ⵜⵙⵙⵓⵜⵉⵢ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴰⴽⴷ ⵉⴳⵎⴰⵎⵏ ⵏ ⵓⵥⵟⵟⴰ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵉⴼⵔⵉⵇⵢⵉⵏ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ, ⴰⵙⵙ ⵏ 7 ⴷⵓⵊⴰⵏⴱⵉⵔ 2024, ⴰⵕⵥⵥⵓⵎ ⵏ ⵓⵙⵖⵉⵎ ⴰⵎⵖⵍⴰⵍ ⵏ ⵓⵥⵟⵟⴰ ⴳ ⵓⵙⵖⵉⵎ ⴰⵏⴰⵎⵎⴰⵙ ⵏ ⵓⵙⵇⵇⵉⵎ ⴳ ⵕⵕⴱⴰⵟ.

ⵉⵜⵜⵡⴰⵙⵔⴰⵙ ⵓⵥⵟⵟⴰ ⴰⴷ ⵙ ⵜⵙⵏⵜⴰⵢⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⵇⵇⵉⵎⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ ⴳ ⵓⵙⴳⴳⵯⴰⵙ ⵏ 2023 ⴳ ⵜⴰⵎⴰ ⵏ ⵓⵙⵏⵎⴰⵍⴰ ⵏ ⵓⴱⵔⴳⵔⴰⵡ ⴰⴳⵔⴰⵖⵍⴰⵏ ⵅⴼ "ⵜⵎⵙⴽⵔⵉⵏ ⵏ ⵉⵎⴰⵙⵙⵏ ⵉⵏⴰⵎⵓⵔⵏ ⵉⴼⵔⵉⵇⵉⵢⵏ ⵏ ⵡⴰⵔⴰⵢ ⵙⴳ ⵓⵙⵔⴼⵓⴼⵏ : ⵜⵉⵏⵥⴰⵕ ⴷ ⵉⵣⵎⴰⵣ" ⴳ ⵎⵕⵕⴰⴽⵛ. ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⵉⴳⴰ ⵓⵙⵔⵓⵙ ⵏ ⵓⵥⵟⵟⴰ ⴰⴷ "ⴰⵙⵖⵓⵏ ⵉⴷⵓⵙⵏ ⵙ ⵜⵡⵓⵔⵉ ⵙ ⵜⵡⵉⵍⴰ ⵉⴷⵓⵙⵏ ⴰⴼⴰⴷ ⴰⴷ ⵉⴱⵓⵖⵍⵓ ⵓⵏⵄⴰⵕ ⵏⵏⵖ ⵉⵛⵛⴰⵔⵏ ⴷ ⵓⵙⵎⵏⵉⴷ ⵏ ⵉⵙⵖⵍⴰⴼ ⵏⵏⵖ ⵉ ⵉⵎⴰⵙⵙⵏ ⵉⴼⵔⵉⵇⵉⵢⵏ ⴷ ⵉⵏⵎⵜⵜⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ".

ⵜⵉⵏⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⵜⴳⴰ ⵜⵙⵏⵜⴰⵢⵜ ⴰⴷ ⵢⴰⵜ ⵜⴰⵏⵏⴰⵢⵜ ⵉⵛⵛⴰⵔⵏ ⵏ ⵓⵎⵏⵥⴰⵡ ⵉⵜⵜⵡⵇⵇⴰⵔⵏ ⵉⵣⵔⴼⴰⵏ ⵏ ⴽⵓ ⵓⴼⵔⵉⴷ, ⵜⴼⵔⴳ ⴰⴷⴷⵓⵔ ⵏⵏⵙ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵜⵙⴷⴷⵉⴷ ⵅⴼ ⵜⵉⵏⴷⵉ ⵏ "ⵓⵎⵢⴰⵡⴰⵙ ⵉⴼⵔⵉⵇⵉ-ⴰⴼⵔⵉⵇⵉ ⴰⵎⵔⵙⴰⵍ ⴷ ⵓⵙⵓⵍⴰⵏ... ⵅⴼ ⵜⵉⵍⴰⵡⵜ ⴷ ⵢⵉⵎⴰⵍ ⴳ ⵍⵍⴰⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⴷⴷⵓⵔ ⵏⵏⵙ, ⴳ ⵉⴼⵔⵉⵇⵢⴰ ⴳ ⵓⵔ ⵉⵍⵍⵉ ⵓⴷⵖⴰⵔ ⵉ ⵓⴱⴽⴽⵉⴹ ⵏ ⵓⵙⵔⴼⵓⴼⵏ".