ⴰⴷⴷⴰⴷ ⵏ ⵉⵖⴰⵡⵍⵏ ⵏ ⵡⴰⵎⴰⵏ, ⵉⵣⵔⴼⴰⵏ ⵏ ⵉⵎⵖⵔⵉⴱⵉⵢⵏ ⵏ ⵓⵎⴰⴹⴰⵍ, ⵜⴰⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴷ ⵓⵙⵏⴼⵍ ⵏ ⵜⵓⴳⵔⵉⵡⵜ ⵏ ⵜⵡⵊⴰ, ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴰⵢⵔⴰⵔ ⴰⵎⵓⵟⵟⵓⵏ ⴷ ⵉⵏⴰⴳⵔⴰⵡⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ, ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵓⵙⵇⵇⵉⵎ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⴳ ⵓⵙⴳⴳⵯⴰⵙ ⵏ 2023... ⵜⵉⵏⵇⵇⴰⴹ ⵜⵉⴽⵙⵡⴰⵜⵉⵏ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵓⵜⵍⵜ ⵜⵉⵙ ⵜⵥⴰⵜ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵓ ⴰⴳⵔⴰⵡ ⵏⵏⵙ ⴰⵎⴰⵜⴰⵢ ⵡⵉⵙ ⵜⵥⴰ, ⵙ ⵜⵉⵍⵉⵜ ⴷ ⵙ ⵜⴰⵜⵉⵇⵏⵉⵜ ⵏ ⵜⵉⵏⴰⵡⵜ ⴳ ⵜⵓⴳⴳⵓⴳⵜ, ⵓⵙⵙⴰⵏ ⵏ 14 ⴷ 15 ⴽⵟⵓⴱⵕ 2022 ⴳ ⵜⵖⵔⵎⵜ ⵏ ⵓⵥⵕⵓ, ⵙ ⵓⵎⵙⴰⵙⴰ ⴰⴽⴷ ⵉⵙⴱⴷⴰⴷⵏ ⵏ ⵓⵙⵍⴳⵏ ⵓⵟⵟⵓⵏ 76.15 ⵉⵣⴷⵉⵏ ⵙ ⵡⴰⵍⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵏⴳⵔⴰⵡ ⵏⵏⵙ ⴰⴳⵯⵏⵙⴰⵏ. 

ⵙ ⵜⵎⵍⴷⴰ ⴰⴷ, ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ "ⵙⴷⴷⵉⴷⵏⵜ ⵜⵣⵉⴳⵣⵉⵏ ⵏⵏⴰ ⵉⵙⵙⵏ ⵓⵎⵏⴰⴹ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⵙⴳ ⵜⵣⵡⵉⵔⵉ ⵏ ⵓⵙⴳⴳⵯⴰⵙ 2022, ⵏⵏⵉ ⵉⵣⵣⵉⴳⵣⵏ ⴽⵉⴳⴰⵏ ⴳ ⵓⵣⴳⵏ ⵡⵉⵙ ⵙⵉⵏ ⵏ ⵓⵙⴳⴳⵯⴰⵙ, ⵅⴼ ⵡⴰⴷⴷⵓⵔ ⵏ ⵓⵙⵡⵓⵔⵉ ⵅⴼ ⵉⵣⴰⴽⴰⵏ ⵏ ⵜⵎⵢⴰⴳⴰⵏⵜ ⵏⵏⵉ ⵉⴳⴰⵏ ⵜⴰⵎⵔⴰⵔⵓⵜ ⴱⴰⵀⵔⴰ ⴷ ⵢⵓⵙⴰⵏ ⵉ ⵡⴰⵍⵍⴰⵍ ⵏ ⵉⵏⴰⵥⴰⵕⵏ ⵏ ⵖⵉⵍⴰⴷ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ ⴳ ⵜⵎⴰⵣⵉⵔⵜ ⵏⵏⵖ". 

ⴳ ⵓⵎⵏⴰⴹ ⵏ ⵓⵙⵉⵡⵍ ⵏⵏⵙ ⵅⴼ ⵉⵙⵔⴰⵙ ⵉⴽⵙⵡⴰⵜⵏ ⵏ ⵓⵙⵇⵇⵉⵎ ⵙⴳ ⵓⵏⵎⴰⵍⴰ ⵏ ⵓⴳⵔⴰⵡ ⵏⵏⵙ ⴰⵎⴰⵜⴰⵢ ⵡⵉⵙ ⵜⴰⵎ, ⵜⵙⵙⴽⵜⵉ ⵎⴰⵙⵙⴰ ⴱⵓⵄⵢⵢⴰⵛ ⵙ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵏⵏⵉ ⵉⵙⵙⴳⵎⴹ ⵓⵙⵇⵇⵉⵎ ⴰⴽⴷ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵏⵏⵉ ⵜⵙⵏⵓⵎⵎⵍ ⵙ ⵜⵙⵓⵔⵉⴼⵜ ⵉⵟⵟⴰⴼⵏ ⵜⴰⵎⴰⵜⴰⵔⵜ ⵜⴰⴽⵙⵡⴰⵜ ⴷ ⵜⵖⴱⵉ ⵜⴰⵣⵔⴼⴰⵏⵜ ⵜⴰⵔⴰⵏⴰⵡⵜ, ⵢⵉⵍⵉ ⵢⵉⵡⵉⵣ ⵅⴼ ⵓⵙⵔⵓⵙ ⵏ ⵜⵙⵜⵔⴰⵜⵉⵊⵉⵜ ⵉⵙⵎⴷⵏ ⵅⵉⴼⵙ ⵉⵣⵔⵉⵏ ⵉⵡⵜⵜⴰ ⵉⵎⴷⵔⵓⵙⵏ ⵏⵏⵉ ⵜⵣⵓⵛⵛⵍ ⵜⵡⵓⵔⵉ ⵜⴰⵎⵔⵙⴰⵍⵜ ⴷ ⵜⵙⵓⵎⵔⵜ ⴷ ⵓⵙⴱⵓⵖⵍⵓ ⵏ ⵜⵎⵙⴽⵔⵉⵏ ⵉ ⵓⵙⵎⵀⵍ ⵏ ⵉⵏⴰⵡⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵃⵟⵟⵓ ⵏ ⵓⴱⵓⵔⵣ ⴰⵏⴼⴳⴰⵏ ⴳ ⵉⴷⵖⴰⵔⵏ ⵏ ⵜⴼⴰⵜⵉⵜ ⵙⴳ ⵜⴷⵔⴼⵉ ⴹⴼⵕⵏⵉⵏ ⵉ ⵜⵏⴼⵔⵓⵜ ⵜⴰⵏⴰⵎⵓⵔⵜ. ⵙⴳ ⵜⵙⴳⴰ ⵢⴰⴹⵏⵉⵏ, ⵜⴻⵜⵜⵡⴰⵙⵙⴰⵏ ⵜⵉⵣⵉ ⴰⴷ ⵙ ⵓⵏⵣⴳⵓⵎ ⵏⵏⴰ ⵢⵓⵙⵉ ⵓⵙⵇⵇⵉⵎ ⵅⴼ ⵉⵎⵊⵕⵉⵜⵏ ⵏ ⵢⵉⵏⵉⵡⵍ ⵓⵔ ⵉⵍⵉⵏ ⴰⵏⴰⵡ, ⵏⵏⵉ ⵉⵙⵙⵏ ⵓⵎⵣⵣⵔⵉ ⵏ "ⴱⴰⵕⵢⵓ ⵜⵛⵉⵏⵓ" ⴳ ⵎⵍⵉⵍⵢⴰ ⵜⴰⵎⵙⴷⴷⵓⵔⵔⵓⵢⵜ, ⵉⵜⵜⵡⴰⵖⵜⵙ, ⵙ ⵓⵙⵎⵉⴳⵍ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⴰⴷ ⵜⵜⵢⴰⵣⴰⵏ ⵢⴰⵜ ⵜⴰⵢⵎⵓⵏⵜ ⵏ ⵓⵙⴰⴳⴳⵯ ⵃⵎⴰ ⴰⴷ ⵜⵚⴽⵓ ⵉⵎⵊⵕⵉⵜⵏ (Etablissement des faits), ⵜⵜⵓⵙⵎⵏⵉⴷⵏ ⵉⵏⵥⵉⵜⵏ ⵏⵏⵙ ⵉⵎⵣⵡⵓⵔⴰ ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ, ⵜⵣⴷⵉ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵓⴳⵎⵎⵓⴹ ⵜⵉⵣⵉⴳⵣⵉⵏ ⵏ ⵓⵎⵚⴰⵕⴰⴹ ⴳ ⵓⵙⵡⵉⵔ ⴰⵎⵏⵣⵓ ⵡⴰⵍⴰ ⵡⵉⵏ ⵡⴰⵍⴰⵙ. 

ⴳ ⵎⴰⴷ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵉⴱⵕⵕⴰⵏⵉⵢⵏ, ⵜⵔⵏⴰ ⵎⴰⵙⵙⴰ ⴱⵓⵄⵢⵢⴰⵛ, ⵎⴰⵙ ⵉⵙⵡⵓⵔⵉ ⵓⵙⵇⵇⵉⵎ ⴳ ⵜⵉⵣⵉ ⵏ ⵜⴰⵎⵓⵏⵜ ⴰⴽⴷ ⵓⵙⵎⵀⵍ ⵏ ⵓⵙⴰⵡⵔ ⵏ ⵓⴼⵔⴰⴳ ⴰⵏⴰⵎⵓⵏ ⴰⴽⴷ ⵜⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵉⵎⵔⴳⵓⵙⵏ ⴷ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵜⵎⵣⵡⴰⴳⵜ ⴳ ⵓⵎⵏⴰⴷ ⵏ ⵓⵙⵣⵔⴼ ⵉ ⵉⴱⵕⵕⴰⵏⵉⵢⵏ ⵍⵍⴰⵏⵉⵏ ⴳ ⵡⴰⵎⵓⵔ ⴰⵏⴰⵎⵓⵔ ⴰⴷ ⵙⵙⴱⵖⵔⵏ ⵙⴳ ⵜⵓⴳⵜ ⵏ ⵜⵏⴼⵔⵓⵜⵉⵏ ⵏⵏⴰ ⵉⵙⵙⵓⵊⴰⴷⵏ ⵉⵙⵡⵉⵔⵏ ⵏ ⵓⴼⵔⴰⴳ ⵙ ⴽⴽⵓⵥ ⵏⵏⵙⵏ ⵙ ⵜⵡⵉⵍⴰ ⵏⵏⵉ ⵉⵙⵡⵓⵜⵜⵓ ⵓⵙⵍⴳⵏ ⴰⵙⴰⵜⵉ ⵣⴷⵉⵏⵉⵏ ⵙ ⵓⴼⵔⴰⴳ ⴰⵏⴰⵎⵓⵏ, ⵎⴰⵢⴰ ⵏⵏ ⵙ ⵓⵙⵙⵓⵖⵏ ⵏ ⵓⵙⵇⵇⵉⵎ ⵙ ⵓⵎⵏⵣⴰⵢ ⵏ ⵡⴰⵔ ⴰⵙⴳⵓⵔⵓ ⵏ ⴰⵡⴷ ⵢⴰⵏ ⴹⴰⵕⴰⵜ ⵏ ⵓⴽⴰⴱⴰⵕ ⴳ ⵢⵉⴳⵔ ⵏ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⴼⵔⴰⴳ ⵏⵏⵙⵏ. 

ⴳ ⵎⴰⴷ ⵉⵥⵍⵉⵏ ⵙ ⵜⴷⵔⴰⵡⵜ ⵏⵏⵙ ⴳ ⵓⵎⴹⴰⴽⴰⵕ ⵅⴼ ⵜⵎⵓⴽⵔⵉⵙⵜ ⵏ ⵓⵙⵙⵎⵓⵔ ⵏ ⵡⴰⵎⴰⵏ ⵏⵏⵉ ⵉⵜⵜⴷⴷⵔ ⵍⵎⵖⵔⵉⴱ ⵖⵉⵍⴰⴷ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⵉⴷⵔⵓ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵏⴳⵎ ⴰⵎⴳⵔⵓ ⵉ ⵓⵔⵣⵣⵓ ⵅⴼ ⵉⴼⵙⵙⴰⵢⵏ ⵜⵜⵓⵣⵎⴰⵔⵏⵉⵏ ⵉ ⵜⵏⴼⵔⵓⵜ ⵏ ⵓⵣⵔⴼ ⴳ ⵡⴰⵎⴰⵏ ⵉ ⵇⴰⵃ ⴳ ⵓⵙⵡⵉⵔ ⴰⴷⵖⵢⴰⵏ ⴷ ⵓⵙⵡⵉⵔ ⴰⵙⵜⵔⴰⵜⵉⵊⵉ, ⵏⵉⵔⵉ ⴰⴷ ⵏⵙⵎⵏⵉⴷ ⵙ ⵢⴰⵏ ⵓⵙⵖⵏⵓ ⵏ ⵜⵏⴼⵓⵍⵜ ⵉ ⵓⵎⴹⴰⴽⴰⵕ ⴷ ⵜⵙⵖⵣⵏⵜ ⵏ ⵓⴳⵔⴰⵡ ⴰⵎⴰⵜⴰⵢ, ⵏⴳⴰ ⴳⵉⵙ ⵉⵙⵖⵍⴰⴼ ⵏⵏⵖ ⵃⵎⴰ ⴰⴷ ⵜⵜ ⵏⵙⵙⵉⴼⴹ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ". 

ⴳ ⵎⴰⴷ ⵉⵥⵍⵉⵏ ⵙ ⵜⵙⴳⴰ ⵜⵓⵣⵔⵉⴼⵜ, ⵜⴻⵜⵜⵡⴰⵙⵙⴰⵏ ⵜⵉⵣⵉ ⴰⴷ ⵜⴰⵏⴰⴳⵔⴰⵢⵜ, ⵙ ⵓⵎⵙⴰⵙⴰ ⴷ ⵡⴰⵡⴰⵍ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ, ⵙ ⵓⵙⵙⵉⴼⴹ ⵏ ⴽⵕⴰⴹ ⵉⵎⵏⴰⴷⵏ ⵏ ⵓⵎⵛⴰⵡⴰⵕ ⵜⴻⵜⵜⵔ ⵜⵎⴰⵡⴰⵙⵜ ⵏ ⵜⵣⵔⴼⵜ ⴰⵎⵏⴰⴷ ⵏ ⵓⵙⵇⵇⵉⵎ ⵅⵉⴼⵙⵏ, ⵙⵉⵏ ⴳⵉⵙⵏ ⵉⴽⴽⴰ ⵓⵙⵇⵇⵉⵎ ⵉⵙⵖⵣⵏ ⵜⵏ, ⴹⴰⵕⴰⵜ ⴰⵙⵙⵉⴷⴼ ⵏ ⵜⴰⵏⵏⴰⵢⵉⵏ, ⵉⵣⴷⵉ ⵓⵙⴽⴽⵉⵏ ⴷ ⵜⴱⵔⵉⴷⵜ ⵜⵓⵖⵔⵉⵎⵜ ⴷ ⵜⴱⵔⵉⴷⵜ ⵜⴰⵏⴱⴽⴰⴹⵜ, ⴷ ⵓⵍⴰ ⴰⵎⵏⴰⴷ ⵅⴼ ⵓⵙⵖⵏⵓ ⵏ ⵜⵎⵔⵔⵓⵜⵉⵏ ⵜⵉⵎⴽⴽⵉⵙⵉⵏ, ⵏⵏⵉ ⵉⵙⵖⵣⵏ ⵓⵙⵉⵔⴰ ⵏ ⵓⵙⵇⵇⵉⵎ ⵙ ⵓⵡⵇⵇⵔ ⵏ ⵜⵉⵣⵉ ⵉⵜⵜⵓⵙⵡⵓⵜⵜⴰⵏ ⴳ ⵓⵙⵍⴳⵏ. 

ⵜⵙⵉⵙⴼⵉⵡ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵎⴰⵙ ⵜⵜⵓⵡⵇⵇⵔ ⵢⴰⵜ ⵜⴱⵔⵉⴷⵜ ⴳ ⵉⵎⵏⴰⴷⵏ ⴰⴷ ⵓⵔ ⵢⵓⴷⴰⵏ ⵅⵙ ⵙ ⵓⵙⵎⵏⵉⴷ ⵏ ⵓⵙⴼⵙⵉ ⴰⵣⵔⴼⴰⵏ ⵏ ⵓⴹⵕⵉⵚ ⵓⵣⵔⵉⴼ ⴷ ⵓⵙⵎⵏⵉⴷ ⵏ ⵉⵙⵖⵍⴰⴼ ⵃⵎⴰ ⴰⴷ ⵎⵙⴰⵙⴰⵏ ⵉⵙⴱⴷⴰⴷⵏ ⴽⵉⴳⴰⵏ ⴰⴽⴷ ⵜⵎⵔⵉⵙⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵎⴰⵛ ⴰⴷ ⴰⵡⴷ ⵜⴳ ⴰⵣⵎⵣ ⵉ ⵓⵙⵎⵏⵉⴷ ⵏ ⵉⵙⵖⵍⴰⴼ ⵏⵏⵉ ⵙ ⵏⵙⵡⵓⵜⵜⵙ ⴰⵏⵄⴰⵕ ⵅⴼ ⴽⵔⴰ ⵏ ⵉⵙⴳⴳⴷⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵎⴰⵜⴰ. 

ⵓⵔ ⵜⴻⵜⵜⵓ ⵎⴰⵙⵙⴰ ⴱⵓⵄⵢⵢⴰⵛ, ⵙ ⵜⵎⵍⴷⴰ ⴰⴷ, ⴰⴷ ⵜⵙⵙⴽⵜⵉ ⵙ ⵉⵙⵔⴰⵙ ⵉⴽⵙⵡⴰⵜⵏ ⵏ ⵜⴷⵔⴰⵡⵜ ⵏ ⵓⵙⵇⵇⵉⵎ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵏⵏⵉ ⵉⵜⵜⵓⵙⵎⴷⵢⴰⵏ ⴳ ⵓⵙⵎⵏⵉⴷ ⵏ ⵜⴰⵏⴰⴹⵜ ⵜⴰⵎⵙⴷⴰⵖⵜ ⵏ ⵓⵙⵇⵇⵉⵎ ⵣⴷⵉⵏⵉⵏ ⵙ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵜ ⵏ ⵓⴼⵔⴰⴳ ⵏ ⵇⴰⵃ ⵓⴳⴳⵉⴷⵏ ⵙⴳ ⵓⵏⵖⵓⴱⵓ ⵓⵛⵛⵉⵍ; ⴰⵙⵏⵎⴰⵍⴰ ⵏ ⵢⴰⵏ ⵓⵏⵎⵓⵇⵇⴰⵔ ⴰⴽⴷ ⵜⵙⵇⵇⵉⵎⵜ ⵉⵏⵜⴰⵢⵏ ⵙ ⵜⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵇⴰⵃ ⵜⵡⵉⵍⴰⵜⵉⵏ ⵏ ⵓⵙⵏⵓⵃⵢⵓ ⵎⴳⴰⵍ ⵜⴰⵎⵖⴰⵔⵜ; ⴰⵣⴷⴰⵢ ⵏ ⵓⵎⵢⴰⵖ ⵏ ⵓⵙⵇⵇⵉⵎ ⴰⴽⴷ ⵉⵎⴰⵙⵙⵏ ⵉⴳⵔⴰⵖⵍⴰⵏⵏ, ⴰⵎ ⵜⴰⵙⵎⵉⵔⵉⵜ ⵜⴰⵎⴰⵜⵜⴰⵢⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⵉ ⵉⵜⵜⵓⵙⵙⵎⵜⵔⵏ ⴳ ⵜⴰⵏⴰⴹⵜ ⵜⴰⵎⴳⴳⴰⵔⵓⵜ ⵏⵏⵉ ⵉⵙⵎⵏⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⵅⴼ ⵜⵏⵣⵔⵓⴼⵜ ⵉ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵉⵙⵙⵎⵜⵔ ⵙ ⵜⵡⵓⵔⵉ ⵏ ⵓⵙⵇⵇⵉⵎ ⴳ ⵢⵉⴳⵔ ⵏ ⵓⵎⴷⴰⵢ ⴷ ⵓⴼⵔⴰⴳ ⵏ ⵓⵏⴳⵉⵙⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⴳⴳⴰⵔ.