ⵙ ⵓⴹⴼⴼⵓⵕ ⵏ ⵜⵙⵎⵉⵔⵉⵜ ⵜⴰⵎⴰⵡⵙⴰⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⴼⴼⵓⵖⵏ ⵜⴰⴷⴳⴳⵯⴰⵜ ⵏ ⵡⴰⵙⵙ ⵏ ⵓⵙⵉⵏⴰⵙ 8 ⴱⵕⴰⵢⵕ 2022, ⵅⴼ ⵓⵙⵙⵉⵡⴹ ⵏ ⵢⴰⵏ ⵓⵙⴷⴰⵡ ⵏ ⵓⵥⵍⵍⴻⵍ ⴰⵡⵙⵢⴰⵏ ⵉ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵙ ⵜⵓⵚⴽⴰ ⵅⴼ ⵜⵏⵓⵔⵣⵉⵏ ⵏ ⴽⴽⵓⵥⵜ ⵏ ⵜⵎⵙⵖⴰⵏⵉⵏ, ⴰⵖⵓⵍⵏ ⵉⵎⵊⵕⵉⵜⵏ ⵏⵏⵙ ⵙⴳ ⵓⵙⴳⴳⵯⴰⵙ ⵏ 2014, ⵉⵜⵜⵓⴳⴰ ⴼⵍⵍⴰⵙ ⵢⴰⵏ ⵓⵔⵣⵣⵓ ⴰⵎⵙⵙⵓⴳⵓⵔ ⴰⵙⴳⴳⵯⴰⵙ ⵏ 2020. ⵉⵣⴷⵉ ⵎⴰⵢⴰ ⵙ ⵢⴰⵏ ⵓⵎⵙⵜⴳⴳⴰⵔ ⴰⵎⵣⵡⴰⵔ ⴳ ⵜⵙⵎⵉⵔⵉⵜ ⵉⴷⴷⴰ ⴷ ⵙ ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ, ⴰⵙⴰⵜⵉ ⴳ ⵜⵏⴼⵍⵓⵙⵜ ⵏⵏⵙ ⵜⴰⵎⴰⵜⴰⵢⵜ, ⵙⴳ ⵢⵓⵍⵢⵓⵣ 2021, ⴰⵔ ⵉⵙⵎⵏⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵜⵓⵚⴽⴰ ⵅⴼ ⵜⵡⵓⵔⵉⵡⵉⵏ ⵏⵏⴰ ⴰⵙ ⵉⵜⵜⵡⴰⴼⴽⴰⵏ ⵙ ⵓⵎⵙⴰⵙⴰ ⴰⴽⴷ ⵓⵙⵍⴳⵏ ⵓⵟⵟⵓⵏ 76-15 ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⴷ ⵉⴼⴼⵓⵖⵏ ⴳ ⵓⵖⵎⵉⵙ ⴰⵎⴰⴷⴷⵓⴷ ⵓⵟⵟⵓⵏ 6856: - ⴷⴰ ⵉⵙⵙⴼⴰⵡ ⵎⴰⵙ ⴷ ⵉⴷⴷⴰ ⵓⵎⵙⵖⴰⵏ ⴰⴷ ⵙ ⵜⵎⵙⵙⵓⴳⵓⵔⵜ ⵏ ⵜⵎⵔⵙⵍⵜ ⵙ ⵓⵎⵙⴰⵙⴰ ⴷ ⵢⴰⵜ ⵜⴱⵔⵉⴷⵜ ⵉⵜⵜⵓⵣⵎⵎⴰⵎⵏ ⵏ ⵓⵎⵓⵜⵜⵉ ⴰⵎⵙⵙⵓⴳⵓⵔ, ⵙ ⵓⵎⵙⴰⵙⴰ ⴰⴽⴷ ⵉⴹⵕⵉⵚⵏ ⵓⵍⴳⵉⵏⵏ ⴷ ⵉⵎⵙⵙⵓⴷⵙⵏ ⵏⵏⴰ ⴷ ⴷⴰⵔ ⴰⵣⴷⴰⵢ (ⴰⴹⴰⵀⵉⵔ ⴰⵎⴰⵖⵓⴷ ⵓⵟⵟⵓⵏ 1.58.008 ⵏⵏⴰ ⵉⴳⴰⵏ ⴰⵏⴳⵔⴰⵡ ⴰⴷⵙⵍⴰⵏ ⴰⵎⴰⵜⴰⵢ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ, ⴷ ⵓⵎⵕⵚⵓⵎ ⵓⵟⵟⵓⵏ 2.13.422 ⵅⴼ ⵓⵙⵡⵓⵜⵜⵓ ⵏ ⵡⴰⵎⵎⴰⴽⵏ ⵏ ⵓⵣⵣⴳⵉⵔ ⵏ ⵓⵎⴰⴳⵔⴰⴷ 46 ⵉⵜⵜⵡⴰⵍⴰⵙⵏ ⵙⵏⴰⵜ ⵜⵡⴰⵍ ⴳ ⵓⴹⴰⵀⵉⵕ ⴰⵎⴰⵖⵓⴷ 1.58.008), ⴷ ⵎⴰⵙ ⴰⵙ ⵜⵙⵙⵡⵀⵏ ⵜⵎⵙⵙⵓⴳⵓⵔⵜ ⵏⵏⵙ ⵜⴰⵖⵥⵓⵕⴰⵏⵜ ⴰⵎⵓⵜⵜⵉ ⵙ ⵢⴰⵜ ⵜⴱⵔⵉⴷⵜ ⵉⵔⵅⴰⵏ, ⴷ ⵓⵔ ⴽⴽⵉⵏ ⵉⵎⵙⵜⴳⴳⴰⵔⵏ ⵏ ⵜⵙⵎⵉⵔⵉⵜ ⵜⴰⵎⴰⵡⵙⴰⵙⵜ ⴰⴽⵓⴷ ⴰⵏⵏ ⵙⴰⵡⵍⵏ ⵅⴼ ⵉⴳⵉⵜⵏ ⵏⵏⴰ ⵅⴼ ⵉⵜⵜⵡⴰⴹⴼⴰⵕ ⵓⵎⵙⵖⴰⵏ ⴷ ⵎⴰⵙ ⵓⵔ ⵉⴽⴽⵉ ⵉⴳⴰ ⴰⵙⴳⵓⵎ ⵏ ⴽⵔⴰ ⵏ ⵜⴱⵔⵉⴷⵜ ⵏ ⵔⵣⵣⵓ ⴰⵎⵙⵙⵓⴳⵓⵔ, ⵉⵖ ⵉⴳⴰ ⴳ ⵓⵣⵎⵣ ⵏ ⵉⴳⵉ ⵏ ⵜⴱⵔⵉⴷⵜ ⵏ ⵓⵙⵎⵣⴷⵉ ⵏⵏⵙ ⵡⴰⵍⴰ ⴹⴰⵕⴰⵜ ⵎⴰⴷ ⵉⵙⵙⵏⵜⵉ ⵜⴰⵡⵓⵔⵉ, ⴰⵍⵍⵉⵖ ⴷ ⵉⴼⴼⵓⵖ ⵓⵙⵉⵡⴹ ⵏ ⵡⴰⵙⵙ ⵏ 8 ⴱⵕⴰⵢⵕ 2022, ⵙⵓⵍ ⵢⵉⵍⵉ ⵢⴰⵏ ⵓⵙⵓⵜⴳ "ⴰⵎⵓⴼⴰⵢ" ⴳ ⵓⵙⴷⴰⵡ ⵏⵏⵙ ⴰⵎⵙⵙⵓⴳⵓⵔ ⵏⵏⴰ ⴰⵙ ⵙⴽⵔⵏ ⵉⵎⵙⵜⴳⴳⴰⵔⵏ ⵏⵏⵙ ⵓⵙⵔⵉⴷⵏ ⴳ ⵜⵙⵎⵉⵔⵉⵜ, ⴳ ⵎⴰⴷ ⵉⵥⵍⵉⵏ ⵙ ⵜⵔⴰⵔⵓⵜ ⴷ ⵜⵎⵙⴽⵔⵜ ⵜⴰⵣⵣⵓⵍⴰⵏⵜ, ⵉⴽⴽⴰ ⵢⵓⵎⵥ ⵜⵓⵔⴰⴳⵜ ⵏ ⵓⵙⵙⴳⵎⴹ ⴰⵍⵍⵉⵖ ⴷ ⵉⴼⴼⵓⵖ ⵙⴳ ⵜⵙⵎⵉⵔⵉⵜ; - ⴰⵔ ⵉⵜⵜⵙⴷⴷⵉⴷ ⵏⵉⵜ ⵅⴼ ⵓⵎⵏⵉⴷ ⵏ ⵓⵙⵇⵇⵉⵎ ⵅⴼ ⵡⴰⵜⵉⴳ ⵏ ⵡⴰⵏⵏⴰⵍ ⵏ ⵓⵙⵙⵉⵡⴹ ⴳ ⵡⴰⴷⴷⴰⴷⵏ ⵏ ⵓⵥⵍⵍⴻⵍ ⴰⵎⵙⵢⴰⵏ ⴷ ⵓⵙⵓⵖⵏ ⵏ ⵓⵎⵓⴳⴳⵓ ⴰⴽⴷ ⵜⵏⵓⵔⵣⵉⵏ ⵙ ⵜⵉⴷⵜ ⴷ ⵓⵙⵡⵀⵏ ⵏ ⵓⵙⵉⴷⴼ ⵏ ⵓⵏⴳⵉⵙⵏ ⵙ ⵉⵎⴰⵙⵙⵏ ⵏ ⵓⵙⵙⵓⵎⵓ ⴷ ⵜⵉⵥⵓⵥⵜ ⵅⴼ ⵡⴰⵔ ⵜⵔⵡⵍⴰ ⵙⴳ ⵜⵎⵔⵔⵓⵜ, ⴳ ⵎⴰⴷ ⵉⵥⵍⵉⵏ ⵙ ⵓⵥⵍⵍⴰⵍ ⵓⵍⴰ ⵡⴰⴷ ⵜ ⵉⵙⵙⵏⵜⵍⵏ, ⴰⵔ ⵉⵜⵜⵙⴷⴷⵉⴷ ⵅⴼ ⵡⴰⵜⵉⴳ ⵏ ⵓⵙⵎⵀⵍ ⵏ ⵉⵙⵡⵓⴷⴷⵓⵜⵏ ⵏ ⵓⴼⵔⴰⴳ ⵏ ⵓⵏⴳⵉⵙⵏ; - ⴰⵔ ⵉⵙⵙⵉⵡⵉⴹ ⵉ ⵓⵎⵏⴰⴷ ⴰⵎⴰⵜⴰⵢ ⵎⴰⵙ ⵓⵔ ⴷ ⵜⵍⴽⵉⵎ, ⴰⵔ ⵖⵉⵍⴰ, ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏⵜⵓⵏⵖⵉⵍⵜ ⵏ ⵜⵢⴰⴼⵓⵜⵉⵏ ⵏ ⵓⵔⵣⵣⵓ ⴰⵎⵙⵙⵓⴳⵓⵔ ⵅⴼ ⵓⵙⴰⴳⵯⵎ ⵏⵏⴰ ⵅⴼ ⵉⵙⴰⵡⵍ ⵓⵙⵉⵡⴹ ⴰⴼⴰⴷ ⴰⴷ ⵉⵜⵜⵓⴳⴰ ⴳ ⵓⵙⴷⴰⵡ ⵏⵏⵙ ⴰⵣⵣⵓⵍⴰⵏ ⵉⵙⵢⴰⴼⴰ ⵙ ⵜⵎⵉⵜⴰⵔ ⵜⵉⵎⵙⵙⵓⴳⵓⵔⵉⵏ ⴷ ⵢⵓⵙⴰⵏ, ⴷ ⵎⴰⵙ ⵉⵙⴷⴷⵉⴷ ⵓⵎⵙⵖⴰⵏ ⴰⴷ ⵢⴰⵎⵓ ⴳ ⴽⵔⴰⵢⴳⴰⵜ ⵓⵙⴰⴳⴳⵯ ⴰⵎⵙⵙⵓⴳⵓⵔ ⵓⵍⴰ ⴰⵏⵣⵔⴰⴼ; - ⴰⵔ ⵉⵜⵜⵍⴰⵖⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵎⴰⵙ ⵔⴰⴷ ⵜⴰⵙⵉ ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ ⵜⵉⵎⴳⴳⵉⵜⵉⵏ ⵉⵜⵜⵓⵙⵢⴰⴼⴰⵏ ⵙ ⵓⵎⵙⴰⵙⴰ ⴰⴽⴷ ⵉⵍⵓⴳⵏⵏ ⵓⵍⴳⵉⵏⵏ ⴷ ⵉⵎⵙⵙⵓⴷⵙⵏ ⵏⵏⴰ ⴷ ⴷⴰⵔ ⴰⵣⴷⴰⵢ.