ⵉⵜⵜⵡⴰⴼⵙⴰⵔ ⴳ
ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴷⵔⴰ-ⵜⴰⴼⵉⵍⴰⵍⵜ, ⵙ ⵓⵣⴷⴰⵢ ⴰⴽⴷ ⵜⵎⵀⵍⴰ
ⵜⴰⵏⵎⵏⴰⴹⵜ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵏ ⴳ ⵜⵎⵏⴰⴹⵜ, ⵢⴰⵏ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵉ ⵜⵖⵓⵔⵉ ⵏ ⵜⵓⵎⴰⵢⵉⵏ ⵏ ⵜⴰⵏⴰⴹⵜ
ⵜⴰⵙⴳⵓⵎⴰⵏⵜ ⵏⵏⴰ ⴷ ⵉⵙⵙⴰⴼⵖ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ "ⵜⴰⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ ⴳ ⵍⵎⵖⵔⵉⴱ
.. ⵉⵏⴰⵥⴰⵕⵏ ⴷ ⵉⵎⵙⴰⵔⴰⵙⵏ ⴷ ⵉⵙⴰⴷⴰⴼⵏ ⵏ ⵓⵙⴷⵓⵙ", ⴰⵙⵙ ⵏ ⵓⵙⵉⵏⴰⵙ 04 ⴽⵟⵓⴱⵕ 2022 ⵙⴳ ⵜⵙⵔⴰⴳⵜ ⵜⵉⵙ ⵜⵥⴰ
ⵏ ⵜⵉⴼⴰⵡⵜ, ⴳ ⵓⵙⵙⵏⵙⵓ ⵜⵉⵖⵔⵎⵜ ⵏ ⵓⴼⵔⴷⵓ ⴳ ⵕⵕⴰⵛⵉⴷⵉⵢⴰ.
ⵢⴰⵎⵓ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵉⵏⵎⵓⵇⵇⴰⵔⵏ ⵉⵏⵎⵏⴰⴹⵏ ⵥⵍⵉⵏⵉⵏ ⵙ ⵓⴼⵙⵔ ⵏ ⵜⴰⵏⴰⴹⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ
ⵓⴼⴳⴰⵏ ⵅⴼ "ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ", ⵉⵙⵡⵓⵜⵜⵙⵏ ⴰⵙⴼⵔⴽ ⵙ ⵉⵏⵏⴳⵣⵉⵜⵏ ⴷ ⵉⵏⵎⵔⴰⵏ ⵏ ⵓⵙⵉⴷⴼ ⵙ ⵓⵣⵔⴼ ⴳ
ⵜⴷⵓⵙⵉ ⴷ ⵜⵙⵓⵎⵔⵜ ⵏ ⵉⵙⴰⴷⴰⴼⵏ ⵏ ⵓⵣⵔⴰⵢ ⵏⵏⵙⵏ, ⵓⵔ ⴷ ⵅⵙ ⵙⴳ ⵉⴹⵕⵉⵚⵏ ⵓⵍⴳⵉⵏⵏ ⵉⵜⵜⵏⴼⵔⵓⵏ ⴰⵣⵔⴼ ⴳ ⵜⴷⵓⵙⵉ, ⵎⴰⵛ
ⴰⵡⴷ ⵙ ⵓⵔⵣⵣⵓ ⵅⴼ ⵉⵣⴰⴽⴰⵏ ⵣⴷⵉⵏⵉⵏ ⵙ ⵉⴼⵔⴷⵉⵙⵏ ⵏⵜⵍⵏⵉⵏ ⵉ ⵓⵣⵔⴼ ⴳ ⵜⴷⵓⵙⵉ, ⵙⵍⴰⵡⴰⵏ ⴰⴽⴽⵯ ⵉⵣⴰⴽⴰⵏ ⵉⴷⵎⵙⴰⵏⵏ ⴷ
ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵉⵡⵏⴹⴰⵏⵏ.
ⵉⵙⵡⵓⵜⵜⵙ ⴰⵡⴷ ⵓⵏⵎⵓⵇⵇⴰⵔ, ⵏⵏⵉ ⵔⴰⴷ ⵢⵉⵙⴰⵏ ⵜⴰⴷⵔⴰⵡⵜ ⵏ ⴽⵔⴰ ⵏ ⵉⵎⵓⵣⴰⵢⵏ ⴷ ⵉⵎⵙⵜⴳⴳⴰⵔⵏ ⴳ ⵜⵣⵓⵏⵉ ⵜⴰⴷⵓⵙⴰⵏⵜ
ⵙⴳ ⵉⵎⵙⴳⵏⴰⴼⵏ ⴷ ⵉⵏⵙⵎⴰⴳⴰⵍⵏ ⴷ ⵉⵏⵖⵎⴰⵙⵏ ⴷ ⵉⵎⵙⵜⵉⵢⵏ ⴷ ⵉⵣⵔⴼⴰⵏⵏ ⴷ ⵉⵏⵎⴰⵍⵍⴰⵏⵏ ⴷ ⵉⵎⴳⴳⴰⵢⵏ ⵏ ⵡⴰⵎⵓⵏ ⵓⵖⵔⵉⵎ,
ⵜⴰⵖⵓⵔⵉ ⵏ ⵜⴱⵔⵉⴷⵉⵏ ⵏ ⵓⵣⵣⵓⴳⵣ ⵏ ⵉⵙⵖⵍⴰⴼ ⵏ ⵜⴰⵏⴰⴹⵜ ⴰⴷ ⴳ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ
ⵙ ⵓⵙⵡⵓⴷⴷⵓ ⵏ ⵉⵙⵓⴳⴰⵎ ⵉⵏⴼⴳⴰⵏⵏ ⴳ ⵜⵣⵓⵏⵉ ⵏ ⵜⴷⵓⵙⵉ ⴳ ⵜⵎⵏⴰⴹⵜ.
ⵉ ⵓⵙⴽⵜⵉ, ⵜⴰⵏⴰⴹⵜ ⵜⴰⵙⴳⵓⵎⴰⵏⵜ ⵏⵏⴰ ⵉⵙⵎⵏⵉⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ , ⴰⵙⵙ ⵏ ⵓⵙⵉⵎⵡⴰⵙ 22 ⵉⴱⵔⵉⵔ
2022, ⵅⴼ ⵜⵎⵢⴰⴳⴰⵏⵜ ⵏ ⵓⵣⵔⴼ ⴳ ⵜⴷⵓⵙⵉ" ⵙ ⵜⵙⵖⵣⵏⵜ ⵏ ⵜⵎⵢⴰⴷⴰⵙⵜ ⵉⴱⴷⴷⵏ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴳⴳⴷ ⵏ
ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵙⵎⵏⵉⴷ ⵓⴳⴳⴰⵔ ⵏ 100 ⵏ ⵉⵙⵖⵍⴰⴼ ⵉ ⵓⵙⴷⵓⵙ ⵏ ⵜⵎⵢⴰⴳⴰⵏⵜ ⵏⵓⵙⵉⴷⴼ ⵙ ⵓⵣⵔⴼ ⴳ ⵜⴷⵓⵙⵉ,
ⵎⵎⴱⴹⴰⵏ ⵉⵏⴳⵔ ⵉⵙⵖⵍⴰⴼ ⵓⵣⵔⵉⴼⵏ, ⵉⵙⵖⵍⴰⴼ ⵣⴷⵉⵏⵉⵏ ⵙ ⵜⵉⵏⵏⵓⴱⴹⴰ ⴳ ⵜⵣⵓⵏⵉ ⵏ ⵜⴷⵓⵙⵉ, ⵉⵙⵖⵍⴰⴼ ⵣⴷⵉⵏⵉⵏ ⵙ
ⵓⵙⴷⵓⵙ ⵏ ⵜⵎⵢⴰⴷⴰⵙⵜ ⵏ ⵡⴰⵔⴰⵢ, ⴷ ⵓⴳⴳⴰⵔ.
