ⵜⵙⵎⵏⵉⴷ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ, ⵙ ⵡⴰⵙⵙⴰⵖ ⵏ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⴰ ⵉⴳⴰⵏ ⵜⵉⵎⵔⵙⵍⵜ ⵜⴰⴷⵙⵜⴰⵔⵜ ⵉⵡⴰⵍⴰⵏ ⴰⵙⵔⵙ ⵏ ⵉⵥⵕⵉ ⵅⴼ ⵇⴰⵃ ⵜⵎⵙⴰⵔⵉⵏ ⵣⴷⵉⵏⵉⵏ ⵙ ⵓⵎⵣⴰⵖ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵏ ⴷ ⵓⴼⵔⴰⴳ ⵏⵏⵙⵏ, ⴰⵙⵙ ⵏ 7 ⴱⵕⴰⵢⵕ 2022, ⵜⵓⵜⵜⵔⴰ ⵏ ⵓⵙⵓⵔⴼ ⵉ ⵜⵔⴰⴱⴱⵓⵜ ⵏ ⵉⵏⵥⵉ ⵉⴹⴼⵕⵏ ⵉ ⵓⵙⵇⵇⵉⵎ ⴰⴷ ⵏⵏ ⵢⵉⵍⵉ ⴳ ⵜⵖⵉⵎⵉⵜ ⵜⴰⵏⴼⴼⴰⵔⵜ ⵉⵏⵎⴰⵍⴰⵏ ⴳ ⵓⵙⴰⵜⵉ ⵏ ⵓⵙⴷⴰⵡ ⴰⴷ, ⵏⵏⴰ ⵉⵜⵜⵡⴰⵙⵙⴰⵏ ⴳ ⵜⵏⵖⵎⴰⵙⵜ ⵙ ⵓⵙⴷⴰⵡ ⵏ "ⵜⵡⵙⵢⴰⵏⵜ ⵎⴳⴰⵍ ⵜⵏⵇⵇⴰⴹ", ⴹⴰⵕⴰⵜ ⵎⴰⴷ ⵉⵙⵙⵓⵜⵔ ⵓⵎⵣⴰⵖ ⵏ ⵜⴼⵓⵍⵜ ⵜⵓⵖⵔⵉⵎⵜ ⴳ ⵜⵖⵉⵎⵉⵜ ⵏ 31 ⵉⵏⵏⴰⵢⵔ 2022 ⵜⵉⵏⵏⵓⵜⵍⴰ ⵏ ⵜⵖⵉⵎⵉⵜ ⵏ ⵓⵎⵚⵉⵕⵉⴹ. ⵉⴼⵙⵔ ⵓⵏⵙⵙⵉⵅⴼⵜ ⵏ ⵜⵖⵉⵎⵉⵜ ⴳ ⵜⵙⵏⴱⴹⴰⵢⵜ ⵏ ⵙⵟⵟⴰⵜ ⵜⵓⵜⵜⵔⴰ ⵅⴼ ⵓⵎⵣⴰⵖ ⵏ ⵜⴼⵓⵍⵉⵏ ⵎⵎⵏⵣⵖⵏⵉⵏ ⴰⵙⵙ ⵏ 7 ⴱⵕⴰⵢⵕ 2022 ⴷⴰⵜ ⴰⵙⵙⵏⵜⵉ ⴳ ⵓⵎⵙⴳⴷⴰⵍ ⵏ ⵜⵙⵏⵙⵉ ⵏ ⵓⵎⴰⴳⵔⴰⴷ 302 ⵙⴳ ⵓⵙⵍⴳⵏ ⵏ ⵜⴱⵔⵉⴷⵜ ⵜⴰⵏⴱⴽⴰⴹⵜ ⴷ ⵜⵉⵏⵏⵓⵜⵍⴰ ⵏ ⵓⵎⵙⴳⴷⴰⵍ ⵏ ⵜⵎⵙⴰⵔⵜ. ⴳ ⵓⵣⵎⵣ ⵍⵍⵉ ⵖ ⵉⵙⴱⵔⵔⴽ ⵓⵎⵣⴰⵖ ⵏ ⵜⴼⵓⵍⵜ ⵜⵓⵖⵔⵉⵎⵜ ⵙ ⵜⵓⵜⵜⵔⴰ, ⵓⴳⵉⵏ ⴽⵔⴰ ⵏ ⵉⴳⵎⴰⵎⵏ ⵏ ⵓⵎⵣⴰⵖ ⵏ ⵉⵎⵔⴷⴰⵢⵏ, ⵙ ⵓⵙⵏⴰⵍ ⵅⴼ ⵓⵙⵍⴳⵏ ⵏⵏⴰ ⵓⵔ ⵢⴰⴽⴽⴰⵏ ⴰⵣⵔⴼ ⵉ ⵉⵎⵏⵥⴰ ⴰⴷ ⵉⵍⵉⵏ ⴳ ⵜⵖⵉⵎⵉⵜⵉⵏ ⵜⵓⴼⴼⵉⵔⵉⵏ. ⵉⵖ ⴷⴰ ⵉⵙⴱⵔⵔⴰⴽ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵓⵎⵔⴰⵔⴰ ⵏ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⴷ ⵓⵎⵣⴰⵖ ⵏ ⵜⴼⵓⵍⵜ ⵜⵓⵖⵔⵉⵎⵜ ⴰⴽⴷ ⵜⵓⵜⵜⵔⴰ ⵏⵏⵙ, ⴰⵔ ⵉⵜⵜⴰⵏⵏⴰⵢ ⵎⴰⵙ ⵜⵙⵙⵓⴽⵉ ⵢⴰⵜ ⵜⴼⵓⵍⵜ ⵏ ⵓⵎⵣⴰⵖ ⵓⵖⵔⵉⵎ ⵜⴰⵎⵍⴷⴰ ⵏ ⵓⵙⵎⵀⵍ ⵏ ⵜⵎⴰⴳⵍⴰⵢⵜ ⵏ ⵜⵙⵏⴱⴹⴰⵢⵜ ⴳ ⵡⴰⴷⴷⴰⴷⵏ ⵉⵎⵉⵡⵉⵢⵏ, ⵎⴰⵢⴰ ⵏⵏ ⴰ ⵅⴼ ⵜⵓⴳⵉ ⵜⵙⵏⴱⴹⴰⵢⵜ ⵏ ⵙⵟⵟⴰⵜ ⵜⵓⵜⵜⵔⴰ ⵏ ⵜⵉⵍⵉⵜ ⴳ ⵜⵖⵉⵎⵉⵜ ⴰⴷ ⵜⵓⴼⴼⵉⵔⵜ ⴷ ⵉⵏⵥⵉ ⵏⵏⵙ ⵏⵏⴰ ⵜⵙⵎⵏⵉⴷ ⵜⵙⵇⵇⵉⵎⵜ ⵜⴰⵏⵎⵏⴰⴹⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵎⵏⴰⴹⵜ ⵏ ⵜⴳⵎⵎⵉ ⵜⵓⵎⵍⵉⵍⵜ-ⵙⵟⵟⴰⵜ.