ⴳ ⵓⴹⴼⴼⵓⵕ ⵏ ⵉⵏⵉⴷⵉ ⵏ ⵉⵡⵜⵜⴰ ⵏ ⵡⴰⵎⴰⵏ ⵉⵏⵎⵏⴰⴹⵏ ⵏ ⵙⵙⵄⵉⴷⵉⵢⴰ, ⵏⵏⵉ ⴳ ⵙⵙⵎⵔⵙⵏⵔ ⵜⴳⴳⴰⵍⵉⵏ ⵏ ⵉⵏⵎⴰⵜⴰⵔⵏ ⵏ ⵜⵖⴰⵔⵉⵏ ⵜⵉⵊⴰⵣⴰⵢⵔⵉⵢⵉⵏ ⴰⵇⵕⵟⴰⵚ ⵏ ⵜⵉⴷⵜ, ⵜⴰⴷⴳⴳⵯⴰⵜ ⵏ ⵡⴰⵙⵙ ⵏ ⵓⵙⵉⵏⴰⵙ 29 ⵖⵓⵛⵜ 2023, ⵏⵏⵉ ⴷ ⵉⴼⵍⵏ ⵜⴰⵎⵜⵜⴰⵏⵜ ⵏ ⵙⵉⵏ ⵉⵄⵔⵔⵉⵎⵏ ⵉⵎⵖⵔⵉⴱⵉⵢⵏ ⴷ ⵡⴰⵟⵟⴰⵚ ⵏ ⵓⵣⵔⴼ ⵏⵏⵙⵏ ⴳ ⵜⵓⴷⵔⵜ, ⵜⴰⴼⴳⴳⴰ ⵏ ⵢⴰⵏ ⴳⵉⵙⵏ ⵜⵍⵍⴰ ⵏⵏ ⵙⵓⵍ ⵖ ⵍⵊⴰⵣⴰⵢⵔ, ⴷ ⵉⴳⵓⵍⵓ ⵉⵎⵉⵣⵉ ⵏ ⵓⴼⵔⴰ ⴰⴽⵎⴰⵎ ⵉ ⵢⴰⵏ ⵓⵄⵔⵔⵉⵎ ⵡⵉⵙ ⴽⵕⴰⴹ, ⵉⵙⵓⵍ ⵏⵉⵜ ⵖ ⵜⵎⵚⵕⵉⵜ ⵏ ⵓⵙⴷⵓⵢ ⴳ ⵡⵊⴷⴰ, ⴷ ⵢⵉⵎⵉⵥ ⵏ ⵢⴰⵏ ⵓⵄⵔⵔⵉⵎ ⴰⵎⵖⵔⵉⴱⵉ, ⵉⵜⵜⵡⴰⵖⵜⴰⵙ ⵓⵏⴽⴰⴹ ⵏⵏⵙ ⵙ ⵜⴰⵎ ⴷ ⵎⵔⴰⵡ ⵏ ⵡⴰⵢⵢⵓⵔⵏ, ⵉⴳⴰ ⵢⴰⵏ ⵓⴽⴰⴱⴰⵕ ⴳ ⵢⴰⵎⵓ ⵎⴰⵙⵙ ⵎⵓⵃⴰⵎⵎⴰⴷ ⵍⵄⵎⴰⵔⵜⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵓⴳⵎⵎⵓⴹ ⴷ ⵉⵜⵙⵏ ⵉⴳⵎⴰⵎⵏ ⵏⵏⵙ ⴷ ⵓⴳⴰⵍⵓⴼ ⵏⵏⵙ ⴰⵎⵙⵙⵓⴳⵓⵔ, ⵙ ⵓⵙⵎⴰⴳⵍ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵎⵓⵏⵓ ⵏ ⵓⵎⵍⴰⵏ ⴷ ⵓⵙⵙⴼⵍⴷ ⵙ ⵓⵏⵊⵉⵎ ⵄⴱⴷ ⵍⵄⴰⵍⵉ ⵎⴰⵛⵢⵓⵕ, ⵏⵏⵉ ⵎⵉ ⵜⵙⵓⵍ ⵜⴼⴳⴳⴰ ⵏⵏⵙ ⵖ ⵍⵊⴰⵣⴰⵢⵔ. ⵙ ⵡⴰⵏⵏⴰⵍ ⵅⴼ ⵎⴰ ⵉⵜⵜⵓⵙⵎⵓⵏⴰⵏ ⵏ ⵓⵎⵍⴰⵏ ⵉⵎⵣⵡⵓⵔⴰ ⴷ ⵉⵎⵣⴰⵔⴰⵢⵏ ⵉⵎⵙⵖⴰⵔⵓⵜⵏ, ⴰⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ: - ⴰⵔ ⵉⵏⴽⴰⴹ ⴰⵙⵎⵔⵙ ⵏ ⵜⴳⴳⴰⵍⵉⵏ ⵏ ⵜⵏⵎⴰⵜⴰⵔⵜ ⵏ ⵜⵖⴰⵔⵉⵏ ⵜⵉⵊⴰⵣⴰⵢⵔⵉⵢⵉⵏ ⵉ ⵡⴰⵍⴷⵓⵏ ⵏ ⵜⵉⴷⵜ ⴳ ⵡⴰⵎⴰⵏ ⵉⵏⵎⵏⴰⴹⵏ ⵏ ⵓⴳⵎⵎⵓⴹ ⴳ ⵢⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ, ⵎⴳⴰⵍ ⵉⵏⵎⵓⵔⴰⵏ ⵉⴷⴷⵔⵉⵡⵛⵏ, ⴳ ⵓⴷⵖⴰⵔ ⵏ ⵓⵙⵙⵏⵜⵉ ⵎⴽⴷⴰ ⵉⵜⵜⵡⴰⵙⵙⴰⵏ ⴳ ⵓⵎⴰⴹⴰⵍ, ⵙ ⵓⵙⵎⵏⵉⴷ ⵏ ⵓⵙⵙⵏⵊⵎ ⵏ ⵓⴳⴳⵉⴷⵏ ⵊⵍⴰⵏⵉⵏ ⴳ ⵡⴰⵎⴰⵏ ⵏ ⵢⵉⵍⵍ ⴷ ⵜⵡⵉⵙⵉ ⵏⵏⵙⵏ, ⴳ ⵢⴰⵜ ⵜⵕⵥⵉ ⵉⵀⵔⵛⵏ ⵏ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⴷ ⵓⵙⵍⴳⵏ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ; - ⴰⵔ ⵉⵙⴰⵇⵙⴰ ⵅⴼⵜⵎⵏⵜⵉⵍⵉⵏ ⵏ ⵓⵖⵓⵍ ⵏ ⵜⵏⴱⴰⴹⵉⵏ ⵜⵉⵢⵍⴰⵏⵉⵏ ⵙ ⵓⵙⵎⵔⵙ ⵏ ⵡⴰⵍⴷⵓⵏ ⴷ ⵓⵇⵕⵟⴰⵚ ⵏ ⵜⵉⴷⵜ ⵎⴳⴰⵍ ⵓⴳⴳⵉⴷⵏ ⵓⵔ ⴳⴰⵏⵉⵏ ⵉⵎⴰⵍⴰⴼⵏ, ⵓⵔⴳⵉⵏ ⴰⵡⴷ ⴽⵔⴰ ⵏ ⵉⵎⵉⵣⵉ ⵏⵉⵖ ⴰⵙⴷⵉⴷⴷⵉⵢ ⴰⴷⵖⵢⴰⵏ ⵅⴼ ⵜⵓⴷⵔⵜ ; - ⴰⵔ ⵉⵜⵜⵙⴷⴷⵉⴷ ⵎⴰⵙ ⵉⴳⴰ ⵎⴰⵢⴰ ⴷ ⵍⵍⵉ ⵉⵊⵕⴰⵏ ⵉ ⵓⵏⴳⵉⵙⵏ ⵜⵉⵕⵥⵉ ⵉⵀⵔⵛⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴼⴰⵜⵉⵜ ⵜⵓⵛⵛⵉⵍⵜ ⵙⴳ ⵓⵣⵔⴼ ⴳ ⵜⵓⴷⵔⵜ, ⵏⵜⵜⴰ ⴷ ⵓⵣⵔⴼ ⴰⵎⴰⴳⴷⴰⵣ, ⵉⵇⵇⴰⵏ ⴷ ⴰⴷ ⵉⵜⵜⵡⴰⴼⵔⴰⴳ ⵎⴽⴰⵏⵏ ⴰⴽⴽⵯ ⴳⴰⵏⵜ ⵜⵎⵙⵓⵜⴰⵍ ⴷ ⵜⵎⵏⵜⵉⵍⵉⵏ ⴷ ⵉⴼⵔⵓⵔⵉⵜⵏ ⴷ ⵉⵎⵊⵕⵉⵜⵏ, ⵙⵍⴰⵡⴰⵏⵏ ⴰⴽⴽⵯ ⵍⵍⵉⵖ ⵍⵍⴰⵏ ⵓⵏⴳⵉⵙⵏ ⴳ ⵜⵙⴳⴰ ⵏ ⵉⵡⵜⵜⴰ ⵓⵔ ⵉⴼⴰⵡⵏ, ⴳ ⵢⴰⵜ ⵜⵎⵏⴰⴹⵜ ⵜⴰⵢⵍⴰⵏⵜ ⵅⴼ ⵓⵔ ⵉⵍⵍⵉ ⵓⵎⵏⵣⴰⵖ ; - ⴰⵔ ⵉⵙⵙⴽⵜⴰⵢ ⵎⴰⵙ ⵉⴳⴰ ⵓⵙⵏⵊⵎ ⵏ ⵜⵓⴷⵔⵜ ⵏ ⵓⴼⴳⴰⵏ ⴳ ⵢⵉⵍⵍ ⵢⴰⵏ ⵓⵎⵏⵣⴰⵢ ⴰⴷⵙⵍⴰⵏ ⴳ ⵓⵙⵍⴳⵏ ⴰⴳⵔⴰⵖⵍⴰⵏ ⵓⵔ ⴷⴰ ⵉⵙⵙⵓⵔⴼ ⵙ ⵓⵙⴽⵔⴼ ⴷ ⵢⴰⵜⵜⵓⵢ ⵅⴼ ⵇⴰⵃ ⵜⵎⵏⵜⵉⵍⵉⵏ ⵢⴰⴹⵏⵉⵏ ; - ⴰⵔ ⵉⵜⵜⴰⵏⵏⴰⵢ ⵎⴰⵙ ⵉⴳⴰ ⵉⴳⵉ ⵏⵏⵉ ⵙⴽⵔⵏⵜ ⵜⴳⴳⴰⵍⵉⵏ ⵏ ⵏ ⵉⵏⵎⴰⵜⴰⵔⵏ ⵏ ⵜⵖⴰⵔⵉⵏ ⵜⵉⵊⴰⵣⴰⵢⵔⵉⵢⵉⵏ ⵜⵉⵕⵥⵉ ⵜⵉⵎⵉⵣⵉⵜ ⵏ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⵣⴷⵉⵏⵉⵏ ⵙ ⵓⴼⵔⴰⴳ ⵏ ⵜⵓⴷⵔⵜ ⵏ ⵓⴳⴳⵉⴷⵏ ⴷ ⵓⴼⵔⴰ ⵏⵏⵙ ⴳ ⵢⵉⵍⵍⵏ ⵍⵓⵎⵎⵏ ⵙⴳⵉⵙ, ⵉⵙⴱⴷⴰⴷⵏ ⵏ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⴼⵔⴰⴳ ⵏ ⵜⵓⴷⵔⵜ ⵜⴰⵏⴼⴳⴰⵏⵜ ⴳ ⵢⵉⵍⵍ ⵉⵜⵜⵓⵙⵖⵣⵏⵏ ⴳ 01 ⵏⵓⵡⴰⵏⴱⵉⵔ 1974 ⴷ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵏ ⵓⵔⵣⵣⵓ ⴷ ⵓⵙⵏⵊⵎ ⴳ ⵢⵉⵍⵍⵏ ⵉⵜⵜⵓⵙⵖⵣⵏⵏ ⴳ 27 ⵉⴱⵔⵉⵔ 1979 ⵎⴽⴷⴰ ⵙ ⵜⵜⵡⴰⵙⵏⴼⵍ ⴳ 2004 ⵍⵓⵎⵎⵏ ⵉⵎⴰⴳⵔⴰⴷⵏ 1 ⴷ 2 ⴷ 3 ⵙⴳ ⵓⵎⵙⴹⴼⵕ ⵏ ⵜⵎⵢⴰⵇⵇⴰⵏⵜ ⴰⴷ, ⴷ ⵜⵕⵥⵉ ⵏⵏⵙ ⴰⵙⴼⴼⵏⵥⴰⵢ ⵉ ⵜⵎⵜⵜⴰ 98 ⵏ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⵍⴳⵏ ⵏ ⵢⵉⵍⵍⵏ ⵉⵜⵜⵓⵙⵖⵣⵏⵏ ⴳ 10 ⴷⵓⵊⴰⵏⴱⵉⵔ 1982 ; - ⴰⵔ ⵉⵙⴽⵕⵕⴰⵥ ⵅⴼ ⵓⵣⵔⴼ ⵓⵍⴳⵉⵏ ⵏ ⵜⵡⵊⴰ ⵏ ⵉⴳⵍⵍⵉⵏ ⵄⴱⴷ ⵍⵄⴰⵍⵉ ⵎⴰⵛⵢⵓⵕ ⴳ ⵢⵉⵎⵉⵥ ⵏ ⵜⴼⴳⴳⴰ ⵏⵏⵙ, ⴰⴼⴰⴷ ⴰⴷ ⵜ ⵜⵙⵙⵉⵔⵖⵓⴷ ⵜⵎⴹⵍ ⵜ ⵙ ⵓⵎⵙⴰⵙⴰ ⴷ ⵜⵎⵢⵓⵔⵉⵏ ⵜⵉⵏⴰⵎⵓⵏⵉⵏ ⴷ ⵜⴷⵍⵙⴰⵏⵉⵏ ⴳ ⵍⵎⵖⵔⵉⴱ ; - ⴰⵔ ⵉⵜⵜⴱⵀⴰⴹ ⵙⴳ ⵓⵙⴷⴷⵔⴼ ⵏⵏⵉ ⵉⵙⵙⵏ “ⵓⵎⵚⵉⵕⵉⴹ” ⵏ ⵎⴰⵙⵙ ⵉⵙⵎⴰⵄⵉⵍ ⵚⵚⴰⵏⴰⴱⵉ, ⵏⵏⵉ ⵙ ⵉⵜⵜⵡⴰⵖⵜⴰⵙ ⴰⴷ ⵉⵜⵜⴰⵡⵏⴽⴰⴹ ⵙ ⵜⴰⵎ ⴷ ⵎⵔⴰⵡ ⵏ ⵡⴰⵢⵢⵓⵔⵏ, ⵉⵙⵙⴽⵕⵥ ⵅⴼ ⵜⵓⵍⴳⵉⵏⵜ ⵏ ⵉⵙⵓⵜⵔⵏ ⵏ ⵜⵡⵊⴰ ⵏⵏⵙ ⵉⵇⵇⴰⵔⵏ ⵙ ⵓⵕⵥⵥⵓⵎ ⵉ ⵉⵡⵉⵜⵙⵏ ⴷ ⵜⵓⴽⴽⵉ ⵏⵏⵙ ⵉ ⵜⵏⴱⴰⴹⵉⵏ ⵜⵉⵎⵖⵔⵉⴱⵉⵢⵉⵏ : - ⵔⴰⴷ ⵉⴹⴼⵓⵕ ⵓⵙⵇⵇⵉⵎ ⴰⵣⵔⴼ ⵏⵓⵏⵊⵉⵎ ⵎⴰⵙⵙ ⵎⵓⵃⴰⵎⵎⴰⴷ ⵇⴰⵢⵙⵉ ⴷ ⵜⵡⵊⵉⵡⵉⵏ ⵏ ⵓⵏⴳⵉⵙⵏ ⴳ ⵓⵙⵙⵓⵎⵓ ⴷ ⵡⴰⴷⴰⴼ ⵙ ⵜⵣⵔⴼⵜ ; - ⴰⵔ ⵉⵜⵜⵣⵎⵎⴰⵎ ⵜⴰⵖⵜⴰⵙⵜ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ, ⴰⵔ ⴰⵙ ⵉⵇⵇⴰⵔ ⵙ ⵓⵣⵓⵣⵣⵔ ⵏ ⵜⵢⴰⴼⵓⵜⵉⵏ ⵏ ⵉⵙⴰⴳⴳⵯⵏ ⵏⵏⵉ ⵔⴰⴷ ⵏⵏ ⵜⴰⵡⴹ. ⵉⵎⵛⵉ, ⵢⴰⵔⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵓⵎⵏⴰⴹ ⵏ ⵉⵏⵉⴷⵉ ⴰⴷ, ⵉ ⵜⵎⵔⵙⵍⵜ ⵜⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵊⴰⵣⴰⵢⵔ, ⴰⴼⴰⴷ ⴰⴷ ⵜⵉⵍⵉ ⵜⵡⵓⵔⵉ ⵅⴼ ⵓⵙⴼⵊⵊⵉⵊ ⵏ ⵎⴰⵙⵙ ⵙⵎⴰⵄⵉⵍ ⵚⵚⴰⵏⴰⴱⵉ ⵏⵏⵉ ⵉⵜⵜⵢⴰⵎⴰⵥⵏ ⴳ ⵍⵊⴰⵣⴰⵢⵔ ⵙ ⵇⴰⵃ ⵜⵏⴼⵔⵓⵜⵉⵏ ⵏ ⵓⵎⵚⵉⵕⵉⴹ ⵓⵖⴷⵉⵎ ⴰⴳⴷⵓⴷⴰⵏ ⴷ ⵓⵙⵓⵔⴼ ⵉ ⵉⵎⵏⵥⴰ ⵉⴳⵔⴰⵖⵍⴰⵏⵏ ⴰⴷ ⵏⵏ ⴳⵉⵙ ⵉⵍⵉⵏ, ⴷ ⵜⵏⴼⵔⵓⵜ ⵏ ⵓⴼⵔⴰ ⵏⵏⵙ ⴰⴽⵎⴰⵎ ⴷ ⵓⵏⵢⵉⵎⴰⵏ. ⵔⴰⴷ ⵉⵣⴷⵉ ⵓⵙⵇⵇⵉⵎ ⴰⴹⴼⴼⵓⵕ ⵖ ⵡⴰⴷⴰⵙ ⵉ ⵜⵣⵣⵉⴳⵣⵉⵏ ⵏ ⵉⵏⵉⴷⵉ ⴰⴷ ⴷ ⵓⵙⵎⵀⵍ ⵏ ⵉⵍⵓⴳⴰⵏⵏ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏⵏ ⴳ ⵇⴰⵃ ⵎⴰⴷ ⵙⵉⵔⵙ ⵉⵣⴷⵉⵏ, ⴰⴼⴰⴷ ⴰⴷ ⵜⴻⵜⵜⵓⵡⵇⵇⴰⵔ ⵜⵣⵔⴼⵜ ⴷ ⵉⵣⵔⴼⴰⵏ ⵉⴽⵙⵡⴰⵜⵏ ⵏ ⵓⵏⴳⵉⵙⵏ ⴷ ⵜⵡⵊⵉⵡⵉⵏ ⵏⵏⵙⵏ ⴳ ⵓⵙⵙⵓⵎⵓ. ⵉⴽⴽⴰ ⵓⴽⴰⴱⴰⵕ ⵏ ⵓⵙⵇⵇⵉⵎ ⵉⵙⵎⵏⵉⴷ ⵙ ⵡⴰⵙⵙⴰⵖ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴷ ⵓⵏⴼⵍⵓⵙ ⵏⵏⵙ ⴰⵎⴰⵜⴰⵢ ⴷ ⵇⴰⵃ ⵉⴳⵎⴰⵎⵏ ⵏⵏⵙ ⴷ ⵉⵙⵓⵜⴰⵢ ⵏⵏⵙ ⴰⵣⵓⵛⵛⵍ ⵏ ⵓⴼⵛⵛⴰⴷ ⴷ ⵓⵙⵃⵓⵥⵥⵕ ⵉⵣⴷⴷⵉⴳⵏ ⴷ ⵡⴰⵏⵏⴰⵍ ⵉ ⵜⵡⵊⵉⵡⵉⵏ ⵏ ⵉⵏⵉⴷⵉ ⴰⴷ ⵉⵜⵜⵉⵇⵉⵇⵏ.