ⴰⵔ ⵜⴻⵜⵍⴰⵖⴰ ⵜⵙⵇⵇⵉⵎⵜ ⵜⴰⵎⵥⵍⵉⵜ ⵏ ⵜⵙⵖⵣⵏⵜ ⵏ ⵉⵎⵏⵥⴰ ⵏ ⵡⴰⵙⵜⴰⵢⵏ, ⵏⵏⴰ ⵜⵙⵙⵉⵅⴼ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙⵏⵜⵉ ⵏ ⵜⵎⵀⵍⵜ ⵏ ⵓⵙⵔⵓⵙ ⵏ ⵉⵏⴰⴽⴰⴷⵏ ⵉ ⵉⴳⵉ ⵏ ⵉⵏⵥⵉ ⴰⵙⵉⵎⴰⵏ ⴷ ⴰⵔⴰⵡⵙⴰⵏ ⵉ ⵡⴰⵙⵜⴰⵢⵏ ⵉⴳⵔⴰⵡⴰⵏⵏ ⴷ ⵉⵏⵎⵏⴰⴹⵏ ⴷ ⵡⴰⵙⵜⴰⵢⵏ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴷ ⵡⴰⵙⵜⴰⵢⵏ ⵏ ⵉⵙⵇⵇⵉⵎⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⵉⵏⴳⵔ 8 ⵛⵓⵜⴰⵏⴱⵉⵔ ⴷ 5 ⴽⵟⵓⴱⵕ 2021.
ⵉⵍⵍⴰ ⵅⴼ ⵉⵏⴳⵎⴰⵎⵏ ⵏⵏⴰ ⵉⵥⵓⵥⴹⵏ ⴰⴷ ⴳⵏ ⵜⵉⵎⵀⴰⵍ ⵏ ⵉⵏⵥⵉ ⵏ ⵡⴰⵙⵜⴰⵢⵏ, ⵙ ⵖⴰⵢⵍⵍⵉ ⴷ ⵢⵓⵡⵉ ⵓⵙⵍⴳⵏ 30-11 ⵏⵏⴰ ⵉⵙⵡⵓⵜⵜⴰⵏ ⵜⵉⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵉⵏⵥⵉ ⴰⵙⵉⵎⴰⵏ ⴷ ⴰⵔⴰⵡⵙⴰⵏ ⵉ ⵡⴰⵙⵜⴰⵢⵏ, ⴰⴷ ⵙⵔⵙⵏ ⵜⵓⵜⵔⵉⵡⵉⵏ ⵏ ⵜⵙⵖⵣⵏⵜ ⴷⴰⵔ ⵜⵙⵇⵇⵉⵎⵜ ⵜⴰⵎⵥⵍⵉⵏⵜ ⵏ ⵜⵙⵖⵣⵏⵜ ⵏ ⵉⵎⵏⵥⴰ ⵏ ⵡⴰⵙⵜⴰⵢⵏ ⴷⴰⵜ 22 ⵢⵓⵏⵢⵓ 2021 ⴳ ⵜⵙⵔⴰⴳⵜ ⵜⵉⵙⵙ 16ⵜ ⵏ ⵡⴰⵣⴰⵍ, ⵏⵏⴰ ⵉⴳⴰⵏ ⴰⵣⵎⵣ ⴰⵎⵓⵣⵣⵓⵔ.
ⵜⵥⴹⴰⵕⵎ ⴰⴷ ⵜⴰⴳⵯⵎⵎ ⵜⵉⵏⵜⴰⵎⵉⵏ ⵏ ⵜⵓⵜⵔⴰ ⵏ ⵜⵙⵖⵣⵏⵜ ⵙ ⵓⵙⵔⵉⴷ ( ⴰⵎⵙⵇⵙⵉ ⵏ ⵜⵓⵜⵔⴰ ⵏ ⵜⵙⵖⵣⵏⵜ, ⴰⵎⵇⵏ ⵏ ⵉⵏⵥⵉ ⵏ ⵡⴰⵙⵜⴰⵢⵏ ⴷ ⵜⵍⴳⴰⵎⵜ ⵏ ⵉⵎⵏⵥⴰ ) ⵙⴳ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵜⵙⵇⵇⵉⵎⵜ : https://observationelections.cndh.maⵔⴰⴷ ⵜⴻⵜⵜⵓⴳⴰ ⵜⵎⵀⵍⵜ ⵏ ⵉⵏⵥⵉ ⵉ ⵜⴽⵍⴰⵍⵉⵜⵉⵏ ⵏ ⵡⴰⵙⵜⴰⵢ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵏ ⵉⵙⵇⵇⵉⵎⵏ ⵏ ⵜⵎⵏⴰⴹⵉⵏ, ⵏ ⵜⴳⵔⴰⵡⵉⵏ ⴷ ⵜⵙⵓⵏⴰⴹ, ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴰⵙⵙ ⵏ 8 ⵛⵓⵜⴰⵏⴱⵉⵔ 2021, ⴰⵙⵜⴰⵢ ⵏ ⵉⴳⵎⴰⵎ ⵏ ⵉⵙⵇⵇⵉⵎⵏ ⵏ ⵜⵎⵏⴱⴰⴹⵉⵏ ⴷ ⵜⵙⴳⴳⵯⵉⵏ, ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴰⵙⵙ ⵏ 21 ⵛⵓⵜⴰⵏⴱⵉⵔ 2021 ⴷ ⵡⴰⵙⵜⴰⵢ ⵏ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵉⵎⵛⵛⵉⵡⴰⵕ ⵏⵏⴰ ⵔⴰⴷ ⵉⵜⵜⵓⵙⵏⵎⴰⵍⴰ ⴰⵙⵙ ⵏ 5 ⴽⵟⵓⴱⵕ 2021.
ⵙ ⵖⴰⵢⵍⵍⵉ ⴷ ⵢⵓⵡⵉ ⵓⵎⵏⵏⵉ 2 ⵙⴳ ⵓⵙⵍⴳⵏ 30-11 ⵉⵙⵡⵓⵜⵜⴰⵏ ⵜⵉⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵉⵏⵥⵉ ⴰⵙⵉⵎⴰⵏ ⴷ ⴰⵔⴰⵡⵙⴰⵏ ⵉ ⵡⴰⵙⵜⴰⵢⵏ, ⵏⵏⴰ ⴷ ⵉⴼⴼⵖⵏ ⴳ 6 ⴽⵟⵓⴱⵕ 2011, ⵉⵏⴳⵎⴰⵎⵏ ⵏⵏⴰ ⴳⴰⵏⵉⵏ ⵉⵎⵏⵜⴰⵢⵏ ⵙ ⵉⵏⵥⵉ ⴰⵙⵉⵎⴰⵏ ⴷ ⴰⵔⴰⵡⵙⴰⵏ ⵉ ⵡⴰⵙⵜⴰⵢⵏ ⵏⵉⵜⵏⵉ ⴷ:
-ⵜⵉⵎⵔⵙⴰⵍ ⵜⵉⵏⴰⵎⵓⵔⵉⵏ ⵉⵜⵜⵏⵣⴳⴰⵢⵏ ⴳ ⵓⵙⴰⵜⵉ ⵏ ⵓⵙⵍⴳⵏ ⴰⴷ ⴳⵏⵜ ⵜⵉⵙⵎⵉⴳⴰⵍ ⵏ ⵉⵏⵥⵉ ⵉ ⵡⴰⵙⵜⴰⵢⵏ;
-ⵜⵉⵎⵙⵎⵓⵏⵉⵏ ⵜⵉⵎⴳⴳⴰⵢⵉⵏ ⵏ ⵡⴰⵎⵓⵏ ⵓⵖⵔⵉⵎ ⵉⵜⵜⵡⴰⵙⵙⵏⵏ ⵙ ⵜⵡⵓⵔⵉ ⵜⴰⴷⵖⵔⵉⵜ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵣⵓⵣⵣⵔ ⵏ ⵜⵉⵏⴷⵉⵜⵉⵏ ⵏ ⵜⵎⵓⵔⵉ ⴷ ⵜⵓⴳⴷⵓⵜ, ⵉⵜⵜⵓⵚⴽⴰⵏ ⵙ ⵜⴼⵔⵉⵙⵜ ⵜⵓⵍⴳⵉⵏⵜ ⴷ ⵏⵏⴰ ⵉⵜⵜⵓⵙⵡⵓⴷⴷⵓⵏ ⵙ ⵎⴰⴷ ⵉⵍⵍⴰⵏ ⴳ ⵉⵎⴰⴳⴰⵢⵏ ⵏⵏⵙⵏⵜ ⵉⴷⵙⵍⴰⵏⵏ.
-ⵜⵉⵎⴰⴷⴷⴰⵙⵉⵏ ⵜⴰⵔⵓⵏⴱⵉⴹⵉⵏ ⵜⵉⴱⵕⵕⴰⵏⵉⵏ ⵉⵜⵜⵓⵚⴽⴰⵏ ⵙ ⵜⴼⵔⵉⵙⵜ ⵜⵓⵍⴳⵉⵏⵜ ⵙ ⵖⵎⴽ ⵍⵍⵉ ⴷ ⵓⵡⵉⵏ ⵓⵣⵔⵉⴼⵏ ⵏⵏⵙⵏⵜ ⵉⵏⴰⵎⵓⵔⵏ, ⴷ ⵏⵏⴰ ⵉⵜⵜⵡⴰⵙⵙⵏⵏ ⵙ ⵜⵏⵙⵉⵎⴰⵏⵜ ⴷ ⵜⵎⵙⵖⴰⵔⴰ, ⴰⵙⵉⵏⵜ ⴰⵏⵣⴳⵓⵎ ⵏ ⵢⵉⴳⵔ ⵏ ⵉⵏⵥⵉ ⵏ ⵡⴰⵙⵜⴰⵢⵏ.
ⵉⵙⵓⵍ ⴰⴷ ⵏⵉⵏⵉ ⵎⴰⵙ ⵉⵍⵍⴰ ⵓⵙⵉⵜ ⴰⵍⵉⴽⵟⵕⵓⵏⵉ ⵉⵥⵍⵉⵏ ⵙ ⵜⵙⵇⵇⵉⵎⵜ ⵙ ⵙⵎⵎⵓⵙⵜ ⵏ ⵜⵓⵜⵍⴰⵢⵉⵏ (ⵜⴰⵄⵕⴰⴱⵜ, ⵜⴰⵎⴰⵣⵉⵖⵜ, ⵜⴰⴼⵕⴰⵏⵚⵉⵚⵜ ⴷ ⵜⵉⵏⴳⵍⵉⵣⵜ ⴷ ⵜⵓⵜⵍⴰⵢⵜ ⵏ ⵓⵙⵉⵍⵍⴼ), ⵢⵓⵎⴰ ⵎⵏⵏⴰⵡⵜ ⵏ ⵜⴰⵙⵏⵉⵡⵉⵏ ⴳ ⵍⵍⴰⵏ ⵓⵎⵍⴰⵏ ⵏ ⵜⵎⵀⵍⵜ ⵉⵣⴷⵉⵏ ⵙ ⵉⵣⵎⴰⵣ ⴷ ⵜⴼⴰⴷⵉⵡⵉⵏ ⵏ ⵓⵙⵔⵓⵙ ⴷ ⵜⵓⵜⵔⵉⵡⵉⵏ ⵏ ⵢⵙⵖⵣⵏⵜ.
ⵎⴽⵍⵍⵉ ⵢⵓⵎⴰ ⵜⴰⵙⵏⵉⵡⵉⵏ ⵢⴰⴹⵏⵉⵏ ⵉⵥⵍⵉⵏ ⵙ ⵜⵙⵇⵇⵉⵎⵜ ⵜⴰⵎⵥⵍⵉⵜ ⵏ ⵜⵙⵖⵣⵏⵜ, ⴰⵙⵏⵎⵍ ⵏ ⵜⵎⵀⵍⵜ ⵏ ⵉⵏⵥⵉ ⴰⵙⵉⵎⴰⵏ ⴷ ⴰⵔⴰⵡⵙⴰⵏ ⵉ ⵡⴰⵙⵜⴰⵢⵏ, ⵉⴹⵕⵉⵚⵏ ⵏ ⵜⵙⴰⵖⵓⵍⵜ ⵏⵏⴰ ⵉⵙⵓⴷⵙⵏ ⵜⴰⵎⵀⵍⵜ ⵏ ⵉⵏⵥⵉ ⴳ ⵓⵙⵓⵔⵙ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⴰⵙⵎⵓⵜⵜⴳ ⵏ ⵜⵎⵏⵥⴰ ⴷ ⵉⵎⵏⵥⴰ ⴷ ⵜⵎⵃⴹⵉⵜ.ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵎⵥⵍⵉⵜ ⵏ ⵜⵙⵖⵣⵏⵜ ⵏ ⵉⵎⵏⵥⴰ ⵏ ⵡⴰⵙⵜⴰⵢⵏ ⴰⴳⵔⴰⵡ ⵏⵏⵙ ⴰⵎⵣⵡⴰⵔⵓ, ⴰⵙⵙ ⵏ ⵓⵢⵏⴰⵙ 23 ⵎⴰⵕⵚ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵕⵕⴱⴰⵟ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⴼⵔⵉⵙⵜ ⵏ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ, ⴷ ⵜⵉⵍⵉⵜ ⵏ ⵉⴳⵏⵙⴰⵙ ⵏ ⵢⵉⴳⵔⴰⵏ ⵓⵏⴱⵉⴹⵏ ⴷ ⵉⴳⵎⴰⵎⵏ ⵏ ⵜⵎⵙⵎⵓⵏⵉⵏ ⵉⵜⵜⵓⴳⵏⵙⴻⵙⵏ ⴳ ⵓⵙⵇⵇⵉⵎ, ⴰⴼⴰⴷ ⴰⴷ ⵜⵙⵎⵓⵜⵜⴳ ⵉ ⵜⵎⵀⵍⵜ ⵏ ⵉⵏⵥⵉ ⴰⵙⵉⵎⴰⵏ ⴷ ⴰⵔⴰⵡⵙⴰⵏ ⵉ ⵡⴰⵙⵜⴰⵢⵏ ⵏ 2021.