ⵜⵙⴷⴷⵉⴷ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵢⴰⵜ ⵜⵉⵏⴰⵡⵜ ⵜⴰⵏⴰⵎⵓⵔⵜ ⵏⵏⴰ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵎⴰⵜⵔ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ, ⵎⴰⵙ ⴷ "ⴰⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⵎⵢⴰⴷⴰⵙⵜ ⵉⵏⵖⴷⵏ", ⵜⵙⴷⴷⵉⴷ ⵅⴼ ⵓⵙⵓⵖⵏ ⵏ ⵓⵙⵔⵙ ⵏ ⵜⵙⵔⵜⴰⵢ ⵜⵉⵎⵓⵟⵟⵓⵏⵉⵏ ⵉⴱⴷⴷⵏ ⵅⴼ ⵡⴰⴷⴷⵓⵔ ⵏ ⵓⴼⵔⵉⴷⵏ, ⵉⵜⵜⵏⴼⵔⵓⵏ ⵜⴰⴷⵔⴼⵉ ⵏ ⵓⵡⵏⵏⵉ ⴷ ⵉⵜⵜⴼⵔⴰⴳⵏ ⵜⵉⵎⵓⵛⴰ ⵜⵉⵏⵉⵎⴰⵏⵉⵏ ⵙⴳ ⴽⵔⴰ ⵏ ⵓⵙⵖⵍⵍⴰ.
ⵜⵙⵙⴼⵔⵓ ⵎⴰⵙ ⵜⴱⴷⴷⴰ ⵜⴰⵏⵏⴰⵢⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵓⴼⵔⴰⴳ ⵏ ⵓⵎⵍⴰⵏ ⵉⵏⵉⵎⴰⵏⵏ ⵅⴼ ⵚⴹⵉⵚ ⵏ ⵉⴼⵔⴷⵉⵙⵏ ⵉⴷⵙⵍⴰⵏⵏ:
* ⴰⴼⵔⴰⴳ ⵏ ⵜⵉⵏⵏⵓⵜⵍⴰ ⴰⵎ ⴰⵣⵔⴼ ⴰⴷⵙⵍⴰⵏ ⵉ ⵜⵏⴼⵔⵓⵜ ⵏ ⵡⴰⴷⴷⵓⵔ ⵏ ⵓⴼⵔⵉⴷⵏ ⴷ ⵜⴷⵔⴼⵉⵏ ⵏⵏⵙⵏ.
* ⴰⵙⵙⵓⴷⵙ ⴰⵎⵜⵜⴰⵖⴰⵍ ⵉ ⵓⵙⵎⵓⵏ ⴷ ⵓⵙⵡⵓⵔⵉ ⵅⴼ ⵜⵎⵓⵛⴰ ⴳ ⵓⵣⵎⵣ ⵏ ⵉⵙⵏⴼⵍⵏ ⵉⵎⵓⵟⵟⵓⵏⵏ.
* ⴰⴼⵔⴰⴳ ⵏ ⵉⵙⵎⵉⵍⵏ ⴽⵓⴽⴹⵏⵉⵏ, ⴰⵎ ⵜⵉⵎⵖⴰⵔⵉⵏ ⴷ ⵡⴰⵣⵣⴰⵏⵏ ⴷ ⵉⵎⵣⵡⴰⴳⵏ, ⵣⵖ ⵓⵙⵖⵍⵍⴰ.
* ⴰⵙⴷⵓⵙ ⵏ ⵜⵓⵙⵙⵏⴰ ⵜⴰⵎⵓⵟⵟⵓⵏⵜ ⴰⴼⴰⴷ ⴰⴷ ⵉⵜⵜⵓⵏⴼⵔⵓ ⵓⵙⴼⵔⴽ ⵏ ⵉⵏⵙⵙⵎⵔⵙⵏ ⵙ ⵉⵣⵔⴼⴰⵏ ⵏⵏⵙⵏ ⵉⵎⵓⵟⵟⵓⵏⵏ.
* ⴰⵙⴷⴷⴻⴷ ⵅⴼ ⵓⵣⴷⴰⵢ ⵏ ⵉⵣⵔⴼⴰⵏ ⴳⵔ ⵓⴼⵔⴰⴳ ⵏ ⵜⵎⵓⵛⴰ ⴷ ⵜⴷⵔⴼⵉ ⵏ ⵓⵡⵏⵏⵉ ⴷ ⵡⴰⴷⴰⴼ ⵖⵔ ⵓⵎⵍⴰⵏ.
* ⴰⵎⵏⴰⵍⴰ ⵏ ⵜⵏⵥⴰⵕ ⵏ ⵜ ⵜⵖⵉⵙⵜ ⵜⵉⵎⵍⵥⵉⵜ ⴰⴼⴰⴷ ⴰⴷ ⵜⴻⵜⵜⵓⵏⴼⵔⵓ ⵜⵣⵣⵉⴷⴳⴰ ⴷ ⵡⴰⵔ ⴰⵙⵏⵓⵃⵢⵓ.
ⵜⵙⵙⵓⵜⵔ ⴰⵡⴷ ⵎⴰⵙ ⵉⵥⴹⴰⵕ ⵓⵙⵙⵎⵔⵙ ⵓⵔ ⵉⵏⵎⴰⵍⴰⵏ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⴰⴷ ⵢⴰⵡⵉ ⵖⵔ ⵜⵕⵥⵉ ⵏ ⵜⵉⵏⵏⵓⵜⵍⴰ ⴷ ⵓⵙⵙⵎⵔⵙ ⵏ ⵉⵙⵎⵉⵍⵏ ⴽⵓⴽⴹⵏⵉⵏ ⴷ ⵓⴼⵙⴰⵔ ⵏ ⵉⵏⵖⵎⵉⵙⵏ ⵣⴳⵍⵏⵉⵏ, ⵎⴰⵢⴰ ⴷ ⴰ ⵅⴼ ⵉⵚⵚⴰ ⴰⴷ ⵢⵉⵍⵉ ⵓⵙⵔⵙ ⵏ ⵜⵏⴼⵔⵓⵜⵉⵏ ⵜⵉⵎⵜⵜⴰⵖⴰⵍⵉⵏ. ⵜⵙⴷⴷⵉⴷ ⵎⴰⵙ ⵉⴱⴷⴷ ⵓⵎⵢⴰⵙ ⴳⵔ ⵓⴼⵔⴰⴳ ⵏ ⵜⵎⵓⵛⴰ ⴷ ⵜⴷⵔⴼⵉ ⵏ ⵓⵡⵏⵏⵉ ⵅⴼ ⵉⵎⵏⴰⴹⵏ ⵉⵜⵜⵡⴰⵥⵍⴰⵢⵏ, ⴷ ⵓⵔ ⵜⵍⵍⵉ ⴽⵔⴰ ⵏ ⵜⵙⵙⵉⴽⴼⵍⵜ ⵜⴰⵎⴰⴳⴷⴰⵣⵜ ⴳⵔ ⵉⵣⵔⴼⴰⵏ.
ⴳ ⵓⵎⵏⴰⴹ ⴰⴷ, ⵜⵙⵙⵎⵜⵔ ⵙ ⵜⵓⴳⴳⴰⵣ ⵏ ⵓⵙⵇⵇⵉⵎ ⴳ ⵓⵙⴷⵓⵙ ⵏ ⵜⵏⵢⵉⵎⴰⵏⵜ ⴳ ⵓⵙⴰⵢⵔⴰⵔ ⴰⵎⵓⵟⵟⵓⵏ, ⵙ ⵓⵏⵄⴰⵕ ⴰⴼⴰⴷ ⴰⴷ ⵜⴻⵜⵜⵓⵏⴼⵔⵓ ⵜⵣⵣⵉⴷⴳⴰ ⴳ ⵓⵙⵖⵉⵡⵙ ⵏ ⵜⴰⵜⵉⴽⵏⵓⵍⵓⵊⵉⵜ, ⴷ ⵉⴳⵉ ⵏ ⵉⵙⵙⵉⵜⴳⵏ ⵉⵣⵔⴼⴰⵏⵏ ⵉ ⵓⵙⵎⴽⵍ ⵏ ⵜⵎⵓⵛⴰ, ⵙ ⵍⴰⵡⴰⵏ ⴰⴽⴽⵯ ⴳ ⵜⴰⵙⵙⴰⵙⵉⵏ ⴷ ⵉⵖⴰⵡⵍⵏ, ⵙ ⵓⵙⵓⵖⵏ ⵏ ⵓⵙⵉⵜⵜⵉ ⵏ ⵓⵎⵍⴰⵏ ⴰⴽⴽⵯ ⵉⵖ ⵉⵙⵎⴷ ⵡⴰⵙⵙⴰⵔ ⵙⵔⵙⵏ, ⴳ ⵢⴰⵜ ⵜⴰⵏⵏⴰⵢⵜ ⵜⴰⵖⵣⵓⵔⴰⵏⵜ ⵉⵙⵔⴰⵙⵏ ⴰⴼⴳⴰⵏ ⴷ ⵉⵣⵔⴼⴰⵏ ⵏⵏⵙ ⵉⴷⵙⵍⴰⵏⵏ ⴳ ⵡⴰⵎⵎⴰⵙ ⵏ ⵜⵙⵔⵜⴰⵢ ⵜⵉⵎⵓⵟⵟⵓⵏⵉⵏ.
ⵜⵉⵏⴰⵡⵜ, ⵏⵏⴰ ⴳ ⴷⵔⵓⵏ ⵉⴳⵏⵙⴰⵙ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ, ⵜⴻⵜⵜⵓⵙⵏⵎⴰⵍⴰ ⴳ ⵓⵙⴰⵜⵉ ⵏ "ⵉⵎⴰⵍⴰⵙⵙ ⵏ ⵓⴼⵔⴰⴳ ⵏ ⵓⵎⵍⴰⵏ ⵉⵏⵉⵎⴰⵏⵏ ⴷ ⵓⵔⵣⴰⴽ ⵏ ⵜⵓⴷⵔⵜ ⵜⴰⵏⵉⵎⴰⵏⵜ", ⵣⴳ 27 ⴰⵔ 31 ⵉⵏⵏⴰⵢⵔ 2025, ⴳ ⵓⴽⵜⵜⵓⵢ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵓⴼⵔⴰⴳ ⵏ ⵜⵎⵓⵛⴰ ⵜⵉⵏⵉⵎⴰⵏⵉⵏ ⵉⵎⵙⴰⵙⴰⵏ ⴷ 28 ⵉⵏⵏⴰⵢⵔ ⵏ ⴽⵓ ⴰⵙⴳⴳⵯⴰⵙ.
ⴰⴳⴰⵎ ⵏ ⵜⴳⵓⵔⵉ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ
