ⵜⴰⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ: ⵜⴰⵙⴰⵡⵔⵜ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵎⵣⴷⴰⵢⵉⵏ ⴷ ⵉⵎⵣⴷⴰⵢⵏ ⵏ ⵉⵙⴳⵔⴰⵡⵏ ⵉⵙⴳⵎⴰⵏⵏ ⴳ ⵜⵎⵔⵙⴰⵍ ⵜⵉⵏⵎⵍⴰⵏⵉⵏ ⴰⵔ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ ⴷ ⵜⴽⴰⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ ⵢⴰⵜ ⵜⵙⴰⵡⵔⵜ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉ ⵜⵎⵣⴷⴰⵢⵉⵏ ⴷ ⵉⵎⵣⴷⴰⵢⵏ ⵏ ⵉⵙⴳⵔⴰⵡⵏ ⵉⵙⴳⵎⴰⵏⵏ ⴳ ⵜⵎⵔⵙⴰⵍ ⵜⵉⵏⵎⵍⴰⵏⵉⵏ, ⴰⵙⵙ ⵏ ⵓⴽⵡⴰⵙ 12 ⵎⴰⵢⵢⵓ 2022, ⴳ ⵓⵙⵖⵉⵎ ⵏ ⵜⴽⴰⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵎⵏⴰⴹⵜ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ, ⵙⴳ ⵜⵙⵔⴰⴳⵜ ⵜⵉⵙ 9 ⵏ ⵜⵉⴼⴰⵡⵜ.
ⵜⴰⵎⵓ ⵜⵙⴰⵡⵔⵜ ⴰⴷ ⵏ ⵓⵙⵎⵓⵜⵜⴳ ⴳ ⵓⵙⴰⵜⵉ ⵏ ⵓⵣⵣⵓⴳⵣ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ ⴳ ⵓⵙⴳⴳⵯⴰⵙ 2022 ⴳ ⵓⴳⵣⵣⵓⵎ ⵏⵏⵙ ⵉⵥⵍⵉⵏ ⵙ ⵜⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵙⵡⵓⵔⵉ ⵅⴼ ⵓⵣⵓⵣⵣⵔ ⴷ ⵓⵙⴷⵓⵙ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵡⴰⵎⵎⴰⵥ ⵏ ⵡⴰⵎⵓⵏ ⵉ ⵜⵓⵙⵙⵏⴰ ⵜⴰⵣⵔⴼⴰⵏⵜ ⵙ ⵉⵎⵏⴰⴷⵏ ⴷ ⵜⵎⵙⴽⵔⵉⵏ ⵉⵜⵜⵡⵇⵇⴰⵔⵏ ⵜⵉⵏⴷⵉⵜⵉⵏ ⴷ ⵉⵏⴰⵡⴰⵢⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙⵍⴰⵡⴰⵏ ⴰⴽⴽⵯ ⵙ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵏⵎⵍⴰⵏⵉⵏ ⴳ ⵢⵉⴳⵔ ⴰⴷ ⵏⵏⴰ ⵉⴳⴰⵏ ⵜⵉⵎⴳⴳⴰⵢⵉⵏ ⵜⵉⴷⵙⵍⴰⵏⵉⵏ ⴳ ⵢⵉⴳⵔ ⵏ ⵓⵙⴳⵎⵉ.
ⵜⵙⵡⵓⵜⵜⵙ ⵜⵙⴰⵡⵔⵜ ⴰⴷ ⴰⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⴳⴳⴰⵢⵏ ⵏⵏⴰ ⵉⵜⵜⴳⴳⴰⵏ ⴰⵙⵎⵓⵙⵙⵓ ⵉ ⵉⵙⴳⵔⴰⵡⵏ ⵉⵙⴳⵎⴰⵏⵏ, ⴰⵎⵥⵏ ⵉⵎⴰⵙⵙⵏ ⵏ ⵓⵙⵉⴷⴼ ⵏ ⵉⵎⵏⵣⴰⵢⵏ ⴷ ⵜⵉⵏⴷⵉⵜⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵓⴳⵜ ⵏ ⵜⵉⵍⴰⵍ ⵏ ⵓⴳⵏⵙ ⵏ ⵜⵎⵔⵙⴰⵍ ⵜⵉⵏⵎⵍⴰⵏⵉⵏ. ⴰⵎⵓⵏ ⴽⵉⴳⴰⵏ ⵏ ⵉⵙⴳⵓⵎⵏ ⴳ ⵜⵙⴰⵡⵔⵜ ⴰⴷ, ⵍⵓⵎⴰⵕ ⵎⴰⴷ ⵉⵣⴷⵉⵏ ⵙ ⵉⵔⵎⵎⵓⵙⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴳⵎⵉ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ; ⵜⵉⴳⵎⵉ ⵜⴰⵙⵓⵍⴰⵏⵜ ⴷ ⵜⵣⵔⴼⵜ ⵜⴰⵏⴰⵎⵓⵏⵜ; ⵉⵙⴽⵉⵍ ⵉⵏⴳⵔ ⵜⴰⴳⴳⴰⵢⵉⵏ; ⴰⵎⵏⴰⵡⴰⵢ ⴰⴷⵍⵙⴰⵏ ⴷ ⵓⵙⵏⵉⵍⵙ; ⵉⴷⵉⵔ ⵉⵛⵛⴰⵕⵏ ⴷ ⵓⵙⵡⵓⴷⴷⵓ ⵏ ⵓⵎⵣⴰⵔⴰⵢ ; ⵜⴰⵎⵣⵡⴰⴳⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ; ⵜⴰⵎⵓⵔⵉ ⵜⴰⵎⵓⵟⵟⵓⵏⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⴳ ⵉⴳⴳⵉ ⵏ ⵜⵙⴰⵡⵔⵜ ⴰⴷ ⵏ ⵓⵙⵎⵓⵜⵜⴳ, ⵔⴰⴷ ⵜⵜⵓⵙⵏⵎⴰⵍⴰⵏⵜ ⴽⵔⴰ ⵏ ⵜⵖⵉⵎⵉⵜⵉⵏ ⵏ ⵓⵎⴹⴰⴽⴰⵕ ⵉⵏⴳⵔ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⴳ ⴽⵉⴳⴰⵏ ⵏ ⵜⵎⵔⵙⴰⵍ ⵜⵉⵏⵎⵍⴰⵏⵉⵏ ⴳ ⵜⵎⵏⴰⴹⵜ ⴰⴼⴰⴷ ⴰⴷ ⵉⵜⵜⵓⵙⵙⵓⴷⵙ ⵓⵎⴹⴰⴽⴰⵕ ⴷ ⵓⵙⵡⵉⵏⴳⵎ ⵅⴼ ⵉⵎⵔⵙⵉ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴰⵢⵔⴰⵔ ⴰⵏⵎⵍⴰⵏ.
