ⵜⴰⵙⵎⵓⵏⵉ ⵜⵓⵏⵣⵉⵍⵜ ⵜⵉⵙ ⵚⴹⵉⵚⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵍⵄⵢⵓⵏ-ⵙⵙⴰⵇⵢⴰ-ⵍⵃⵎⵔⴰ ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵍⵄⵢⵓⵏ-ⵙⵙⴰⵇⵢⴰ-ⵍⵃⵎⵔⴰ ⵜⴰⵙⵎⵓⵏⵉ ⵏⵏⵙ ⵜⵓⵏⵣⵉⵍⵜ ⵜⵉⵙ ⵚⴹⵉⵚⵜ ⵙ ⵓⵎⵙⴰⵙⴰ ⴰⴽⴷ ⵉⵙⴱⴷⴰⴷⵏ ⵏ ⵓⵙⵍⴳⵏ ⵉⵙⵏⵎⴰⵍⴰⵏ ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵙ ⵓⵎⵙⴰⵙⴰ ⴰⴽⴷ ⵜⵎⵜⵜⴰ ⵜⵉⵙ 36 ⵏ ⵓⵏⴰⴳⵔⴰⵡ ⵏⵏⵙ ⴰⴳⵯⵏⵙⴰⵏ, ⴰⵙⵙ ⵏ ⵓⵚⵉⴹⵢⴰⵙ 24 ⴷⵓⵊⴰⵏⴱⵉⵔ 2022 ⵙⴳ ⵜⵙⵔⴰⴳⵜ ⵜⵉⵙ ⵜⵥⴰ ⴷ ⵓⵣⴳⵏ ⵏ ⵜⵉⴼⴰⵡⵜ (09.30) ⴳ ⵜⴷⴰⵍⴰ ⵏ ⵜⴳⵔⴰⵡⵜ ⵍⵎⵕⵚⴰ. ⵢⴰⵎⵓ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵜⵙⵎⵓⵏⵉ ⴰⴷ ⵓⵙⵎⵏⵉⴷ ⵏ ⵜⴰⵏⴰⴹⵉⵏ ⵥⵍⵉⵏⵉⵏ ⵙ ⵜⵡⵓⵔⵉ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⵙ ⴽⵕⴰⴹⵜ (ⵜⴰⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵇⵇⵉⵎⵜ ⵉⵜⵜⵓⵙⵎⴰⴳⵍⵏ ⵙ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵇⵇⵉⵎⵜ ⵜⴰⵎⵖⵍⴰⵍⵜ ⵉⵜⵜⵓⵙⵎⴰⴳⵍⵏ ⵙ ⵓⴹⴼⴼⵓⵕ ⴷ ⵓⵙⵙⵓⵜⴳ ⵏ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⵏⵎⵏⴰⴹⵏ), ⴷ ⵓⵍⴰ ⴰⵙⵎⵏⵉⴷ ⵏ ⵜⴰⵏⴰⴹⵜ ⵜⴰⵙⴳⵯⵙⴰⵏⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⴳ ⵓⵙⴳⴳⵯⴰⵙ ⵏ 2022. ⵉ ⵓⵙⵙⴽⵜⵉ, ⵜⵜⵓⵙⵔⵓⵙⵏ ⵉⵏⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵍⵄⵢⵓⵏ-ⵙⵙⴰⵇⵢⴰ-ⵍⵃⵎⵔⴰ ⴳ ⵓⵙⴰⴽⵓⴷ ⵏ 8 ⵛⵓⵜⴰⵏⴱⵉⵔ 2020, ⵙ ⵓⵎⵙⴰⵙⴰ ⴰⴽⴷ ⵜⵎⵜⵜⴰ 44 ⵏ ⵓⵙⵍⴳⵏ 76.15 ⵣⴷⵉⵏⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉ ⵜⵡⵉⵙⵉ ⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵃⵎⴰ ⴰⴷ ⵉⵙⴽⵔ ⵜⵉⵡⵓⵔⵉⵡⵉⵏ ⵏⵏⵙ ⴳ ⵡⴰⵎⵓⵔ ⵏ ⴽⵓ ⵜⴰⵎⵏⴰⴹⵜ. ⵜⴻⵜⵜⵡⴰⵙⵏⴰⵢ ⵜⵙⵇⵇⵉⵎⵜ, ⵏⵏⵉ ⵉⵙⵡⵓⵔⵉⵏ ⴳ ⵜⵙⴳⴳⵯⵉⵏ ⵏ ⵍⵄⵢⵓⵏ, ⵟⵕⴼⴰⵢⴰ, ⴱⵓⵊⴷⵓⵔ ⴷ ⵙⵙⵎⴰⵔⴰ, ⵙⴳ 21 ⵏ ⵉⴳⵎⴰⵎⵏ ⵙⵙⵓⵎⵔⵏⵜⵏ ⵉⵏⴳⵎⴰⵎⵏ ⵉⵏⵎⵏⴰⴹⵏ ⵏ ⵉⵏⴱⴹⴰⵡⵏ ⴷ ⵓⵙⵇⵇⵉⵎ ⴰⵎⴰⵙⵙⴰⵏ ⴰⵏⴰⴼⵍⵍⴰ ⴷ ⵉⵎⵙⴳⵏⴰⴼⵏ ⴷ ⵉⵏⵖⵎⴰⵙⵏ ⵉⵣⵣⵓⵍⴰⵏⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴷ ⵓⵍⴰ ⵉⵎⴳⴳⴰⵢⵏ ⴳ ⵢⵉⴳⵔⴰⵏ ⵏ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵉⵔⵙⵏ.