ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴳ ⵓⵙⴰⵜⵉ ⵏ ⵜⴳⵉⵔⴰ ⵏ ⵓⵙⴷⴷⵉ ⵉⵜⵜⵡⴰⵥⵍⴰⵢⵏ ⵙ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴳ ⵓⵖⴰⵡⴰⵙ ⵏⵏⵙ ⴰⵢⵢⵓⵔⴰⵏ "ⴰⴽⵡⴰⵙ ⵏ ⵓⴼⵔⴰⴳ", ⵢⴰⵜ ⵜⵉⵏⴰⵡⵜ ⴳ ⵜⵓⴳⴳⵓⴳⵜ ⵉⵙⵡⵓⵜⵜⵙⵏ ⴰⵙⵎⵏⵉⴷ ⵏ ⵜⵖⵓⵔⵉ ⵅⴼ ⵜⴰⵏⴰⴹⵜ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ ⵅⴼ ⵜⵙⴱⴱⴰⴱⵜ ⵙ ⵉⵡⴷⴰⵏ ⴳ ⵍⵎⵖⵔⵉⴱ ⵏⵏⴰ ⴷ ⵜⵙⵙⵓⴼⵖ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⵣⴷⴰⵢ ⵏ ⵜⵎⴳⴳⵉⵜⵉⵏ ⵏ ⵓⵙⴱⴷⴷⵉ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴷ ⵡⴰⵔⴰⵢ ⵙⴳⵉⵙ, ⵎⴰⵢⴰ ⵏⵏ ⴰⵙⵙ ⵏ ⵓⴽⵡⴰⵙ 31 ⵎⴰⵕⵚ 2022 ⵙⴳ ⵜⵙⵔⴰⴳⵜ ⵜⵉⵙⵙ ⵚⴹⵉⵚⵜ ⴷ ⵓⵣⴳⵏ (18.30) ⴳ ⵜⴰⵙⵏⴰ ⵏ ⵓⵙⵇⵇⵉⵎ ⴳ ⴼⵉⵙⴱⵓⴽ. ⵉⴷⴷⴰ ⴷ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⴰⴷ ⴹⴰⵕⴰⵜ ⴰⵥⵍⴰⵢ ⵏ ⵓⵙⵇⵇⵉⵎ ⵙⵉⵏ ⵉⵏⵎⵓⵇⵇⴰⵔⵏ ⵉ ⵓⵙⵎⵏⵉⴷ ⵏ ⵜⵖⵓⵔⵉ ⴳ ⵓⵙⵍⴳⵏ ⵓⵟⵟⵓⵏ 27-14 ⵉⵥⵍⵉⵏ ⵙ ⵜⵙⴱⴱⴰⴱⵜ ⵙ ⵉⵡⴷⴰⵏ ⵏⵏⴰ ⴷ ⵉⴼⴼⵖⵏ ⴳ ⵖⵓⵛⵜ 2016, ⵜⵉⴳⵉⵔⴰ ⵏ ⵡⴰⵢⵢⵓⵔ ⵉⵏⵏⴰⵢⵔ 2022, ⴷ ⵓⵕⵥⵥⵓⵎ ⵏⵏⵙ ⵉ ⵢⴰⵏ ⵓⵎⴹⴰⴽⴰⵕ ⴰⵎⴰⵜⴰⵢ ⵅⴼ ⵉⵡⵜⵜⴰ ⵏ ⵓⵏⵀⵍⵍⴰ ⵏ ⵓⵏⴳⵉⵙⵏ ⵏ ⵓⴱⴽⴽⵉⴹ ⵏ ⵜⵙⴱⴱⴰⴱⵜ ⵙ ⵉⵡⴷⴰⵏ ⴳ ⵓⵙⵍⴳⵏ ⴰⵎⴰⵢⵏⵓ, ⵜⵉⴳⵉⵔⴰ ⵏ ⵡⴰⵢⵢⵓⵔ ⵏ ⴱⵕⴰⵢⵕ 2022. ⵔⴰⴷ ⵙⵡⵓⵔⵉⵏ ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ ⴰⴷ, ⵏⵏⴰ ⵔⴰⴷ ⵜⵕⵥⵎ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵅⴼ ⵓⵙⵎⵏⵉⴷ ⵏ "ⵜⴱⴱⴰⴳⵉⵏ ⵜⵉⵎⵇⵇⵔⴰⵏⵉⵏ ⵏ ⵜⴰⵏⴰⴹⵜ ⴷ ⵜⴱⵔⵉⴷⵜ ⵏ ⵓⵙⵎⵓⵜⵜⴳ ⵏⵏⵙ", "ⵜⴰⴷⵔⴰⵡⵜ ⵏ ⵉⵎⴷⵔⴰⵡⵏ ⵉⴳⵔⴰⵖⵍⴰⵏⵏ ⴳ ⵓⴱⵔⵉⴷ ⵏ ⵓⵙⵎⵀⵍ ⵏ ⵓⵙⵍⴳⵏ 27.14 ⴷ ⵜⵎⵉⵜⴰⵔ ⵏⵏⵙ ⴳ ⵜⴰⵏⴰⴹⵜ ⵜⴰⵏⴰⵎⵓⵔⵜ", "ⵜⴰⵖⵓⵔⵉ ⴳ ⵜⴰⵏⴰⴹⵜ ⴳ ⵓⵙⵉⴷⴷ ⵏ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ", ⴷ ⵓⵍⴰ "ⴰⵎⴹⴰⴽⴰⵕ ⵏ ⵜⴰⵏⴰⴹⵜ ⵜⴰⵏⴰⵎⵓⵔⵜ ⵙⴳ ⵜⵖⵎⵔⵜ ⵏ ⵡⴰⵎⵓⵏ ⵓⵖⵔⵉⵎ ⴰⵎⵖⵔⵉⴱⵉ". ⵉⴼⵓⴽ ⴰⴷ ⵏⵙⵙⴽⵜⵉ ⵎⴰⵙ ⵜⵙⵙⴼⴰⵡ ⵜⴰⵏⴰⴹⵜ ⵜⴰⵏⴰⵎⵓⵔⵜ ⵜⵓⴳⴳⴰⵙ ⵜⵉⵏⴰⵎⵓⵔⵉⵏ ⵏⵏⴰ ⵏⵏ ⵉⴳⴰ ⵍⵎⵖⵔⵉⴱ ⵙⴳ ⵍⵍⵉⵖ ⴷ ⵉⴼⴼⵖ ⵓⵙⵍⴳⵏ ⴰⵙⴳⴳⵯⴰⵙ ⵏ 2016 ⴷ ⵙⴳ ⵍⵍⵉⵖ ⵜⴻⵜⵜⵓⵙⵔⴰⵙ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⴰⵙⴳⴳⵯⴰⵙ ⵏ 2019 ⴳ ⵓⵙⵡⵉⵔ ⵏ ⵓⵙⵎⵓⵜⵜⴳ ⵏⵉⵖ ⴰⵣⴷⴰⵢ ⵏ ⵜⵙⵏⵜⴰⵢⵉⵏ ⵏⵉⵖ ⴰⵙⵎⵓⵜⵜⴳ ⵏ ⵉⵙⵎⵎⴰⵍⵏ, ⵎⴽⴷⴰ ⵜⴱⴷⴷ ⵜⴰⵏⴰⴹⵜ ⵅⴼ ⵓⵙⵓⵜⴳ ⵏ ⵉⴳⵉ ⴰⴳⴷⵓⴷⴰⵏ ⵅⴼ ⵓⵙⴱⴷⴷⵉ ⵏ ⵓⴱⴽⴽⵉⴹ ⴰⴷ ⴷ ⵓⵙⴱⴷⴷⵉ ⵏⵏⵙ.