰⵎ ⵏ ⵓⵙⵓⵎⵓ ⴷ ⵓⵎⵙⴼⵔⵓ, ⵍⵍⵉ ⵉⵙⵙⵖⵍⴼⵏ ⵙ ⵜⵙⵖⵣⵏⵜ ⵏ ⵓⴱⵕⵓⵟⵓⴽⵓⵍ ⴰⵔⵓⵛⵛⵉⵍ ⵡⵉⵙⵙ ⵙⵉⵏ ⵏ ⵓⵎⵉⵔⵓ ⴰⴳⵔⴰⵖⵍⴰⵏ ⵉⵥⵍⵉⵏ ⵙ ⵉⵣⵔⴼⴰⵏ ⵓⵖⵔⵉⵎⵏ ⴷ ⵉⵙⵔⵜⴰⵏⵏ ⵏⵏⵉ ⵉⵡⴰⵜⵜⵙⵏ ⵜⵓⵙⵙⵔⴰ ⵏ ⵜⵎⵔⵔⵓⵜ ⴰⴷ.
ⴳ ⵓⵣⵎⵣⵣⵓ ⴷⴷⵖ, ⵉⵙⵎⴰⵢⵏⵓ ⵓⵙⵇⵇⵉⵎ ⵜⴰⵖⵓⵔⵉ ⵏⵏⵙ ⵉ ⵜⵏⴱⴰⴹⵜ ⵜⴰⵎⵖⵔⵉⴱⵉⵜ ⵃⵎⴰ ⴰⴷ ⵜⵙⵜⵉⵢ ⵜⴰⵖⵜⴰⵙⵜ ⵏ ⵜⵎⵜⵜⴰ ⵉⵎⴰⵏⵏ ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⵏⵏⵉ ⵉⴳⴰⵏ ⵜⴰⵙⵓⵔⵉⴼⵜ ⵜⴰⴷⵙⵍⴰⵏⵜ ⵜⴰⵏⴱⵣⴰⵣⵜ ⵅⴼ ⵓⴱⵔⵉⴷ ⵏ ⵜⵓⵙⵙⵔⴰ, ⴷ ⴰⴷ ⵜⵙⴽⵔ ⴰⴽⴽⵯ ⵜⵉⵎⴳⴳⵉⵜⵉⵏ ⴰⴼⴰⴷ ⴰⴷ ⵜⵙⵖⵥⵏ ⴰⴱⵕⵓⵟⵓⴽⵓⵍ ⴰⵔⵓⵛⵛⵉⵍ ⵡⵉⵙ ⵙⵉⵏ ⵏ ⵓⵎⵉⵔⵓ ⴰⴳⵔⴰⵖⵍⴰⵏⵜ ⵏ ⵉⵣⵔⴼⴰⵏ ⵓⵖⵔⵉⵎⵏ ⴷ ⵉⵙⵔⵜⴰⵏⵏ, ⵖⵉⴽ ⵍⵍⵉ ⵙ ⵎⴰⴷ ⵉⵎⵙⴰⵙⴰⵏ ⴰⴽⴷ ⵉⵙⴱⴷⴰⴷⵏ ⵏ ⵜⵎⵜⵜⴰ 20 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵉⵣⴷⵉⵏ ⵙ ⵓⴼⵔⴰⴳ ⵏ ⵓⵣⵔⴼ ⴳ ⵜⵓⴷⵔⵜ.
ⵉⴳⴰ ⵡⴰⵙⵙ ⴰⵎⴰⴹⵍⴰⵏ ⵏ ⵓⵙⴱⴷⴷⵉ ⵏ ⵜⵎⵔⵔⵓⵜ ⵏ ⵜⵎⵏⵖⵉⵡⵜ, ⵍⵍⵉ ⵉⵜⵜⵓⵙⵏⵎⴰⵍⴰⵏ ⴳ ⵓⵙⴳⴳⵯⴰⵙ ⴰⴷ ⴷⴷⴰⵡ ⵏ ⵜⵎⴰⵜⴰⵔⵜ "ⵜⴰⵎⵔⵔⵓⵜ ⵏ ⵜⵎⵏⵖⵉⵡⵜ ⵓⵔ ⴷⴰ ⵜⵜⴼⵔⴰⴳ ⴰⵡⴷ ⵢⴰⵏ", ⴰⵣⵎⵣⵣⵓ ⵏ ⵓⵙⴼⵔⴽ ⵏ ⵓⵎⵏⴰⴷ ⴰⵎⴰⵜⴰⵢ ⴷ ⵉⵎⵙⵜⴳⴳⴰⵔⵏ ⵉⵙⵔⵜⴰⵏⵏ ⵙ ⵓⵀⵔⵛ ⵏ ⵜⵎⵔⵔⵓⵜ ⴰⴷ ⵜⴰⵔⵜⵏⴼⴳⴰⵏⵜ ⴷ ⵡⴰ ⵜⵕⵡⵉ ⵏⵏⵙ ⴳ ⵓⵙⴱⴷⴷⵉ ⵏ ⵓⴱⴽⴽⵉⴹ, ⵎⴽⴷⴰ ⵉⴳⴰ ⴰⵙⵓⵍⴼ ⵏ ⵓⵙⴼⵔⴽ ⵙ ⵓⵎⵏⵣⴰⵢ ⵏ ⵜⵣⵔⴼⵜ ⵡⴰⵔ ⵜⵎⵔⵔⵓⵜ ⵏ ⵜⵎⵏⵖⵉⵡⵜ ⴷ ⵓⵙⴷⵓⵙ ⵏⵏⵙ.
ⴱⵔⵔⴽⴰⵜ, ⵜⴱⵔⵔⴽⵎⵜ ⵙ ⵓⵖⴰⵎⵓⵙ ⵏ ⵜⵡⵓⵔⵉⵡⵉⵏ ⵏ ⵜⵉⵏⴰⵡⵜ ⴰⴷ ⵜⴰⵏⵖⵎⴰⵙⵜ.
