ⵜⵉⵡⵉ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⴷⴳⴳⵯⴰⵜ ⵏ ⵡⴰⵙⵙ ⵏ ⴰⵢⵏⴰⵙ 4 ⵎⴰⵕⵚ 2024 ⴳ ⵎⴰⴷⵔⵉⴷ, ⵜⴰⵙⵎⵖⵓⵔⵜ ⵏ " ⵜⵡⵜⵎⵉⵏ ⵏ ⵉⵎⴰⵍ 2024 ", ⵏⵏⴰ ⵜⴰⴽⴽⴰ ⵜⵎⵙⵎⵓⵏⵜ ⵏ ⵜⵉⴷⴷⵓⴽⴽⵍⴰ ⵜⴰⵚⴱⵍⵢⵓⵏⵉⵜ-ⵜⴰⴼⵕⴰⵏⵚⵉⵚⵜ, ⴳ ⵓⵙⵎⵖⵔ ⵏ " ⵓⵙⵓⵖⵏ ⵏⵏⵙ ⵉⵕⵚⴰⵏ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ". ⵜⴰⵍⵍⵖ ⵜⵙⵇⵇⵉⵎⵜ ⵏ ⵜⵏⴼⵔⵉⵜ ⵏ ⵜⵙⵎⵖⵓⵔⵜ  "ⵜⴰⵡⴰⴷⴰ ⵉⵖⵓⴷⴰⵏ ⵏ ⴰⵎⵉⵏⴰ ⴱⵓⵄⵢⵢⴰⵛ ⵏⵏⴰ ⵉⵙⵎⴷⵢⴰⵏ ⵜⴰⵖⵏⵙⴰ ⵏⵏⵙ ⵉⵣⴷⵉⵏ ⵅⴼ ⵜⵣⵔⴼⵜ ⴷ ⵉⵙⴽⵉⵍ ⴷ ⵉⵣⵔⴼⴰⵏ ⵏ ⵓⴼⴳⴰⵏ...", ⵜⵙⵉⵙⴼⵉⵡ ⵎⴰⵙ "ⵜⵙⵓⵍ ⵜⵎⴰⴳⵍⴰⵢⵜ ⵏⵏⵙ ⴷ ⵓⵙⵙⴽⵕⵥ ⵏⵏⵙ ⴷⴰ ⵜⵜⴼⴰⵡⵏ ⴳ ⴱⵕⵕⴰ ⵏ ⵉⵡⵜⵜⴰ ⵏ ⵍⵎⵖⵔⵉⴱ".
ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ ⴷ ⵡⵓⴷⵎ ⴰⵎⴰⴼⴰⵡ ⴳ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ..., ⵉⵙⴷⵓⵙⵏ ⵉⵥⵕⵉ ⴰⵖⵣⵓⵔⴰⵏ ⴷ ⵓⵙⵓⵖⵏ ⵉⴳⴳⵣⵏ ⵙ ⵜⵓⵚⴽⴰ ⵏ ⵉⵎⴰⵍ ⵉⵖⵓⴷⴰⵏ ⵉ ⵇⴰⵃ", ⴰⴷ ⵜⵏⵏⴰ ⵜⵙⵇⵇⵉⵎⵜ ⵏ ⵜⵏⴼⵔⵉⵜ ⵏ ⵜⵙⵎⵖⵓⵔⵜ ⵏⵏⴰ ⵜⵓⵎⵥ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⵚⴱⴰⵏⵢⴰ, ⵎⴰⵙⵙⴰ ⴽⴰⵔⵉⵎⴰ ⴱⵏⵉⵄⵉⵛ, ⵏⵏⵉ ⴰⵙ ⵜⴼⴽⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵓⵡⴰⵏⴽ ⵏ ⵚⴱⴰⵏⵢⴰ, ⵎⴰⵙⵙⴰ ⴽⴰⵔⵎⵏ ⴽⴰⵍⴼⵓ, ⴳ ⵜⴼⵓⴳⵍⴰ ⵏⵏⴰ ⵉⵙⵏⵎⴰⵍⴰ ⵓⴱⵔⴳⵔⴰⵡ ⴰⴳⵔⴰⵖⵍⴰⵏ ⵡⵉⵙⵙ ⵙⴰ ⵅⴼ ⵜⵎⵖⴰⵔⵜ ⴷ ⵜⴷⵉⴱⵍⵓⵎⴰⵙⵉⵜ.
ⴳ ⵢⴰⵜ ⵜⴳⵓⵔⵉ ⵉⵜⵜⵢⵓⵔⴰⵏ ⴳ ⵓⵣⵎⵣⵣⵓ ⴰⴷ, ⵜⵓⵍⵍⵖ ⵎⴰⵙⵙⴰ "ⵜⴰⵎⵖⵔⵉⴱⵉⵜ ⵏ ⵜⵎⴰⴳⵉⵜ ⴷ ⵜⵎⵓⵔⵜ", ⴷ "ⵜⵎⵓⵙⵍⵎⵜ ⵏ ⵓⵙⴳⴷ", ⴷ "ⵜⵎⴰⵣⵉⵖⵜ ⵏ ⵉⵍⵉⵍⵉ", ⴰⴱⵔⵉⴷ ⵏ ⵉⵎⵓⴽⵏⵏ ⵏⵏⴰ ⵉⵙⵏⴼⵍⵏ ⵜⵉⵔⴰⵜ ⵏ ⵓⵡⴰⵏⴽ ⵏ ⵍⵎⵖⵔⵉⴱ ⴰⴷ ⵉⵙⴷⵓⵙ ⴰⴷⴰⴼ ⵏ ⵜⵡⵜⵎⵉⵏ ⵙ ⵉⴷⵖⴰⵔⵏ ⵏ ⵜⵎⵙⵜⴳⴳⴰⵔⵜ, ⵓⴳⴳⴰⵔ ⵏ ⵙⵉⵏ ⵉⵙⴳⴳⵯⴰⵙⵏ ⴰ ⵢⴰ. ⵜⵔⵣⵣⴼ ⵎⴰⵙⵙⴰ ⴱⵓⵄⵢⵢⴰⵛ ⵜⴰⵙⵎⵖⵓⵔⵜ ⴰⴷ ⵉ ⴽⵓ ⵜⴰⵎⵖⴰⵔⵜ ⵍⵍⵉ ⵉⵙⵙⵓⵙⵎ ⵓⵎⵣⴰⵖ ⵏⵏⵙ ⴰⴽⵓⵢⴰⵙⵙ, ⴷ ⵜⵡⵜⵎⵉⵏ ⴰⴽⴽⵯ ⵍⵍⵉ ⵉⵙⵖⴰⵡⵙⴰⵏ ⵙ ⵡⴰⵏⵏⴰⵍ ⵏⵏⵖ ⴷ ⵓⵙⵎⵖⵔ ⵏⵏⵖ ⵉ ⵜⵓⴳⴳⴰⵣ ⵏⵏⵙⵏⵜ ⵜⵉⴽⵓⵢⴰⵙⵙⵉⵏ ⴳ ⵓⵎⵣⴰⵖ ⵏⵏⵙⵏⵜ ⵅⴼ ⵉⵣⵔⴼⴰⵏ ⵏ ⵜⵎⵖⴰⵔⵜ.
 

ⵜⵙⴷⴷⵉⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵡⴰⵙⵙⴰⵔ ⵙ ⵓⵎⵣⴰⵖ ⵅⴼ ⵜⵡⵏⴳⵉⵎⵉⵏ ⵏ ⵓⴱⵟⵟⵓ ⵏ ⵜⵡⵍⴰⴼⵉⵏ ⵜⵉⵎⴷⵢⴰⵜⵉⵏ ⴷ ⵏⵏⵉ ⵉⵜⵜⵎⴳⴰⵍⵏ ⵉⵜⵙⵏⵜ ⵜⵉⴽⴽⴰⵍ ⵜⴰⴹⴹⴰⵏⴳⵉⵡⵉⵏ ⵍⵍⴰⵏⵉⵏ ⴳ ⵜⵡⵏⵏⴰⴹⵜ, ⵍⵍⵉ ⵓⵔⵜⴰ ⵉⵥⴹⴰⵕⵏ ⴰⴷ ⵜⵏⵜ ⵜⵙⵏⵓⴱⴳ, ⵜⵙⴷⴷⵉⴷ ⵎⴰⵙ ⵜⵙⵡⵓⵜⵜⵙ ⵜⵖⵏⵙⴰ ⴷ ⵓⵎⵣⴰⵖ ⴰⵣⵔⴼⴰⵏ ⴰⵀⴰ ⴰⴷ ⵜⴱⴹⵓ ⵜⵉⵔⵎⵉⵜⵉⵏ ⴷ ⵡⵉⵏⵏⴰ ⵉⵔⴰⵏ ⴰⴷ ⵉⴷⵔⵓ ⴳ ⵓⵎⵣⴰⵖ ⵅⴼ ⵜⵉⵏⴷⵉⵜⵉⵏ ⵜⵉⵖⵣⵓⵔⴰⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵖⵓⵔⵉ ⵉ ⴽⵓⵍⵍⵓ ⵡⵉⵏⵏⴰ ⵎⴳⴰⵍⵏⵉⵏ ⴰⵎⴹⴰⴽⴰⵕ ⴷ ⵓⵎⵙⴰⵡⴰⵍ, ⴰⴼⴰⴷ ⴰⴷ ⵜⵜⵓⵏⴼⵔⵓⵏ ⵉⵣⵔⴼⴰⵏ ⵏ ⵜⵎⵖⵔⵉⴱⵉⵢⵉⵏ ⴷ ⵉⵎⵖⵔⴰⴱⵉⵢⵏ ⴷ ⵜⵎⵢⴰⴳⴰⵏⵜ ⵏ ⵓⴼⵊⵊⵉⵊ ⵏⵏⵙⵏ ⵙⵉⵔⵙⵏ.