ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴰⵔ ⵜⵇⵇⴰⵔ ⵙⴳ ⵊⵓⵏⵉⴼ ⵙ ⵜⵙⵉⵍⴰⵡⵜ ⵏ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⴰⵖⵣⵓⵔⴰⵏ ⵉ ⵓⵍⴽⴰⵎ ⵙ ⵢⵉⵙⴽⵉⵍ ⴰⵎⵢⴰⴳⴰⵏ ⵏⴳⵔ ⵜⴰⴳⴳⴰⵢⵉⵏ

Stop Reading	Control
Start reading continuously from this point on	Shift + ↓ or Numpad Plus (+)
Read Next Item	→
Read next focusable item (e.g. link, button)	Tab

Go to next heading	H
Go to next heading of level [1-6]	1 - 6
List all headings	Shift + F7

Go to next landmark/region	D

Show list of all links, headings, form fields, buttons, and landmarks	Shift + F7

Go to next table	T
Navigate table cells	Shift + ↓ or ↑ or ← or →

Go to next list	L
Go to next list item	I

Go to next graphic	G

List all links	Shift + F7
Go to next link	K
Go to next unvisited link	U
Go to next visited link	V

To previous heading, landmark, table, focusable item, etc.	Shift +[H, D, T, Tab, etc.]

ⵉⵜⵜⵡⴰⴼⵙⴰⵔ ⴳ 12 ⵎⴰⵕⵚ 2025

ⵜⵖⵔⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ, ⵉⵜⵜⵓⵙⵜⴰⵢⵏ ⵉⴹⴳⴰⵎ ⴰⵙⵙ ⵏ ⵓⵙⵉⵏⴰⵙ ⵉ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵓⵏⵎⵓⵇⵇⴰⵔ ⴰⵙⴳⵯⵙⴰⵏ ⵏ ⵜⴰⴹⴰ ⴳ ⵜⴳⴰⴷⵉⵔⵜ ⵏ ⵜⵎⵜⵜⴰ ⴳ ⵊⵓⵏⵉⴼ, ⵙ ⵓⵙⵖⵓⵏ ⵏ ⵓⵙⵔⵙ ⵏ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⴰⵖⵣⵓⵔⴰⵏ ⵉ ⵓⵣⵣⴳⵉⵔ ⵏ ⵓⵍⵖⵓ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⴱⵉⵊⵉⵏ, ⵉⵡⴰⵜⵜⵙⵏ ⴰⴷ ⵢⴰⵍⵍ ⵜⵉⵎⵖⴰⵔⵉⵏ ⴷ ⵜⵔⴱⴰⵜⵉⵏ ⴳ ⴰⴽⴽⵯ ⵉⴷⵖⴰⵔⵏ ⵏ ⵓⵎⴰⴹⴰⵍ ⴳ ⵜⵓⴳⴳⴰⵣ ⵏⵏⵙⵏⵜ ⵉ ⵓⵍⴽⴰⵎ ⵙ ⵢⵉⵙⴽⵉⵍ ⴷ ⵓⵙⵎⵀⵍ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ.

ⵜⵙⴰⵡⵍ ⵎⴰⵙⵙⴰ ⴱⵓⵄⵢⵢⴰⵛ ⴳ ⵢⴰⵏ ⵓⵏⵎⵓⵇⵇⴰⵔ ⵉⵕⵥⵎ ⵓⵎⴰⵍⴰⵍ ⴰⵏⵎⴰⵜⵜⴰ ⴰⵎⴰⵜⵜⴰⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙ ⴼⵓⵍⴽⵔ ⵜⵓⵔⴽ, ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⵎⵜⵜⴰ ⵏ ⵉⵣⵔⴼⴰⵏ ⵏ ⵓⴼⴳⴰ, ⵎⴰⵙⵙ ⵊⵓⵔⴽ ⵍⵓⴱⵔ… ⵜⵙⴷⴷⵉⴷ ⵅⴼ ⵓⵙⵉⵣⵡⵔ ⵢⴰⵜⵜⵓⵢⵏ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ ⴷ ⵓⵍⴽⴰⵎ ⵙ ⵢⵉⵙⴽⵉⵍ ⵜⴰⵎⵢⴰⴳⴰⵏⵜ, ⵉ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵉⵜⵜⵓⵔⴰⵔⵏ ⵜⵉⵍⴰⵍ ⵜⵉⵎⴰⵏⴰⵔⵉⵏ ⴳ ⵓⵙⴷⵓⵙ ⵏ ⵉⵣⵔⴼⴰⵏ ⴰⴷ.

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵜⴰⴹⴰ (2025-2027) ⴷ ⵜⵎⵔⵙⵍⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ ⴳ ⵓⵎⴹⴰⴽⴰⵕ ⴰⴷ ⵅⴼ ⵜⵉⵍⴰⵍⵜ ⵜⴰⵎⴰⵏⴰⵔⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⴷⵓⵙ ⵏ ⵓⵎⵏⵣⴰⵢ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⴰⴽⴽⵯ ⵜⴰⵍⵖⵉⵡⵉⵏ ⵏ ⵓⵙⵏⵓⵃⵢⵓ ⴷ ⵜⴽⵕⴹⵉ ⵎⴳⴰⵍ ⵜⵉⵎⵖⴰⵔⵉⵏ ⴷ ⵜⵔⴱⴰⵜⵉⵏ, ⴳ ⵢⴰⵜ ⵜⵖⵓⵔⵉ ⵜⵕⵥⵎ ⵉ ⵓⵙⵎⴰⵢⵏⵓ ⵏ ⵓⵙⵓⵖⵏ ⵉⴷⵓⵙⵏ ⵏ ⵜⵎⵔⵙⴰⵍ ⵉ ⵓⵍⴽⴰⵎ ⴰⵎⵢⴰⴳⴰⵏ ⵏ ⵢⵉⵙⴽⵉⵍ ⵏⴳⵔ ⵜⴰⴳⴳⴰⵢⵉⵏ ⴷ ⵓⵙⴷⴷⵉⴷ ⵏ ⵡⴰⴷⴷⵓⵔ ⵏⵏⵙ, 30 ⵏ ⵓⵙⴳⴳⵯⴰⵙ ⵅⴼ ⵓⵙⵜⴰⵢ ⵏ ⵓⵍⵖⵓ ⵏ ⴱⵉⵊⵉⵏ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ, ⴷ ⵓⵙⵎⵢⴰⵏⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵔⵉⵏ ⵜⵉⵎⵓⴼⴰⵢⵉⵏ ⴳ ⵢⵉⴳⵔ ⴰⴷ.

ⵎⵇⵇⴰⵔ ⵜⵍⵍⴰ ⵜⴰⵣⵣⵉⴳⵣⵜ ⴳ ⵉⵙⵏⴰⵎⵏ ⵉⵣⵣⵔⴰⴼⵏ ⴷ ⵓⵍⴳⵉⵏⵏ ⵉⵡⴰⵜⵜⵙⵏ ⴰⵙⴷⵓⵙ ⵏ ⵓⵎⵏⵣⴰⵢ ⵏ ⵢⵉⵙⴽⵉⵍ ⴳ ⵜⵉⵔⵎⵉⵜⵉⵏ ⵜⵉⵏⵙⵏⵎⵣⴰⵣⴰⵍⵉⵏ, ⵍⵍⴰⵏⵜ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵜⴰⴹⴰ, ⵎⵏⵏⴰⵡⵜ ⵏ ⵜⵏⵥⴰⵕ ⵉⵙⵡⵓⵜⵜⴰⵏ ⴰⵙⵎⴰⴷ ⵏ ⵓⵙⴰⴽⴰ ⵏ ⵓⵍⴽⴰⵎ ⴰⵎⵢⴰⴳⴰⵏ ⵏ ⵢⵉⵙⴽⵉⵍ, ⵡⴰⴷⴰ ⴳⵉⵙⵏ ⴱⴰⵀⵔⴰ ⵉⴼⴰⵡⵏ ⴰⵔⴰⵎⵙⴰⵙⴰ ⴷ ⵉⴱⴹⵉⵢⵏ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴷ ⵜⵓⵙⵙⴷⴰⵡⵉⵏ ⵜⵉⵊⵢⵓⵜⵉⵙⵔⵜⴰⵢⵉⵏ ⴳ ⴽⵔⴰ ⵏ ⵉⴷⵖⴰⵔⵏ ⵏ ⵓⵎⴰⴹⴰⵍ, ⵎⴰⵢⴰ ⴰⴷ ⵉⵙⴳⴰⴷⴰⵢⵏ ⵉⵎⵣⴰⵔⴰⵢⵏ ⴷ ⵓⵣⴷⴰⵢ ⵏ ⵜⵎⵙⴽⵔⵉⵏ ⵜⵉⵎⵙⵏⵓⵃⵢⵓⵜⵉⵏ ⴷ ⵜⵕⵥⵉ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵡⴰⴷⴷⵓⵔ ⵏⵏⵙⵏⵜ.

ⵓⵔ ⵜⴻⵜⵜⵓ ⵎⴰⵙⵙⴰ ⴱⵓⵄⵢⵢⴰⵛ ⴰⴷ ⵜⵙⴷⴷⵉⴷ ⵅⴼ ⵜⵉⵍⴰⵍⵜ ⵜⴰⵎⵖⵜⴰⵙⵜ ⵏⵏⴰ ⵜⵜⵓⵔⴰⵔⵏⵜ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵎⵀⵍ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵓⵙⵕⵚⵚⴰ ⵏ ⵜⵉⵏⴷⵉⵜⵉⵏ ⵏ ⵢⵉⵙⴽⵉⵍ, ⵏⵏⵉ ⵉⴳⴰⵏ ⵉⵎⴰⵙⵙⵏ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⵜⵉⴷⵙⵍⴰⵏⵉⵏ ⴷ ⵜⵏⴽⵔⴰ ⵙⵉⵔⵙⵏⵜ ⴷ ⵡⴰⵔⴰⵢ ⵙⴳ ⵜⵕⵥⵉⵢⵉⵏ, ⴷ ⵜⵙⵎⵉⴳⴰⵍ ⵏⵏⵙⵏⵜ ⵉⵣⴷⵉⵏ ⴷ ⵓⵎⵙⴰⵙⴰ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴰⴽⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵓⵙⵡⵓⵔⵉ ⵅⴼ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⵣⴷⵉⵏ ⴷ ⵜⴰⵜⵉⴽⵏⵓⵍⵓⵊⵉⵜ ⴷ ⵜⵖⵉⵣⵜ ⵜⵉⵎⵍⵥⵉⵜ, ⵎⴰⵢⴷ ⴰⵙⵏⵜ ⵉⵜⵜⴰⵊⵊⴰⵏ ⴰⴷ ⵙⵡⵓⵜⵜⴰⵏⵜ ⵜⵉⵎⴳⴳⵉⵜⵉⵏ ⴷ ⵢⵓⵙⴰⵏ ⵃⵎⴰ ⴰⴷ ⵙⴽⵔⵏⵜ ⴰⴼⵔⴰⴳ ⵉⴳⴳⵓⵜⵏ ⵉ ⵜⵎⵖⴰⵔⵉⵏ ⴷ ⵜⵔⴱⴰⵜⵉⵏ ⵙ ⵎⴽⴷⴰ ⵉⵎⵙⴰⵙⴰⵏ ⴰⴽⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ.

ⵉ ⵓⵙⵙⴽⵜⵉ, ⵉⴳⴰ ⵓⴱⵔⴳⵔⴰⵡ ⴰⵙⴳⵯⵙⴰⵏ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵎⵉ ⵜⵜⵓⵙⵜⴰⵢ ⵎⴰⵙⵙⴰ ⴱⵓⵄⵢⵢⴰⵛ ⴷ ⵜⴰⵏⵙⵙⵉⵅⴼⵜ ⵏⵏⵙ ⵙ ⵡⴰⵡⴰⵍⵎⵓⵏ ⴰⵙⵙ ⵏ ⵓⵙⵉⵏⴰⵙ 11 ⵎⴰⵕⵚ 2025, ⴰⵏⵎⵓⵇⵇⴰⵔ ⴰⵣⵎⵣⴰⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⴰⴽⴽⵯ ⵉⴷⵖⴰⵔⵏ ⵏ ⵓⵎⴰⴹⴰⵍ. ⵉⵜⵜⵓⵙⵏⵎⴰⵍⴰ ⵓⵏⵎⵓⵇⵇⴰⵔ, ⵏⵏⴰ ⵉⵜⵜⵡⴰⵙⵙⴰⵏⵏ ⵙ ⵜⴷⵔⴰⵡⵜ ⵏ ⵓⴳⴳⴰⵔ ⵏ 300 ⵏ ⵉⴳⵏⵙⴰⵙ (ⵜⵉⴳⵏⵙⴰⵙ), ⴳ ⵊⵓⵏⵉⴼ, ⵜⵙⵏⵎⴰⵍⴰ ⵜ ⵜⴰⴹⴰ ⵙ ⵜⴷⵔⴰⵡⵜ ⴷ ⵜⵎⴰⵍⴰⵍⵜ ⵜⴰⵎⴰⵜⵜⴰⵢⵜ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ.