ⴷⵔⴰ ⵜⴰⴼⵉⵍⴰⵍⵜ : ⵜⵉⵏⴰⵡⵜ ⵅⴼ "ⵜⵎⵙⵏⵜⴰⵢⵜ ⵜⴰⵏⵎⴰⵍⵍⴰⵢⵜ ⴳ ⵜⵎⵏⴰⴹⵜ ⵏ ⴷⵔⴰⵜⴰⴼⵉⵍⴰⵍⵜ ⴳ ⵓⵙⵙⵉⴷⴷ ⵏ ⵡⴰⵏⴰⵡ ⴰⵏⴳⵎⵓ ⴰⵎⴰⵢⵏⵓ ⴷ ⵜⵎⵢⴰⴳⴰⵏⵜ ⵏ ⵓⵣⵔⴼ" ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ, ⵙ ⵓⵣⴷⴰⵢ ⴰⴽⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵎⴰⵍⵍⴰⵢⵜ ⴳ ⵜⵙⴳⴰ ⵏ ⵡⴰⵔⵣⴰⵣⴰⵜ, ⵢⴰⵜ ⵜⵉⵏⴰⵡⵜ ⵅⴼ ⵉⵎⵔⵙⵉ: "ⵜⴰⵎⵙⵙⵏⵜⵉⵜ ⵜⴰⵏⵎⴰⵍⵍⴰⵢⵜ ⴳ ⵜⵎⵏⴰⴹⵜ ⵏ ⴷⵔⴰ-ⵜⴰⴼⵉⵍⴰⵍⵜ ⴳ ⵓⵙⵙⵉⴷⴷ ⵏ ⵡⴰⵏⴰⵡ ⴰⵏⴳⵎⵓ ⴰⵎⴰⵢⵏⵓ ⴷ ⵜⵎⵢⴰⴳⴰⵏⵜ ⵏ ⵓⵣⵔⴼ", ⴰⵙⵙ ⵏ ⵓⴽⵡⴰⵙ17 ⵏⵓⵡⴰⵏⴱⵉⵔ 2022 ⵙⴳ ⵜⵙⵔⴰⴳⵜ ⵜⵉⵙ ⵜⵥⴰ ⴷ ⵓⵣⴳⵏ ⵏ ⵜⵉⴼⴰⵡⵜ ⴳ ⵡⴰⵎⵎⴰⵙ ⵃⵎⵎⴰⵏ ⵍⴼⵟⵡⴰⴽⵉ ⵏ ⵉⵙⵎⵓⵜⵜⴳⵏ ⴷ ⵉⵏⵎⵓⵇⵇⴰⵔⵏ ⴳ ⵡⴰⵔⵣⴰⵣⴰⵜ. ⵢⴰⵎⵓ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⵣⵣⵓⴳⵣ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ ⴳ ⵓⵙⴳⴳⵯⴰⵙ ⵏ 2022, ⴰⴼⴰⴷ ⴰⴷ ⵜⵙⵡⵓⵔⵉ ⵅⴼ ⵓⵕⵥⵥⵓⵎ ⵏ ⵓⵎⴹⴰⴽⴰⵕ ⴰⵎⴳⵓⵔⴰⵏ ⴷ ⵓⵏⵊⵎⵓ ⵉ ⵉⴱⴷⴷⵉ ⵅⴼ ⵜⵉⵍⴰⵡⵜ ⵏ ⵜⵎⵙⵙⵏⵜⵉⵜ ⵜⴰⵏⵎⴰⵍⵍⴰⵢⵜ ⴳ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ ⴷ ⵉⵎⵓⴽⵔⵉⵙⵏ ⵉⵎⵇⵇⵔⴰⵏⵏ ⵏⵏⴰ ⵉⵜⵜⵎⵏⴰⵍⴰⵏ ⵉⵍⵉⵢ ⵏⵏⵙ, ⴷ ⵓⵙⵙⵉⴷⴷ ⵅⴼ ⵉⵙⵡⴰⵍⴰⵜⵏ ⵉⵙⵜⵔⴰⵜⵉⵊⵉⵢⵏ ⵏⵏⴰ ⵜⵙⵙⵓⵏⵖ ⵜⴰⵏⴰⴹⵜ ⵜⴰⵎⴰⵜⴰⵢⵜ ⵏ ⵡⴰⵏⴰⵡ ⴰⵏⴳⵎⵓ ⴰⵎⴰⵢⵏⵓ ⵣⴷⵉⵏⵉⵏ ⵙ ⵜⵎⵙⵙⵏⵜⵉⵜ ⵜⴰⵏⵎⴰⵍⵍⴰⵢⵜ. ⵎⴽⴷⴰ ⵜⵙⵡⵓⵜⵜⵙ ⵜⵉⵏⴰⵡⵜ ⴰⴷ ⵜⴰⵙⵉⵍⴰⵡⵜ ⵏ ⵜⵙⵓⵎⴰⵔ ⵉ ⵓⵙⵡⴰⵍⴰ ⴷ ⵓⵜⵓⵢ ⵏ ⵓⵙⴷⴷⵉ ⵏ ⵓⵙⵎⵓⵜⵜⴳ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⵏⵎⵏⴰⴹⵏ ⵣⴷⵉⵏⵉⵏ ⵙ ⵜⴰⵎⵙⵙⵏⵜⵉⵜ ⵜⴰⵏⵎⴰⵍⵍⴰⵢⵜ. ⵔⴰⴷ ⵎⴹⴰⴽⴰⵕⵏ ⵉⵎⴷⵔⴰⵡⵏ ⵏ ⵜⵉⵏⴰⵡⵜ ⴰⴷ ⵉⵎⵔⵙⵉ ⵙⴳ ⴽⵉⴳⴰⵏ ⵏ ⵉⵙⴳⵓⵎⵏ, ⵙⵍⴰⵡⴰⵏ ⴰⴽⴽⵯ: "ⵜⵉⵣⵎⵎⴰⵔ ⵜⵉⵏⵎⴰⵍⵍⴰⵢⵉⵏ ⴳ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ, ⵡⴰⵔⵣⴰⵣⴰⵜ ⵙ ⵓⵎⴷⵢⴰ"; "ⵜⵉⵍⴰⵡⵜ ⴷ ⵉⵎⵏⵉⴷⵏ ⵏ ⵓⵙⵡⵓⵔⵉ ⵏ ⵉⵏⴰⴼⵓⵖⵏ ⵏ ⵉⵙⵉⵏⴰⴳⵏ ⵏ ⵓⵙⵎⵓⵜⵜⴳ ⴳ ⵢⵉⴳⵔ ⵏ ⵜⵎⴰⵍⵍⴰⵢⵜ ⴷ ⵜⵙⵏⵙⵓⵜ ⴳ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ"; "ⵜⵉⵍⴰⵡⵜ ⴷ ⵉⵎⵏⵉⴷⵏ ⵏ ⵜⴰⵎⵙⵙⵏⵜⵉⵜ ⵜⴰⵏⵎⴰⵍⵍⴰⵢⵜ ⴳ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ"; "ⵎⴰⵏ ⵜⵉⵍⴰⵍⵜ ⵉ ⵓⵙⵇⵇⵉⵎ ⵏ ⵜⵎⵏⴰⴹⵜ ⵏ ⴷⵔⴰ ⵜⴰⴼⵉⵍⴰⵍⵜ ⴳ ⵜⵏⴽⵔⴰ ⵙ ⵜⴰⵎⵙⵙⵏⵜⵉⵜ ⵜⴰⵏⵎⴰⵍⵍⴰⵢⵜ ⴷ ⵜⵎⵢⴰⴳⴰⵏⵜ ⵏ ⵓⵣⵔⴼ", ⴷ ⵓⴳⴳⴰⵔ. ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵔⴰⴷ ⵜⵉⵙⴰⵏ ⵜⵉⵏⴰⵡⵜ ⴰⴷ ⵜⴰⴷⵔⴰⵡⵜ ⵏ ⵓⴳⴳⴰⵔ ⵏ ⵙⵎⵎⵓⵎⵔⴰⵡ ⵏ ⵜⵎⴷⵔⴰⵡⵉⵏ ⴷ ⵉⵎⴷⵔⴰⵡⵏ, ⵙⴳ ⵜⵣⵓⵏⴰ ⵜⵓⵏⴱⵉⴹⵉⵏ ⴷ ⵜⴰⵔⵓⵏⴱⵉⴹⵉⵏ, ⴷ ⵉⵎⴳⴳⴰⵢⵏ ⵓⵖⵔⵉⵎⵏ ⴷ ⵉⵣⵔⴼⴰⵏⵏ ⴷ ⵉⵏⵎⴰⵍⵍⵓⵜⵏ ⴷ ⵉⵎⵙⵙⵏⵜⴰⵢⵏ ⴷ ⵉⵎⵓⵣⴰⵢⵏ ⴷ ⵉⵙⵍⵎⴰⴷⵏ ⴷ ⵉⵎⵃⴹⴰⵕⵏ ⴷ ⵉⵏⵖⵎⴰⵙⵏ.