ⵔⴰⴷ ⵉⵙⵎⵏⵉⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⴰⵏⴰⴹⵜ ⵏⵏⵙ ⵅⴼ ⵓⵙⵉⵡⴹ ⵅⴼ ⵜⴽⵕⴹⵉ ⴷ ⵓⵙⴱⴷⴷⵉ ⵏ ⵓⴼⴼⵔⵜⵍ ⵙⴳ ⵜⵎⵔⵔⵓⵜ, ⴰⵙⵙ ⵏ ⵓⵙⵉⵎⵡⴰⵙ 10 ⵎⴰⵕⵚ 2023, ⵙⴳ ⵜⵙⵔⴰⴳⵜ ⵜⵉⵙ ⵎⵔⴰⵡⵜ ⵏ ⵜⵉⴼⴰⵡⵜ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ. ⵜⵓⵡⵉ ⴷ ⵜⴰⵏⴰⴹⵜ ⴰⴷ ⵅⴼ ⵜⵎⵓⴽⵔⵉⵙⵉⵏ ⵜⵓⵍⴳⵉⵏⵉⵏ ⴷ ⵜⵓⵎⵀⵉⵍⵉⵏ ⵏⵏⵉ ⵉⵙⴱⵉⴹⵉⵕⵏ ⴰⴱⵔⵉⴷ ⵏ ⵓⵙⵉⵡⴹ ⵉ ⵜⵓⵏⵊⵉⵎⵉⵏ ⵙⴳ ⵜⴽⵕⴹⵉ, ⵎⵏⴰⵍⴰⵏⵜ ⴰⵍⴽⴰⵎ ⵏⵏⵙⵏⵜ ⵙ ⵓⵙⵙⵓⵎⵓ, ⴰⵔ ⵜⵜⴰⵡⵉⵏⵜ ⵙ ⵓⴼⴼⵔⵜⵍ ⵙⴳ ⵜⵎⵔⵔⵓⵜ.
ⵜⵙⵖⵣⵏ ⵜⴰⵏⴰⴹⵜ ⴳ ⵜⴱⵔⵉⴷⵜ ⵏ ⵜⵡⵓⵔⵉ ⵏⵏⵙ ⵢⴰⵏ ⵓⴳⵣⵣⵓⵎ ⵏ ⵉⴱⴹⵉⵢⵏ ⵉⵏⵣⵔⴰⴼⵏ, ⵉⵏⵥⵉ ⵏ ⵉⵎⵚⵉⵕⵉⴹⵏ, ⵉⵏⵎⵓⵇⵇⴰⵔⵏ ⴷ ⵉⵎⴹⴰⴽⴰⵕⵏ ⵜⵜⵓⵙⵏⵎⴰⵍⴰⵏⵉⵏ ⴳ ⵜⵎⵏⴰⴹⵉⵏ ⵙ ⵙⵏⴰⵜ ⴷ ⵎⵔⴰⵡⵜ ⴳ ⵓⵙⴰⵜⵉ ⵏ ⵓⵎⵣⵉⵣⵣⵍ "ⴰⴷ ⵓⵔ ⵏⴼⵉⵙⵙ ⵅⴼ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ", ⴷ ⵢⴰⵏ ⵓⴳⵣⵣⵓⵎ ⵏ ⵓⵎⴷⴰⵢ ⵏ ⵉⵙⵓⴳⴰⵎ ⵉⵏⵖⵎⴰⵙⵏ ⵉⵜⵜⵡⴰⴼⵙⴰⵔⵏ ⴷ ⵓⵙⴼⵙⵉ ⵏⵏⵙⵏ.
ⵔⴰⴷ ⵉⵜⵜⵡⴰⵙⵙⴰⵏ ⵓⵏⵎⵓⵇⵇⴰⵔ ⴰⴷ, ⵏⵏⵉ ⵔⴰⴷ ⵜⵙⵙⵉⵅⴼ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵎⴷⵔⴰⵡⵜ ⵏ ⵢⵉⴳⵔⴰⵏ ⵏⵜⴰⵢⵏⵉⵏ ⴷ ⵜⵎⵙⵎⵓⵏⵉⵏ ⵙⵡⵓⵔⵉⵏⵉⵏ ⴳ ⵢⵉⴳⵔ ⴰⴷ.
ⵉ ⵓⵙⴽⵜⵉ, ⵉⴽⴽⴰ ⵓⵙⵇⵇⵉⵎ ⵉⵕⵥⵎ ⴰⵎⵣⵉⵣⵣⵍ ⴰⵏⴰⵎⵓⵔ "ⴰⴷ ⵓⵔ ⵏⴼⵉⵙⵙ ⵅⴼ ⵜⴽⵕⴹⵉ ⵎⴳⴰⵍ ⵜⵡⵜⵎⵉⵏ ⴷ ⵜⵔⴱⴰⵜⵉⵏ" ⵏⵏⵉ ⵉⵍⵍⴰⵏ ⵙⴳ ⵏⵓⵡⴰⵏⴱⵉⵔ 2021 ⴰⵔ ⵏⵓⵡⴰⵏⴱⵉⵔ 2022, ⵏⵏⵉ ⵉⵙⵡⵓⵜⵜⵙⵏ ⴰⵙⵔⵇⴱ ⵏ ⵓⵙⵉⵡⴹ ⵓⴱⴽⴽⵉⴹ ⴰⴷ ⴷ ⵓⵙⴱⴷⴷⵉ ⵏ ⵓⴼⴼⵔⵜⵍ ⵏ ⵉⵎⵙⴽⵔⵏ ⵏⵏⵙ ⵙⴳ ⵜⵎⵔⵔⵓⵜ.
