ⵉⵙⴳⵎⴹ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴷⵔⴼⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵡⴰⵏⴽ ⵏ ⵍⵉⴱⵢⴰ, ⵜⴰⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵉⵙⵡⵓⵜⵜⵙⵏ ⴰⵙⴷⵓⵙ ⵏ ⵓⵎⵢⴰⵡⴰⵙ ⵉⵏⴳⵔ ⵜⴼⵓⵍⵉⵏ ⵙ ⵙⵏⴰⵜ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵙⵙ ⵏ ⵓⵙⵉⵎⵡⴰⵙ 25 ⴱⵕⴰⵢⵕ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ.
ⵜⵙⵡⵓⵜⵜⵙ ⵜⵎⵙⵙⴽⵜⵉⵜ ⴰⴷ ⵏⵏⴰ ⵜⵙⴳⵎⴹ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵎⴰⵙⵙ ⵄⵓⵎⴰⵕ ⵃⴰⵎⴷ ⵄⴰⵟⵉⵢⴰ ⴰⵍⵍⴰⵀ ⵍⵃⵉⵊⴰⵣⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴷⵔⴼⵉⵏ ⵜⵉⴳⴷⵓⴷⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵡⴰⵏⴽ ⵏ ⵍⵉⴱⵢⴰ, ⴰⵙⴷⵓⵙ ⴷ ⵓⵙⴱⵓⵖⵍⵓ ⵏ ⵜⵡⵓⵔⵉ ⵉⵛⵛⴰⵕⵏ ⴷ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵕ ⵉⵏⴳⵔ ⵜⴼⵓⵍⵉⵏ ⵙ ⵙⵏⴰⵜⵙ ⵎⴰⴷ ⵉⵙⴷⵓⵙⵏ ⴰⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⴽⵔⴰ ⵙⵔⵙⵏ ⴳ ⵜⵎⵉⵣⴰⵔ ⵙ ⵙⵏⴰⵜ.
ⵎⴽⴷⴰ ⵜⵙⵡⵓⵜⵜⵙ ⵜⵎⵙⵙⴽⵜⵉⵜ ⴰⴷ, ⵏⵏⴰ ⵉⵜⵜⵓⵙⴳⵎⴹⵏ ⴳ ⵓⵣⵎⵣ ⵏ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ ⵙⴰⵜ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵎⵔⴰⵔⴰ ⵏ ⵜⵉⵔⵎⵉⵜⵉⵏ ⴷ ⵓⵙⵡⵓⵔⵉ ⵅⴼ ⵢⵉⴳⵔⴰⵏ ⵏ ⵜⴰⵡⵉⵜ ⵉⵛⵛⴰⵔⵏ, ⴷ ⴰⵡⴷ ⴰⵙⵡⵓⵜⵜⵓ ⴷ ⵓⵣⵣⴳⵉⵔ ⵏ ⵜⵉⵍⴰⵍ ⵉⵛⵛⴰⵔⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵏ ⵜⵉⴳⴷⵓⴷⴰⵏⵉⵏ.
ⴳ ⵜⴳⵓⵔⵉ ⵏⵏⵙ ⴳ ⵜⴼⵓⴳⵍⴰ ⵏ ⵓⵙⴳⵎⴹ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ "ⵏⴻⵏⵏⵓⵔⵣ ⵓⵙⵇⵇⵉⵎ ⵙⴳ ⵜⵎⴷⵔⴰⵡⵜ ⴰⴷ, ⴰⴱⵟⵟⵓ ⵏ ⵜⵉⵔⵎⵉⵜ ⵏⵏⵖ ⵣⴷⵉⵏⵉⵏ ⵙ ⵓⵎⵓⵜⵜⵉ ⴷⵉⵎⵓⵇⵕⴰⵟⵉ ⴷ ⵓⵙⵡⵓⴷⴷⵓ ⵏ ⵓⵎⵣⵔⵓⵢ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵉⴷⴷⵖ ⵜⵣⵎⵔ ⵜⵎⵔⵙⵍⵜ ⵏⵏⵓⵏ ⴰⴷ ⵜⵓⵔⴰⵔ ⵜⵉⵍⴰⵍⵜ ⵜⴰⴽⵙⵡⴰⵜ ⴳ ⵓⵙⵔⵓⵙ ⵏ ⵡⴰⵏⵏⴰⵍⵏ ⵏ ⵓⵡⴰⵏⴽ ⵏ ⵜⵎⵔⵙⴰⵍ ⴳ ⵍⵉⴱⵢⴰ...".
ⵙⴳ ⵜⵙⴳⴰ ⵏⵏⵙ, ⵉⵙⴷⴷⵉⴷ ⵎⴰⵙⵙ ⵄⵓⵎⴰⵕ ⵃⴰⵎⴷ ⴰⵍⵍⴰⵀ ⵍⵃⵉⵊⴰⵣⵉ ⵎⴰⵙ "ⵜⴳⴰ ⵜⵉⵔⵎⵉⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵏⴰⵡ ⵜⵓⴼⵔⵉⴷⵜ ⵉⴷⴷⵖ ⴷⴰ ⵜⵣⵣⵉⴳⵉⵣ ⵙ ⵜⵙⵓⵔⵉⴼⵉⵏ ⵉⵕⵚⴰⵏ ⵅⴼ ⵓⵙⴷⵓⵙ ⵏ ⵓⴱⵔⵉⴷ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⵡⵉⵔ ⴰⵏⴰⵎⵓⵔ, ⴰⵢⵍⵍⵉ ⴰⵙ ⵉⴼⴽⴰⵏ ⵢⴰⵏ ⵓⵙⵡⵉⵔ ⴰⵎⵥⵍⵉⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵉⴳ ⵜⵜ ⴷ ⵓⵙⴳⵓⵎ ⵏ ⴽⵉⴳⴰⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ". ⵜⴻⵜⵜⵓⵙⴳⵎⴹ ⵜⵎⴷⵔⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⵔⵣⴰⴼ ⵏ ⵜⵡⵓⵔⵉ ⵏⵏⴰ ⵉⴳⴰ ⵓⴽⴰⴱⴰⵕ ⴰⵍⵉⴱⵉ ⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵙⴰⵜⵉ ⵏ ⵓⵎⵔⴰⵔⴰ ⵏ ⵜⵉⵔⵎⵉⵜⵉⵏ.
ⴳ ⵓⵙⴰⵜⵉ ⴰⴷ, ⵉⵜⵜⵓⴳⴰ ⵙ ⵓⵎⵛⴰⵛⴽⴰ, ⵓⵙⵔⵓⵙ ⵏ ⵓⵖⴰⵡⴰⵙ ⵉⵙⵎⵓⵏⵏ ⵉⵏⴳⵔ ⵓⵙⴰⵜⵉ ⴰⵎⵔⵙⴰⵍ ⴳ ⵍⵎⵖⵔⵉⴱ ⴷ ⵜⵉⵍⴰⵍⵜ ⵏ ⵓⵙⵇⵇⵉⵎ ⴳ ⵢⵉⴳⵔ ⵏ ⵓⴼⵔⴰⴳ, ⵍⵓⵎⴰⵕ ⵎⴰⴷ ⵉⵥⵍⵉⵏ ⵙ ⵉⴳⵉ ⵏ ⵉⵔⵣⴰⴼⵏ ⵏ ⵓⴱⴰⵔⴰⵣ ⵉ ⵡⴰⵎⵎⴰⵙⵏ ⵏ ⵓⵙⴳⴷⵍ ⵙⴳ ⵜⵍⴻⵍⵍⵉ ⴷ ⵓⵙⵎⴽⵍ ⵏ ⵜⵏⵓⵔⵣⵉⵏ ⴷ ⵓⵙⵎⵓⵜⵜⴳ ⵏ ⵜⴰⵏⴰⴹⵉⵏ, ⴷ ⵓⵎⴷⴰⵢ ⵏ ⵜⵕⵥⵢⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⴷ ⵓⵍⴰ ⵜⵉⵎⵙⵍⴰⵢⵉⵏ ⵣⴷⵉⵏⵉⵏ ⵙ ⵓⵙⵙⵓⴷⵙ ⴷ ⵓⵙⵖⵣⵏ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵖ ⴷⴰⵔ ⵜⵎⵜⵜⴰ ⵉⵎⵓⵏⵏ, ⴷ ⴰⵡⴷ ⵜⵓⵙⵙⵏⴰ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵣⵔⴼⵜ ⵜⴰⵎⵓⵜⵜⵉⵜ. ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵉⴳⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⴷⵔⴼⵉⵏ ⵜⵉⴳⴷⵓⴷⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴰⵙⵇⵇⵉⵎ ⴰⵏⴰⵎⵓⵔ ⵉⵜⵜⴼⵊⵊⵉⵊⵏ ⵙ ⵜⵙⵉⵎⴰⵏⵜ ⴳ ⵜⵎⵙⴽⵔⵜ ⵏ ⵜⵙⵎⵉⴳⴰⵍ ⵏⵏⵙ ⴷ ⵜⵉⵍⴰⵍ ⵏⵏⵙ ⴷ ⵜⵥⵍⴰⵢⵉⵏ ⵏⵏⵙ ⵙ ⵜⵡⵉⵍⴰ ⵏⵏⵉ ⵉⵜⵜⵓⵙⴹⵕⵚⵏ ⴳ ⵓⵙⵍⴳⵏ ⵓⵟⵟⵓⵏ 5 ⵏ ⵓⵙⴳⴳⵯⴰⵙ 2011, ⵉⵙⵡⵓⵜⵜⵙ ⴰⵙⴷⵓⵙ ⵏ ⵓⴼⵔⴰⴳ ⵏ ⵜⴷⵔⴼⵉⵏ ⵜⵉⴳⴷⵓⴷⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴷⵓⵙ ⵏ ⵜⵉⵏⴷⵉⵜⵉⵏ ⵏⵏⵙ ⴷ ⵓⴼⵙⵔ ⵏ ⵓⴼⵔⵔⴰ ⵙⵔⵙ ⴷ ⵜⴷⵔⴰⵡⵜ ⴳ ⵜⵏⴼⵔⵓⵜ ⵏ ⵜⵎⵙⴽⵔⵜ ⵏⵏⵙ ⴷ ⵓⵎⴷⴰⵢ ⵏ ⵜⵕⵥⵉⵢⵉⵏ ⵏⵏⵙ ⴷ ⵓⵙⵔⵇⴱ ⴷ ⵡⴰⵏⵏⴰⵍ ⵏ ⵉⵏⴳⵎⴰⵎⵏ ⵏ ⵡⴰⵎⵓⵏ ⵓⵖⵔⵉⵎ ⵉⵙⵡⵓⵔⵉⵏ ⵅⴼ ⵓⴼⵔⴰⴳ ⵏⵏⵙⵏ ⴳ ⵓⵡⴰⵏⴽ ⵏ ⵍⵉⴱⵢⴰ.
