ⴰⵔ ⵉⵜⵜⴱⵔⵔⴰⵃ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵙⵔⵓⵙ ⵏ "ⵜⴳⵔⵓⵎⵎⴰ ⵏ ⵜⵡⵓⵔⵉ ⵅⴼ ⵜⵙⵓⵎⵔⵜ ⵏ ⵓⵣⵣⵔⴰⵢ ⵅⴼ ⵓⵙⵍⴳⵏ ⵏ ⵜⵡⵊⴰ", ⵏⵏⵉ ⵉⵏⵏⵖⵍⴼⵏ ⵙ ⵓⴷⵉⵡⵍ ⴷ ⵓⵎⴹⴰⴽⴰⵕ ⴰⵏⵎⴰⴳⵓⵜ ⵉⵏⴳⵔ ⵜⵓⴳⵜ ⵏ ⵜⵙⵓⴳⴰⵔ ⵜⵉⵏⴰⵎⵓⵔⵉⵏ ⴳ ⵓⵎⵏⵉⴷ ⵏ ⵓⵙⵎⵓⵜⵜⴳ ⵏ ⵢⴰⵜ ⵜⵎⵙⵙⴽⵜⵉⵜ ⵉⵙⵉⵍⴰⵡⵏ ⵉⵥⵕⵉ ⴰⵖⵣⵓⵔⴰⵏ ⵉ ⵓⵙⴳⴳⴷ ⵏ ⵓⵙⵍⴳⵏ ⵏ ⵜⵡⵊⴰ ⴷ ⵓⴽⵓⵙ ⵏ ⵉⵍⵎⴰⴹⵏ ⵓⵍⴳⵉⵏⵏ ⵏⵏⵉ ⴳⵉⵙ ⵉⵍⵍⴰⵏ. ⵉⵙⵡⵓⵜⵜⵙ ⵓⵙⵇⵇⵉⵎ ⵙ ⵓⵙⵔⵓⵙ ⵏ "ⵜⴳⵔⵓⵎⵎⴰ ⵏ ⵜⵡⵓⵔⵉ ⵅⴼ ⵜⵙⵓⵎⵔⵜ ⵏ ⵓⵣⵣⵔⴰⵢ ⵉ ⵓⵙⵍⴳⵏ ⵏ ⵜⵡⵊⴰ", ⵏⵏⵉ ⵢⴰⵎⵓⵏ ⴳ ⵜⵙⵜⵕⴰⵜⵉⵊⵉⵜ ⵏⵏⵙ ⵉⴱⴷⴷⵏ ⵅⴼ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ, ⴰⵎⴹⴰⴽⴰⵕ ⵅⴼ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⵙ ⵉⵙⴱⴷⴰⴷⵏ ⵏ ⵓⵙⵍⴳⵏ ⵏ ⵜⵡⵊⴰ, ⵙ ⵜⵙⵖⵣⵏⵜ ⵏ ⵜⵎⵢⴰⴷⴰⵙⵜ ⵏ ⵜⵎⵙⴰⵔⵉⵏ ⵏ ⵜⵡⵊⴰ ⴷ ⵉⵣⵔⴼⴰⵏ ⵏ ⵜⵎⵖⴰⵔⵜ ⴷ ⵡⴰⵣⵣⴰⵏ ⴷ ⵓⵙⵎⵏⵉⴷ ⵏ ⵜⵙⵓⵎⵔⵉⵏ ⵉⵙⴷⵓⵙⵏ ⵜⴰⵎⵢⴰⴳⴰⵏⵜ ⵏ ⵉⵣⵔⴼⴰⵏ ⴳ ⵓⵙⵡⵉⵔ ⵏ ⵓⵙⵍⴳⵏ ⵏ ⵜⵡⵊⴰ ⴷ ⵉⵙⵍⴳⵏⵏ ⵣⴷⵉⵏⵉⵏ ⵙⵉⵔⵙ... ⵙ ⵎⴰⴷ ⵉⵜⵜⵏⴼⵔⵓⵏ ⵉⵙⴽⵉⵍ ⴷ ⵡⴰⵔ ⴰⵙⵏⵓⵃⵢⵓ. "ⵏⵜⵜⴰⵜ ⴷ ⵜⵣⵉⴳⵣⵜ ⵏ ⵜⵡⵓⵔⵉ ⵏⵏⵖ ⵅⴼ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵜⵡⵜⵎⵉⵏ ⴷ ⵜⵔⴱⴰⵜⵉⵏ, ⵙⴳ ⵓⵙⴳⴳⵯⴰⵙ ⵏ 2019 ⴰⴷ ⵏⵙⵏⵎⴰⵍⴰ ⵢⴰⵏ ⵓⵎⵣⵉⵣⵣⵍ ⴰⵏⴰⵎⵓⵔ ⵉ ⵜⵓⵙⵙⵔⴰ ⵏ ⵓⵙⴱⴷⴰⴷ ⵓⵍⴳⵉⵏ ⵏ ⵓⵙⵢⵉⵡⵍ ⵏ ⵜⴰⵣⵣⴰⵏⵉⵏ, ⵏⵙⵎⵏⵉⴷ ⴰⵎⵏⴰⴷ ⵏⵏⵖ ⵅⴼ ⵓⵙⵍⴳⵏ ⴷ ⵜⴱⵔⵉⴷⵜ ⵜⴰⵏⴱⴽⴰⴹⵜ ⴷ ⵜⴱⵔⵉⴷⵜ ⵜⵓⵖⵔⵉⵎⵜ ⵣⴷⵉⵏⵉⵏ ⵙ ⵉⵣⵔⴼⴰⵏ ⵏ ⵜⵡⵜⵎⵉⵏ ⴷ ⵜⵔⴱⴰⵜⵉⵏ, ⵏⵙⵎⵏⵉⴷ ⵉⴼⵔⴷⵉⵙⵏ ⵏ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⵙ ⵓⵙⵍⴳⵏ ⵏ ⵜⵡⵊⴰ ⴳ ⵜⵙⵎⵓⵏⵉ ⵏ ⵓⴳⵔⴰⵡ ⴰⵎⴰⵜⴰⵢ ⴳ ⴽⵟⵓⴱⵕ ⵉⵣⵔⵉⵏ. ⵏⵙⵖⵣⵏ ⴳ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵜⴳⵔⵓⵎⵎⴰ ⴰⴷ ⴽⵉⴳⴰⵏ ⵏ ⵉⵏⴰⵡⴰⵢⵏ, ⵙⴳⵉⵙⵏ ⵜⴰⴳⵜⵥⵍⴰⵢⵉⵏ, ⵜⴰⵡⵓⵔⵉ ⵖ ⵓⴱⴰⵔⴰⵣ, ⵜⴰⵙⵓⴳⵔⵜ ⴷ ⵜⵎⵔⵉⵙⵜ... ⵉⵙⵡⵓⵜⵜⵙ ⵙⵉⵔⵙ ⵓⵙⵇⵇⵉⵎ ⴰⴷ ⵉⵙⵎⵏⵉⴷ ⵜⵉⵙⵓⵎⵔⵉⵏ ⵏ ⵉⵙⵏⴼⵍⵏ ⵉⵜⵜⵏⴼⵔⵓⵏ ⴰⵡⵇⵇⵔ ⵏ ⵓⴱⵓⵔⵣ ⵏ ⵓⴼⴳⴰⵏ, ⴰⵡⵙⵏⵜ ⵜ ⴰⴷ ⵉⵙⵜⵉ ⵎⴰⴷ ⴷ ⵢⵓⵙⴰⵏ ⵉ ⵜⵓⴷⵔⵜ ⵏⵏⵙ ⴷ ⵜⵏⴼⵔⵓⵜ ⵏ ⵓⵚⴰⵃⴰ ⴰⵎⵓⴼⴰⵢ ⵉ ⵡⴰⵣⵣⴰⵏ". ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴱⴷⴷ ⵜⴱⵔⵉⴷⵜ ⵏ ⵜⵡⵓⵔⵉ ⵏ ⵜⴳⵔⵓⵎⵎⴰ ⵅⴼ ⵜⵎⵢⴰⴷⴰⵙⵜ ⵜⴰⵏⵊⵎⵓⵜ ⵉⴱⴷⴷⵏ ⵅⴼ ⵓⵎⵔⴰⵔⴰ ⵏ ⵉⵥⵕⵉ ⴷ ⵓⵙⴱⵓⵖⵍⵓ ⵏ ⵜⵡⵏⴳⵉⵎⵜ ⴷ ⵓⵎⴹⴰⴽⴰⵕ ⵅⴼ ⵉⵎⵏⵏⵉⵜⵏ ⵏ ⵓⵙⵍⴳⵏ ⴷ ⵜⴱⵔⵉⴷⵉⵏ ⵏ ⵓⵙⵎⵙⴰⵙⴰ ⵏⵏⵙ ⴰⴽⴷ ⵉⵙⴱⴷⴰⴷⵏ ⵉⴳⵔⴰⵖⵍⴰⵏⵏ ⴷ ⵉⵙⴱⴷⴰⴷⵏ ⵉⵏⴰⵎⵓⵔⵏ ⵏⵏⵉ ⴷ ⵢⵓⵡⵉⵏ ⵅⴼ ⵉⵙⴽⵉⵍ ⵉⵏⴳⵔ ⵜⴰⴳⴳⴰⵢⵉⵏ. ⵉ ⵓⵙⴽⵜⵉ, "ⵜⴰⴳⵔⵓⵎⵎⴰ ⵏ ⵜⵡⵓⵔⵉ ⵅⴼ ⵜⵙⵓⵎⵔⵜ ⵏⵓⵣⵣⵔⴰⵢ ⵉ ⵓⵙⵍⴳⵏ ⵏ ⵜⵡⵊⴰ", ⵏⵏⵉ ⵎⵉ ⵜⵙⵙⵓⵜⵉⵢ ⵉ ⵓⵣⴷⴰⵢ ⵏ ⵜⵡⵓⵔⵉⵡⵉⵏ ⵏⵏⵙ ⵎⴰⵙⵙⴰ ⵎⴰⵍⵉⴽⴰ ⴱⵏ ⵕⵕⴰⴹⵉ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴻⵜⵜⵓⵙⵏⴰⵢ ⵙⴳ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ : ⵙⴰⵍⵎⴰ ⵟⵟⵓⴹ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵟⴰⵏⵊⴰ - ⵜⵉⵟⵡⴰⵏ - ⵍⵃⵓⵙⵉⵎⴰ, ⵣⴰⵀⵉⵔⴰ ⴼⵓⵏⵜⵉⵔ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⴰⵣⵀⴰ ⵊⴰⵙⵓⵙ, ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵣⵀⵓⵔ ⵍⵃⵓⵕⵕ ⵜⴰⵎⵣⴷⴰⵢⵜ ⵏ ⵉⵎⵉⵙ ⴰⵏⴰⵎⵓⵔ ⵉⵥⵍⵉⵏ ⵙ ⵓⴼⵔⴰⴳ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵍⴰⵟⵉⴼⴰ ⵊⵊⴱⴰⴱⴷⵉ, ⴰⴳⵎⴰⵎ ⵏ ⵓⵙⵉⵔⴰ ⴰⵎⵣⵣⴳⴰⵔ ⵏ ⵜⵎⵓⵏⵉ ⵏ ⵜⵡⵓⵔⵉ ⵜⴰⵡⵜⵎⴰⵏⵜ, ⵊⴰⵎⵉⵍⴰ ⴳⵔⵎⵓⵎⴰ, ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⴼⵉⴷⵉⵔⴰⵍⵉⵜ ⵏ ⵜⵣⵍⵖⴰ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ, ⴰⵎⵉⵏⴰ ⵍⵓⵟⴼⵉ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵜⵡⵜⵎⵉⵏ ⵏ ⵍⵎⵖⵔⵉⴱ; ⵄⴰⵟⵉⴼⴰ ⵜⵉⵎⵊⵔⴷⵉⵏ, ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵜⵡⵜⵎⵉⵏ ⵏ ⵍⵎⵖⵔⵉⴱ, ⵃⴰⵙⴰⵏ ⵕⵃⵃⵓ, ⴰⵙⵍⵎⴰⴷ ⴰⵎⵙⴷⴰⵡ, ⵎⵓⵃⵎⵎⴰⴷ ⵙⵙⴰⵙⵉ, ⴰⵙⵍⵎⴰⴷ ⴰⵎⵙⴷⴰⵡ.